نامۀ اَوَل وَ کِلیسِی قُرَنتُس 8
8
غَذِی تقدیمی وَ بُتَل
1ایسو درموردِ غَذِی تقدیمی وَ بُتَل: دونیم که «تَمومِ ایما علم داریم.» ای علم باعثِ غِدی یَه، امّا محبت، بنا ایکِنِه. 2اَر کسی گَمون ایکِنِه چیئی دونِه، هَنی اوطو که بایِس دونِسَه بو نُونِه. 3امّا اَر کسی خدا نَه دوس دارِه، طِی خدا شناختَه وابییَه یَه.
4پَ درموردِ خَردَنِ غَذِی تقدیمی وَ بُتَل، دونیم که «بُت وجودِ واقعی نی،» وِ «غیرَ یِه خدا، خدایی نی.» 5سییِکِه هَرچَن هِسِن اونگَلی که خدایَل خُوندَه ایابون، چه مِنِه زمین چه مِنِه آسمون - هَموطو که وَراسی هَم «خدایَلِ» وِ «خداوندَلِ» زیادی هِسی- 6وا ای حال سی ایما تِنا یِه خدا هِسی، یعنی بُو آسمونی، که هَمَه چی وَ وِّنِه وِ ایما سی وِّنیم؛ وِ تِنا یِه خداوند هِسی، یعنی عیسی مسیح، که هَمۀ چییَل وَ وَاسطۀ وِّ هِسِن وِ ایما وَ واسطۀ وِّ نِه که وجود داریم.
7وا ای حال تَمومِ مردم یِنَه نُونِن. امّا یِهپارهای وَ خاطرِ یِکِه تا ایسِه بِی بُتَل سَرِکار داشتِنِه هَنی هَم اَر ایطو غَذایی بِخَرِن، گَمون ایکِنِن او غَذا وَراسی تقدیم وابییِه وَ بُتَل؛ وُ وَ وُچِه که وجدانِشون سِسِه، ناپاک ایابو. 8«غَذا، ایما نَه وَ خدا نِزِنگ نیکِنِه»؛ نَه بِی نَخَردَن بَتَر ایابِیم، نَه بِی خَردَن بِختَر. 9امّا حَواستون بو ای اختیارِ ایشا باعثِ اُفتایَنِ آیَمَلِ سُس نَوابو. 10سییِکِه اَر کسی که وجدانِ سِسی دارِه، تِنَه که درموردِ یِه، آیَمِ دونایی یِی، نِشَسَه وَ حالِ خَردَن مِنِه بتکَدَهای بِوینِه، مَه وِّ هَم تشویق نیابو غَذِی تقدیمی وَ بُتَلَه بِخَرِه؟ 11وُ وَ ای ترتیب، علمِ تو باعثِ هلاک وابییَنِ او آیَمِ سِس ایابو، کَکایی که مسیح وَ خاطِرِش مُرد. 12پ، وختی ایطو وَ کَکایَلِتون گِنا ایکِنیت وُ وَ وجدانِ سِسِشون لَطمَه ایزَنیت، اِنگار وَ مسیح گِنا ایکِنیت. 13پَ، اَر غذا باعثِ اُفتایَنِ کَکام ایابو، دَ وَتَه گوشت نیخَرُم نَکِنِه که باعثِ اُفتایَنِ کَکام وابوم.
Currently Selected:
نامۀ اَوَل وَ کِلیسِی قُرَنتُس 8: SLB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company