UBWANDILO 22

Kyala ikungela ulwitiko Abrahamu

1 # Hib 11.17-19 Panyuma pali sisisi, Kyala alinkupela Abrahamu, alinkumbula alinkuti, “Gwe Abrahamu!” Umwene Abrahamu alinkwamula alinkuti, “Al'une ndipo.” 2#2 Syambu 3.1Kyala alinkumbula alinkuti, “Umwegege umwanako Isaka uyu yo yumoywene ntiga, unganigwa kumyako, ubukege nagwe ku kyamba kya Moriya, kulakula pa kyamba kimo iki nisakukunangisyaga, ko ukikemesyege umwanako ukuti ayege ikemo ilyokye.” 3Popapo lelo Abrahamu alinkutemelela nulubunju alinkutendekesya ifitugalilo pa mbunda yake, alinkumwega Isaka na babombi bake babili, alinkutumula imbabu sya ikemo, alinkusumuka ukubuka ku buyo bubo Kyala alimbulile. 4Pisiku lya butatu, Abrahamu alinkuketa, alinkukibona ikyamba ku butali. 5Popapo alinkubabula ababombi bake alinkuti, “Muye papapa ni mbunda, loli une palikimo nu mwanike tukubuka kula pakwikemesya; tukwakwisa kangi.” 6Alinkwega unsigo gwa mbabu alinkumpa umwanake Isaka ukuti apimbe, umwene Abrahamu alinkukola umoto nulubo. Balinkulongosania bo babili ukubuka ku kyamba. 7Popapo Isaka alinkundalusya ugwise alinkuti, “Gwe tata!” Umwene alinkumwamula alinkuti, “Yobaga mwanangu.” Umwanike alinkuti, “Umoto ni mbabu fyo tuli nafyo, loli ngimba akang'osi ka kwikemesya ko kali kugu?” 8Abrahamu alinkuti, “Gwe mwanangu, Kyala ikwakutupa akang'osi kakwikemesya.” Popapo balinkubuka injila yabo. 9#Yak 2.21Abrahamu alinkuyenga papo ikigemo kya kwikemekesyapo, alinkubikapo imbabu. Popapo alinkumpinya ningoye umwanake Isaka, alinkundambalika pa kigemo kya kwikemekesyapo. 10Alinkukwaba ulubo ukuti ambole umwanake. 11Loli ugwandumi gwa Ntwa alinkumbilikila ukufuma kumwanya, alinkuti, “Abrahamu! Abrahamu!” Umwene Abrahamu alinkuti, “Al'une.” 12Ugwandumi alinkumbula alinkuti, “Ungangogaga umwanike, ungambombelaga simo imbibi, lilino po menye ukuti kuntila Kyala naloli, papo ukakana ukumba une umwanako uyu yo yumoywene ntiga.”

13Popapo Abrahamu alinkukelengania alinkuyibona ing'osi inyambala pabupipi itolo iyi imbembe syake sya likolile ndusingi; alinkubuka alinkwakuyikola ing'osi yila yo alinkwikemesya ukuti yo yiyege ikemo ilyokye mbuyo bwa mwanake. 14Ubwene ubuyo bulabula bo alinkubupa ingamu iyi yikusanusia ukuti Untwa yo isakutupaga; bo mumo yikuyobeligwa na ku lilino kuno ukuti, “Twisakupegigwaga pa kyamba kya Ntwa.”

15Umwene ugwandumi gwa Ntwa yo alinkunkolela Abrahamu ulwa bubili ukufuma kumwanya, 16#Hib 6.13-14alinkuti, “Untwa ikuti, Mfingile ulufingo ulwakuti nisakukusayaga ugwe, papo usibombile sisisi, ukakana ukumba une umwanako uyu yo yumoywene ntiga. 17#Hib 11.12Nisakukusayaga naloli kangi nisakubolosyaga aba nduyungu lwako, bisakuyaga bo si ndondwa sya kumwanya, kangi bo gu nsanga gwa mumbali mu nyanja. 18#Imbo 3.25Aba nduyungu lwako bisakubatolaga abalugu babo, kangi ifikolo fyosa fya bandu fisakulwagilaga ulusayo mmyabo, papo usitike isi ngubulile.” 19Umwene Abrahamu alinkubuka kuno baliko ababombi bake, popapo bosa balinkugomoka ukubuka nkaya ka Berisheba kuno Abrahamu itugalaga.

Aba nduyungu lwa Nahori

20Bo pagonilepo, abandu balinkumbula Abrahamu ukuti, “Milika yope ampapile abana ugwamyinu Nahori: 21nukuti Uzu yo gwakipanda gwake, Buzu yo nnuguna, kangi na Kemuweli ugwise gwa Aramu; 22Kesedi, Hazo, Pilidasyi, Yidilafa nu Betuweli.” 23Betuweli yo uyu alimpapile Rebeka, Bo bahano nabatatu bababa bo aba Milika alimpapile Nahori, ugwamyabo gwa Abrahamu. 24Umwene unkasi gwake ugwa mbutitu, uyu ali yo Reume, ingamu yo alimpapile Nahori abana aba: Teba, Gahama, Tahasha na Maaka.

Currently Selected:

UBWANDILO 22: NNBII

Highlight

Copy