ମାର୍କ 8
8
ଜିସୁଲା ସାର୍ ଅଜାର୍ ରେମଲେବକ୍ ଅ'ସୁମ୍ ଡେନ୍
(ମାତିଉ 15:32–39)
1ଆଇ'ତୁନ୍ବେଲା ମାରି ମୁସ ଜିସୁନ୍ବକ୍ ଅବୁଦିର ସାକ୍ସେକ୍ ରୁନ୍କୁଗା' । ମାରି ମା'ଏ ସୁସୁମ୍ପୁଲେଇ ରିଂଅଁ' ସା'କୁନୁଂ ଗୁଲାଇ ଡମ'ଉଇଗା'ସା' ଜିସୁଲା ଆମାଇନା ସିସ୍ୟଲେ ୱାୟ'ସେକ୍ ସୁନ', 2“ଜୁ, କେନ୍ ରେମଲେ ଆ'ନାବୁରଂ ତିନ୍ଦିନ୍ ଡେଂଗା' ଆକେ ନିଂବୁରଂ ଡୁତା । ସୁସୁମ୍ପୁଲେଇସା ମା'ଏନ୍ ତିତିବକ୍ ମାସା ଆଡୁତା । ଆମା'ଏ ଜୁଲ'ସେକ୍ ଆନିଂ ଅବୁଦି ଲିବିସୁପ୍ ସା'ଗୁତା । 3ମାରି ମା'ଏ ଏନ୍ତୁକ୍ର ସୁଲୁଂକୁରଂ ସା'ଗୁତାସା' ଆ'ନା ନିଂ ମାଏସା ସୁସୁମ୍ଇ'ପୁଲେଇ ମବିନେ' ଆଂଡାକ୍ ବେନ୍ଟାୟ'ନା ମା'ଏ କୁରୁଂଗୁ'ତାଂବକ୍ ପୁଇମଡ'ସେକ୍ ଲଗ୍ଡାଇ'ତା” ଡ'ସେକ୍ ସୁନ' ।
4ସା' ମାଇନା ସିସ୍ୟଲେ ସୁନ' “ଜୁ, ଆକେ ମାସା ମବୁନାମ୍ବାଇ' ଉଂଗମ୍, ଆଇ'କେନ୍ ରେମବକ୍ ନେଇ ଇମ୍ବ'କୁରୁଂ ସୁସୁମ୍ପୁଲେଇ ରିଂଅଁ' ବେ'ତୁନେଇଲେଇ”? ଡ'ସେକ୍ ସୁନ' ।
5ସା' “ପେନ୍ବକ୍ ଆ'ଇସୁଗ ରୁଟି ଡୁତା?” ଡ'ସେକ୍ ଜିସୁଲା ଆମା'ଏ ଅ'ଗଁସ୍ଲା'ଗା' ।
ସା' ମା'ଏ ସୁନ' “ନେନ୍ବକ୍ ସାତ୍ଟା ରୁଟି ଡୁତା” ଡ'ସେକ୍ ସୁନ' ।
6ସା' ଜିସୁଲା ଆମା'ଏ ଆଗୁଲାଇର ଆଲୁଂ ଲେ'ୟା ଡ'ସେକ୍ ସୁନ' । ତିର୍ଗି' ରେମଲେନ୍ବକ୍ ଡୁକୁନୁଂ ସାତ୍ଟା ରୁଟି ଜିସୁଲା ତିତିବକ୍ ସକ୍ସେକ୍ ଆମାପ୍ରୁ ସୁନ୍ଡ୍ରଗା' । ସୁନ୍ଡ୍ରକ୍ସେ'ଗା ସାତ୍ଟା ରୁଟି ସେତୁଗ'ସେକ୍ ଆଗୁଲାଇର ବାନ୍ଟାଲ'ବେ' ଡ'ସେକ୍ ଆମାଇନା ସିସ୍ୟଲେ ବେଡ' । ସା' ମା'ଏ ଗୁତୁନ୍ ରୁଟି ରିଂସେକ୍ ଆଗୁଲାଇର ବାନ୍ଟାଲ' ବେଡ' । 7ମା'ଏନ୍ବକ୍ ଡାଉଡାଉବାଇ' ଆ'ଡଂସା ଇ'କିସୁଗ ଡୁକୁଗା' । ସା' ଜିସୁଲା ଗୁତୁନ୍ ଆ'ଡଂସା ସକ୍ସେକ୍ ଆମାପ୍ରୁ ସୁନ୍ଡ୍ରକ୍ସେକ୍ ଆଗୁଲାଇର ବାନ୍ଟାଲ'ବେ' ଡ'ସେକ୍ ଆମାଇନା ସିସ୍ୟଲେ ସୁନ' । 8ଗୁତୁନ୍ ରୁଟି ମାରି ଆ'ଡଂବୁରଂ ଆତା ଡୁକୁନୁଂ ରେମଲେ ଗୁଲାଇର ସୁମ'ସେକ୍ ବ'ସୁଗା'ସା' ଲଲ'କୁନୁଂ ଗୁଲାଇ ଜୁକ୍ଜୁଗ'ସା' ସାତ୍ଟା ଡାମୁଂବକ୍ ବର୍ତି ଡେଂଗା' । 9ମା'ଏ ଗୁଲାଇର ସାର୍ ଅଜାର୍ସୁଗ ରେମଲେ ଡୁକୁ । ଗୁଲାଇର ଡସୁମ୍ଗା'ସା' ଜିସୁଲା ଆମା'ଏ “ପେ ଇ' ଆରାବେ” ଡ'ସେକ୍ ବେନ୍ଟାୟ'ବେଡ' । 10ବେନ୍ଟାୟ'ସେକ୍ ଜିସୁଲା ମାଇନା ସିସ୍ୟଲେବୁରଂ ଡଂଗାବକ୍ ଲେଇ'ସେକ୍ ଦଲ୍ମନୁତା ଡ'କୁନୁଂ ଜିଲାବକ୍ ଉଇଗା' ।
ପାରୁସିଦଲ୍ନା ରେମଲେ ମୁଇ କାବା ଡିନ୍ଡେମ୍ବାଇ'ନା କାମ୍ ଡେମ୍ ଡ'ସେକ୍ ଆଜିସୁଲା ସୁଁସୁଡେନ୍
(ମାତିଉ 6:1–4)
11 #
ମାତିଉ 12:38; ଲୁକ 11:16 ସା' ଏନ୍ତୁକ୍ର ପାରୁସିଦଲ୍ନା ରେମଲେ ମାଇନ୍ବକ୍ ସାକ୍ସେକ୍ ମାଇବୁରଂ ଅବୁଦି ଅଇଁୟ' । ଅଇଁୟ'ସେକ୍ ଆମାଇ ପରିକା ଡିନ୍ଡେମ୍ପୁଲେଇ ଆନେଇ ନ କି'ତୁଂକୁରୁଂ ମୁଇ ସିନ ଅସୁଇ' ଡ'ସେକ୍ ମା'ଏ ସୁନ' । 12#ମାତିଉ 12:39; ଲୁକ 11:29ଗୁତୁନ୍ ଅଂଅଁ'ସେକ୍ ଜିସୁଲା ମୁନା'ବାଇ' ଆତୁକ୍ସେ'ଗା ଆମା'ଏ ସୁନ' “ମାସା' କେନ୍ ରେମଲେ ଆନିଂ ମୁଇ ସିନ ଅସୁଇ' ଡ'ସେକ୍ ସୁନ'ତା? ନିଂ ସତଇସା ସୁନ'ତିଂ, ନିଂ ବାସ୍ ଆପେ ଆ'ସୁଇ'ତିଂ ।” 13ଡୁ'ତୁନ୍ ସୁନ'ସେକ୍ ଜିସୁଲା ମାଇନା ସିସ୍ୟଲେବୁରଂ ଉନ୍ତ୍କୁରୁଂ ତୁର୍ସେକ୍ ଡଂଗାବକ୍ ଲେଇ'ସେକ୍ ସମ୍ଦର୍କିନ୍ଡାକ୍ ଇନ୍ସି ଉଇଗା' ।
ଜିସୁଲା ଆମାଇନା ସିସ୍ୟଲେ ସଇଗା ଡେଂସେକ୍ ଡୁକୁଲା ଡ' ସୁଁସୁଡେନ୍
(ମାତିଉ 16:5–12)
14ସା' ସିସ୍ୟଲେ ଡଂଗାବକ୍ ଉଇବେଲା ସୁସୁମ୍ପୁଲେଇ ରୁଟି ରିଂଅଁ' ଉଇ ବାନାକ୍ଉଇଗା' । ସା' ମା'ଏନ୍ବକ୍ ମୁଇଉ ରୁଟି ଡୁକୁଗା' । 15#ଲୁକ 12:1ମା'ଏ ସମ୍ଦର୍କିନ୍ଡାକ୍ବକ୍ ପୁପ' ଡେଂକୁନୁଂବେଲା ଜିସୁଲା ଆମାଇନା ସିସ୍ୟଲେ ସୁନ' “ଜୁ, ପେ ପାରୁସିଦଲ୍ନା ରେମଲେନା ମାରି ଏରଦ୍ଲାବୁରଂ ଡୁକୁନୁଂ ରେମଲେନା କମିର୍କୁରୁଂ#8:15 କମିର୍ ଡ'ନା ରେମଲେ ରଟି ଅ'ରଇଁବେଲା ପୁଲ୍ବାର୍ପୁଲେଇ ତର୍ଲା'ବକ୍ ମାଇତ । ସଇଗା ଡେଂସେକ୍ ଡୁକୁଲା” ଡ'ସେକ୍ ସୁନ' ।
16ନେ'ନ୍ବକ୍ ରୁଟି ଆଡୁତାସାଉ ଜିସୁଲା ଡି'କେନ୍ ସୁନ'ତା ଡ'ସେକ୍ ଜିସୁନା ସିସ୍ୟଲେ ମା'ଏ ମା'ଏଉ ଅ'ସୁନୁଗା' ।
17ମା'ଏ ଅ'ସୁନୁକୁନୁଂ ଜିସୁଲା ମାଗ'ସେକ୍ ଆମା'ଏ ସୁନ' “ରୁଟି ଆଡୁତା ଡ'ସେକ୍ ମାସା' ପେ ଡି'କେନା ଅଇଁୟ'ତୁପେ? ପେ ଜୁଲ'ସେକ୍ସା ଆ'ନ୍ପନ୍ତେକ୍ ଆମାକ୍ତୁପେ ଇ? ପେନା ଜିବନ୍ ସୁଡଂଅଁ'ଉଇଗା' ଇ? 18#ମାର୍କ 4:12ଆପେ ମ' ଡୁକୁନ୍ସା ଆଜୁତୁପେ, ଲୁନ୍ତୁର୍ ଡୁକୁନ୍ସା ଆଅଂତୁପେ । ପେ ଇ'କିସା ଆଏତ୍ତୁପେ । 19ନିଂ ପାଁନ୍ସ୍ଟା ରୁଟିବୁରଂ ପାଁନ୍ସ୍ ଅଜାର୍ ରେମଲେନ୍ବକ୍ ଅ'ସୁମ'ନିଂସା' ଲଲ'କୁନୁଂ ଜୁକ୍ଜୁଗ'ପେସା' ଆ'ଇ ଡାମୁଂ ଡେଂଗା'?” ଡ'ସେକ୍ ଜିସୁଲା ସୁନ' ।
ସା' ମା'ଏ “ବାରଟା ଡାମୁଂ ଜୁଗ'ନେଇ” ଡ'ସେକ୍ ସୁନ' ।
20“ସା' ନିଂ ସାତ୍ଟା ରୁଟିବୁରଂ ସାର୍ ଅଜାର୍ ରେମଲେବକ୍ ଅ'ସୁମ'ନିଂସା' ଲଲ'କୁନୁଂ ଜୁକ୍ଜୁଗ'ପେସା' ଆ'ଇ ଡାମୁଂ ଡେଂଗା'?” ଡ'ସେକ୍ ଜିସୁଲା ସୁନ' ।
ସା' ମା'ଏ “ସାତ୍ଟା ଡାମୁଂ ଜୁଗ'ନେଇ” ଡ'ସେକ୍ ସୁନ' ।
21“ନିଂ ଡେମ'କୁନୁଂ କେନ୍ ଗୁଲାଇ ଜୁଲ'ସେକ୍ସା ପେ ଆନିଂ ଆମାକ୍ତୁପେ ଇ?” ଡ'ସେକ୍ ଜିସୁଲା ଆମା'ଏ ସୁନ' ।
ଜିସୁଲା କାନାମ'ବାଇ' ରେମବକ୍ ବଲ୍ ଡିନ୍ଡେମ୍ଡେନ୍
22ତିର୍ଗି' ଜିସୁଲା ମାଇନା ସିସ୍ୟଲେବୁରଂ ବେତ୍ସାଇଦା ଡ'ସେକ୍ ମୁଇ ମୁନା'ଉଂଗମ୍ବକ୍ ସା'ଗା' । ସା' ରେମଲେ ଆମୁଇନ୍ଡା କାନାମ'ବାଇ' ରେମବକ୍ ଜିସୁନ୍ବକ୍ ରିଂଅଁ' ସାକ୍ସେକ୍ “ନନା ତିତିବୁରଂ ଆମାଇ ଇ'କି ଆଲାମ'ସେକ୍ ବଲ୍ ଡେମ୍” ଡ'ସେକ୍ ସୁନ' । 23ସା' ଜିସୁଲା ଆକାନାମ'ଡା ଉଂଗମ୍କୁରୁଂ ବାଇରି ୱାୟ' ରିଂଗା' । ମାରି ମାଇ ଆମାଇନା ମ' ବୁଇ'ତୁର'ସେକ୍ ମାଇନା ତିତିବୁରଂ ଆଲାମ'ସେକ୍ “ନ ଆ'ନା ଜୁଜୁ ଗଂଗୁତୁନ ଇ?” ଡ'ସେକ୍ ଅ'ଗଁସ୍ଲା'ଗା' ।
24ସା' ଗୁତୁନ୍ ଇଂଗେରା “ଅଁ'ଅଁ, ଆ'ନା ଜୁଜୁ ଗଂଗୁତିଂ, ମାତର୍ ରେମଲେ ଉରିଂଅଁ'କୁନୁଂ ସୁଲପ୍ସୁଗ ତୁନାଗୁତା” ଡ'ସେକ୍ ସୁନ' ।
25ସା' ଜିସୁଲା ମାରି ମୁସ ଆମାଇନା ମ' ତିତିବୁରଂ ଆଲାମ' ବେଡ' । ସା' ମାଇନା ମ' ବଲ୍ ଡେଂଉଇଗା', ମାରି ମାଇ ଗୁଲାଇ କୁନ୍ଡା ମାମା ବଲ୍ ଜୁଜୁ ଗଂଗା' । 26ତିର୍ଗି' ଜିସୁଲା ଆତୁନ୍ ରେମ ସୁନ' “ନ ନନା ଡିଂଅଁବକ୍ଉ ସିଦା ଇ'ଡା, ମାରି ପେନ୍ ଉଂଗମ୍ ବିତ୍ରେ ଗୁଲାଇ କୁନ୍ଡା ବୁଲ୍ଲ'ସେକ୍ ଆଜାଏସା ଆସୁନ'” ଡ'ସେକ୍ ବେନ୍ଟାୟ' ।
ଜିସୁଲାଉ କିରିସ୍ଟ ଡ'ସେକ୍ ପିତରଲା ସୁଁସୁଡେନ୍
(ମାତିଉ 16:13–20; ଲୁକ 9:18–21)
27ଉନ୍ତ୍କୁରୁଂ ଜିସୁଲା ମାଇନା ସିସ୍ୟଲେବୁରଂ କାଇସରିଆ ପିଲିପ୍ପି ଡ'କୁନୁଂ ଦେସ୍ନା ଉଂଗମେବକ୍ ଉଇଗା' । ଉଇବେଲା କୁରୁଂବକ୍ ଜିସୁଲା ଆମାଇନା ସିସ୍ୟଲେ “ଆନିଂ ଜା ଡ'ସେକ୍ ରେମଲେ ସୁନ'ତା?” ଡ'ସେକ୍ ଅ'ଗଁସ୍ଲା'ଗା' ।
28 #
ମାର୍କ 6:14,15; ଲୁକ 9:7,8 ସା' ସିସ୍ୟଲେ ସୁନ' “ଏନ୍ତୁକ୍ର ନ ଜର୍ଦନ୍ କିନ୍ଡାକ୍ବକ୍ ଆରେମଲେ ବାପ୍ତିସ୍ମା ବିବେ'ଡେଂକୁନୁଂ ଜଅନ୍ଲା ଡେ ମାଡେ ଡ'ସେକ୍ ସୁନ'ତା, ମାରି ଏନ୍ତୁକ୍ର ନ ଏଲିୟଲା ଡେ ମାଡେ ଡ'ସେକ୍ ସୁନ'ତା । ମାରି ଏନ୍ତୁକ୍ର ନ ବାବବାଦିଲେନ୍ ବିତ୍ରେ ମୁଇନ୍ଡା ଡେ ମାଡେ ଡ'ସେକ୍ ସୁନ'ତା” ଡ'ସେ'ଗା ସୁନ' ।
29 #
ଜଅନ୍ 6:68,69 ସା' ଜିସୁଲା ଆମା'ଏ “ଆନିଂ ଜା ଡ'ସେକ୍ ପେ ଏତ୍ଗୁତୁପେ? ପେ ମା ସୁନ୍ତୁପେ?” ଡ'ସେକ୍ ଅ'ଗଁସ୍ଲା'ଗା' ।
ସା' ପିତର୍ଲା ଆମାଇ “ନ କିରିସ୍ଟ”#8:29 ଆରେମଲେ ରକ୍ୟା ଡିନ୍ଡେମ୍ପୁଲେଇ ମାପ୍ରୁ ସିରେଲ'ସେକ୍ ବେନ୍ଟାୟ'କୁନୁଂ ମୁଇନ୍ଡା । ଡ'ସେକ୍ ସୁନ' ।
30ସା' ଜିସୁଲା ଆମାଇନ୍ ସିସ୍ୟଲେ ସୁନ' “ନିଂ ଜା ଡ'ସେକ୍ ପେ ଆଜାଏସା ଆସୁନ'” ଡ'ସେକ୍ ସୁନ' ।
ଜିସୁଲା ନିଜର୍ନା ଗୁଗୁଇ'ନା ମାରି ବୁର'ନା ବିସୟ ସୁଁସୁଡେନ୍
(ମାତିଉ 16:21–28; ଲୁକ 9:22–27 )
31ତିର୍ଗି' ଜିସୁଲା ଆମାଇନା ସିସ୍ୟଲେ ସୁନ' “ନିଂ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ଡ'ନାସା, ଆନିଂ ରେମଲେ ଅବୁଦି କସ୍ଟ ବେଡ'କୁନୁଂ ଗୁଲାଇ ନିଂ ବାଂନାଉ ଡେନ୍ତା । ନେଇ'ନା ମୁନା'ରେମଲେ, ମୁନା'ପୁଜାରିଲେ ମାରି ନିୟମ୍ ଅମାକ୍ରେମ୍ ଗୁଲାଇର ଆମାଇ ଦର୍କାର୍ ଆରାକ୍ ଡ' ସୁନ'ସେକ୍ ଆନିଂ ଅଗୁୟ'ସୁଂତ । ଅଗୁୟ'ନାସା ତିନ୍ଦିନ୍ ତିର୍ଗି' ନିଂ ବୁରତିଂ” ଡ'ସେକ୍ ସୁନ' । 32ମାଇନା ସିସ୍ୟଲେ ମାଗେଇ' ଡ'ସେକ୍ଉ କେନ୍ ଗୁଲାଇ ସୁନ' । ସା' ପିତର୍ଲା ଆଜିସୁଲା ଇ'କି ଡଗ୍ରି'ତ୍ ୱାୟ' ଉଇସେକ୍ “ନ ମାସା' ଡୁ'ତୁନ୍ ସୁନ'ତୁନ? ନ ଡୁ'ତୁନ୍ ଆସୁନ'” ଡ'ସେକ୍ ଆମାଇ ତର୍ଞେକ୍ସେକ୍ ସୁନ' ।
33ଜିସୁଲା ଆନ୍ଡେଇଁକିକ୍ସେକ୍ ଆମାଇନା ସିସ୍ୟଲେ ଜୁଲ' । ଜୁଲ'ସେକ୍ ଆପିତର୍ଲା “ଡି'କେନ୍ ସୁଁସୁପୁଲେଇ ବୁଦି ସଇତାନ୍ ଆନ ବେଡ'ତା, ନ ନିଂନା ସାର୍ମ'କୁରୁଂ ଡୁଂଆଁ । ନ ମାପ୍ରୁନା ମୁନ୍ସୁଗ ଆରାକ୍ ରେମଲେନା ମୁନ୍ସୁଗ ଏତ୍ଗୁତୁନ” ଡ'ସେକ୍ ଆମାଇ ତର୍ଞେ'ଗା' ।
34 #
ମାତିଉ 10:38; ଲୁକ 14:27 ତିର୍ଗି' ଜିସୁଲା ଆମାଇନା ସିସ୍ୟଲେ ମାରି ଆତା ଡୁକୁନୁଂ ଆଗୁଲାଇ ରେମଲେ ୱାୟ'ସେକ୍ ସୁନ', “ଜାଏସା ମୁଇନ୍ଡା ଆନିଂ ତେଂଗି' ସୁସାପ୍ପୁଲେଇ ମୁନ୍ ଡେଂଗୁତା ଡ'ନା ନିଜର୍ନା ଜିବନ୍ ମୁନା' ଡ'ସେକ୍ ଆଏତ୍ଲେଇ'; ମାପ୍ରୁନ୍ ମୁନ୍ସୁଗ ଏତ୍ସେକ୍ ମାମା ଦୁକକସ୍ଟ ଜିବନ୍ବକ୍ ସାକ୍ନାସା ନିଂ ଆସିନ୍ତାତିଂ ଡ'ସେକ୍ ଆନିଂ ତେଂଗି'ତେଂଗି' ସାବେଇ' ।” 35#ମାତିଉ 10:39; ଲୁକ 17:33; ଜଅନ୍ 12:25“ଜାଏସା ମୁଇନ୍ଡା ନିଜର୍ନା ଜିବନ୍ ନିଜେ ରକ୍ୟା ଡିନ୍ଡେମ୍ପୁଲେଇ ମୁନ୍ ଡେଂନା ମାଇ ନିଜର୍ନା ଜିବନ୍ ବୁଡାଇତ । ମାତର୍ ଜାଏସା ମୁଇନ୍ଡା ଆନିଂ ବିସ୍ବାସ୍ ଡେମ'ସେକ୍ ମାରି ମାପ୍ରୁନା ବାନିକବର୍ ସୁନ'ସେକ୍ ମାଇନା ଜିବନ୍ ନସ୍ଟ ଡେମ'ତା ଡ'ନା ମାଇ ଜିବନ୍ ବାମ୍ତା । 36ଜାଏସା ମୁଇନ୍ଡା କେନ୍ ଦେସ୍ଦୁନିଆବକ୍ ଡୁକୁନୁଂ ଗୁଲାଇ ଦନ୍ସମ୍ପତି ବାଂସେକ୍ ମାପ୍ରୁନା ମୁନ୍ସୁଗ ମଡୁକୁ ମାଇ ନିଜର୍ନା ଜିବନ୍ ନସ୍ଟ ଡେମ'ନା ଆମାଇ ମା ଲାବ୍? 37ଆରା'ଗେ ମଡୁନମ୍ ଜିବନ୍ ବୁମ୍ବାମ୍ପୁଲେଇ ମୁଇନ୍ଡା ରେମ ଆମାପ୍ରୁ ମାଏସା ବିବେ' ଗଂତା ଇ? ଆରାକ୍! 38ଆ'ନା ଡୁକୁନୁଂ ରେମଲେ ଜାଲିକ୍ସେ'ଗା ଅଲିରାକ୍ବାଇ'କାମ୍ ଡେମ'ସେ'ଗା ମା'ଏନା ମୁନ୍ସୁଗ ଡୁକୁନୁଂବେଲା, ଜାଏସା ମୁଇନ୍ଡା ରେମ ନିଂ ଆଜିସୁଲା ବିସ୍ବାସ୍ ଡେମ'ତିଂ ଡ'ସେକ୍ ସୁଁସୁପୁଲେଇ ମାରି ନିଂ ସୁନ'କୁନୁଂ ବାନିକବର୍ ଆପାଲ୍ ରେମଲେ ସୁଁସୁପୁଲେଇ ଗେୱାତା ଡ'ନା, ନିଂ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ, ସା' ନିଂନା ବା ଆନିଂ ବେଡ'କୁନୁଂ ଅବୁଦି #8:38 ଅବୁଦି ବପୁ ମାରି ତାରା'- ମଇମାବପୁ ମାରି ତାରା' ବାଂସେକ୍ କି'ତୁଂନା ପବିତ୍ରବାଇ' ଦୁତଲେବୁରଂ ଜୁଜର୍ବେଲା ମାଇ ନିଂନା ରେମ ଡ'ସେକ୍ ନିଂସା ଆମାଇ ୱାଇ ଗେୱାତିଂ” ଡ'ସେକ୍ ଜିସୁଲା ସୁନ' ।
Currently Selected:
ମାର୍କ 8: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
