II Korintho 6
6
1Ni pa kukitana pamonga nuyombe tiwapembesa mwenga musiyupa neema ya Mulungu waka 2(pakuya ajowa,
Pa lukumbi lunofu nakuyufwini,
Ni pa ligono lya uyokosi nakutangatili:
lola, hino lukumbi lunofu; lola, hino ligono lya uyokosi): 3tisipeleka kiyi kyoha kya kukuwasa nakyo, nausi kutumakila kwitu kusijoweka; 4koma pa fyoha kwipeleka tawete, ngati wakutumakila wake Mulungu, pa kwisinga kwingi, 5pa mahumbuso, pa mafinyikiso, pa kukepeseka, pa kutoweka, pa kukungika, pa matimbilikano, pa mahengo ga kutopesa, pa kutama miho, pa kwinota fyakulya; 6pa uwalafu, pa kumanya, pa kwisinga, pa lukolo, pa Roho Mbalafu, 7pa kiganano kya chakaka, pa lilowe lya chakaka, pa mbafu ya Mulungu: pa fikopa fya ngondo fya ugolofu pa kiwoko kya kigosi ni kiwoko kya mangigi, 8pa kukwisika ni pangali liginiko, pa mbili yinofu ni mbili yiwifu; ngati wakukongesa, koma wa chakaka tiyii; 9ngati wangakumanyika, koma wakumanyika ngani; ngati wakufwa, na lola, tilama; 10ngati wakuyambulika, koma wangakomeka; ngati wakuniongoneka, koma wakuhekelela magono goha; ngati wagaju, leka tiwakita wakafi wingi; ngati wangali kandu, leka tiyii nafyo fyoha.
11Pa ndomo pitu pawadindulili mwenga, wa Korintho, mwoyo witu ukitiki wa kitando. 12Mwenga nukukepekeka pa tenga, koma mukepekeka pa mioyo yinu, 13Leka kwa uhemesi wakukilawusa wuwula (nijowa ngati kwa wana), mukitike na mwenga wa kitando.
14Musiwunganika lingolingoli na wala wangali kukela: pakuya kusyowelelana wuli ugolofu nu uwifu? nu lulangalila luhasangana wuli nu lwisi? 15Ni kuyufwangana wuli Kristo na Belial? pangi wakukela ayii ni lilundu wuli pamonga na wangakela? 16Ni kuyufwangana wuli hekalu ya Mulungu ni fifwilifwili? pakuya tenga tiyii hekalu ya Mulungu wakulama; ngati umu Mulungu akajowili, Yanihwele mwa wombe, ni kugendagenda pa wombe; na yaniye Mulungu wawe, nu wombe yawaye nsafi wangu. 17Kwa iki
Mupite kuhuma pa wombe, ni kwipatulila, ajowa Bambo,
Ni musipapasa kindu kya wafu;
Nu nenga yaniwayupe,
18Ni yaniye Dadi kwinu,
Ni yamuye kwa nenga wana wagosi na wadala, ajowa Bambo mwene mbafu syoha.
Currently Selected:
II Korintho 6: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.