مَرقُس 16
16
عیسی زندَ آبِه
1وَقتی موقَدسَه شنبه روج گِذَشتَه، مریم مَجدَلیَه و یعقوبی نَنَه مریم وسالومِه، عَطرینَه روعَن خِریشونَه تا بِشون و عیسی مَیتی عطر بژَنن. 2پس هَفتَه اَولین روجیکا، سوکَه خون، آختاوی پِرمِه موقِه تِربَرا شین. 3اَیِن کایبین یَندِ واتِه: «کی اَ کازی کن، تِربَه دَهَنَکار چَمَرا گِلِل آکَرِ و کَنار بِژَنِه؟» 4اَمّا وَقتی اَ جِگارا آرَستین، ویندِشون کن اَ کاز کن خَیلی یال بَه، تِربَه دَهَنَکا کَناریرا گِلِل آبَیَه. 5وَقتی تِربَه دِلَه دَشینَه، جَوانی ویندِشون کن راستَه طَرَفیکا نِشت بَه و ایسبیَه رَدایی دَکَردَش بَه. ژِنِن چَی ویندِ خونه تَتَّه وَسَّکا دَگِنِستین. 6اَ جوان ژنِنِش واتَه: « تَتَه وَسَّه دَنِگِنَه. شمَه عیسای ناصِری دوملَه بَگَردِستیرون کن بَی صلیبی سَردِرِ مِخه کو کَردِشون. اَ زندَ آبَیَه؛ اِم جِگاکا نییَه. جِگایی کن چَی مَیتی آنوعَشون بَه، بِوینَه. 7ایسَه، بشَه وچَی شاگِردون و پِطروسی بِواجَه کن عیسی شِمَکا به نَه وِلَته جَلیلیرا بَشیَه؛ هَتَه کن چیمی به نَه شِمَش واتَه بَه، اَجگاکا بَی بَویندیرون.» 8پس ژِنن بِرِن بَرمین و تِربَکا ویریتین، اِمی خونه کن چَوون جَندَک تَرسیرا کایبَه لَرزِستِه و حَیروون بینَه. اَیِن هیچ کَسیرا چیی نِواتِشون، چیرا کن اَتَرسینَه. 9وَقتی عیسی هَفتَه اَولَه روجی سوکَه خونیرا زند آبَه، اَولیکا مریم مَجدَلیَه را کن اَیکا هَف گِلَه پَریان بِرِن بَرکَردَش بَه، اَیر آبَه. 10مریم نی، شه و عیسی یارونرا کن عازیَه اَکَرینَه و و کایبین بِرَمستِه خَبر داشَه. 11ولی اَیِن وَقتی دَرستِشون کن عیسی زِندَ آبَیَه و مریم بَی ویندَشَه، باوَر نِکَردِشونَه.
12چَی بَه دومَله، عیسی دییَرَ نِمودینَه، دِ نَفَریرا اَوونکا کن ایلَه آوادی ایرا کایبین شِه، اَیر آبَه. 13اَ دِ نفَر ویگَردِستینَ و بَقییَه اِ شاگِردِنِشون اِم ایتفاقیکا خبر دوعَه، ولی اَیِن اَ دِنفری گفی نی باور نِکَردشون.
14چَی بَه دوملَه عیسی اَ یانزَّ گِلَه شاگِردیرا، هَتَه کن اَیِن کایبین غذا هَردِ، اَیرآبَه و اَیِنِش، چَوون بی ایمانیرا و خوعَه دِلیرا تشَر ژِشَه، اِمی خونه کن اَیِن اَ کَسونی گَفی کن عیسیاشون زندَ آبِه بَه دومَله ویندَشون بَه، باوَر کَردَشون نِبَه. 15و اَیِنِش واتَه: «دِنیا اِم سَر اَ سَریرا بِشَه و خدا پادیشایی خَشَه خَبری، گِردِ خَلایِقیرا اییلام بکَرَ. 16هرکَس ایمان بوعَرِ و غَسل تَعمید بیگِرِ، نیجات بَگتی. ولی هَر کَم ایمان مَوَرِ، مَحکوم بَبیَه. 17اَیِنی کن بَمن ایمان بَوعَرن، اِم نِشونَه اون و موعجیزَاون اَنجوم دَرِن: اَیِن چمن نومینَه پَریانون آدَمونکا بِرِن بَنَّکَرد و جَدیدَ زَبانونَّه گَف بَژَنَه. 18اَیِن نَلَتییون اِشتَن بالینَه بَگَتینَه، و اَگَم اَکِشَه زَهری نی بِنجن، اَوون هیچ چیی نییَبن، و اَیِن اِشتَن بالون آزارییون سَردِرِ بَنان و اَیِن نی شفا بَگَتینَه.»
19پس بعد اِمکن خداوند عیسی اِم گَفِنِش، چَوونرا ژِشَه، اَش آستامونیرا بَردَ و خدا راستَه بالی طَرَفیکا نِشتَه. 20شاگردن بِرِنیرا شینَه وگِردِ جِگا اونکا آموج اَدَرینَه. خداوند اَوونَّه کار اَکَریَه و خداوند نِشونه اِن و موعجیزَاِنی نَه کن شاگردن انجون اَدَرین، چَوون پَیغومی ثابیت اَکَریَه.
Currently Selected:
مَرقُس 16: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
