Luc 12
12
Wemani asi enyepa Ă©amiĂ´nya
(Bono na Matt. 10:26–27)
1Gô ndéô nene, ane amakôvanaka gôéôkô meekédu maJésus amabaka géômbé gévôni éyekee ga mabunza gô pindi, amayetanaka anguene n’anguene. Jésus amavovo te n’aneengie mbe: Ebégôe évôni, nôwema gô levurene éApharisien. Levure ékegea mbe ényepee yaô éamiônya. 2Eetso émasuéguni éngaba ématsutsuuni na éetso éav’esooe éngaba v’ekanga. 3T’ebandô éetso émavovo anye gô tsina évitsi éngookanô n’omanda. Ene émavovo anye tsovisovi gô matô makanyô gô gatse atsongo émabandékuni, éngatemu éta va ngenge amôkii.
One ookanĂ´ gomo
(Bono na Matt. 10:28–31)
4Jésus amavovo mbe: Me navovo te n’anye nôvamba n’ami. Nômbiookô oma gomo ane andé na ngudi yeyôha yôtô yanyô. Vangamanangô énôyôha, va mbenene vane asabadô na éne ébégô. 5Oôkôni geevéda me anye. Buedi gôéôkô Nzambé gomo. Vangayôhu ôtô, Nzambé andé na wene ôwa, te ône agô mungu asoto. Ii, nanôevéda te nane. Oôkôni Nzambé gomo.
6Tônyoyi tôtayi tôsômbédu dode dibaé. Buéyé vane amuene Nzambé asabômu ta na vinyoyi vivo. 7N’anye oma ôtangôe atsôgéye yanyô, Nzambé asabômu angô. T’ebandô neendi mbe: Nômbiôôkô gomo. N’anye na nyoyi diyekani, te môma ootéa na tsoongo va mbene aNzambé.
Ane amema JĂ©sus na ane atĂ´na JĂ©sus
(Bono na Matt. 10:32–33, 12:32, 10:19–20)
8Jésus angô mbe: Muetso ane amema me va mbene oma mbe: Me te môma aChrist, me dôta Muana Amôma nangamômema va mbene asi g’ôba ayanzie aNzambé. 9Ivô ône atôna me va mbene oma, me dôta Muana Amôma nangamôtôna va mbene asi g’ôba, ayanzie aNzambé mbe: Tsamômenya.
10One eenza me Muana Amôma, andé na ngudi yesingéô kokoo. Géé ône eenza Gédidi SaNzambé asangasingéô kokoo.
11Vangakedu anye gôétsundédu gô yeba yewanyéô na vangatemedu anye va miso makitsi amisoso, n’ane atômani, nômbiakebangana môtangôe ônganigôa anye, na mônongoe ôngayuéga anye. 12Vangaba anye va mbene atsundédi, nigôani te éne éngeetsô anye na Gédidi SaNzambé gôénigôa.
Tsava éagékiti gémabaka n’odungé
13Va géômbége, môma môvo amavovo na Jésus mbe: Môékédi, beenda muaneya mbe akabé n’ami mikuanyamie mimatsikéô we na téta. 14Jésus ameevôa angô mbe: ?Mômôgôô nôo ône asôi me mbe môtômi anye na môkabine anyô indaa? 15Na Jésus angô mbe: Nôwema kabaga nôba n’onzôô okiti. Buéyé mbe ôkiti ôvôni, monyo amôma ôsaba gô éne. 16Vane, Jésus amagunya ahngô tsava mbe: Gômabaka gékiti na tsaga yedi. Tsagaye dimabôta môyakô ôyekani. 17Gékiti amasôbasôbana gô môtémedi mbe: ?Nangeenda nayee? Gôsabadô tungu gôésuéga môyakôe ôviga gô tsaga yami. 18Amatasa amuene mbe: Ene éngeenda me te nani. Nangapanzéda yeba yami yambeego dikeneô môyakôe. Nangasaa yene dipôni gôékôkéga môyakô na migônô n’okiti ami wetso. 19Na me nangavovo na gédidi sami mbe: ôdôngi. Me nandé n’okiti amipuma miyekani. Nadigaa. Naaka. Nanyua. Natsôkéa. 20Nzambé amavovo n’edi mbe: Ewe, ti gédungé. Ti na pitsine, gédidi soo géngabambéô. Ongawa. ?Eetso émasuéga éwe éngaba éanda? 21Jésus amanigôa mbe: Endé te nane. Gôndé amuene môma andé gékiti, ivô va miso maNzambé andé ti môsuga.
Digaakani gébé na mikebanganô
(Bono na Matt. 6:25–34)
22Jésus amavovo n’aneengi edi mbe: Oôkôni gavovo me n’anye. Nômbiakebangana gô môyakô ôngaa anye gô monyo ôdôô. Nômbiakebangana béyé gô maduani mangaatanye gôékenea yôtô yanyô. 23?Monyo ôsootéa môyakô-ma? ?Otôe ôsootéa maduani-ma? 24Bononi nyoyi diveea gô ngongo. Nyoeye dine disagaaba tsaga, na disakuéga migônô. Disakata môyakô gô papa na disasuéga môyakô gô gétada. Ivô Nzambé abôngôa nyoeye dine. ?N’anye, na nyoeye, ône ootéa na tsoongo va mbene aNzambé indaa? Te anye oma. 25?Môma ndé va gatse anyô angoongôa ékondéga pitsiye yedi yava tsina gô ngudi yamikebanganô? 26Okô anye nôsaba na ngudi yetsimaméda mane magemage ?nayee nôkebangana gô mane mavôni? 27Tasani mônongoe évunda éétété éagô pindi. Enyepa na yabi yaô na ébôta miônda. Ivô éangô ésatsogo n’eyanza na ésagomo mikanda. Me nanôbeenda mbe, buéyé na môtômine Salomon, ône amabaka n’ondômba ôvôni asiaaté maduani mamisôba gaata éététée. 28Nzambé aatéda éétété na mabunza magô pindi gô mônongo waô ônyepani, na éangô éndé éapitsi épo. Mene éngabéku gô soto. Tambô gôndé anye oma ?Nzambé asangootéa éaatéda anye éamisôba-a? Gô mane moongôa Nzambé éyanza, paga yanyô dipo. 29Tambô nômbiatsogo gôébuta éne éngaanye na éne énganyuanye. 30Te asi tsengene, ane asavamba na Nzambé abuta yômee éne. Ivô anye nôndé na tétanyô amenya éetso ébuta anye gôénôdôngéda gô tsina. 31Pangani ébuta te mane mokumu aNzambé na vane amuene anganôkôndéga évo yôma ébutanye.
Meekédu mokiti ôkeneô g’ôba
(Bono na Matt. 6:19–21)
32Nômbieena gomo anye mandombo mami, béyé gandé anye vipesu viami viôbua. Menyani mbe Nzambé eena ti gényônga gôénôétsa ôkumue wedi. 33Sômbédani ôkitie wanyô. Itsani misuga dodeye dingadiianye. Gényôgani gôédiia gékeneoge sadode gésatubégani. Vagani ôkitie wanyô gô tsenge ag’ôba. Gône ôsangadimbana. Eesuie asangaôdenga. Mangbangba masangaôbunza. 34Môtémoo ôndéké gô tungune évagewe ôkitie woo.
Ayanzie asaba gĂ´ vio
35Bakani kuanakue gôéaabéa ône anganôbambéa gôéyanza. Eenéani angô nômoodeda mikandamie mianyô na mikodi. Digaani na dambi yanyô diyôani. 36Bakani gandé ayanzie eenéa kumu aô aviga gô yômba. Digaani na vôkaa gôémôkukuéa ebee vangabôkédangô. 37Ti gô gényônga géndé na ayanzie ane adenganiô na kumu aô andé misiki gébé gô vio. Nanôbeenda na gô pie mbe amuene kumu eyanzee angakoga môyanzi. Angadigéda ayanzie va tabudé gôéétsa ahngô môyakô. 38Okô kumu éeyanzee atsigi gô ebedi va gatse apitsi, buéyé mbe tsôsôye yamapanga, n’angô adenga ayanzie andé misiki gôémôenéa, aanakani gangatsôkéa ayanzie. 39Nôsabômu mbe kumu eba mbe amenya ndéône éngaviga muisui, angô mbe asangamôsingéa apada ebee. 40Bakani nômakoamani kuanakue gôévengéa me, gôébégô me Muana Amôma nangaviga gô ndéône ésangatasanye.
MĂ´yanzi agobedani na mĂ´yanzi asagobedani
(Bono na Matt. 24:45–51)
41Pierre ameevôa Jésus mbe: ?Kumu tsavane égunyi éwe te gôndé we atévo-a? ?Vo te na gôndé oma muetso-a? 42Kumu Jésus amamônigôa gô nyene tsava mbe: ?Môyanzine eodo na agobedani indaa? Te kote eetsiô na kumune éedi ôtômu gôékenea ebee na gôékabéa avo ayanzi môyakô gô ndéô yetso dinyôngéô ahngô. 43Kote nene angatsôkéa na gényônga vanganika kumu éyanzee na adenga kotene andé gôékabéa n’akedi môyakôe. 44Nanôbeenda na gô pie mbe, kumu éyanzee angeetsa kotene ényanga évôni gôékenea n’okitie wedi wetso. 45Ivô ôkô kote atasi gô môtémedi mbe: Môtômine wami adinga éviga. N’angô abandôa égenya n’ayanzi n’edi. Aaka na anyuaka na adanga. 46Vane kumu éyanzee angaviga gô nyee ôsangamenya kotene. Angaviga gô ndéône ésangatanganéda angô mbe, kumu angaviga. Kumu éyanzee angamôsiséda tsôgôô édagani gasisédu ane asagobedani.
47Gôndé kote nene asabômu ganyôngéô kumu edi, n’angô asadigaa kuanakue gôémôenéa, na asagobeda éne étôma kumu edi, angeetsô tsôgôô gôébômôu pingô yamibitô. 48Géé kotene asamenya éne ényôngéô kumu edi, na ayanza te mane masanyôngéô ône atômani, angô dôta angasisédu. Angeetsô tsôgôô ivô asangabômôu pingô yamibitô gôébégô asimenye éne émanyôngéô kumu edi. Endé te nane. One adeekedu éyekani angaduku dôta te éyekani. One amasevôu gô ényangee évôni, abonu dôta mbe atubédé mayanza mavôni.
Ina aJĂ©sus Ă©tatĂ´a oma
(Bono na Matt. 10:34–36)
49Jésus angô mbe: Me namaviga gôéaagéda soto na gô tsinane nyetso. Ah ti mbe namaniki étumba. 50Gô mbene gôndéké bateme épôni éngeenôô me. Me ta madeo tsiinôô yangô, ôtôe ôgembanô na maguga. 51Menyani mbe me tsiviga gôévambeda oma ava tsina na gétabé. Ivô navigi gôéaaganédana oma. 52Bandôa deo noo asi ebovo andé oma atayi angatatôana. Atatô gésa gévo. Gévo gésa dôta abaé. Abaé angaagana n’atatô. Atatô dôta angaagana n’abaé. 53Tétee angaagana na muanedi amômôgôô. Na muanamômôgôô angaagana na tétedi. Iyee angaagana na muanedi amôgeto. Na muanamôgeto angaagana na yeedi. Môgeto na yeene amômiedi angaagana te mônongovo.
Menyani émbégéa éevédani
(Bono na Matt. 16:2–3)
54Jésus amavovo na géômbége mbe: Anye, veenanye ôbôngé ôndé gésa géviga kômbéne, nôénda mbe: Ti deo noo, mbuuane énganyogo. Na te yangô nyogogo. 55Vookô anye ôpunga ôviga gésa gédongu nôénda mbe: Ti deo gôngaba géviôviô. Na gô pie te sangô bakaga. 56Anye asi ényepa éamiônya, nôsabômu émbégéa éatsinane na ôbee ?ivô nayee nôsamenya émbégéa éandéône étôndéni édué-a?
Kônzaka ébégôe n’one agôduduni
(Bono na Matt. 5:25–26)
57?Anye nôsamenya ésevoa éne éndé kuanakue gô mane matsundédanye nayee? 58Okô môkoo agôtsuéa môsunda, yavôga ékônza ébégôe n’edi nôgébaka gô nzéa madeo nôsibuéa gô eba amisoso, kabaga ébégôe éba évôni va mbene agévovi, na kabaga gévovi agôétsa môgode, na kabaga môgode agôengéda gô tsogôô. 59Na gô pie nanôbeenda mbe ôsangakusa gô eba atsôgôô ta madeo ôsivana ébômée éne.
Currently Selected:
Luc 12: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
