บราเกะ ลารี 17
17
อาเย ตรือเบะ มาแรฮ ดาตัก เดะ บาตู
(กีรา 20.1-13)
1โกะ ลูมอฮ อิซราเอน ซือมูฮา_ บราเกะ ตรือเบะ เดะ ตือปัจ ตานัฮ ตูโฮยํ นู ลือฆา นะ ซีน_ ปี ซือกาลี ดีกิๆ_ ตูโรจ กะ ปือมือเลา นะ ตูฮัด บือซัยํ เดะ อาตัซ_ มาแรฮ ตืองะ โกะ รูมัฮ กาฌัก กาเยด_ เดะ เรฟีดิม. ตาปี เดะ ตือปัจ อีตู ฮอย อาเย บรี กะ โกะ ลูมอฮ ซือมียา โอะ. 2ซาเบะ กะฆีเตอ_ โกะ ลูมอฮ ซือมียา กูญา บือตือฆัฮ ฌางัน มูซา_ มือเลา จะ “บรี อาเย กะ ลูมอฮ กามี โอะ เลอ.”
โซะ มูซา มือเลา จะ_ “บูวัจ นามา กาเญา บือตือฆัฮ ฌางัน กู? บูวัจ นามา กาเญา ลกลีฮัจ ตูฮัด บือซัยํ เดะ อาตัซ เลอ?” 3ตาปี โกะ ลูมอฮ ซือมียา_ กูญา ลาปัยํ อาเย เดะ ตูโปะ อีตู_ กูญา บือซูงุจ อูจะ กะ มูซา จะ “บูวัจ นามา เกา บาวา ลูมอฮ กามี_ ฌางัน โกะ นานะ ดือมิ_ ฌางัน โกะ กาวัด บือนาตัก นะ กามี_ ตรือเบะ มาแรฮ เดะ นังฆรี อียิบ_ บรี บือตาฮัด อาเย ฌู มาตี?” 4กะฆีเตอ_ มูซา ญา บือซูระ มือญาเระ กะ ตูฮัด บือซัยํ เดะ อาตัซ จะ “กู นะ บูวัจ กะฮามี_ ฌางัน ลูมอฮ บักซา อีนี? กูญา ดาปิก นะ อาเมด บาตู ลีปัยํ กู_ บรี มาตี ดัฮ.”
5ตูฮัด บือซัยํ เดะ อาตัซ มือเลา ฌางัน มูซา จะ “กือนา บือฌาลัด ปี ดูลู เดะ โกะ ลูมอฮ ซือมียา_ บาวา โกะ ซือมียา ซัยํบือซัยํ ซือตืองัฮ นะ อิซราเอน_ ปี ฌูฆา. บรี เกา บาวา ตูกัจ นู เกา กาเตาะ อาเย เดะ ซูงัย นัยละ_ ปี ฌูฆา. 6กู นะ อาดา บือดีรี โซะ ฮือลด เกา_ เดะ ตือปัจ อีตู_ เดะ อาตัซ บาตู บือซัยํ_ เดะ บูเกะ โฮเรบ. กือนา กาเตาะ บาตู บือซัยํ อีตู_ กะฆีเตอ อาเย นะ มือนีแลฮ ตรือเบะ_ บรี โกะ ลูมอฮ ซือมียา โอะ.” มูซา ญา บูวัจ กะฆีเตอ ดัฮ_ โซะ ฮือลด มูคา นะ โกะ ซือมียา ซัยํบือซัยํ นะ ลูมอฮ อิซราเอน. 7ญา บลาโลก ปือนามา นะ ตูโปะ อีตู จะ_ มาซัฮ#17.7 เดะ บาซา ฮีบรู_ ปือนามา อีนี ฌาดี จะ “ลาฆู ลกลีฮัจ.” ฌางัน เมรีบา#17.7 เดะ บาซา ฮีบรู_ ปือนามา อีนี ฌาดี จะ “ลาฆู บือตือฆัฮ.”_ กรานา จะ_ ลูมอฮ อิซราเอน บือเลฮ บือตือฆัฮ_ กูญา ลกลีฮัจ ตูฮัด บือซัยํ เดะ อาตัซ_ มือเลา จะ “ตูฮัด อาดา ดูโดะ เดะ ซามา ตืองัฮ ลูมอฮ กามี_ ซูโงฮ เฆอ?”
ลูมอฮ อามาเลก บือปรัก ฌางัน ลูมอฮ อิซราเอน_ ตาปี อาลัฮ ดัฮ
(ลามูลา 14.7; กีรา 13.29; 14.25)
8กาลา อีตู_ โกะ ลูมอฮ อามาเลก_ มาแรฮ บือปรัก ฌางัน ลูมอฮ อิซราเอน_ เดะ ตูโปะ เรฟีดิม. 9มูซา ปือซัด โยซูวา จะ_ “กือนา ปีเลฮ โกะ กีลากี นู ตือฆัยํ อูรัจ_ โซะ กีตา_ ปี บือลาวัด บือปรัก ฌางัน ลูมอฮ อามาเลก. มัฮปาฆี_ กู นะ อาดา บือดีรี โซะ ฮูโฌก บูเกะ_ ปือฆัก ตูกัจ นะ ตูฮัด เดะ ตางัน นะ กู.” 10กะฆีเตอ_ โยซูวา ญา บูวัจ ตูโรจ ปือมือเลา นะ มูซา_ ตรือเบะ ปี บือลาวัด บือปรัก ฌางัน ลูมอฮ อามาเลก. โซะ มูซา_ อาโรน ฌางัน ฮูระ โปด_ ปี บือดีรี โซะ ฮูโฌก บูเกะ อีตู. 11มูซา อาเกะ ตางัน วะตู ดีฮา_ ลูมอฮ อิซราเอน โปด_ บือเลฮ บือปรัก ฌือนัฮ วะตู อีตู. ญา ปือตูโรด ตางัน วะตู ดีฮา_ ลูมอฮ อามาเลก โปด_ บือปรัก บือเลฮ อูโตก เดะ วะตู อีตู. 12ตาปี ตางัน นะ มูซา รือมัย ดัฮ_ กะฆีเตอ กูญา ดูวา อูรัก_ บาวา กือโตน บาตู มาแรฮ ตืองะ_ บรี กะ มูซา ดูโดะ. อาโรน ฌางัน ฮูระ เตอ_ กูญา ตูโลก อาเกะ ตางัน นะ ญา_ ซอก ซา บือลัฮ. ตางัน นะ ญา โปด_ ฌูโญก กือฌะ ดัฮ_ ฌู ตือดะ รอจ กะ มาตา อารี ฆูโฆยํ. 13โซะ โยซูวา_ บือปรัก ฌือนัฮ เดะ ลูมอฮ อามาเลก_ ฌางัน โกะ ซือมียา นะ กูญา_ บูวัจ บรี กูญา อีตู อาลัฮ ดัฮ_ ฌางัน ปือดัก.
14ตูฮัด บือซัยํ เดะ อาตัซ_ มือเลา ฌางัน มูซา จะ “กือนา ฆาแรฮ ลาฆู อีนี_ เดะ ซูรัจ_ บีดา ฌาดี ลาฆู บรีงัจ_ บาจา บรี กะ โยซูวา ดืองัยํ ฌาดี จะ_ กู นะ บูวัจ บรี ลูมอฮ บักซา อามาเลก ลือแงะ ฮาบิฮ_ ตีเมา บรี โกะ ลูมอฮ ซือมียา จับ กูญา_ เดะ ดือนียา อีนี ลาลู” 15กะฆีเตอ มูซา ญา บูวัจ ตือปัจ มือญือมัฮ_ บลาโลก ปือนามา จะ_ “ตูฮัด บือซัยํ เดะ อาตัซ ฌาดี ฆือนีรา นะ กู.” 16ญา มือเลา จะ “กรานา อาดา ตางัน อาเกะ บือลาวัด ฌางัน ตือปัจ ดูโดะ นะ ตูฮัด บือซัยํ เดะ อาตัซ. กะฆีเตอ ตูฮัด ญา นะ บูวัจ บรี อาดา ลาฆู บือปรัก ฌางัน ลูมอฮ อามาเลก_ ปี ฌู ตือดะ ฮาบิฮ บือแนฮ บักซา เลอ.”
Currently Selected:
บราเกะ ลารี 17: ULBIBLE
Highlight
Copy
Compare
Share
Want to have your highlights saved across all your devices? Sign up or sign in
