IMBOMBO SYA BATUMIGWA 7

Amasyu ga Stefani

1Popapo umputi unkulumba alinkundalusya Stefani alinkuti, “Bule, ngimba bo sili sisisi?” 2#Bwa 12.1Umwene Stefani alinkwamula alinkuti, “Mwe bamyitu, na mwe batata, amupilikisyege, Kyala Umwenebukulumba alinsetukile tata Abrahamu, lula ali nkisu kya Mesopotamia, bo akali ukuyenga nkisu kya Harani, 3alinkumbula alinkuti, ‘Sokaga nkisu kyako na mbakamu bako, ubukege kukisu iki nisakukunangisyaga yuyune.’ 4#Bwa 11.31; 12.4Popapo alinkusokamo nkisu kya baKaladeya; alinkwakutugasya nkisu kya Harani. Lelo bo afwile ugwise, Kyala alinkunsamisya ukufuma kuko, alinkuntwala nkisu iki muyengilemo umwe lilino. 5#Bwa 12.7; 13.15; 15.18; 17.8Alinkusita nukumpa kimo ikiyabo ukuya kyo kyake, nalinga kyo kiyabo ikya kuti kifwane uluyayo, loli alinkufinga ulufingo ukumpa ikisu kila ukuti kiyege kyake, naba nduyungu lwake aba bikunkongaga, napapo akali numwana. 6#Bwa 15.13-14Umwene Kyala alinkuyoba bo bunobuno alinkuti, ‘Aba nduyungu lwake bisakuyaga bahesya nkisu kya bangi, kulakula bisakuyaga mbutumwa nukwangaliligwa ifyinja bamia bana (400).’ 7#Kuso 3.12 Kangi Kyala ayobile atile, ‘Ikikolo iki bisakukibombelaga, kyo nisakukilongaga yuyune; lelo panyuma pali sisisi, bisakusokangamo nkisu kila nukumbombela une mbuyo bububu.’ 8#Bwa 17.10-14; 21.2-4; 25.26; 29.31—35.18Popapo alinkwenda nukumpa ulwitikano lwa bubutigwa; umwene Abrahamu alinkumpapa Isaka, alinkumbutako pisiku lya buhano na butatu; umwene Isaka alinkumpapa Yakobu, umwene Yakobu alinkubapapa abisukulu bitu kalongo na babili bala.

9 # Bwa 37.11,28; 39.2,21 “Abene abisukulu bitu bala balinkumulisya Yosefu nkisu kya Egiputi panongwa ya kabini; loli Kyala alinkuya nagwe, 10#Bwa 41.39-41alinkumpoka mbutolwe bwake bosa, alinkumpa ilipyana namahala nkyeni mwa Farao umalafyale gwa kisu kya Egiputi, alinkumpela ukuya ndindililakisu gwa nkisu kya Egiputi, ninyumba yosa ya malafyale. 11#Bwa 42.1-2Popapo yilinkugwa injala nkisu kyosa kya Egiputi nikya Kanani, bulinkuyamo ubutolwe bu bwingi; abene abatata balinkusita nukufyaga ifyakulya. 12Loli Yakobu apilike ukuti ifyakulya filimo nkisu kya Egiputi, popapo ulwa kwanda alinkubatuma batata; 13#Bwa 45.1,16lelo ulwa bubili, po Yosefu alinkwinangisya kubamyabo, po lelo Farao alinkwenda nukukimanya ikikolo kya Yosefu. 14#Bwa 17.18; 45.9-10; 46.27Popapo Yosefu alinkutuma kukumbilikila ugwise Yakobu pamopene nikikolo kyake kyosa, abandu amalongo mahano na mabili na bandu bahano (75). 15#Bwa 46.1-7; 49.33Popapo Yakobu alinkwikilila ukubuka nkisu kya Egiputi, mo alinkufwila mumo yuyo pamopene nabatata; 16#Bwa 23.3-16; 33.19; 50.7-13; Yos 24.32balinkupimba imifimba gyabo ukwakufika nagyo nkaya ka Shekemu, balinkusyiligwa mwipumba ili Abrahamu alyulile nindalama kubanyaHamoro. 17#Kuso 1.7-8 Lelo bo kasegelile akabalilo ka lufingo, aka Kyala afingile na Abrahamu, popapo ikikolo kyitu kilinkukula nukubala nkisu kya Egiputi, 18ukufika papo abonekege malafyale uyungi nkisu kya Egiputi, uyu akalimmenye Yosefu. 19#Kuso 1.10-11,22Yo alinkukitwalila ubukomu ikikolo kyitu, nukubangalila batata, nukubafimbilisya ukubataga abanabo abafyele, ukuti bangaya ngako kubumi. 20#Kuso 2.2Pakabalilo kako po alinkupapigwa Mose, alinkuboneka ukuya mwana ummogi; yo alinkuswiligwa imyesi mitatu nnyumba ya gwise. 21#Kuso 2.3-10Lelo bo atagigwe, popapo umwana undindwana gwa malafyale Farao alinkumwega, alinkunswila ukufwana mwanake. 22Umwene Mose alinkumanyisigwa namahala gosa ga baEgiputi; alinkuya namaka mmasyu na mumbombo syake.

23 # Kuso 2.11-15 “Lelo bo amalile afyinja amalonga mana (40), alinkwinogona ukuti abuke kukubaketa abakikolo kyake abanyaIsraeli. 24Alinkwaga yumo ikubombeligwa imbibi nugwa kikolo kya Egiputi, alinkwenda nukungoga. 25Umwene alinkwinogona ukuti abamyabo bikusyaganiaga ukuti Kyala ikubapaga ubupoki nkiboko kyake, loli abene balinkusita nukusyagania. 26Ulwa kilabo alinkubaga abanyaIsraeli babili bikulwa, alinkulonda ukubamanyania alinkuyoba alinkuti, ‘Mwe tunya muli banyamundu, mukulwa fiki mwe babo batupu?’ 27Loli uyu ambombelaga unnine imbibi, alinkungutila kulubafu alinkuti, ‘Ywani uyu akwimike ugwe ukuya ndagili nukuya ndongi gwitu? 28Kingamo kulonda ukungoga nanine bo papo gwalingogile ugwa kikolo kya Egiputi mmayofo?’ 29#Kuso 18.3-4Popapo Mose alinkuyonga panongwa ya isyu lilili, alinkwakuya mbuhesya nkisu kya Midiani; mo alinkwakupapila abana abalumyana babili.

30 # Kuso 3.1-10 “Lelo bo fikindile ifyinja amalongo mana (40), popapo ugwandumi alinkunsetukila Mose ndukubo lwa kyamba kya Sinai, ndulapi lwa moto ugu gwakaga nkisyanju. 31Umwene Mose bo asibwene sisisi, alinkuswiganika kuli isi syabonike; lelo bo ikusegelela ukuti akete kanunu, alinkwaga ilisyu lya Ntwa likuyoba likuti, 32‘Yo une ne Kyala gwa baguso, ne Kyala gwa Abrahamu, Isaka na Yakobu.’ Popapo Mose alinkutetema alinkutila nukuketako. 33Loli uNtwa alinkumbula alinkuti, ‘Fulaga ifilato fyako mmalundi, buno pabuyo apa gwimilepo kisu kikemo. 34Ukuketa ko ngetile ukukubilwa kwa bandu bangu nkisu kya Egiputi, ninguto yabo njipilike, lelo nikilile kukubapoka; lilino lelo isaga ngutume nkisu kya Egiputi.’

35 # Kuso 2.14 “Mose yuyuyu uyu balinkanile batile, ‘Ywani uyu akwimike ugwe ukuya ndagili nukuya ndongi?’ Yo uyu Kyala alinkuntuma akuya ndagili, kangi nukuya mpoki, alinkutuligwa nugwandumi gwa Kyala uyu alinsetukile nkisyanju kila. 36#Kuso 7.3; 14.21; Kuba 14.33Yo alinkubasosya bo ikupela ifiswigu nifika nkisu kya Egiputi, na muNyanja ya Ndete, kangi na ndungalangala ifyinja amalongo mana (40). 37#Kukumbu 8.15,18Yuyuyu yo Mose uyu ababulaga abanyaIsraeli atigi, ‘Kyala isakubatumila unsololi ukufuma mbamyinu, uyu ali bo yuyune.’ 38#Kuso 19.1—20.17; Kukumbu 5.1-33Yo uyu ali nkipanga kya ndungalangala mula palikimo nugwandumi gwa Kyala, uyu ayobege nagwe nkyamba kya Sinai, bo ali pamopene nabatata, uyu ambililaga amasyu amumi ukuti atupege uswe.

39“Abene batata bakalondaga ukumpilika, loli balinkunsyokela, nindumbula syabo balinkusilabisya nkisu kya Egiputi, 40#Kuso 32.1balinkuyoba na Aroni balinkuti, ‘Isaga utubumbilege bakyala ba kutulongolela nkyeni; buno Mose uyu atusosisye nkisu kya Egiputi, yo tukamanya isi simwagile.’ 41#Kuso 32.2-6Popapo mmasiku gago balinkubumba ingwata, balinkutwala kukifwani kilakila ifya kwikemesya, balinkuyisekelela imbombo ya maboko gabo. 42#Amosi 5.25-27Loli umwene Kyala alinkubasinda inyuma; alinkubaleka ukuti bafibombelege ifilundilo fya kumwanya,#7.42 Ifilundilo fya kumwanya: syo ndondwa. bo lilyo lisimbigwe mwa buku gwa busololi ili likuti,

‘Mwe banyaIsraeli!

Kali mwalindwalile une ifinyamana ifya kuboligwa nifya kwikemesya,

ku fyinja amalongo mana (40) ndungalangala.

43Himma, loli mwatwele yene yi hema ya Kyala Moloka,

nikifwani kya Refani, kyala gwinu gwa lutondwa.

Ififwani ifi mwabumbile ukuti mwiputengeko;

nisakubatumaga mbutumwa kubutali nkisu kya Babeloni.’

44 # Kuso 25.9,40 “Batata bali nayo ihema ya lusisimikisyo ndungalangala, bo mumo uyu ayobaga na Mose, alindagilile ukuyitendekesya ihema yila ukufwana nikifwani iki akibwene, 45#Yos 3.14-17iyi batata bapokanilaga; lelo bo bali na Yoswa, balinkuyitwala nkisu iki bayaga pakukikaba ukufuma kubapanja, aba Kyala abakagaga nkyeni mwa batata, yilinkuya muno ukwisakufika mmasiku ga Davidi, 46#2 Samu 7.1-16; 1 Syambu 17.1-14uyu akabile ilipyana nkyeni mwa Kyala, uyu asumaga ukundondela Kyala gwa Yakobu ubuyo. 47#1 Banyaf 6.1-38; 2 Syambu 3.1-17Umwene Solomoni yo alinkunjengela inyumba.

48“Loli umwene Unkinde yo atikutugala nnyumba injengigwa namaboko; bo lilyo ikuyoba unsololi apa ikuti, Untwa ikuyoba ikuti,

49 # Yes 66.1-2 ‘Kumwanya kyo kikota kyangu ikya butwa,

loli ikisu ko kakota ka kubikapo amalundi gangu;

Yo nyumba yiliku iyi mukunjengelaga?

Pamo buli kugu ubuyo bwa kutugalapo une?

50Ngimba kikaya kyo kiboko kyangu iki kyapelile fyosa fififi?’

51 # Yes 63.10 “Mwe bakafu amakosi umwe, mwe indumbula syinu nimbulukutu syinu sili bo abandu aba bakabutigwako, mwe mukumwila bwila Mbepo Mwikemo! Bo mumo abisemwe babombile, mo mumo mukubombela nanumwe. 52Yo nsololi aliku uyu bakamfwimamo abisemwe? Abene babagogaga aba bafumukisyaga ngani ukwisa kwa Ngolofu, uyu nanumwe lilino mumbikile mmaboko ga balugu nukungoga; 53umwe mwe mwalwambilile ululagilo bo mumo babatwalile abandumi ba Kyala, loli mulinkusita nukulukonga.”

Bikuntika Stefani namabwe

54Lelo bo abandukomano bapilike, popapo silinkubalasa munda, balinkwimemena. 55Umwene loli Stefani bo iswile Mbepo Mwikemo, popapo alinkululalila kumwanya, alinkububona ubukulumba bwa Kyala, alinkumbona na Yesu bo imile kukiboko ikililo kya Kyala, 56alinkuyoba alinkuti, “Keta nkubwene kumwanya kwigwike, numbwene yope na Nnyamundu imile kukiboko ikililo kya Kyala.”

57Abene balinkuywega fiyo, balinkusindila nimbulukutu syabo, balinkumotokela pamopene; 58lelo bo bansosisyemo nkaya, popapo balinkuntika namabwe. Abene abaketi balinkubika imyenda gyabo mmalundi ga ndumyana yumo, uyu batigi Sauli ingamu. 59Lelo bo bikuntika Stefani namabwe, popapo alinkukolela alinkuti, “Gwe Ntwa Yesu, ambililaga imbepo syangu.” 60Popapo alinkufugama, alinkukolela ilisyu ilikulumba alinkuti, “Gwe Ntwa, ungabapaga inongwa pa mbibi syabo isi.” Lelo bo ayobile lilili, alinkufwa.

Currently Selected:

IMBOMBO SYA BATUMIGWA 7: NNBII

Highlight

Copy