Jon 11
11
1An ieremim ker neterakamis, Lasaras le Bethani, nauanu taha Meri mene nohran Martha.
2An in Meri ka ierem rametepi Ieremera le nihinar mahmapel nelikin le nowanun, ierem numanin Lasaras ramakamis.
3An noinen mil netukhual ruan ton mamuani, Ieremera, ahm ru, ierem nakolkeikei rakamis.
4Mero Iesu netererou netereni, Nemisan uk resolan moma to nemisan mero to nevitan taha Wuhgin, moma Neri Wuhgin terepos nevitan ton.
5An Iesu rolkeikei Martha mene nohrekin mene Lasaras.
6An netererou moma rakamis, an neteramarik iken ramemarik iken nian kiu.
7An mun ka netereni to tan ieremim min, Pas karuan mun Judia.
8Tan ieremim min netakani ton, Ieremera, Ju min kamaitkoigen am uk to neruan ik, an ik nakavan mun iken?
9Iesu neteraram, Resolan moma aur katilum katilum mekiu le nian karena? Takama ieremim ker ramaliwak le nian, teresapitetelan, mero in ka ramahm knakakan le ten uk.
10Mero takama ieremim ker teraliwak lapin, terapitetel, mero in ka hnakakan rika lan.
11Netereni nar min uk, an mun ka netereni to ilar, Lasaras tetariel ramapul, mero tiakuan moma tiaksig in.
12An tan ieremim min netakani ton, Ieremera, takama ramapul, terepemiuh.
13Mero Iesu neterameni nemisan takan; mero ilar netakama rameni namigan le napulan.
14An Iesu netereni ete to ilar, Lasaras reknemis.
15An nekiuk ragien to kamiar mero in ka iemesarikan iken, moma tenakani nuparhienan lak.
16Mero pas karuan ton. An Tomas ierem netigen ker Didimas netereni to tan ieremim min pian min, Pas katar mun karuan mama teparemis was katar min.
17An Iesu neterua neterahm moma kenamrenumita le nian kuer.
18An Bethani iwaket to Jerusalem rolkoma ferlog 15.
19An Ju min ribor kamarua to Martha mene Meri mama takaikar vi kam ilau to numanin ilau.
20An Martha netererou moma Iesu rakava, an neteruan moma terol telpen in: mero Meri remamowata imwa.
21An Martha netereni to Iesu, Ieremera, takama ik nemamarik uk to numanuk repesemisan.
22An towek iakhinatin moma takama neta tenakahrapkin pen to Wuhgin, Wuhgin terepofena kam ik.
23Iesu netereni ton, Numanum terepermig mun.
24Martha netereni ton, Iakhinatin moma terepermig mun le nermigan mun le nian oatisig.
25Iesu netereni ton, Io nermigan mene nemihwan.
26Ierem tereni nuparhienan lak takama teremis mero terepemiuh, an ierem teremiuh mameni nuparhienan lak terepesemisan le nian min petum. Ik tenakani nuparhienan le nar uk?
27Netereni ton, Nuparhien, Ieremera, io iaknameni nuparhienan lan moma ik Kristo Neri Wuhgin ierem terua le ten uk.
28An neterenita nar uk neteruan maunin maniwan nohrekin Meri, mameni, Ieremera reknua mamaunin ik.
29An netererou neterermig hwaihwai am mua ton.
30An Iesu remesuean lauanu mero ramail ena iken Martha ramail tosig in iken.
31An Ju min ierem min kamaiwata ilar min imwa mamaikar vi ton netakaihm Meri ramermig hwaihwai am mier, netakaiuatisig in, mero in ka nekin ilar rakahmo moma rakavan iken kamrenumar iken moma teramasak iken.
32An Meri neterua iken Iesu ramail iken, an neterahm in neteram le nelikin mameni ton, Ieremera, takama ik nememarik uk takol numanuk repesemisan.
33An Iesu neterahm in ramasak, mene Ju min ierem min kamaiuatisig in kamaisak, neterameuken le nanumun, an nekin neteramahmapuk.
34An netereni, Nemeihlau in petuan? Netakani ton, Ieremera, ua ru mahm.
35Iesu neteramasak.
36Au Ju min netakani, Aihm ru, ramolkeikei parhien in.
37Mero nevin le ilar netakani, Ieremim uk ierem ramol nemri nemnou rait to resolan mun ieremim uk moma teresemisan?
38An Iesu nekin neteramouanouan mun, an neterua iken kamrenumar iken; an in le nepag, an hapiel rakamelpen lan.
39Iesu netereni, Arosita kapiel. Martha ierem numanin ka ramemis netereni ton, Ieremera, Le nian uk reknepien, mero in ka ramemis nian kuer.
40Iesu netereni ton, Iemesenian tonik moma takama tenakani nuparhienan lan tenepahm nevitan te Wuhgin?
41An netakarosita kapiel. An Iesu netereitet netereni, Tata, tiakani vivi ik mero in ka nemetelegin io.
42An iemhinatin moma nian min petum nakametelegin io; mero iemeni mero in ka to nahuto nerem kamailil elau‐elau moma takani nuparhienan lan mama ik nehmalipa io.
43An neterenita nar min uk, an neterasak le nakarapahman, Lasaras, ier mua.
44An ierem reknemis neterier kamelis nelikin mene nelimin le nar ituga to nerenumaran, an nemrin kameviu le napen. Iesu netereni to ilar, Arisin maruata lan pas ruan.
45Le nar uk Ju min nevin, nerem kamarua maihm Meri, Kamaihm nar in ramol netakani nuparhienan lan.
46Mero nevin le ilar netakaruan to Farisi min maiusito in kam ilar nar Iesu ramol.
47Le nar uk neremera le nuhwasigenan mene Farisi min netakarol nuhwafugenan te nerem asul, an netakani, Takarol neta mero in ka ieremium uk remol nimtatin rapus?
48Takama kaipas am mok lan, neremim petum tepani nuparhienan lan, an nerem Rom teparua marosita nauanu tetar mene nahuto tetar.
49An ker le ilar Kaiafas, ieremera le nuhwasigenan le nowa nu ka, netereni to ilar, Kamiar nakatiktik aken nar,
50An nekimiar reshoan moma ravit to kamiar moma ieremim karena teremis to nahuto, an nahuto petum tesaremisan.
51An remeseniatuan nar uk, mero in ieremera le nuhwasigenan le nowa nu ka an rameni aupan moma Iesu terepemis to nahuto.
52An resolan moma to nahuto pusen am ka, mero moma terhwafugen karena nereri Wuhgin kamos arir.
53An loanian ka mene netakaikar was lan mama takarhwapnin in.
54Le nar uk Iesu remesavan atou an mun le neki Ju min, mero remier iken muan le ten iwaket to nar leluan le nauanu netigen Ifraim, neteramarik iken ilar tan ieremim min.
55An Napitean te Ju min rekinwaket, an neremim ribor kamasipen ibat maruan Jerusalem aupan le Napitean mama takahipel ilar.
56An netakamaitkoigen Iesu, netakani to ilar min kamailil le nimwa ahwak, Nekimiar rakahmo neta? Moma terua le nauganan?
57An neremera le nuhwasigenan mene Farisi min netakaihlau nowa ton mama takama ieremim ker terhinatin iken remarik iken repetikun, moma takarhiapatin in.
Currently Selected:
Jon 11: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
