زبور ۶۵
۶۵
پنځه شپېتم زبور
ستاینه او شکرګزاري
(د سرود ویونکو د مشر دپاره: یوه سندره کومه چې د داود زبور هم دی)
1 په کار ده په صهیون کې ستا ستاینه ای خدایه
هغه نذرونه درکوو به کوم چې مونږ منلي
2 په دې خاطر چې دعاګانې اورې
انسانان ټول به ستا حضور ته راځي
3 کله چې زیات شي ګناهونه زما
بخښې ته زما ټول جرمونه
4 بختور دی هغه څوک چې غوره کړی دی تا
چې تاته راشي او واوسیږي ستا سپېڅلي ځای کې
مونږ به ماړه شو ستا د کور په ښو شیانو باندې
او ستا د معبد برکتونو باندې
5 زمونږ خدایه ته مونږ ژغورې
ستا هیبتناکه عملونه راکوي ځواب
زمونږ د دعا د عدالت دپاره
ورکوې خلکو ته امید
د دنیا هر سر کې
حتی هغو ته چې اوسیږي لېرې بحرونو سره
6 تا په قوت باندې ملا وتړله
ځای په ځای کړي دي تا غرونه په خپل ځواک باندې
7 اراموې ته د سیندونو غرهار
او د څپو غړمبار
اراموې ته شور او زوږ د خلکو
8 تا چې کوم لویې کارنامې کړې دي
ټول خلک د جهان وېریږي
د نړۍ له یوه سره تر بل سره
ستا کارنامې راجوړوي د خوشحالۍ نارې
9 ته په ځمکه باندې پام کوې او باران وروې
غني کوې یې ته او حاصلخېزوې یې ته
ای خدایه سیند ستا د اوبو نه ډک دی
تیاروې غلې دانې خلکو ته
دا هغه څه دي چې کوې یې ته:
10 په قلبه شویو ځمکو باندې
ډېر زیات باران وروې
نرموې ځمکه په اوبو باندې
نرموې خاوره په اورښتونو باندې
او شنه کوې د لویېدو دپاره ته شنه بوټي
11 ستا په احسان باندې د ځمکې حاصلات
شول لکه تاج د ځمکې
چېرته چې ځې هرڅه پرېمانه وي
12 د دښتې شنې لمنې کیږي څړځایونه غني
او غونډۍ سپړي د خوښۍ غوټۍ
13 څړځایونه ټول وي ډک له پسونو
درې دي ټولې له غنمو ډکې
ټول شیان چیغې وهي
او د خوښۍ ډکې سندرې وایي
Currently Selected:
زبور ۶۵: APB
Highlight
Share
Copy
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from the Holy Bible in Afghan Pashto,
Copyright © 2023 UBS. Used by permission. All rights reserved.