زبور ۵۱
۵۱
یو پنځوسم زبور
د بخښنې دپاره دعا
(د سرود ویونکو د مشر دپاره: د داود زبور، د هغه وخت په هکله چې ناتان نبي داود ته له هغې څخه وروسته راغی چې داود د بتشبع سره زنا کړې وه.)
1 په خاطر ستا د تلپاتې مینې خدایه
ما باندې رحم وکړه
ستا د لوی رحمت په سبب
له منځه یوسه ګناهونه زما
2 ته زما ټولې بدۍ ووینځه
او ما له خپلې ګناه پاک کړه ته
3 کړم اعتراف یاغیتوبونو باندې
تل یم خبر له خپلو ګناهونو څخه
4 ستا مقابل کې مې ګناه کړې ده
یوازې ستا په وړاندې
څه چې د ستا په نظر بد وو ما هغه کړي دي
نو ته په حقه یې زما د قضاوت په هکله
حق په جانب یې ته زما د محکومیت په هکله
5 له پیدایښت څخه بدي موجود وه زما وجود کې
د مور د ګېډې نه ګناه موجود وه زما بدن کې
6 ته زمونږ په زړه کې حقیقت خوښوې
ډکوې ذهن له حکمته زما
7 لکه کاهن چې پاکوي خلک
داسې پاک مې کړه په بوټي د وېلني
ووینځه ما چې شمه سپین له واورې
8 پرېږده چې وکړمه احساس د خوشحالۍ او خوښۍ
که څه هم مات مې دي هډوکي ټکولی دې یم
یوځلې بیا به زه خوشحاله شمه
9 سترګې دې پټې کړه زما په ګناهونو باندې
ټولې بدۍ زما له منځه یوسه
10 په ما کې پاک زړه راپیدا کړه خدایه
کړه راپیدا یو وفادار او نوی روح په ما کې
11 له خپل حضور څخه دې مه شړه ما
خپل سپېڅلی روح دې له ما مه وباسه
12 یوځلې بیا دې د نجات خوشحالي راکړه ماته
دې ته مې جوړ کړه چې د ستا اطاعت وکړمه زه
13 نو بیا به زه وښایم ستا لار بدکارانو لره
ګناهکاران بېرته را وبه ګرځي ستا لوري ته
14 خدایه ما وژغوره د وینې تویولو له جرمه
ای خدایه! زما نجات بخښونکی خدایه
په خوشحالۍ به زه نېکي د ستا اعلان کړمه
15 مرسته وکړه ته زما سره څښتنه
چې بیان کړم ستا ثنا
16 په قربانۍ نه خوشحالېږې ته
نو ځکه زه به هغه وړاندې نه کړم
نه خوشحالېږې سوځېدونکو نذرانو باندې
17 خدای ته چې غوره قرباني ده هغه مات روح دی
سپک به نه ګڼې عاجز او توبه ګار زړه
18 شه مهربانه په صهیون مرسته یې وکړه ته
کاندي دېوالونه د اورشلیم چې دوباره ودان
19 بیا به راضي شې په سمو قربانیو باندې
او سوځېدونکو نذرانو باندې
قرباني به شي غویان ستا د قربانۍ ځای کې
Currently Selected:
زبور ۵۱: APB
Highlight
Share
Copy
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from the Holy Bible in Afghan Pashto,
Copyright © 2023 UBS. Used by permission. All rights reserved.