مرقس 13
13
1ولما كان يسوع عم بطلع من الهيكل حكالو واحد من تلاميذو: يا معلم، شوف م أحلى هالحجار وهالأبنية. 2فقلو يسوع: شايف عظمة هالمباني؟ رَح تنهدم ومش رَح يبقى فيها حجر ع حجر.
3ولما كان يسوع قاعد لحالو ع جبل الزيتون، إقبال الهيكل، أجاه بطرس مع يعقوب ويوحنا واندراوس وسألوه: 4قللنا، إيمتى رَح تصير هاي الأشياء وشو العلامة اللي بتدل إنو أجا وقت إنها تصير ويتحقق كل إشي؟ 5قلهن يسوع: ديروا بالكو حدا يخدعكو. 6كتار رَح ييجو ويقولوا، وكأنهن المسيح، "أنا هو" ويخدعوا كتير ناس. 7م تخافوش لما بتسمعو بالحروب وأخبارها. لازم هاي الأشياء تصير بس هاي مش النهاية. 8ورَح يتحاربو الممالك والشعوب ضد بعض. وفي بلاد رَح يصير فيها هزات أرضية ورَح يصير مجاعات. وهاي الأشياء زي بداية الطلق لما المرة بدها تخلّف. 9ديروا بالكو ع حالكو. بسببي رَح يحاكموكو بمحاكم السانهدرين وتنضربوا في الكُنُس ويوقفوكو قدام الحكام والملوك عشان تشهدولهن 10لازم بالأول توصل بشارة الإنجيل لكل الشعوب. 11ولما بسحَبوكو وبعتقلوكو تفكروش من قبل أو تهكلو-هم إيش بدكو تحكو. احكو بحسب الإلهام في هديك الساعة لأنو الكلام مش منكو هو كلام الروح القدس. 12رَح يخون الأخ أخوه ويسلمو للموت ويخون الأب ولادو. رَح يتمردوا الولاد ع أبوهن وإمهن ويقتلوهن. 13وبسببي رَح الكل يكرهكو بس اللي بِصبُـر للنهاية رَح يحصل ع الخلاص.
14ولما تشوفوا الدمار النجس موجود في المحل اللي مش لازم يكون فيه، وإن شا الله تفهموا المقصود، وقتها خلي اللي بكون في منطقة اليهودية يهرب ع الجبال. 15واللي بكون ع سطح البيت بلاش ينزل وبلاش يفوت ع بيتو يوخذ غراضو. 16واللي بِشتغِل في المزرعة بلاش يرجع لورا عشان يوخذ أواعيه. 17وفي هداك الوقت يا ويل كل وحدة حبلى أو بتـرضّع 18صلوا عشان م تكونش الدنيا شتا 19لأن النكبة تبعت هديك الأيام . . . من بداية الدنيا اللي خلقها الله لحد إسه مصرش مِتِلها ولا رَح يصير. 20ولو ربنا م قصّرش أيام الضيق م كنش نجي ولا بني آدم واحد. بس كرمال خاطر المختارين اللي هو نقاهن نقّص عدد الأيامات. 21وفي هادا الوقت إذا قلكو حدا: المسيح موجود هون أو هناك فمتصدقوش. 22لأنو رح يكتـروا الكذابين اللي بقولوا "أنا المسيح" أو "أنا نبي" ورح يجربو يخدعوا الناس بآيات وأعمال عظيمة لدرجة إنهن ممكن يقدروا يخدعوا المختارين. 23فانتبهوا. أنا حكيتلكو كل شي قبل م يصيـر.
24وبعد نكبة هديك الأيام بختفي ضو الشمس وُبروح ضو القمر 25وبتوقع النجوم من السما وبصير زلزال لكل قوة في السموات 26وقتها رح يشوفو ابن الإنسان جاي ع الغيوم مع قوة عظيمة ومجد. 27وقتها بِبعت ملايكتو وبجمعوا الناس اللي اختارهن من الشمال والجنوب والشرق والغرب ومن كل محل في العالم.
28وتعلموا الدرس من التينة. لما غصنها بصير طري وُورقها بطلع اعرفوا إنو قرّب الصيف. 29وهيك إنتو، لما بتشوفو هاي الأشياء عم تتحقق اعرفوا أنو الوقت قريب وصل ع الباب. 30عنجد بقولكو مش راح يموت هادا الجيل قبل م تتحقق كل هاي الأشياء 31السما والأرض رَح تبطل موجودة بس كلماتي مش رَح تختفي.
32وم حداش بعرف اليوم والساعة لا ملايكة السما ولا الابن. فش حدا بيعرف الوقت إلا الأب. 33اصحو وانتبهو لانكو بتعرفوش الوقت 34والموضوع بشبَه قصة زلمة سافر وترك بيتو في إيد خدّامو واعطاهن توكيل يشتغل كل واحد في مجالو وُوصى البوّاب إنو يكون صاحي. 35عشان هيك خليكو صاحيين لأنكو بتعرفوش إيمتى بيجي رب البيت، في الليل أو في نُص الليل أو وقت صياح الديك أو في الصُبح بكير. 36بلاش ييجي فجأة ويلاقيكو نايمين. 37وكلامي مش بس إلكو هو لكل الناس، خليكو صاحيين.
Currently Selected:
مرقس 13: CGB
Highlight
Copy
Compare
Share
Want to have your highlights saved across all your devices? Sign up or sign in
Colloquial Galilean Bible © 2025 The Arab Israeli Bible Society
ترجمة الكتاب المقدس باللهجة العامية الجليلية © 2025 دار الكتاب المقدس في الناصرة
