1 Hakorinte 2
2
Yiyaghura yaPaghulusi
1Yokukwange mwayendhange, apa neyire kukwenu na ni mu yuvithe thithithatero thokuyara thoghushemwa waNyambi. Mbadi neyire noman̂ando ghomakuru, ngambi yitwetha yokupiterera. 2Ame ne mbadi neyire nodighano dyokughamba nenu yayo‐nayo, shimengwa yokwaJesus Kristusi yu ha pamarerire. 3Ame na dimukire ghukashu wange nowoma ghoghukuru noghututukwa apa neyire kukwenu. 4Mbudhi dhi na yuvithire dho dhina mu tawitha. Kadi muyitwetha no muyighamba mwene, ene pangcamu dhothirughana thaMupepo. 5Yodigho, matawero ghenu maghana ghemana mughunya‐nyami wawanu. Ene pangcamu dhaNyambi.
Yihokora yoPamupepo waNyambi
6Shemwa yi tuna kuyuvitha ne yaghunya‐nyami. Ene kwawa ha yidimuka keho. Ndani ghunya‐nyami ghu ne, kadi wakaye kano ngambi hapanguri hokaye kano. Awo ne karo ha tunda po pano. 7Eyi tuna kuyuvitha ne ghunya‐nyami waNyambi. Ghushemwa ghothithithatero ghu wapwa kundeka no ghu gha pakire po Nyambi kuroruhe kudifumanekero dyetu. 8Noyofotji temba muraghuri ghokaye kano yu gha ghu‐dimukire ghunya‐nyami ghuno. Ngo ha ghudimukire, ngo mbadi ha pamarerire Fumu ghomukadikuto. 9Ene thika di yapwa kutjanga eshi:
“Eyi dya dhirire kumona diho
no yi dya dhirire kuyuva ditwi,”
no yi yadhira kutwa kumutjima wamunu,
Nyambi ne gha yiroghithera koyu gha mu haka.
10Kukwetu gha yi tu dimukithire Nyambi paMupepo. Yoyishi Mupepo wa rondonona yinu yoyihe. Ngambi yithithatero yoghudhungi waNyambi. 11Yidye yu gha dimuka yi yonda mwamunu. Shimengwa mupepo ghu wa kara mumwendi? No kemo karo noyofotji temba gha dimuka yi yonda mwaNyambi, shimengwa Mupepo waNyambi. 12Mupepo ghu twa tambura twe, kadi mupepo ghokaye, ene Mupepo ghu wa tunda mwaNyambi. Po twa dimukera n̂eke dhi gha tupa Nyambi nyara‐nyara.
13Eyi ne yo tuna kuyuvitha natwe karo. Mbadi tuna kuhongitha noman̂ando ghoghunya‐nyami wawanu. Ene noman̂ando ghaMupepo tuna kuhongitha. Kemo tuna kutjwathanitha yinu yoghupongoki noman̂ando ghaMupepo. 14Munu yu gha dhira kukara noMupepo waNyambi, mbadi ghana kutawa yinu yaMupepo waNyambi. Kukwendi ye ne mbango yi. Aye mbadi wa kukona kuyitjwathana karo. Yoyishi ha yitetera mumupepo. 15Munu yu gha kara noMupepo waNyambi, gha kona kutetera paro dhoyinu yi yoyihe. Aye thinda ne mbadi gha kona kumutetera munu. 16Yapwa kutjanga eshi:
“Yidye yu gha dimuka yihima yaFumu?
Yidye mbo gha mupa dighano?”
Ene twe, noMupepo waKristusi twa kara.
Currently Selected:
1 Hakorinte 2: MHW1986
Highlight
Share
Compare
Copy
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986