Nau Ntơm 36
36
Noi deh Y-Êsau
1Aơ jêng noi deh Y-Êsau, nây jêng Êđôm. 2Y-Êsau sŏk pe nuyh ur tâm phung bu ur n'gor Kanaan, nây jêng: H'Ada, kon bu ur Y-Êlon, bunuyh Hitit; H'Ôhôlibama, kon bu ur Y-Ana, mon Y-Sibêôn, bunuyh Hivit;#Ntơm 26:34. 3jêh ri H'Basmat, kon bu ur Y-Ismaêl, ăt jêng oh bu ur Y-Nêbajôt.#Ntơm 28:9. 4H'Ada deh Y-Êlipas ma Y-Êsau; H'Basmat deh Y-Rêuel; 5bi H'Ôhôlibama deh Y-Jêush, Y-Jalam, jêh ri Y-Kôra. Aơ jêng phung kon bu klâu Y-Êsau bu deh ma păng tâm n'gor Kanaan.
Êsau ta yôk Sêir
6Y-Êsau leo ur păng, kon bu klâu, kon bu ur păng, lĕ phung bunuyh tâm ngih păng, lĕ phung biăp, mpô mpa rong jêh ri lĕ rngôch drăp ndơ păng hŏ njêng jêh tâm n'gor Kanaan, hăn tâm n'gor êng, ngai bơh Y-Yakôb, oh păng. 7Yorlah drăp ndơ khân păng âk ngăn, kŏ tât khân păng mâu dơi ôh dơi rêh ndrel; n'gor khân păng gŭ nây mâu dơi tŏng ôh ma lĕ phung mpô mpa rong khân păng. 8Pôri, Y-Êsau, nây jêng Êđôm, gŭ tâm nkual klơ dor yôk Sêir.
Noi Deh Êsau
9Aơ jêng noi deh Y-Êsau, chô yau phung Êđôm, gŭ tâm nkual klơ dor yôk Sêir. 10Phung kon bu klâu Y-Êsau jêng Y-Êlipas, kon bu klâu H'Ada, ur Y-Êsau, Y-Rêuel kon bu klâu H'Basmat, ur Y-Êsau đŏng. 11Phung kon bu klâu Y-Êlipas jêng Y-Têman, Y-Ômar, Y-Sêphô, Y-Gatam jêh ri Y-Kênas. 12H'Timna, ur yông Y-Êlipas, kon bu klâu Y-Êsau, H'Timna deh Y-Amalek. Nây jêng phung sau H'Ada, ur Y-Êsau. 13Aơ jêng phung kon bu klâu Y-Rêuel: Y-Nahat, Y-Sêra, Y-Sama jêh ri Y-Misa. Nây jêng phung sau H'Basmat, ur Y-Êsau. 14Jêh ri aơ jêng phung kon bu klâu H'Ôhôlibama, ur Y-Êsau, kon bu ur H'Ana, sau Y-Sibêôn. Păng deh ăn ma Y-Êsau: Y-Jêush, Y-Jalam, jêh ri Y-Kôra.
15Aơ jêng phung kôranh ndŭl mpôl phung kon sau Y-Êsau: Phung kon Y-Êlipas, kon bu klâu bôk rah ma Y-Êsau, kôranh ndŭl mpôl Y-Têman, kôranh ndŭl mpôl Y-Ômar, kôranh ndŭl mpôl Y-Sêphô, kôranh ndŭl mpôl Y-Kênas, 16kôranh ndŭl mpôl Y-Kôra, kôranh ndŭl mpôl Y-Gatam, jêh ri kôranh ndŭl mpôl Y-Amalek. Phung kôranh ndŭl mpôl nây luh bơh Y-Êlipas tâm n'gor Êđôm, jêng phung sau H'Ada. 17Aơ jêng phung kon bu klâu Y-Rêuel, kon Y-Êsau: kôranh ndŭl mpôl Y-Nahat, kôranh ndŭl mpôl Y-Sêra, kôranh ndŭl mpôl Y-Sama, jêh ri kôranh ndŭl mpôl Y-Misa. Nây jêng lĕ kôranh ndŭl mpôl luh bơh Y-Rêuel tâm n'gor Êđôm, jêng phung sau H'Basmat. 18Aơ jêng phung kon bu klâu H'Ôhôlibama, ur Y-Êsau: kôranh ndŭl mpôl Y-Jêush, kôranh ndŭl mpôl Y-Jalam, jêh ri kôranh ndŭl mpôl Y-Kôra. Aơ jêng lĕ kôranh ndŭl mpôl luh bơh H'Ôhôlibama, ur Y-Êsau, kon bu ur H'Ana. 19Phung nây jêng phung kon bu klâu Y-Êsau, nây jêng Y-Êđôm, jêh ri phung kôranh ndŭl mpôl khân păng.
Phung kon bu klâu Y-Sêir
20Aơ jêng phung kon bu klâu Y-Sêir, bunuyh Hôrit, phung ƀon tơm: Y-Lôtan, Y-Sôbal, Y-Sibêôn, Y-Ana, 21Y-Disôn, Y-Êser, jêh ri Y-Disan. Nây jêng phung kon Y-Sêir, kôranh ndŭl mpôl Hôrit, tâm n'gor Êđôm. 22Phung kon bu klâu Y-Lôtan: Y-Hôri jêh ri Y-Hêman; oh bu ur Y-Lôtan jêng H'Timna. 23Phung kon bu klâu Y-Sôbal jêng: Y-Alvan, Y-Manahat, Y-Êbal, Y-Sêphô, jêh ri Y-Ônam. 24Phung kon bu klâu Y-Sibêôn jêng: Y-Aiya jêh ri Y-Ana. Y-Ana nây jêng nơm joi saơ tu dak duh tâm bri rdah dôl păng chiăp seh bri ma Y-Sibêôn mbơ̆ păng. 25Phung kon bu klâu Y-Ana jêng: Y-Disôn jêh ri H'Ôhôlibama, kon bu ur Y-Ana. 26Phung kon bu klâu Y-Disôn jêng: Y-Hêmdan, Y-Êsban, Y-Itran jêh ri Y-Kêran. 27Phung kon bu klâu Y-Êser jêng: Y-Bilhan, Y-Savan, jêh ri Y-Akan. 28Phung kon bu klâu Y-Disan jêng: Y-Us jêh ri Y-Aran.
29Aơ jêng lĕ phung kôranh phung ƀon lan Hôrit: Kôranh ndŭl mpôl Y-Lôtan, kôranh ndŭl mpôl Y-Sôbal, kôranh ndŭl mpôl Y-Sibêôn, kôranh ndŭl mpôl Y-Ana, 30kôranh ndŭl mpôl Y-Disôn, kôranh ndŭl mpôl Y-Êser, jêh ri kôranh ndŭl mpôl Y-Disan. Nây jêng phung kôranh ndŭl mpôl tâm phung ƀon lan Hôrit, tâm n'gor Y-Sêir.
Phung hađăch n'gor Êđôm
31Aơ jêng phung hađăch chiă uănh n'gor Êđôm êlor phung Israel geh phung hađăch chiă uănh: 32Y-Bêla, kon bu klâu Y-Bêôr, chiă uănh n'gor Êđôm; amoh ƀon hađăch jêng Dinhaba. 33Hađăch Bêla khĭt, Y-Jôbap, kon bu klâu Y-Sêra, phung Bôsra, chiă uănh ntrok păng. 34Hađăch Jôbap khĭt, Y-Husam, bunuyh n'gor Têman, chiă uănh ntrok păng. 35Hađăch Husam khĭt, Y-Hadat, kon bu klâu Y-Bêdat, chiă uănh ntrok păng. Hađăch aơ hŏ dơi jêh đah phung Madian ta mir Môap; jêh ri ƀon hađăch jêng Avit. 36Hađăch Hadat khĭt, Y-Samla, phung Masrêka, chiă uănh ntrok păng. 37Hađăch Samla khĭt, Y-Sôl, phung Rêhôbôt, gŭ mpeh pa lơ dak krong, chiă uănh ntrok păng. 38Hađăch Sôl khĭt, Y-Baal-Hanan, kon bu klâu Akbôr, chiă uănh ntrok păng. 39Hađăch Baal-Hanan kon bu klâu Akbôr khĭt, Y-Hadat chiă uănh ntrok păng. Amoh ƀon păng jêng Pau; amoh ur păng H'Mêhetabel, kon bu ur H'Matret, sau bu ur Y-Mêsahap.
40Jêh aơ jêng phung kôranh ndŭl mpôl luh bơh Y-Êsau, kuăl tĭng ndŭl mpôl, ntŭk gŭ jêh ri amoh khân păng: kôranh ndŭl mpôl Y-Timna, kôranh ndŭl mpôl Y-Alva, kôranh ndŭl mpôl Y-Jêtet, 41kôranh ndŭl mpôl Y-Ôhôlibama, kôranh ndŭl mpôl Y-Êla, kôranh ndŭl mpôl Y-Pinôn 42kôranh ndŭl mpôl Y-Kênas, kôranh ndŭl mpôl Y-Têman, kôranh ndŭl mpôl Y-Mipsar, 43kôranh ndŭl mpôl Y-Makdiêl jêh ri kôranh ndŭl mpôl Y-Iram. Nây jêng phung kôranh ndŭl mpôl Êđôm, tĭng nâm ntŭk gŭ khân păng tâm n'gor khân păng dơi rvan mât. Y-Êsau chô yau ma phung Êđôm.
Currently Selected:
Nau Ntơm 36: CMO2023
Highlight
Share
Copy
Want to have your highlights saved across all your devices? Sign up or sign in
© 2023 United Bible Societies. All rights reserved.
