نامَه وَ کِلیسِی روم 13
13
اطاعت وَ قدرَتَلِ حاکم
1هر کس مطیعِ قدرَتَلِ حاکم بو. سییِکِه هیچ قدرتی نی غیرَ وَ طرفِ خدا، قدرَتَلی که سَرِ کارِن، خدا نَهاشونِه. 2پَ هَرکه وَ ضدِ قُدرتی وَریسِه، وَ ضدِ اوچیئی وَریسایِه، که خدا نَهایِه؛ وِ اونگَل که ای کارَ ایکِنِن، داوری ایابون. 3سییِکِه درسکارَل وَ حاکِمَل هراسی نَیارِن، امّا خلافکارَل وَ اونگَل زَلَشون ایرَه. مَه ایخِی وَ صاحِب منصَب هراسی نَیاشتَه بِی؟ پَ اوچیئی نَه که دِرِسِه، اَنجوم بییِه که تِنَه تحسین ایکِنِه، 4سییِکِه وِّ خادمِ خدایَه سی خیریتِ تو. امّا اَر کارِ خلافی کِنی، زَلَت بِرَه، سییِکِه وِّ اَلَکی شُمشیر وَ قَدِش نَبَسِه. سییِکِه وِّ خادمِ خدا یَه وِ غضَبِ خدا نَه وَجا ایارِه تا کسی نَه که، کارِ خلاف کِردِه، مجازات کِنِه. 5پَ آیَم بایِس مطیع بو، نَه تِنا سی دیری وَ غضبِ خدا، بلکم وَ خاطرِ وجدان هَم.
6سی هَمیِه هَم مالیات ایئیت، سییِکِه صاحب مَنصَبَل، خادِمَلِ خدایَن، وِ ویردارِ ای چییَلِن. 7حقِ هرکه نَه وَش بِئیت: اَر خَراجِه، خَراج بِئیت؛ اَر مالیاتِه، مالیات بِئیت؛ اَر عِزَتِه، عزت بِنیت؛ وِ اَر حُرمَتِه، حُرمَت کِنیت.
وَجا آوُردنِ شریعت وَ رَه محبت
8زِرِ دِینِ هیشکَه نَبِیت، غیرَ یِکِه، یَکَه محبت کِنیت. سییِکِه هرکه وَ یِکیدَه محبت کِنِه شریعتَه وَجا آوُردِه. 9سییِکِه حُکمَلِ «زنا مَکُ»، «قتل مَکُ»، «دِزی مَکُ»، «طمع مَکُ»، وِ هر حکمِ دییِهای که هِسی، مِنِه ای کلام خلاصَه ایابو که: «هُمساتَه مِی خُوت محبت کُ.» 10محبت، وَ هُمساش بَدی نیکِنِه؛ پَ محبت شریعَتَه تمام وُ کمال اَنجوم اییِه.
11غیرَ یُو، ایشا دونیت که مِنِه چه زمونی یِیت، که ساعتِش رَسییِه که وَ خُو دیار وابِیت. سییِکِه ایسِه مِنِه قیاس بِی زمونی که ایمون آوُردیم، نجات وَمون نِزِنگتَر وابییِه. 12شُو وَ سر اومَیِه، روز نِزِنگِه. پَ بییِیت کارَلِ گَندِ تاریکی نَه بِنیم اوبال وِ زِرۀ نورَ کِنیم وَرِمون. 13بییِیت طوری دِرُس رفتار کِنیم که لایقِ کَسَلی یَه که مِنِه روشنایی روزِن، نَه مِنِه عیاشی وِ مَهسی، نَه مِنِه بیعفتی وِ هوسبازی، نَه مِنِه جَرِمِرافَه وِ حَسودی. 14بلکم عیسی مسیح خداوندَ کِنیت وَرِتون وِ سی جسم تدارک نَبینیت تا خواسِهیَلِ جسمَه وَجا بیاریت.
Currently Selected:
نامَه وَ کِلیسِی روم 13: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company