ମାର୍କ 9
9
1ମାରି ଜିସୁଲା ଆମା'ଏ ସୁନ' “ମାପ୍ରୁ ଅବୁଦି ବପୁ ବାଂସେକ୍ ଆମାଇନା ରେମଲେ ମାଇନା ରାଜିବକ୍ ବଲ୍ ଜୁତ । ଗୁତୁନ୍ ଜୁଜୁପନ୍ତେ'କା ଆକେ ଡୁକୁନୁଂ ଏନ୍ତୁକ୍ର ଆଗୁଇ'ତା ଡ'ସେକ୍ ନିଂ ଆପେ ସତଇସା ସୁନ'ତିଂ” ଡ'ସେକ୍ ସୁନ' ।
ଜିସୁଲା ପାଲ୍ବାଇ' ତୁନାଡେନ୍
(ମାତିଉ 17:1–13; ଲୁକ 9:28–36)
2 #
2 ପିତର୍ 1:17,18 ସ ଦିନ୍ ତିର୍ଗି' ରେମଲେ ଜାସା ମଡୁକୁ ତି'ଉର୍ବାଇ' ମୁଇ କୁନ୍ଡାବାଗ୍ବକ୍ ଜିସୁଲା ଆପିତର୍ଲା, ଆଜାକୁବ୍ଲା ମାରି ଆଜଅନ୍ଲା ୱାୟ' ଡାଇ'ଗା' । ସା' ଆତା ବାଗ୍ବକ୍ ମା'ଏ ଡୁକୁନୁଂବେଲା ଆଜିସୁଲା ଜୁଲ'ସା' ମାଇ ପାଲ୍ବାଇ' ତୁନାଗା' । 3ମାରି ମାଇନା ସକାବାନ୍ଦା ଗୁଲାଇ ଅବୁଦି ତୁଲୁଇବାଇ' ଡେଂସେକ୍ ତାର୍କିକ୍ ଉଇଗା' । ଗୁତୁନ୍ ଇମ୍ପ' ତାର୍କି'କୁନୁଂ ଜୁଲ'ନା ମିବାଇ' ଡ'ନା, କେନ୍ ଦର୍ତନିବକ୍ ଜାଏସା ଡୁ'ତୁନ୍ସୁଗ ତମ୍ଡାଗ'ସେକ୍ ଅ'ତାର୍ତିଂ ଡ'ନାସା ଆଗଂତା । 4ମାରି ଆଇ'ତୁନ୍ବେଲା ମସାଲା ମାରି ଏଲିୟଲା ଆତା ମା'ଏନ୍ବକ୍ ଅ'ତୁନାକ୍ସେକ୍ ଜିସୁଲାବୁରଂ ଅଇଁଡେଂକୁନୁଂ ମା'ଏ ଜୁଲ' ।
5ଜୁଲ'ସା' ପିତର୍ଲା ଆଜିସୁଲା ସୁନ' “ଅ ଗୁରୁ, ଆକେ ନେଇ' ଡୁକୁନା ଅବୁଦି ବଲ୍ । ଆକେ ନେଇ' ତିନ୍ଟା କୁଡିୟା ଅ'ରଇଁନେଇ', ନପୁଲେଇ ମୁଇ ମସାଲାପୁଲେଇ ମୁଇ ମାରି ଏଲିୟଲାପୁଲେଇ ମୁଇ ” ଡ'ସେକ୍ ସୁନ'। 6ମାସା'ଡ'ନା କେନ୍ ଡେଂକୁନୁଂ ଗୁଲାଇ ଜିସୁନା ସିସ୍ୟଲେ ଇଁ'ଗେନ୍ଡ୍ର ଜୁଲ'ସେକ୍ ଅବୁଦି ବୁତୁଂସେକ୍ ଜୁର୍ଜାକୁଗା'ସା' ପିତର୍ଲା ମା ସୁନ୍ତିଂ ଡ'ସେକ୍ ଆମାକ୍ତସା ମାଇ ନେଇ' ଆକେ କୁଡିୟା ଅ'ରଇଁନେଇ' ଡ'ସେକ୍ ସୁନ'ବେଡ' ।
7 #
ମାତିଉ 3:17; ମାର୍କ 1:11; ଲୁକ 3:22 ତିର୍ଗି' ବାଦଲ୍ ସାକ୍ସେକ୍ ଆମା'ଏ ଆଗୁଲାଇର ଡାଲୁଲ'ସୁଂଅଁ' । ଗୁତୁନ୍ “କେନା ନିଂନା ଉଁ'ଉଁ, ଆମାଇ ନିଂ ଅବୁଦି ଲବ୍ଗୁତିଂ, ମାଇନା ତୁମ' ପେ ବଲ୍ ଅଂଅଁ'କୁଲା” ଡ'ସେକ୍ ବାଦଲ୍କୁରୁଂ ସୁନ'କୁନୁଂ ମା'ଏ ଅଂଅଁ' ।
8ସୁରୁଇ' ମା'ଏ ଗୁଲାଇ କୁନ୍ଡା ଜୁଲ'ସା' ଜିସୁଲାଉ ଡୁକୁ ମାରି ଜାଏସା ଆତା ଆଡୁତା ।
9ମାରି ମା'ଏ ଇଁଂଗେନ୍ଡ୍ର ଜିସୁଲାବୁରଂ ଜୁଜର୍ବେଲା ଜିସୁଲା ଆମା'ଏ ସୁନ' “ନିଂ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ, ନିଂ ଗୁଇ'ସେକ୍ ମୁରାକ୍ପନ୍ତେକ୍ ପେ ଆ'ନା ମା ଜୁଲ'ପେ ଗୁତୁନା ଆଜାଏସା ଆସୁନ'” ଡ'ସେକ୍ ସୁନ' । 10ସା' ମା'ଏ ଗୁତୁନ୍ ଆଜାଏସା ଆସୁନ୍ତ ମାତର୍ “ଗୁଇ'ସେକ୍ ମୁରାକ୍ତିଂ ଡ'ସେକ୍ ମାଇ ସୁନ'କୁନୁଂ ମାଲେଇ?” ଡ'ସେକ୍ ମା'ଏ ମା'ଏଉ ଅ'ସୁନୁଗା' ।
11 #
ମାତିଉ 11:14
ମାରି ମା'ଏ ଆଜିସୁଲା ଅ'ଗଁସ୍ଲା'ଗା', “ଏଲିୟଲା ସିଁସେଇଁ ସୁସାପ୍ ଡୁତା ଡ'ସେକ୍ ନିୟମ୍ ଅମାକ୍ରେମ୍ ମାସା' ସୁନ'ତା?” ଡ'ସେକ୍ ଅ'ଗଁସ୍ଲା'ଗା' ।
12ସା' ଜିସୁଲା ଆମା'ଏ ସୁନ' “ଏଲିୟଲା ସିଁସେଇଁ ସାକ୍ସେକ୍ ଗୁଲାଇ ଅଜାଗ' ବୁଂତ ଡ'ସେକ୍ ସୁନ'କୁନୁଂ ସତ୍ । ମାତର୍ ନିଂ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ, ଆନିଂ ରେମଲେ ଅବୁଦି କସ୍ଟ ବେ'ତ ମାରି ଗୁଲାଇର ଆନିଂ ଗୁମୁଇତ ଡ'ସେକ୍ ମାସା' ଲେକ୍ଲ'ତା? 13ମାତର୍ ନିଂ ଆପେ ସୁନ୍ତିଂ ଏଲିୟଲା ସା'କୁ । ସା' ଆମାଇ ରେମଲେ ମି କସ୍ଟ ବେ'ତ ଡ'ସେକ୍ ଇନ୍ତେକନ୍ଡେକ୍ ମାପ୍ରୁନା ଉଲାକ୍ବକ୍ ଲେକ୍ଲ'ବୁଂଅଁ', ଡୁ'ତୁନାଉ ରେମଲେ ମା'ଏନ୍ ମୁନ୍ସୁଗ ଆମାଇ ଡେମ'।”
ଆମୁଇନ୍ଡା ଗୁଲା ବୁତ୍ ସବ'କୁନୁଂବକ୍ ଜିସୁଲା ବଲ୍ ଡିନ୍ଡେମ୍ଡେନ୍
(ମାତିଉ 17:14–21; ଲୁକ 9:37–43)
14ମା'ଏ ଇଁ'ଗେନ୍ଡ୍ରବୁରଂ ଜିସୁଲା ମାଇନା ସିସ୍ୟଲେନ୍ବକ୍ ସୁସାପ୍ରେମ୍ ମସାଲା ବେଡ'କୁନୁଂ ନିୟମ୍ ଅମାକ୍ରେମ୍ ଅବୁଦି ରେମଲେ ରୁନ୍ସେ'ଗା ମାଇନା ସିସ୍ୟଲେବୁରଂ ଅଇଁଡେଂକୁନୁଂବେଲା ଜୁଲ' । 15ଜିସୁଲା ଆତା ସୁସାପ୍ଡେଂକୁନୁଂ ଜୁଲ'ସେକ୍ ରେମଲେ ଅବୁଦି କାବାକାବା ଡେଂସେକ୍ ସାର୍ଦାକୁସି ଡେଂଗା' ମାରି ମା'ଏ ମାଇନ୍ବକ୍ ଉର' ସାକ୍ସେକ୍ ଆମାଇ ସୁନ୍ଡ୍ରଗା' ।
16ଜିସୁଲା ଆମା'ଏ “ମା ଡ' ଅଇଁୟ'ତୁପେ?” ଡ'ସେକ୍ ସୁନ' ।
17ସା' ଆତା ରୁନ୍କୁନୁଂ ରେମଲେନ୍ ବିତ୍ରେ ମୁଇନ୍ଡା ଆମାଇ ସୁନ' “ଅ ଗୁରୁ, ଆନିଂନା ଉଁ'ଉଁ ନନ୍ବକ୍ ବଲ୍ ଡିନ୍ଡେମ୍ପୁଲେଇ ୱାୟ' ସା'ଗୁତିଂ । ଆମାଇ ବୁତ୍ ସବ'ତାସା' ଅଇଁ ଆଗଂତା । 18ଇନ୍ଡଇ' ଇନ୍ଡଇ' ଆମାଇ ଗୁତୁନ୍ ବୁତ୍ ସବ'ନା ଅଲକ୍ଡାଇ'ତ ମାରି ତୁମ'କୁରୁଂ ପେମ୍ପୁଲ୍ବାଇ' ତୁର୍ତା, ଗିନେ ଅପ୍ସିକ୍ ଉଇତା ତିତିତିକ୍ସୁଂ ଡୁନ୍ଡୁୟଁ' ଡୁଡାବ' ଉଇତା । ନ ଆକେ ଆଡୁତୁନସା' ଆନନା ସିସ୍ୟଲେ ବଲ୍ ଡେମ୍ ଡ'ନିଂସା' ମା'ଏ ଆଗଂତା” ଡ'ସେକ୍ ସୁନ' ।
19ସା' ଜିସୁଲା ଆମାଇନା ସିସ୍ୟଲେ ସୁନ' “ଅ ବିସ୍ବାସ୍ ମଡିନେମ୍ ମାରି ଅଲିରାକ୍ବାଇ' ରେମଲେ! ପେବୁରଂ ନିଂ ମାରି ଆ'ଇଦିନ୍ ଡୁକୁନା ପେ ବିସ୍ବାସ୍ ଡେମ୍ତୁପେ? ପେ ଡି'କେନ୍ ଡୁକୁନୁଂ ଆ'ଇଦିନ୍ ନିଂ ଜୁଲ' ଡୁତିଂ? ଆତୁନ୍ ଗୁଲା ନିଂବକ୍ ରିଂଅଁ' ସା'ବା” ଡ'ସେକ୍ ସୁନ' ।
20ସା' ମା'ଏ ଆମାଇ ୱାୟ' ରିଂଅଁ' । ସା' ଗୁତୁନ୍ ବୁତ୍ ଆଜିସୁଲା ଜୁଲ'ସେକ୍ ଆତୁନ୍ ଗୁଲା ଅ'ଜୁର' ଅଜାଗ'ସେକ୍ ଆଲୁଂ ଅଲଗ' । ଗୁତୁନ୍ ଗୁଲା ଲକ୍ସେ'ଗା କୁର୍ତାଇ'କୁନୁଂବେଲା ମାଇନା ତୁମ'କୁରୁଂ ପେମ୍ପୁଲ୍ବାଇ' ତୁର୍ଗା' ।
21ଜିସୁଲା ଆବାଡେଇଁ “ଇନ୍ଡଇ'ବାଂସା' ଆମାଇ ଡି'କେନ୍ ଡେଂଗା'?” ଡ'ସେକ୍ ଅ'ଗଁସ୍ଲା'ଗା' । ସା' ବାଡେଇଁ “ମାଇ ଡାଉବେଲା ବାଂସା' ଡି'କେନା ଡେଂଗୁତା ।
22ମାରି ଡାଗ୍ବକ୍ସା ସୁଂଅଁବକ୍ସା ଅଲଗ'ସେକ୍ ଅଗୁଇ'ତିଂ ଡ'ସେକ୍ ବୁତ୍ ଏତ୍ଗୁତା । ନ ବଲ୍ ଡିନ୍ଡେମ୍ ଗଂତିଂ ଡ'ନା ଆନେଇ ଲିବିସୁପ୍ସେ'ଗା' ସାନ୍ଡୁଂ” ଡ'ସେକ୍ ସୁନ' ।
23ସା' ଜିସୁଲା ଆମାଇ ସୁନ' “ନ ମାସା' ଆନିଂ ଡିନ୍ଡେମ୍ ଗଂତିଂ ଡ'ନା ଡେମ୍ ଡ'ସେକ୍ ସୁନ'ତୁନ? ଜା ଆନିଂ ମାଇ ଗୁଲାଇ ଡିନ୍ଡେମ୍ ଗଂତା ଡ'ସେ'ଗା ବିସ୍ବାସ୍ ଡେମ୍ତ ମାଇ ବଲ୍ ଡେନ୍ତା” ଡ'ସେକ୍ ସୁନ' ।
24ସା' ଗୁତୁନ୍ ଗୁନା ବା ଆଇ'କୁ ଉକ୍ସେ'ଗା ଡକ୍ତି'ତା ସୁନ' “ଅ ପ୍ରବୁ, ନ ବଲ୍ ଡିନ୍ଡେମ୍ ଗଂତୁନ ଡ'ସେକ୍ ନିଂ ବିସ୍ବାସ୍ ଡେମ'ତିଂ । ନିଂବକ୍ ଇ'କିସୁଗ ବିସ୍ବାସ୍ ଡୁତା, ଅବୁଦି ଆନ ବିସ୍ବାସ୍ ଡିନ୍ଡେମ୍ପୁଲେଇ ଆନିଂ ସାନ୍ଡୁଂ'” ଡ'ସେକ୍ ସୁନ' ।
25ଅବୁଦି ରେମଲେ ଉର'ଉର' ସୁସାପ୍ଡେଂକୁନୁଂ ଜୁଲ'ସେକ୍ ଜିସୁଲା ଆତୁନ୍ ଅଲିରାକ୍ବାଇ' ବୁତ୍ ସୁନ' “ଆରେମଲେ ଅ'କନ୍ଦା ଅ'ବଇରାରେମ୍, କେନ୍ ଗୁନ୍କୁରୁଂ ତୁର୍ସେକ୍ ଡୁଂଆଁ, ଇନ୍ଡଇ'ଏସା ମାରି ଆସା'ଗା'” ଡ'ସେକ୍ ସୁନ' ।
26ସା' ଆତୁନ୍ ଗୁଲା ଅବୁଦି ପାଲି ଅ'ଜୁର' ଅଜାଗ'ସେକ୍ ଗୁତୁନ୍ ବୁତ୍ ଅବୁଦି ଡକ୍ତି'ତା କିରକ୍ସେକ୍ ଡୁଂଗା' । ସା' ଗୁତୁନ୍ ଗୁଲା ଗୁଇ'କୁନୁଂସୁଗ ଡେଂଉଇଗା' । ରେମଲେ ଆମାଇ ଜୁଲ'ସେକ୍ ଗୁଇ'ଗା' ଡ'ସେକ୍ ସୁନ' । 27ମାତର୍ ଜିସୁଲା ଆତୁନ୍ ଗୁନା ତିତି ସବ'ସେକ୍ ଅ'ତନ'ସା' ମାଇ ବଲ୍ ତଂଗା' ।
28ତିର୍ଗି' ଜିସୁଲା ମାଇନା ସିସ୍ୟଲେବୁରଂ ଡିଂଅଁବକ୍ ଗାଇଗା' । ଗାଇସେକ୍ ଜାସା ମଡୁକୁବେଲା ମାଇନା ସିସ୍ୟଲେ ଆମାଇ “ଆତୁନ୍ ବୁତ୍ ନେଇ ମାସା' ଞୁଁଞ ଆଗଂତୁନେଇ” ଡ'ସେକ୍ ସୁନ' ।
29ସା' ଜିସୁଲା ଆମା'ଏ ସୁନ' “ଡି'କେନ୍ବାଇ' ବୁତ୍ଲେବକ୍ ଞତୁନେଇ ଡ'ନା ଆଂଡାକ୍ସ ଆମାପ୍ରୁ ପାର୍ତନା ଡେମ'ନାଉ ପେ ଗଂତୁପେ” ଡ'ସେକ୍ ସୁନ' ।
ଜିସୁଲା ଆମାଇନା ସିସ୍ୟଲେ ନିଂ ମି ଗୁଇ'ତିଂ ଡ'ସେକ୍ ମାର୍ ମୁସ ସୁଁସୁଡେନ୍
(ମାତିଉ 17:22–23; ଲୁକ 9:43–45)
30ଜିସୁଲେ ଇନ୍ଡ୍ରିକୁରୁଂ ତୁର୍ସେକ୍ ଗାଲିଲି ଜିଲାକୁରୁଂ ଉଇଗା' । ଉଇସେକ୍ ମାଇ ଆତା ଡୁତା ଡ' ଜାଏସା ଆମାଗେଇ' ଡ'ସେକ୍ ଜିସୁଲା ଏତ୍ଗା' । 31ମାସା'ଡ'ନା ଆଇ'ତୁନ୍ବେଲା ମାଇ ଆମାଇନା ବାରଲକ୍ ସିସ୍ୟଲେବକ୍ ଅମାକ୍ ଡେଂକୁଗା' । ମାଇ ଆମା'ଏ ସୁନ', “ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁ ରେମଲେନା ତିତିବକ୍ ଅସୁୟ'ବେ'ତ । ସା' ମା'ଏ ଆମାଇ ଅଡାପ୍ତ ମାତର୍ ମାଇ ତିନ୍ଦିନ୍ବକ୍ ବୁରତା” ଡ'ସେକ୍ ସୁନ' । 32ମାଇ ସୁନ'କୁନୁଂ ଅଂଅଁ'ସେକ୍ସା ମା'ଏ ମାଇନା ତୁମ' ବାସ୍ ଆମାକ୍ତ । ମାରି ନ ସୁନ'କୁନୁଂ ମା ଡ'ସେକ୍ ଆମାଇ ଅ'ଗଁସ୍ଲାକ୍ପୁଲେଇସା ମା'ଏ ବୁତୁଂଗା' ।
ଜା ମୁନା'ରେମ୍ ଡ'ସେ'ଗା ଜିସୁଲା ଆସିସ୍ୟଲେ ଅମାକ୍ଡେନ୍
(ମାତିଉ 18:1–5; ଲୁକ 9:46–48)
33ତିର୍ଗି' ଜିସୁଲେ କପର୍ନାଉମ୍ ଉଂଗମ୍ବକ୍ ସାକ୍ସେ'ଗା ମୁଇ ଡିଂଅଁବକ୍ ଡୁକୁ । ଡିଂଅଁବକ୍ ଡୁକୁନୁଂବେଲା ଆମାଇନା ସିସ୍ୟଲେ “ପେ ଇ'ରେମ୍ କୁରୁଂବକ୍ ମାମା ଡ' ଅଇଁୟ'କୁପେ?” ଡ'ସେକ୍ ଅ'ଗଁସ୍ଲା'ଗା' । 34#ଲୁକ 22:24ସା' ମା'ଏ ଗୁଲାଇର ଗେୱାକ୍ସେ'ଗା ଆସାର୍ଲଂତା । ମାସା'ଡ'ନା ମା'ଏ ସୁସାପ୍ବେଲା ମା'ଏ ମା'ଏଉ ଜା ନେ'ନ୍ ବିତ୍ରେ ମୁନା' ରେମ ଡ'ସେକ୍ ଅଇଁୟ'କୁଗା' ।
35 #
ମାତିଉ 20:26,27; 23:11; ମାର୍କ 10:43,44; ଲୁକ 22:26 ମାଇ ଲେଇ'ସେକ୍ ଆମାଇନା ବାରଲକ୍ ସିସ୍ୟଲେ ଉନ୍ତୁ' ୱାୟ'ସେକ୍ “ଜାଏସା ନିଂ ମୁନା'ରେମ୍ ଏତିଂ ଡ'ସେକ୍ ଏତ୍ଗୁତା ଡ'ନା ମାଇ ଡାଉରେମ୍ସୁଗ ଏଗ୍ସେକ୍ ଗୁଲାଇରନା ଗୁପାମ୍ରେମ୍ସୁଗ ଡୁକୁନା ଡେନ୍ତା” ଡ'ସେକ୍ ସୁନ' ।
36ତିର୍ଗି' ମାଇ ଆମୁଇନ୍ଡା ଉଁ'ଉଁଗୁ ୱାୟ' ରିଂଅଁ'ସେକ୍ ମା'ଏନ୍ ମନ୍ଜା ଅ'ତନ । ଅ'ତନ'ସେକ୍ ଆତୁନ୍ ଗୁଲା କୁନ୍ଡୁଲ'ସେକ୍ ମାଇ ଆମା'ଏ ସୁନ', 37#ମାତିଉ 10:40; ଲୁକ 10:16; ଜଅନ୍ 13:20“ପେ ଆନିଂ ବିସ୍ବାସ୍ ଡେମ'ତୁପେସା' ଆକେନ୍ ଗୁଲା ଆଲାତ୍ ଡେମ'ନା ଗୁତୁନ୍ ପେ ଆନିଂ ଆଲାତ୍ ଡେମ'କୁନୁଂସୁଗଉ ଡେନ୍ତା । ପେ ଆନିଂ ଆଲାତ୍ ଡେମ'ନା ଗୁତୁନ୍ ଆନିଂଉ ଡ'ସେକ୍ ଆରାକ୍ ମାତର୍ କେନ୍ ଦର୍ତନିବକ୍ ଆନିଂ ବେନ୍ଟାୟ'କୁନୁଂ ଆନେମ୍ବାସା ଆଲାତ୍ ଡେମ'କୁନୁଂସୁଗଉ ଡେନ୍ତା” ଡ'ସେକ୍ ସୁନ' ।
ଜା ନେଇ'ନା ରେମଲେ ଡ'ସେକ୍ ସୁଁସୁଡେନ୍
(ଲୁକ 9:49–50)
38ଜଅନ୍ଲା ଆଜିସୁଲା ସୁନ' “ଅ ଗୁରୁ, ମୁଇନ୍ଡା ନନା ଇମି ସୁନ'ସେକ୍ ରେମଲେନ୍ ଞେରିକୁରୁଂ ଆବୁତ୍ଲେ ଞନ' ଅ'ତୁର'କୁନୁଂ ନେଇ ଜୁଲ'ନେଇ । ମାତର୍ ମାଇ ନେଇ'ବୁରଂ ଡୁକୁନୁଂ ରେମ ଆରାକ୍ସା' ଆମାଇ ଡୁ'ତୁନ୍ ଆଡେମ' ଡ'ସେକ୍ ପିଟାୟ'ନେଇ” ଡ'ସେକ୍ ସୁନ' ।
39ସା' ଜିସୁଲା ସୁନ' “ଆମାଇ ଆପିଟାୟ', ମାସା'ଡ'ନା ଜାଏସା ମୁଇନ୍ଡା ନିଂନା ଇମିବକ୍ କାବାକାବା ଡିନ୍ଡେମ୍ବାଇ' କାମ୍ ଡେମ'ସେକ୍ ଆନିଂ ସୁରୁଇ' କରାପ୍ବାଇ' ସୁଁସୁ ଆଗଂତା । 40#ମାତିଉ 12:30; ଲୁକ 11:23ମୁଇନ୍ଡା ନେଇ'ନା ଦାଇରେମ୍ ଆରାକ୍ ଡ'ନା ମାଇ ନେଇ'ନା ରେମଉ । 41#ମାତିଉ 10:42ପେ ଆକିରିସ୍ଟଲା ବିସ୍ବାସ୍ ଡେମ'ତୁପେସା' ଜାଏସା ଆପେ ଇ'ପୁଲେଇ ଇ'କିସା ଡାଗ୍ ବେଡ'ନା ଆମାଇ ମାପ୍ରୁ ପୁରାସ୍ ବେ'ତ ଡ'ସେକ୍ ନିଂ ଆପେ ସତଇସା ସୁନ'ତିଂ ।”
ଆପାଲ୍ ରେମଲେ ପାପ୍କାମ୍ ଡିନ୍ଡେମ୍ନା ଆ'ମାଗ'
(ମାତିଉ 18:6–9; ଲୁକ 17:1–2)
42“ଆନିଂ ବିସ୍ବାସ୍ ଡେମ'କୁନୁଂ କେନ୍ ତିମେ ରେମଲେବକ୍ ଜାଏସା ଅଲିରାକ୍ବାଇ'କାମ୍ ଡିନ୍ଡେମ୍ପୁଲେଇ ବୁଦି ବେଡ'ନା, ମାଇନା ଗୁଲୁଗୁକ୍ବକ୍ ମୁଇ ବୁଡାଲା ଜାନ୍ତାବେର୍ ତୁଲ'ସେକ୍ ସମ୍ଦର୍କିନ୍ଡାକ୍ନା ସୁଲୁଂଡାଗ୍ବକ୍ ଜୁଂଡାଗ' ବେଡ'ନା ମାରି ମାଇ ଡୁ'ତୁନା ଆଡେମ୍ତ । 43-44#ମାତିଉ 5:30ଅଲିରାକ୍ବାଇ' କାମ୍ ଡିନ୍ଡେମ୍ପୁଲେଇ ନନା ତିତି ସାନ୍ଡୁଂଅଁ'ତା ଡ'ନା ନନା ତିତି ଗକ୍ସୁଂ । ଇମ୍ବାର୍ ତିତି ଡୁକୁକ୍ସେକ୍ ଗୁତୁନ୍ ମଲିପ୍ସାର୍ବାଇ' ସୁଂଅଁବକ୍ ଉଇସେକ୍ କସ୍ଟ ବୁମ୍ବାମ୍ ବାଦୁଲ୍ ମୁଇ ତିତି ଡୁକୁକ୍ସେକ୍ ସରଗ୍ବକ୍ ଉଇନା ନପୁଲେଇ ଅବୁଦି ବଲ୍ । 45-46ଅଲିରାକ୍ବାଇ'କାମ୍ ଡିନ୍ଡେମ୍ପୁଲେଇ ନନା ତିକ୍ସୁଂ ସାନ୍ଡୁଂଅଁ'ତା ଡ'ନା ନନା ତିକ୍ସୁଂ ଗକ୍ସୁଂ । ଇମ୍ବାର୍ ତିକ୍ସୁଂ ଡୁକୁକ୍ସେକ୍ ଗୁତୁନ୍ ମଲିପ୍ସାର୍ବାଇ' ସୁଂଅଁବକ୍ ଉଇସେକ୍ କସ୍ଟ ବୁମ୍ବାମ୍ ବାଦୁଲ୍ । ମୁଇ ତିକ୍ସୁଂ ଡୁକୁକ୍ସେକ୍ ସରଗ୍ବକ୍ ଉଇନା ନପୁଲେଇ ଅବୁଦି ବଲ୍ । 47#ମାତିଉ 5:29ଅଲିରାକ୍ବାଇ' କାମ୍ ଡିନ୍ଡେମ୍ପୁଲେଇ ନନା ମ' ଆନ ମୁନ୍ ବେଡ'ତା ଡ'ନା ଗୁତୁନ୍ ମ' ତଗ୍ସୁଂ । ଇମ୍ବାର୍ ମ' ଡୁକୁକ୍ସେକ୍ ସୁଂଅଁବକ୍ ଉଇସେକ୍ କସ୍ଟ ବୁମ୍ବାମ୍ ବାଦୁଲ୍ ମୁଇ ମ'ବୁରଂ ମାପ୍ରୁନା ରାଜିବକ୍ ଉଇନା ନପୁଲେଇ ଅବୁଦି ବଲ୍ । 48ଗୁତୁନ୍ ସୁଂଅଁବକ୍ ଉଇନା:
ଆତା ଡୁକୁନୁଂ ରେମଲେବକ୍ ବୁବୁଡ'କୁନୁଂ ବୁବୁ' ଇନ୍ଡଇ'ଏସା ଆଗୁଇ'ତା,
ମାରି ସୁଂଅଁ ଇନ୍ଡଇ'ଏସା ଆଲିପ୍ସାର୍ତା ।
49ମାସା'ଡ'ନା ଆଗୁଲାଇର ସୁଂଅଁବୁରଂ ପରିକା ଡେନ୍ତା ।”
50 #
ମାତିଉ 5:13; ଲୁକ 14:34,35 “ସୁବୁପୁଲେଇ ବୁତି' ବଲ୍ । ମାତର୍ ଗୁତୁନ୍ ବୁତି'ବକ୍ ଗାଇବି' ଆଡୁତା ଡ'ନା ଆତୁନ୍ ବୁତି' ମାରି ଅଗାଇବି' ଗଂତୁନେଇ' ଇ? ଆରାକ୍ । ବୁତି' ମି ଗୁଲାଇବକ୍ ବୁଂଅଁ'ନା ସୁବୁତା ଡୁ'ତୁନ୍ସୁଗ ପେସା ବଲ୍ରେମ୍ସୁଗ ଡୁକୁକ୍ସେକ୍ ଗୁଲାଇରବୁରଂ ସାନ୍ତିଂସାର୍ଦା ଡେଂସେକ୍ ଡୁକୁଲା ।”
Currently Selected:
ମାର୍କ 9: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
