Blasi Sturka 15
15
Dawan ba Ebram wal lâ kum daukan
1Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win:
—Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.
2-3Bara Ebram pana aisi, win:
—Dawan Gâd, ¿man maina tara aikma ba yang ra dîa hilpka kabia, man kaikisma luhpi nani âpu sna na? Man luhpa kum sin yang ra aikras sma na, prapatiki nani sut dawanka kaia ba lika albiki kum brisna, nina Eliézer Damaskus wina ba kabia.
4Dawan pana witin ra win:
—Man prapatikam nani dawanka ba man luhpiam pali kabia, bara tringsar lika man dukiam dawanka aimakbia apia.
5Bara Dawan bui witin ra latak saki brih wan, bara win:
—Nanara kasbrika pura ba pain kaiks, bara slilma nani ba kulki kaiks, kulkaia sip sma sapa. Man kiamkam ba slilma ailalka ba baku ailal kabia.#Ro 4.18; Hib 11.12.
6Bara Ebram lika Dawan bui witin ra win ba kasak lukan, baha mita Dawan bui witin ba kasakkira kulkan.#Ro 4.3,9,22; Gal 3.6; Je 2.23. 7Bara witin ra win:
—Yang sika Dawan, Caldea uplika nani tasbaya, Ur wina yang mita mai sakri naha tasbaya na man tasbayam maikaia dukiara.
8Sakuna Ebram pana aisi, naku win:
—Dawan Gâd, ¿yang diaura kaiki kasak daira walamna tasbaya na yang prapatiki aikuma ba?
9Bara Dawan pana witin ra win:
—Bîp mairin tiara kum, guts mairin kum, sîp wainhka sin kum sal aik, kumi bani mani yumhpa bri kaka, bara butku almuk kum, sirpi lupia sin kum, asla dauki yang ra bri bal.
10Ebram baha daiwra nani ba lilak klaki baiki bara kli wal asla praki, Dawan ra bri balan;#Jir 34.18-19. sakuna daiwan tnawira nani ba lika baku daukras kan. 11Bara iskri nani bal iwan baha wîna ikan ba purara, sakuna Ebram mita kangbi kan. 12Mahka yu dimi tihmia iwan ba ra, Ebram ra yapan tara kum alkan swap pali yapi kan. Witin ai dara walan bara kaikan tihmia tara kum witin ra kir kutban kan bara sibrin pali daukan. 13Bara Dawan Ebram ra win:
—Naha tânka man damra walaia sma, man kiamkam nani ba tringsar baku upla wala nani tasbaya kum ra witin nani iwbia, bahara witin nani ba alba nani kabia. Mani handat walhwal witin nani ra sin rausauhkan kabia.#Imp St 1.1-14; Ap St 7.6. 14Ban sakuna, baha nisanka witin nani ra alba bribia ba, witin nani ra sin yang mita klala yabamna. Baha ningkara kiamkam nani ba diara ailal dawanka aimaki, yuyakira taki bara baha wina pri taki mahka wabia. 15Bara man lika almuk pali taki kupiam kumi lâka ra pruma, bara aisikam nani wal mai bikan kabia.#Imp St 12.40-41; Ap St 7.7. 16Upla kiamka nani kau walhwal aimaki lubia ba kat, masrakam nani ba kli tawi naha tasbaya ra balbia. Kan amorreo nani ai saurka ba sut daukbia, bara klala yabamna ba piua ba kat.
17Bara baku pat yu dimi tihmia iwan ba ra, witin kaikan kubus kum bal takan kiasma baman taki kan, bara pauta klauhan kum daiwan wîna nani klakan ba lilapas bâk ami lui wan. 18Baha pali yua ra Dawan Ebram wal lâ daukan, bara win:
—Naha tasbaya na man kiamkam ra yabamni,#Ap St 7.5. Idsip awalka#15.18 Idsip awalka: naha awala apia tingni kum Idsip ra (kaiks Jas 15.4). ba wina Éufrates awalka tara ba kat. 19Wibia sa kaka, quenita nani, quenizita nani, cadmoneo nani, 20hitita nani, ferezeo nani, refaíta nani, 21amorreo nani, Kenan uplika nani, gergeseo nani bara Jebús uplika nani tasbaya ba sin sut maikamni.
Currently Selected:
Blasi Sturka 15: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
