Luc 10
10
Mizlinè Zhiklè ndohi 70
1Te deɓ nasa, Bai Yèsu a mbaha ta ndohi 70 ngiɗè, a nzlinde ta cèw, cèw, a ma na, a sam tèlèba man a woya a ndè a pa. 2A ngaɗa ta: Skwi nslaʼa a zhè a vata, aman ndohi mizlinè ta az a vata ɓai. Va-tsu ri a bi skwi nslaʼa, aman a zlinde ta ndohi mizlinè, a ta ɓicè skwi na. 3Vo-do! Na haha, i zlinde kinè ara tambakihai a ndev kdadidakhai. 4Kin helda gozhèm sulai, a gozhèm nhèsh skwai, a kotokoroh a ri ɓai, a kin zlatsahi a civèɗ man kin gi mbali a ndo ɓai! 5A gi ko nangwa nangwa man kin dè a pa, va-gaɗa ta nshèlèkuraʼa: Gumi da zhè te gi haha! 6Man ndo gumi a zhè te pa, gumi kinè a da nzi a sam na. Man ɓai, gumi kinè a shkè a deɓa a sam kinè. 7Te gi sa, va-nza a pa, kin ndi skwai, a kin si skwai, man ta va kinè. Aman ndo mizlinè sèi a ngècè skwi ntul na. A kin do auda te pa tsam tsam ɓai. 8A kokwar ko nangwa nangwa man kin dè a pa, a ta woy kinè, va-nza a pa, va-ndau skwai, man ta va kinè, 9va-mbel ta ndohi matakwan te pa, va-gaɗa ta: Kokwar Bi Zhiklè a zhè ndul ndul a sam kinè ma. 10Kokwar ko nangwa nangwa man kin dè a pa, a ta ce kinè azɓai, vo-do auda a dala, a kin gaɗa: 11Ko lokotor kokwar kinè man a ga nga a sak, nga tassaʼa, a gi a skwi malwuɗi a gèɗ kinè. Sèi kin sun skwi haha: Kokwar Bi Zhiklè a zhè ndul ndul a sam kinè ma. 12I gaɗa kinè: a pats kita, kita kokwar haha a da fena kita Sodome.
Wobau a géɗ kokwar man a woya a ngwè-dè ndav na ɓai
(Mt. 11,20-24)
13Woba ka, kokwar Chorazin! Woba ka, kokwar Béthsaida! Aman agassa nrkedi kumba ar haha ta gu te kokwar Tyr a Sidon, ar ndohi te pa ta ngwoda ndav ta te mèrwèc nʼnzi a zhè ma. 14Aman Tyr a Sidon, dara tengaʼa a kinè a pats kita. 15Ka, Capernaum, ka da grè ta zhiklè dè? Ta da kalde ka a vogwa kita.
16Ndo man a tsena ma kinè, a tsena ma ga. Ndo man a kwol kinè, a kwolyè. A ndo man a kwolyè, a kwol nengaʼa man a zlindekayè.
Mshkè ndohi 70 a deɓa
17Ta 70 ta shkè a deɓa a mwuffe, a ta gaɗa: Bai, ko madzagihai ta tsena ma nga, a nzlembaɗ ngaya. 18A nengaʼa a ngaɗa ta: I rka Sadan man a kalkaɗahai te zhiklè ara ntsi iyam. 19Na haha, i va kinè wuɗi-bai, aman kin bècè a gèɗ zhüzho-kihai, a varadzhai, a i va kinè wuɗai a gèɗ ndo mayam kinè, a faha kinè matakwan azɓai. 20Aman kin wuffa ɓai, a gèɗ man mèzhèɓhi ambaɓihiaʼa ta tsena ma kinè; aman va-wuffa, a gèɗ man nzlembaɗ kinè mwindèʼa te zhiklè.
Yèsu a wuffè
(Mt. 11,25-27; 13,16-17)
21A pats nasa Yèsu a wuffè te Mèzhèɓ nengaʼa nkezlaʼa, a ngaɗa: I shida ka gèɗ, Bab ga, Bi zhiklè a Bi herkeda, aman ke nghede skwi haha a sam ndohi maya, a ndohi man ta sun skwi te gèɗ, a ka ngredkodauda a sam ndohi man ta gre di ɓai. Halau, Bab ga, aman arsa ambaha ka. 22A ngaɗa ta golahi nengaʼa: Skwi tèlèba Bab ga a mvay a rai. Ndo ngiɗè a sun kra ɓai sèi bab na a suna a vava. A ndo ngiɗè a sun Bab kra ɓai, sèi kra na a suna a vava, a ndo man kra a ngreda na. 23A ngaɗa ta golahi nengaʼa, ta a géɗ ta: Mwuffè mbiaʼa a sam dihai, man ta rka skwi man kin rkaʼa. 24Aman i gaɗa kine: Ndohi nhadka ma, a bihi kumba, ta woy a ta rka skwi man kin rkaʼa, aman ta rka ɓai; a ta woy a ta tsena ma man kin tsenaʼa, aman ta tsena ɓai.
Ndo te Samarie man amba
25Na haha, ndo njèngè ma kita ngiɗè staɗ a nslambaɗa, a mpeda Yèsu a wai, a ngaɗa: Ndo njèngè ma, i gi be kè, aman i ngècè nshèffè a mèdèp? 26A Yèsu a ngaɗa na: Ta Windo mè te ma kita Zhi-klè? Ka jèngè mè? 27A nengaʼa a mʼmbeɗa na a ma: Woy Bi Zhiklè ngaya, a ndav ngaya tèlèba, a nshèffè ngaya tè-lèba, a wuɗi ngaya tèlèba, a nhér gèɗ ngaya tèlèba, woy ndo ngaya, ara man ka woy nshèffè ngaya. 28A Yèsu a ngaɗa na: Ka mendayè zuraʼa. Gu ar haha, a ka nzi a nshèffè. 29A ndo njèngè ma a nzevi na auda, a ngaɗa na Yèsu: Ndo ga wa? A Yèsu a ngaɗa na: 30Ndo ngiɗè a njèkeda kokwar Jérusalem, a mdo Jéricho, a nkala a ndev metsarhai. Ta suɗama na maslaka auda a va, ta keɗaʼa, a ta jèkeda pa, te ndav te ndav. 31A ndo mvi skwi a Zhiklè a mbeza a civèɗ matsa. Aman a rkaʼa, a mdo na. 32Lèmèlèmè ndo Lévite, man a shkè a samaʼa, a nrkaʼa, a mdo na. 33Te deɓaʼa ndo Samarie a mbeza a civèdèʼa. Aman a rkaʼa, a sia te va, 34a mdo a sam na, a mʼmana na mblè nengaʼa a mbar a barassa, a zuɓkoɗa a deɓ kɗèh nengaʼa, a ndaʼa a barki, a nwara na dai. 35Te mangoslè-maʼa, a nco gozhèm, a mva na bab barki, a ngaɗa na: I va ka Suli haha, wara na di mbelembela. Aman ka va na skwi a vaʼa, i da pela ka a pats man i shkè a deɓa. 36Ka hur kè? Te va tengahi makar, ndo ndo man a kala a ndev metsarhi, na wa? 37A nengaʼa a ngaɗa: Nengaʼa man ndo a sia te va. A Yèsu a ngaɗa na: Ani haha do, a ka gu arsa!
Yèsu a de a gi Marthe a Marie
38Te deɓaʼa to do a ma a civèɗ, a ta shkè a kokwar ngiɗè. Ngwoz ngiɗè a zhe, nzlembaɗ na Marthe, man a nceda a gi na. 39Demam ngwozaʼa a zhè, nzlembaɗ na Marie. Nengaʼa a nʼnzahai a sam Bi Yèsu, a ntsena ma nengaʼa. 40A Marthe, mizlinè tsaɗ tsaɗ a ngsedahai. A nherda na va a Yèsu, a ngaɗa: Bai, ka rka ɓi dè, aman demam ga a jèkay mizlinè a gèɗ tèlèba? Anai sèi ka gaɗa na, aman a taka-hayè. 41A Bai a mʼmbeɗa na a ma: Marthe, Marthe! Ka ngeza a skwi kumba, a mizlinè a ngso ndav ngaya. 42Gso va a skwi staɗgenè! Marie a nco skwi man amba, a ta cè nengaʼa te ri na azɓai.
Currently Selected:
Luc 10: MOF89
Highlight
Share
Copy
Want to have your highlights saved across all your devices? Sign up or sign in
Alliance Biblique du Cameroun 1989
