مرقس 2
2
1وبعد أكم من يوم رجع يسوع ع كفرناحوم فسمعوا الناس إنو هو بالبيت. 2وتجمّع عدد كبيـر من الناس وم ضلش محل لحدا حتى عند الباب وصار يسوع يوعظلهن. 3وأجو لعندو أربع أشخاص حاملين واحد مشلول. 4ولما م قدروش يوصلوا من كتـر الناس خزقوا سقف البيت وكشفوا فوق المحل اللي كان فيه يسوع ونزّلوا المشلول وهو متمدد ع فرشته. 5لـما شاف يسوع إيمانهن قال للمشلول: يا ابني، انغفرت خطاياك. 6وكان في ناس من جماعة الكتبة قاعدين هناك فصاروا يفكروا ع السكت 7كيف هادا الزلمة بِحكي هيك؟ هو عم بجدف. مين غيـر الله بِقدر يغفر الخطايا؟ 8طوالي حس يسوع بروحه شو عم بفكروا فسألهن: ليش عم بتفكروا هيك؟ 9شو أسهل أقول للمشلول انغفرت خطاياك أو أقُلّه قوم احمل فرشتك وامشي؟ 10بس عشان تتأكدوا إنو عند ابن الإنسان السلطة إنو يغفر الخطايا ع الأرض، قال يسوع للمشلول: 11بَقلك قوم احمل فرشتك وروح مشي ع بيتك. 12فطوالي قام حمل الفرشه وطلع قدام الكل وتعجبت كل الناس ومجدت الله وقالت: بحياتنا م شفناش هيك إشي.
13وطلع كمان مرة ع شط البحر وأجو لعندو كل الناس وصار يعلمهن. 14ولما كان عم بمشي شاف لاوي أبن حلفى قاعد بلم ضرايب. فقلّو: صير من تلاميذي. فقام وراح معه. 15وراح يسوع يوكل في بيت لاوي وهناك قعدوا معه ومع تلاميذه كتيـر من الناس اللي مشيو وراه وهن ناس بلمو ضرايب وخاطيين. 16ولما شافوه الكتبة اللي من جماعة الفريسيين بوكُل مع الخاطيين واللي بلموا الضرايب قالو لتلاميذه: ليش عم بوكُل مع اللي بلموا الضرايب والخاطيين؟ 17لـما سمع يسوع قلهن: المرضى هِنِّ اللي بحاجة لدكتور مش الناس اللي صحتهن منيحة. وأنا إِجيت عشان ادعو الخاطيين مش الأبرار.
18وكانوا الفريسيين وتلاميذ يوحنا بصومو. فأجوا وسألوا يسوع: ليش تلاميذ يوحنا وتلاميذ الفريسيين بصومو بس تلاميذك لأ؟ 19قلهن يسوع: بِنفع أهل العريس يصوموا والعريس بيناتهن؟ طول م العريس بيناتهن بِنفعش يصوموا. 20رَح ييجي الوقت ويبطل العريس بيناتهن سيعتها رَح يصوموا. فش حدا برقع أواعي عتيقة بشقفة قماش ولا مرّة انغسلت لأنو إذا انكمشت بتمزع الأواعي وبكبـر الخزق. 21وفش حدا بحط نبيذ جديد في قنينة جلد قديمة وإلا بتتمزغ القنينة وبتخرب وبنكب النبيذ. 22لازم نحط النبيذ الجديد في قنينة جلد جديدة.
23وفي يوم السبت كان يسوع عم بِتمشَّ بين الزريعة فصاروا تلاميذو يلقطوا من سنابل القمح اللي في الطريق. 24فقلولو الفريسيين: اطّلع! ليش عم بِعملوا المحرَّم في السبت؟ 25فقلهن: م قريتوش شو عمل داود لما هو واللي معه جاعوا؟ 26وكيف فاتوا على الهيكل في أيام رئيس الكهنة أبياثار وأكلوا كلهن من الخبـز المقدس اللي محرَّم حدا يوكلو غيـر الكهنة؟ هو أكل وأعطى اللي معه عشان يوكلو. 27وقلهن: انخلق السبت عشان الإنسان مش العكس. 28عشان هيك ابن الإنسان هو السيد حتى ع السبت.
Currently Selected:
مرقس 2: CGB
Highlight
Copy
Compare
Share
Want to have your highlights saved across all your devices? Sign up or sign in
Colloquial Galilean Bible © 2025 The Arab Israeli Bible Society
ترجمة الكتاب المقدس باللهجة العامية الجليلية © 2025 دار الكتاب المقدس في الناصرة
