ମାର୍କ 13
13
ମାପ୍ରୁନା ମନ୍ଦିର୍ବକ୍ ମା ଡେନ୍ତା ଡ'ସେକ୍ ଜିସୁଲା ସୁଁସୁଡେନ୍
(ମାତିଉ 24:1–2; ଲୁକ 21:5–6)
1ଜିସୁଲେ ମନ୍ଦିର୍କୁରୁଂ ତୁତୁର୍ବେଲା ମାଇନା ସିସ୍ୟ ମୁଇନ୍ଡା ସୁନ' “ଅ ଗୁରୁ, ଜୁ କେନ୍ ଡିଂଅଁଲେ ବୁଡାଲା ବୁଡାଲା ବୁରେବୁରଂ ଅବୁଦି ବଲ୍ଟା ବଡ'ତା” ଡ'ସେକ୍ ସୁନ' ।
2ସା' ଜିସୁଲା ଆମାଇ ସୁନ' “ଜୁ କେନା ନ ଜୁଲ'କୁନୁଂ ବୁଡାଲା ଡିଂଅଁ ମୁସିଂ ଟାଟେଉ ବିଲାୟ'ସୁଂତ । ସା' ଡିଂଅଁ ବଡ'କୁନୁଂ ବୁରେଲେ ଗୁଲାଇ ଲଗ୍ଉଇତା, ବୁରେଲେ ମୁଇସା ମାର୍ମୁଇ ବୁରେ ବାଗ୍ବକ୍ ଡୁକୁନୁଂ ପେ ମାରି ଜୁଜୁ ଆଗଂତୁପେ” ଡ'ସେକ୍ ସୁନ' ।
ତିର୍ଗି'ସୁମଂ କେନ୍ ଦର୍ତନିବକ୍ ମାମା ଡେନ୍ତା ଡ'ସେକ୍ ଜିସୁଲା ସୁଁସୁଡେନ୍
(ମାତିଉ 24:3–14; ଲୁକ 21:7–19)
3ତିର୍ଗି' ମାଇ ଉନ୍ତ୍କୁରୁଂ ତୁର୍ସେ'ଗା ଗୁତୁନ୍ ମାପ୍ରୁନା ମନ୍ଦିର୍ନା ସାର୍ମ'କୁରୁଂ ଡୁକୁନୁଂ ଜିତ ଡ'କୁନୁଂ କୁନ୍ଡାପାଲି ସାକ୍ମାଇ ଲେଇ'କୁନୁଂବେଲା ପିତର୍ଲା, ଜାକୁବ୍ଲା, ଜଅନ୍ଲା ମାରି ଆନ୍ଦ୍ରିୟଲା ମାଇନ୍ବକ୍ ସାକ୍ସେକ୍ କଲେ ଅ'ଗଁସ୍ଲା'ଗା', 4“ନ ସୁନ'କୁନୁଂ କେନ୍ ଗୁଲାଇ ଇନ୍ଡ'ୟା ଡେନ୍ତା? ଗୁତୁନ୍ ଡିନ୍ଡେମ୍ନା ବେଲା ସୁରୁଇ' ସୁସାପ୍ଡେନ୍ ଡ'ସେକ୍ ନେଇ ମିବାଇ' ସିନ ଜୁଲ'ସେକ୍ ମାକ୍ତୁନେଇ?” ଡ'ସେକ୍ ସୁନ' ।
5ସା' ଜିସୁଲା ଆମା'ଏ ସୁନ', “ଜାଏସା ଆପେ ଆନାଡାଏଇ' ଡ'ସେକ୍ ପେ ସଇଗା ଡେଂସେକ୍ ଡୁକୁଲା । 6ମାସା'ଡ'ନା ‘ନିଂଉ କିରିସ୍ଟଲା’ ଡ'ସେକ୍ #13:6 ଆରେମଲେ ରକ୍ୟା ଡିନ୍ଡେମ୍ପୁଲେଇ ମାପ୍ରୁ ସିରେଲ'ସେକ୍ ବେନ୍ଟାୟ'କୁନୁଂ ମୁଇନ୍ଡା । ରେମଲେ ଅବୁଦିର ନିଂନା ଇମି ସୁନ'ସେକ୍ ପେନ୍ବକ୍ ସାପ୍ତା । ମା'ଏ ଡୁ'ତୁନା ଅବୁଦିରବକ୍ ନାଡାଇତ । 7ଇନ୍ଡଇ'ଏସା ଉନ୍ତୁ' ଉନ୍ତୁ' ରେମଲେ ଇନ୍ଡ୍ରିମ୍ ଡେଂକୁନୁଂ ଅଂଅଁ'ନାସା ସୁଲୁଂ ସୁଲୁଂ ଇନ୍ଡ୍ରିମ୍ ଡେଂକୁନୁଂ ଅଂଅଁ'ସେକ୍ସା ପେ ଆବୁତୁଂଗା' । ସତଇସା ଡି'କେନ୍ ଗୁଲାଇ ଡେଂନାଉ ଡେନ୍ତା ମାତର୍ ଆଇ'ତୁନ୍ବେଲା ରାଜି ବୁଡାଇବାର୍ନା ଆଇ'କୁ ଆଡେନ୍ତା । 8ମାସା'ଡ'ନା ମୁଇ ଦେସ୍ନା ରେମଲେ ପାଲ୍ ଦେସ୍ନା ରେମଲେବୁରଂ ମାରି ମୁଇ ରାଜିନା ରେମଲେ ପାଲ୍ ରାଜିନା ରେମଲେବୁରଂ ରିମ୍ତ । ଆମ୍ବ' ଆମ୍ବ' ଦର୍ତନି ଲୁନ୍ଡୁର୍ତା ମାରି ସୁସୁମ୍ଇ'ପୁଲେଇ ଆବାମ୍ତା ଉନ୍ତା ରେମଲେ ଅବୁଦି କସ୍ଟ ଡେନ୍ତା । ମାତର୍ କେନ୍ ଗୁଲାଇ ଡେଂକୁନୁଂ ଜୁଲ'ନା ଆମୁଇନ୍ଡା ସେଲାନ୍ଲା ଜନମ୍ସି ମୁଲାଇବାର୍ବେଲା ମି ଡେନ୍ତା ଡୁ'ତୁନ୍ସୁଗଉ ଡୁତା ।
9 #
ମାତିଉ 10:17–20; ଲୁକ 12:11,12 ଡି'କେନ୍ ମାଏସା ଡେଂନା ପେ ସଇଗା ଡେଂସେକ୍ ଡୁକୁଲା । ମା'ଏ ଆପେ ସବ'ସେକ୍ ବିସାର୍ନା ଡିନ୍ଡେମ୍ରେମେନ୍ବକ୍ ଅସବ' ବେ'ତ ମାରି ମା'ଏନା ପାର୍ତନା ଡିଂଅଁବକ୍ ରିଂସେକ୍ ଆପେ ଗୁରାଇ'ବାଇ' ଅ'ରଇଁୟ'କୁନୁଂ ସିଂକ୍ଲିସୁଗବାଇ'ବୁରଂ ଅବୁଦି ବୁକ୍ତ । ପେ ଆନିଂ ବିସ୍ବାସ୍ ଡେମ'ତୁପେସା' ଆପେ ମୁନା'ମୁନା' ରାଜାଲେନ୍ବକ୍ ମୁନା'ମୁନା' ମନ୍ତ୍ରିଲେନ୍ବକ୍ ରିଂଅଁ' ଉଇତା । ଆତା ମା'ଏନ୍ବକ୍ସା ପେ ନିଂନା ବଲ୍କବର୍ ଆମା'ଏ ସାକି ସୁଁସୁ ଗଂତୁପେ । 10ମାସା'ଡ'ନା ମାପ୍ରୁ ଆଗୁଲାଇର ବିସାର୍ନା ଡିନ୍ଡେମ୍ ସିଁସେଇଁଉ ମାପ୍ରୁନା ବଲ୍କବର୍ ଆଗୁଲାଇ ରେମଲେ ସୁନ'ନାଉ ଡେନ୍ତା । 11ଆପେ ସବ'ସେ'ଗା ବିସାର୍ନା ଡିନ୍ଡେମ୍ପୁଲେଇ ରିଂଅଁ' ଉଇନା ନେଇ ମା ସୁନ୍ତୁନେଇ ଡ'ସେ'ଗା ମୁଲ୍ଉ ପେ ଆବୁତୁଂଗା' । ଆଇ'ତୁନ୍ବେଲା ପବିତ୍ର ଆତ୍ମା ପେନା ଜିବନ୍ବକ୍ ମା ସୁନ'ନା ଡେନ୍ତା ଡ'ସେ'ଗା ସୁନ୍ତ, ଗୁତୁନାଉ ପେ ଅଂଅଁ'ସେକ୍ ସୁଁ । ମାସା'ଡ'ନା ଆତା ପେ ସୁଁସୁବେଲା ପେଉ ଆସୁନ୍ତୁପେ, ପବିତ୍ର ଆତ୍ମାଉ ପେପୁଲେଇ ସୁନ୍ତ ।
12ବୁୟାଂଡେଇଁ ଆବୁୟାଂଡେଇଁ ମାରି ବାଡେଇଁ ଆ'ଉଁନ୍ଡେଇଁ ଅଗୁଇ' ଡ'ସେକ୍ ରେମଲେନ୍ ତିତିବକ୍ ବେ'ତ । ଉଁ'ଉଁନ୍ଡେଇଏଁ ଆୟଂଡେଇଁ ଆବାଡେଇଁ ଅଡାବ'ସୁଂ ଡ'ସେକ୍ ଆମାଇପା ଦାଇରେମ୍ନା ତିତିବକ୍ ଅସୁୟ'ବେ'ତ । 13#ମାତିଉ 10:22ପେ ଆନିଂ ବିସ୍ବାସ୍ ଡେମ'ତୁପେସା' ଆପେ ଗୁଲାଇର ଗୁମୁଇତ । ମାତର୍ ଗୁଗୁଇ'ପନ୍ତେକ୍ ଆମାପ୍ରୁ ଆଅନ୍ତୁର୍ତିଂ ଡ'ସେକ୍ ଜା ଡୁତା ଆମାଇ ମାପ୍ରୁ ରକ୍ୟା ଡେମ୍ତ ।”
ରେମଲେପୁଲେଇ ଅବୁଦି କସ୍ଟବାଇ' ମୁଇ ଦିନ୍ ସାପ୍ତା ଡ'ସେକ୍ ସୁଁସୁଡେନ୍
(ମାତିଉ 24:15–28; ଲୁକ 21:20–24)
14ଅବୁଦି ଅଲିରାକ୍ବାଇ' ମାରି ବୁତୁଂସୁବ୍ଡାକ୍ବାଇ' ମୁଇନ୍ଡା ସାକ୍ସେକ୍ ମାଇ ଆମ୍ବ' ଡୁକୁ ଆପଡ୍ତା ଆତା ମାଇ ଡୁକୁନୁଂ ପେ ଜୁତୁପେ । (କେନ୍ ଲେକ୍ଲ'କୁନୁଂ ଜା ପଡ୍ତା ମାଇ କେନା ମା ଡ'ସେକ୍ ମାଗ' ଡୁକୁଡୁତା) । ଆଇ'ତୁନ୍ବେଲା ଜିଉଦା ଦେସ୍ନା ରେମଲେ ଗୁଲାଇର କୁନ୍ଡାବାଗ୍ବକ୍ ସେଟ୍ଟ' ଉର' ଡାୟା' । 15#ଲୁକ 17:31ଗି'ଡାଂପୁଲେଇଁ ବାଗ୍ବକ୍ ଡୁକୁନୁଂ ରେମଲେ ଆଲୁଂ ଜର୍ସେକ୍ ଉର' ଡୁଂଡୁଂବେଲା ସୁରୁଇ' ଡିଂଅଁ ବିତ୍ରେ ମାମା ଜୁକ୍ତିଂ ଡ'ସେକ୍ ଆଗାଇଗା' । 16ମାରି ବୁରଂବକ୍ ଡୁକୁନୁଂରେମ୍ ଉର' ଡୁଂଡୁଂବେଲା ଆଡିଂଅଁ ଇମ୍ପ' ଇନ୍ଡ୍ରିଂ ଗାଇତିଂ ଡ'ସେକ୍ ଆଗାଇଗା' । 17ଆଇ'ତୁନ୍ବେଲା ଜାଜା ଅନ୍ତୁର'କୁନୁଂ ମାରି ଅଗ'କୁନୁଂବାଇ' ସେଲାନେ ଡୁତା ଡ'ନା ମା'ଏ ଅବୁଦି କସ୍ଟ ବାମ୍ତା । 18ମାସା'ଡ'ନା ଉରିଂପୁଲେଇ ଉର୍ପୁଲେଇ ଆପେ ଅବୁଦି କସ୍ଟ ବାମ୍ତାସା' କେନ୍ ଉନ୍ଡ୍ରଂବେଲା ମଡିନ୍ଡେମ୍ପୁଲେଇ ମାପ୍ରୁନ୍ବକ୍ ପାର୍ତନା ଡେମ୍। 19#ଅସୁୟ'କୁନୁଂ 7:14ମାସା'ଡ'ନା ମାପ୍ରୁ ଦେସ୍ଦୁନିଆ ଅ'ରଇଁବାଂସା' ଆ'ନ୍ପନ୍ତେ'କା ଆଜାଏସା ଡୁ'ତୁନ୍ବାଇ' କସ୍ଟ ସୁସାପ୍ ଅରଇ' । ମାରି ଡୁ'ତୁନ୍ବାଇ' କସ୍ଟ ଇନ୍ଡଇ'ଏସା ଆସାପ୍ତା । ଡୁ'ତୁନ୍ବାଇ' ଅବୁଦି କସ୍ଟ ଉନ୍ତା ସାପ୍ତା । 20ଡୁ'ତୁନ୍ବାଇ' କସ୍ଟ ବିବେ'ବେଲା ଅବୁଦି ଦିନ୍ ବୁଂଅଁ'ନା ରେମଲେ ବୁର ଆଗଂତା ଡ'ସେକ୍ ପ୍ରବୁ ଉନା ଦିନ୍ଉ ବୁଂଅଁ'ତା । ମାରି ପ୍ରବୁ ନିଂନା ରେମ ଡ'ସେକ୍ ସିରେଲ' ବୁଂଅଁ'କୁନୁଂ ରେମଲେବକ୍ ଏତ୍ସେକ୍ ଉନା ଦିନ୍ଉ ଡି'କେନ୍ ଡେମେଇ' ଡ'ସେକ୍ ବୁଂଅଁ'ତା । 21ଉନ୍ତା ଜାଏସା ଆପେ, “ଜୁ କିରିସ୍ଟଲା ଆକେ ଡୁତା” ଆରା'ଗେ “ଆତା ମାଇ ଡୁତା” ଡ'ସେକ୍ ସୁନ'ନା ପେ ବିସ୍ବାସ୍ ଆଡେମ' । 22ମାସା'ଡ'ନା ଉନ୍ତା ନିଂଉ କିରିସ୍ଟଲା ଡ'ସେକ୍ ମାରି ନିଂଉ ବାବବାଦିଲା ଡ'ସେକ୍ ଏନ୍ତୁକ୍ର ପଲୁ ସୁନ'ସେକ୍ ସାପ୍ତା ମାରି ଅବୁଦି ସିନଲେ ମାରି ଅବୁଦି କାବା ଡିନ୍ଡେମ୍ବାଇ' କାମ୍ ମା'ଏ ଡେମ' ଅସୁଇ'ତ । ଡୁ'ତୁନ୍ଉ ଅସୁୟ'ସେକ୍ ଆଜାଆଜା ମାପ୍ରୁ ନିଂନା ରେମ ଡ'ସେକ୍ ସିରେଲ' ବୁଂଅଁ'ତା ଆମା'ଏସା ନାଡାଇବାର୍ପୁଲେଇ ସେସ୍ଟା ଡେମ୍ତ । 23ସା' ପେ ସଇଗା ଡେଂସେକ୍ ଡୁକୁଲା; ଗୁତୁନ୍ପୁଲେଇ କେନ୍ ଗୁଲାଇ ନିଂ ଆପେ ଆ'ନା ସିଁସେଇଁନୁକ୍ ସୁନ'ତିଂ ।
କିରିସ୍ଟ ଇନ୍ଡ'ୟା ସାପ୍ତା ।
(ମାତିଉ 24:29–31; ଲୁକ 21:25–28)
24 #
ଅସୁୟ'କୁନୁଂ 6:12
ଆଇ'ତୁନ୍ବେଲା ଗୁତୁନ୍ କସ୍ଟ ସା'କୁନୁଂ ତିର୍ଗି',
ସିଂଇଁ କାଲ୍ୟାଲ' ଉଇତା ।
ଆର୍କେ ଆତାର୍ତା ।
25 #
ଅସୁୟ'କୁନୁଂ 6:13
ମୁମର୍ତ'ଗେ କି'ତୁଂକୁରୁଂ ଲକ୍ତା ।
ମାରି କି'ତୁଂବକ୍ ପାଲ୍ ମାମା ଡୁତା ଗୁତୁନ୍ ଗୁଲାଇ ଜୁଲ୍ତା ।
26 #
ଅସୁୟ'କୁନୁଂ 1:7
ତିର୍ଗି' ନିଂ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ଅବୁଦି ବପୁବାଂସେକ୍ ଅବୁଦି #13:26 ଅବୁଦି ମଇନାବାଇ' ତାରାକ୍ସେ'ଗା- ମଇମା ବାଂସେକ୍ମଇନାବାଇ' ତାରାକ୍ସେ'ଗା ବାଦଲ୍କୁରୁଂ ଜୁଜର୍ବେଲା ଗୁଲାଇର ତାଂଡାୟ'ସେକ୍ ଆନିଂ ଜୁତ । 27ଆଇ'ତୁନ୍ବେଲା ମାଇ ଆମାଇନା ଦୁତଲେ ନିଂ ସିରେଲ' ବୁଂଅଁ'କୁନୁଂ ରେମଲେବକ୍ ଆଗୁଲାଇର ଆକେ ୱାୟ' ରିଂ ଡ'ସେକ୍ ଦର୍ତନିବକ୍ ଗୁଲାଇ କୁନ୍ଡା ବେନ୍ଟାଇତ । ସା' ମା'ଏ ଉଇସେକ୍ କେନ୍ ଦର୍ତନିନା କି'ତୁଂ ଆଲୁଂ ଡୁକୁନୁଂ ଆମା'ଏ ଆଗୁଲାଇର ରିଂତ ।
ଲିଅଇ ସୁଲପ୍ନା ଉ'ସୁରାମ୍
(ମାତିଉ 24:32–35; ଲୁକ 21:29–33)
28ଆଲିଅଇ ସୁଲପ୍ ଜୁଲ'ସେକ୍ ମାକ୍ । ମା ଡ'ନା ଗୁତୁନ୍ ସୁଲପ୍ନା କେନ୍ଡାଲେ ପୁ'ଡୁର୍ସେକ୍ ତିମେ ଉଲା'ଗେ ତୁର୍କୁନୁଂ ଜୁଲ'ନା ଞାଁ'ସିଂ ମୁଲାଇବାର୍ ଡେନ୍ତା ଡ'ସେକ୍ ପେ ମାକ୍ତୁପେ । 29ଡୁ'ତୁନ୍ସୁଗ କେନ୍ ଗୁଲାଇ ଡେଂକୁନୁଂ ଜୁଲ'ନା ଗୁତୁନ୍ ଇନ୍ତୁ ସା'ଗୁତା ମାରି ଅବୁଦି ଡେରି ଆଡେନ୍ତା ଡ'ସେକ୍ ପେ ମାକ୍ତୁପେ । 30କେନ୍ ଗୁଲାଇ ଡିନ୍ଡେମ୍ ପନ୍ତେକ୍ ଆ'ନା ଡୁକୁନୁଂ ଜୁଲିନା ରେମଲେ ଆଗୁଇ'ତା ଡ'ସେକ୍ ଆପେ ନିଂ ସତଇସା ସୁନ'ତିଂ । 31କି'ତୁଂ ମାରି ଦର୍ତନି ଗୁଲାଇ ବୁ'ଗ୍ ଉଇତା ମାତର୍ ନିଂ ସୁନ'କୁନୁଂ ତୁମ' ଇନ୍ଡଇ'ଏସା ଆବୁ'ତା ।
ଜିସୁଲା ସୁସାପ୍ନା ବେଲା ଜାଏସା ଆମାକ୍ତ
(ମାତିଉ 24:36–44)
32 #
ମାତିଉ 24:36
“ଡୁ'ତୁନ୍ ଡିନ୍ଡେମ୍ନା ଦିନ୍ ମାରି ବେଲା ଇନ୍ଡ'ୟା ଡେନ୍ତା ଡ'ସେକ୍ ନିଂନା ବାଉ ମାଗ'ତା ମାରି ଜାଏସା ଆମାକ୍ତ, ସରଗ୍ନା ଦୁତଲେସା ମାରି ମାପ୍ରୁନା ଉଁ'ଉଁସା ଆମାକ୍ତ । 33ନିଂ ଇନ୍ଡ'ୟା ସାପ୍ତିଂ ଡ'ସେ'ଗା ଆମାକ୍ତୁପେସା' ପେ ଅଜାକ୍ସେକ୍ ଡୁକୁଲା । 34#ଲୁକ 12:36–38ମା ଡ'ନା କେନା ମୁଇନ୍ଡା ଅବୁଦି ସୁଲୁଂ ରାଜିବକ୍ ଉଇସେ'ଗା ସୁସାପ୍ ଡେଂକୁନୁଂସୁଗ ଡୁତା। ମାଇ ସୁଲୁଂ ରାଜିବକ୍ ଉଇବେଲା ମାଇନା ଡିଂଅଁନା ଅଦିକାର୍ ଗୁଲାଇ ଆମାଇନା ଗତିରେମେ ବେଡ'ସେକ୍ ଉଇଗା' । ନିଂ ଇନ୍ଡ'ୟା ଇ'ତିଂ ଡ'ସେକ୍ ଆମାକ୍ତିଂ, ନ ଡାନ୍ଡର୍ବକ୍ ଇସାଉ ଜାଗ୍ଲ' ଲେଇ'କୁଲା ଡ'ସେକ୍ ଆଜାଗ୍ବାର୍ରେମ୍ ସୁନ'ସେକ୍ ମାଇ ଉଇଗା' ।
35ଗୁତୁନ୍ ଡିଂଅଁନା ସାକାର୍ସୁଗ ନିଂ ଇନ୍ଡ'ୟା ସାପ୍ତିଂ ଡ'ସେକ୍ ପେ ଆମାକ୍ତୁପେସା' ଇସାଉ ସଇଗା ଡେଂସେକ୍ ଡୁକୁଲା! ନିଂ ଇନ୍ଜୁର୍କି ମୁନ୍ଡିପ୍କି ମୁଇ'ସାଂତକ୍କି ଆ'ଇବେଲାସା ସାପ୍ତିଂ । 36ଆ'ଇବେଲା ନିଂ ସାକ୍ନାସା ପେ ଲେମ'ସେକ୍ ଆଡୁକୁଗା', ପେ ଗୁଲାଇର ଇସାଉ ଜୁଲ'ସେକ୍ ଡୁକୁଲା । 37ନିଂ ସୁନ'କୁନୁଂ କେନ୍ ଗୁଲାଇ ଗୁଲାଇରପୁଲେଇଉ ସୁନ'ତିଂ । ପେ ସଇଗା ଡେଂକୁଲା” ଡ'ସେକ୍ ସୁନ' ।
Currently Selected:
ମାର୍କ 13: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
