Jěnisis 5
5
1Ekae ndi ejanganangobo ya mbamba ja Adam. O buhwa bwa Anyambě bo velaki moto, na egâlani ya Anyambě nd‘ eaju e velanaki mâ;
2A velaki bâ momo na mwajo; ka Mâ‐a vambiya bâ ibâtâ, ka Mâ‐a vangidě dina jabu Adam, o buhwa bwabu bo velakudwě.
3¶ Ka Adam a diya kama pâkâ na mabo ma mepuma malalo, ka mâ‐a ja mwa‐momo a kwanaka mâ, na egâlan‘ ’aju mětě; ka mâ‐a vangidě mâ dina na Sěth.
4Hwi ja Adam i diyakindi, o mâ‐a běkidi Sěth jango, kama ja mepuma logwambi; ka mâ‐a ja babamo na babajo.
5Hwi ja Adam jěhěpi i diyakindi kama ja mepuma ibuwa na mabo malalo: ka mâ‐a wa.
6¶ Ka Sěth a diya kama ya mepuma pâkâ na mepuma metano, ka mâ‐a ja Inos.
7O Sěth a běkidi Inos jango, ka mâ‐a diya kama ja mepuma logwambi na mepuma hěmbwědi, ka mâ‐a ja babamo na babajo.
8Hwi ja Sěth jěhěpi i diyakindi kama ja mepuma ibuwa na jomu na mepuma mebale: ka mâ‐a wa.
9¶ Ka Inos a diya mabo ma mepuma ibuwa, ka mâ‐a ja Kenan.
10Ka Inos a diya, o mâ‐a běki Kenan jango, kama ja mepuma logwambi na jomu na mepuma metano, ka mâ‐a ja babamo na babajo.
11Hwi ja Inos jěhěpi i diyakindi kama ja mepuma ibuwa na mepuma metano; ka mâ‐a wa.
12¶ Ka Kenan a diya mabo ma mepuma hěmbwědi, ka mâ‐a ja Mahalelil.
13Kenan a diyakindi, o mâ‐a běkidi Mahalelil jango, kama ja mepuma logwambi na mabo ma mepuma manai, ka mâ‐a ja babamo na babajo.
14Hwi ja Kenan jěhěpi i diyakindi kama ja mepuma ibuwa na jomu ja mepuma: ka mâ‐a wa.
15¶ Ka Mahalelil a diya mabo ma mepuma utoba na mepuma metano, ka mâ‐a ja Jerěd.
16O Mahalelil a běkidi Jerěd jango, ka mâ‐a diya kama ja mepuma logwambi na mabo ma mepuma malalo, ka mâ‐a ja babamo na babajo.
17Hwi ja Mahalelil jěhěpi i diyakindi kama ja mepuma logwambi na mabo ibuwa na mepuma metano; ka mâ‐a wa.
18¶ Ka Jerěd a diya kama ya mepuma pâkâ na mabo utoba na mepuma mebale, ka mâ‐a ja Inok.
19O Jerěd a běkidi Inok jango, ka mâ‐a diya kama ja mepuma logwambi, ka mâ‐a ja babamo na babajo.
20Hwi ja Jerěd jěhěpi i diyakindi kama ja mepuma ibuwa na mabo utoba na mepuma mebale; ka mâ‐a wa.
21¶ Ka Inok a diya mabo ma mepuma utoba na mepuma metano, ka mâ‐a ja Methusela.
22Ka Inok a tamuwa na Anyambě, o mâ‐a běkidi Methusela jango, kama ja mepuma ilalo, ka mâ‐a ja babamo na babajo.
23Hwi ja Inok jěhěpi i diyakindi kama ja mepuma ilalo na mabo utoba na mepuma metano.
24Ka Inok a tamuwa na Anyambě; au diyaka pě; ikabojana Anyambě a nângâki mâ.
25Ka Methusela a diya kama ya mepuma pâkâ na mabo logwambi na mepuma hěmbwědi, ka mâ‐a ja Lemak.
26O Methusela a běkidi Lemak jango a diyakindi kama ja mepuma hěmbwědi na mabo logwambi na mepuma mebale, ka mâ‐a ja babamo na babajo.
27Hwi ja Methusela jěhěpi i diyakindi kama ja mepuma ibuwa na mabo utoba na mepuma ibuwa: ka mâ‐a wa.
28¶ Ka Lemak a diya kama ya mepuma pâkâ na mabo logwambi na mepuma mebale, ka mâ‐a ja mwa‐momo.
29Ka mâ‐a vangidě dina jaju na Noa, na, Mâ ekaně nd‘ a ka kehě hwě o pělě ya behavu na njuke ja benâ beahu na tina ya he ya Jěhova e di hâkângo.
30Ka Lemak a diya, o mâ‐a běkidi Noa jango, kama ja mepuma itano na mabo ibuwa na mepuma metano, ka mâ‐a ja babamo na babajo.
31Hwi ja Lemak jěhěpi i diyakindi kama ja mepuma hěmbwědi na mabo hěmbwědi na mepuma hěmbwědi: ka mâ‐a wa.
32Noa a diyakindi kama ja mepuma itano utodu: ka Noa a jaki Shěm, na Ham, na Jafěth.
Currently Selected:
Jěnisis 5: BNG1895
Highlight
Share
Compare
Copy
Want to have your highlights saved across all your devices? Sign up or sign in
Published by the American Bible Society in 1895, 1926.
