II Korintho 5
5
1Pakuya timanya kukita nyumba yitu ya mbili wona yibomoleke, tiyii nayo nyumba kipitile pa Mulungu, nyumba nakujengeka na mawoko, ya miaka ni miaka, ya kunani. 2Pakukita chakaka pa uwu tiwuwula, kilalukile kufwatiwa na kanyumba kitu kipitile kunani: 3wona kwali pa kufwatiwa yatiwoneke nakuya wa ukengele. 4Ndawa chakaka tenga wa pa mbili uwu tiwuwula, pakuya wakutopeleka; nakuya kukita tilonda kufuliwa, koma tilonda kufwatiwa, nausi kufwa kumilike pa kulama. 5Leka uyu wakukitila tenga naha ayii Mulungu, wakutipela kinogelo kya Roho. 6Mumu pakutama wanya mioyo magono goha, na pakumanya kukita pakutama kwitu mu mbili, nakutama nu Bambo, 7(pakuya tigendagenda pa kiyitakiso nakuya pa kuwona); 8tiyii wanya mioyo, nijowa, ni tiwona kukita mbanga tisitama pa mbili, ni titame pa Bambo. 9Kwa iki kawili, tilalukila, pangi kwitu pangi nukuya kwitu, titame wakunganisa yombe. 10Pakuya tawoha tilinganila kulasika palongolo pa kitihu kya kupaula kya Kristo; nausi ayi yoha ayupe fila fya pa mbili, kwa ndingo wa makitiko gake, pangi manofu, pangi mawifu.
11Mumu pakumanya woga wa Bambo, tikopesa wandu, koma tilasika kwa Mulungu; na nihuwalila kukita tilasika kawili pa chengo kya pa mioyo yinu. 12Nakuya pa kawili kukwilumba kwa mwenga, koma tiwapela nyimu ya kwilumba pa mihalo ya tenga, nausi muye na kya kuwahigila wala wakwilumba kunja nakuya pa mioyo. 13Pakuya wona tilutila, kuku kwa Mulungu; pangi tiyihotola, kuku kwinu. 14Pakuya kugana kwake Kristo kutikikisa; pa kupaula wiwi, kukita yumonga akafwili pa mihalo ya woha, mumu woha wafwili; 15ni akafwili pa mihalo ya woha, nausi wakulama wakotoke kwilamila wene, koma wandamile uyu akafwili pa mihalo yawe ni akasyukiti kawili. 16Kwa iki tenga kitumbulile hino timmanya lepa haka mundu kwa ndingo wa nyama: leka haka tikammanyi Kristo kwa ndingo wa nyama, koma hino timmanya lepe kawili wiwi. 17Mumu wona mundu ayii mwa Kristo, ayii kapangiko ka hino: fya mwandi filutalili; lola, fikitiki fya hino. 18Koma fyoha kipitile pa Mulungu, uyu akatitepulanisi kwake pa Kristo, ni atipili kutumakila kwa kutepulanisa; 19kukita Mulungu akayili mwa Kristo kuutepulanisa ndima kwa yombe mwene, wangali kuwawalangila mahoko gawe, ni akawikiti pa tenga lilowe lya kutepulanisa.
20Mumu tenga tiyii watenga wake Kristo, ngati umu Mulungu apembesa pa ndomo pitu: tiwapembesa mwenga pandu pa Kristo mutepulanasike nu Mulungu. 21Yula wangali kumanya sambi, akankiti sambi pa mihalo ya tenga; nausi tiye ugolofu wake Mulungu mwa yombe.
Currently Selected:
II Korintho 5: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.