Lukas 3
3
Yohanes mangadiris nafwibar Ratu Ni snyurat ber tomwatar
3:1-20
(Mat. 3:1-12; Mrk. 1:1-8; Yoh. 1:19-28)
1Kaisar Tiberius nose rai ma nfarete na Roma ngarak buti resin lim lo. Pontius Pilatus nose gubernur na propinsi Yudea, ma Herodes nfarete na Galilea. Herodes wainy Filipus nfarete na nus Iturea ma Trakhonitis, ma Lisanias nfarete na Abilene.#3:1 Kaisar: Noak a ne Kaisar Roma ye rai ma nfarete nusar yadin ma Israel a nbal. Gubernur: Tomwate ma nfarete propinsi sa. Herodes Antipas, Filipus ma Lisanias ye mangkuase tetrarki nre tomwate ma nkuase fardue yamprene. 2Noak a ne Hanas ma Kayafas reluk Yahudyar nir Mangsomp Silayar.#3:2 Boloka Hanas to neluk Mangsomp Silai lo nempa lolone ni kuase. Ne Ratu natanuk ber Yohanes, Zakharia anaky na ain letkape. 3Mpene Yohanes nti monuk yampren na wer Yordan seriny baldu, ma nafwibar ber tomwatar feti ka rtate nir salar ma radiris sir nema Ratu nlure sir. 4Yohanes ni mamae farlan ma rarengi na nabi Yesaya ni kitap dalam farye,
“Keta tomwatar sa nfalere na ain letkape feti,
‘Miflerap dalamtene ber Mangnrur Silai,
ma miflyonri dalamtene ber I.#Yes. 40:3-5
5Mfyan monuk ngolpir,
mifnese buburir ma lenir.
Miflyonri dalamtenar ma raleleku
ma miflawar dalamtenar ma rabubutu.
6Ma keta tomwatar monuk na saryamprene rsalan feti Ratu nfair Ni tomwatar nof nir salar!’”
7Ne tomwat ngayadin rti rakmat Yohanes ma nadiris sir, nempa i nfalak ber sir, “Hei tomwat yatkar a kmi! Ka kete mdyaun feti radiris a kmi mpa Ratu to nukun a kmi. #Mat. 12:34; 23:33 8Mpa miftutu mir wewelmpampane feti mtyate mir salar lo! Kete mdyaun feti empmir ber Abraham mpa keta Ratu nlure mir salar! Mdyengar ma kfwalak ber a kmi, Ratu Ni kuase ma nose batyar ye fen Abraham empuny nusiny.#Yoh. 8:33 9Ratu nose ma nukun tomwatar ma to rtate nir salar ma to rfatutu nir adat ngamonar. Ratu nose ma nukun sir feleles farlan tomwate ma nomat kmwayan ma nose ma nketan katutun nor wakrir monuk. Katutun ma bunir to nangafel keta rketan ma ryebas far au dalam.”#Mat. 7:19
10Ne tomwat ngayadin renrat Yohanes, “Farane e, kam mose farpe?”
11Yohanes nfalak ber sir, “Tomwate ma ni rabtyar du, ka nal sa ber tomwate ma to ni rabit. Ma tomwate ma ni tnyamar, ka nsaman a nbal ber tomwate ma to ni tnyam.”
12Mangtak ulbatyar a nbal rma ma rakmat Yohanes ma nadiris sir. Ne sir renrat i, “Tuangguru, ma kam e mose farpe?”#Luk. 7:29
13Yohanes nfalak, “Kete myal a mlyengan myof safe ma rtetak ber a kmi lo.”
14Suldadwar ma ramin a ne nbal renrat Yohanes, “Ma kam e? Keta mose farpe?”
Yohanes a nfalak, “Kete mtyean tomwatar ma myal nir dotyar, ma kete msyoi lamain tomwatar ma myal nir dotyar, fali mir sewe dengan ma myorip lo!”
15Noak a ne tomwatar yadin rdaf Ray Silai mpa raenrat na dalmir feti, Yohanes ye Ray Silai i ye lo e? 16Yohanes a nfalak ber sir monuk, “Yakw kal weye la kudiris a kmi, nempa tomwat sa ma nma ye keta nal Ratu Smwangtany ma au ma nadiris a kmi. Ni kuase nlengan nof yakw. Ma ktwatar Ni sabatwem firsir motak e, to ubangw. 17Ratu keta nukun tomwat yatkar na neraka farlan mangosboe ntaf kalin gandum kiktir. I nabutin gandum isnir na lumbung, ma kiktir e, nyebas far au ma nfolur dedesar.”
18Yohanes nal snyurtar yadin ber tomwatar noak ma i nafwibar Ibar Ngamone. 19Nempa Yohanes ndotar Herodes fali nafsau e wainy sawany Herodias. Herodes ye rai mangkuase Galilea. Yohanes ndotar i a nbal na ni adat yatkar ma nose ne lo.#Mat. 14:3-4; Mrk. 6:17-18 20Nempa rai ne nose ni adat yatkar a ntafal ma nal Yohanes far sel dalam.
Yohanes nadiris Yesus
3:21-22
(Mat. 3:13-17; Mrk. 1:9-11; Yoh. 1:32-34)
21Lama Yohanes nadiris monuk tomwatar a ne, nadiris Yesus a nbal. Noak ma Yesus nsampayang, langit ntakbanril, 22ne Ratu Smwangtany nose felany farlan manik merpati ma ntompur I. Ne liliri nof langit ma nfalak, “Ko ye Yakw Anakw ma kwamis Ko, ma mufsenange dalangw.”
Yesus empuny nusiny
3:23-38
(Mat. 1:1-17)
23Noak ma Yesus ntabw Ni karyae, Ni ngarak fafa buty tel. Ma tomwatar rdaun feti, Yesus ye Yusuf anaky.
Yusuf a ne Eli anaky.
24Eli ne Matat anaky,
Matat a ne Lewi anaky.
Lewi ne Malkhi anaky.
Malkhi ne Yanai anaky.
Yanai ne Yusuf anaky.
25Yusuf ne Matica anaky.
Matica ne Amos anaky.
Amos a ne Nahum anaky.
Nahum a ne Hesli anaky.
Hesli ne Nagai anaky.
26Nagai ne Maat anaky.
Maat a ne Matica anaky.
Matica ne Simei anaky.
Simei ne Yosekh anaky.
Yosekh a ne Yoda anaky.
27Yoda ne Yohanan anaky.
Yohanan a ne Resa anaky.
Resa ne Zerubabel anaky.
Zerubabel a ne Sealtiel anaky.
Sealtiel a ne Neri anaky.
28Neri ne Malkhi anaky.
Malkhi ne Adi anaky.
Adi ne Kosam anaky.
Kosam a ne Elmadam anaky.
Elmadam a ne Er anaky.
29Er a ne Yesua anaky, Yesua ne Eliezer anaky,
Eliezer a ne Yorim anaky.
Yorim a ne Matat anaky.
Matat a ne Lewi anaky.
30Lewi ne Simeon anaky.
Simeon a ne Yehuda anaky.
Yehuda ne Yusuf anaky.
Yusuf a ne Yonam anaky.
Yonam a ne Elyakim anaky.
31Elyakim a ne Melea anaky.
Melea ne Mina anaky.
Mina ne Matata anaky.
Matata ne Natan anaky,
Natan a ne Daud anaky.
32Daud a ne Isai anaky,
Isai ne Obed anaky.
Obed a ne Boas anaky.
Boas a ne Salmon anaky.
Salmon a ne Nahason anaky.
33Nahason a ne Aminadap anaky.
Aminadap a ne Admin anaky.
Admin a ne Arni anaky.
Arni ne Hezron anaky.
Hezron a ne Peres anaky.
Peres a ne Yehuda anaky.
34Yehuda ne Yakub anaky.
Yakub a ne Ishak anaky.
Ishak a ne Abraham anaky.
Abraham a ne Terah anaky.
Terah ne Nahor anaky.
35Nahor a ne Serug anaky.
Serug a ne Rehu anaky.
Rehu ne Peleg anaky.
Peleg ne Eber anaky.
Eber a ne Salmon anaky.
36Salmon a ne Kenan anaky.
Kenan a ne Arpakhsad anaky.
Arpakhsad a ne Sem anaky.
Sem a ne Nuh anaky.
Nuh a ne Lamekh anaky.
37Lamekh a ne Metusalah anaky.
Metusalah ne Henok anaky.
Henok a ne Yared anaky.
Yared a ne Mahalaleel anaky.
Mahalaleel a ne Kenan anaky.
38Kenan a ne Enos anaky.
Enos a ne Set anaky.
Set a ne Adam anaky.
Adam a ne Ratu anaky.
Currently Selected:
Lukas 3: YMD
Highlight
Share
Copy
Want to have your highlights saved across all your devices? Sign up or sign in
© Yayasan Pemberdayaan Masyarakat Desa © Wycliffe Bible Translators, Inc. All rights reserved.
