ᒨᓯᓯ ᐂᑉᐸᖏᑦ 17
17
ᐃᓴᕆᐊᓕᒥᐅᑦ ᕾᕐᑐᒥᑦ ᐃᒥᕐᑎᑕᐅᓂᖏᑦ
ᒨᓯᓯ ᓯᑕᒪᖏᑦ 20:1-13
1 #
ᒨᓯᓯ ᓯᑕᒪᖏᑦ 20:2-13. ᐃᓴᕆᐊᓕᒥᐅᑦ ᓄᓇᖅᑲᑎᒌᓕᒫᑦ ᓄᓇᒋᔭᕋᓗᐊᑎᒃ ᓯᓐᓂ ᕿᒪᒃᐹᑦ, ᐊᐅᓪᓛᕐᓗᑎᒡᓗ ᐊᓯᐊᓄᑦ. ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ. ᑕᖕᒫᕐᐳᓪᓗ ᕆᐱᑎᒥᒃ ᐊᑎᓕᖕᒧᑦ, ᑕᕝᕙᓂᓗ ᐃᒥᕐᑕᖃᓐᖏᓚᖅ ᐃᒥᕐᕕᒃᓴᒥᒃ. 2ᒨᓯᓯᒧᓪᓗ ᓈᒻᒪᒃᓴᖏᑦᔪᑎᒥᖕᓂᒃ ᐅᖃᕆᐊᕐᑐᕐᐳᑦ ᐅᖃᕐᓗᑎᒡᓗ, “ᐃᒥᒐᒃᓴᑦᑎᓐᓂᒃ ᑐᓂᓯᕕᒋᓚᐅᕐᑎᒍᑦ.”
ᒨᓯᓯᐅᓪᓗ ᑭᐅᕔᑦ, “ᓱᖕᒪᑦ ᓈᒻᒪᒃᓴᓐᖏᓚᓰ? ᓱᖕᒪᑦ ᐊᑕᓂᖅ ᐆᒃᑐᕐᐱᓯᐅᒃ?”
3ᐃᓄᐃᓪᓗ ᐃᒥᕈᕕᒡᔪᐊᕋᒥᒃ ᒨᓯᓯᒧᑦ ᐊᑲᐅᒃᓴᖏᑦᔪᑎᒥᖕᓂᒃ ᐅᖃᐅᓯᕾᓐᓇᕐᐳᑦ ᐅᖃᕐᓗᑎᒡᓗ, “ᖃᓄᐃᒻᒪᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᐱᑎᒎᑦ? ᕿᑐᕐᖓᕗᓪᓗ ᐆᒪᔪᖁᑎᕗᓪᓗ ᖀᓐᓂᕐᒧᑦ ᑐᖁᑦᓱᒪᓪᓗᑖ?”
4ᒨᓯᓯᓗ ᐃᓗᖏᕐᑐᕐᓗᓂ ᑐᒃᓯᐊᓕᕐᐳᖅ ᐊᑕᓂᕐᒧᑦ ᐅᖃᕐᓗᓂᓗ, “ᖃᓄᕐᓕᐅᑯᐊ ᐃᓄᐃᑦ ᐱᓇᓱᐊᕐᕕᒋᓂᐊᓕᕐᑕᒃᑲ? ᑖᒃᑯᓄᖓᑦ ᒥᓪᓗᕐᑕᐅᑐᐃᓐᓇᕆᐊᖃᓕᕋᒪ.”
5ᐊᑕᓂᕐᓗ ᒨᓯᓯᒧᑦ ᐅᖃᕐᐳᖅ, “ᐃᓴᕆᐊᓕᒥᐅᑦ ᐊᖓᔪᖅᑳᖏᑕ ᐃᓚᖏᓐᓂᒃ ᒪᓕᒃᑎᖃᕐᓗᑎᑦ ᐃᓄᐃᑦ ᖄᖏᕐᓗᒋᑦ ᓯᕗᓂᖓᓐᓂ ᐅᐸᒃᑕᖓᓄᓐᖓᐅᒋᑦᓯ. ᕿᔪᒡᓗ ᓇᒃᓴᕐᓗᒍ ᑰᖕᒥᒃ ᓁᐅᓪᒥᒃ ᐊᓇᐅᓯᑦᔪᑎᒋᓚᐅᕐᑕᑦ. 6ᐱᖃᑎᒋᓂᐊᕐᐸᒋᓪᓗ ᕾᕐᑐᒑᕐᒦᓕᕐᑎᓪᓗᑎᑦ ᖃᖅᑲᒥ ᕼᐆᕆᑉᒦᑦᑐᒥ, ᕾᕐᑐᕐᓗ ᐊᓇᐅᒍᕕᐅᒃ ᐃᒥᖅ ᑯᕕᓕᕐᓂᐊᕐᐳᖅ ᑕᕝᕙᓐᖓᑦ ᐃᓄᐃᑦ ᐃᒥᕈᓐᓇᖁᓪᓗᒋᑦ.” ᒨᓯᓯᓗ ᑍᒫᒃ ᐱᓂᐊᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᖏᑕ ᑕᒃᑯᐊᓂ. 7ᑖᓐᓇᓗ ᐊᑦᓯᕐᑕᐅᕗᖅ ᒫᓴᒥᒃ ᒥᕆᐸᒥᒡᓗ. ᐃᓴᕆᐊᓕᒥᐅᑦ ᓈᒻᒪᒃᓴᓚᐅᖏᒻᒪᑕ, ᐊᑕᓂᕐᓗ ᐆᒃᑐᓚᐅᕐᒪᑦᔪᒃ ᐅᖃᕐᓗᑎᒃ, “ᐊᑕᓂᐅᑉ ᐃᓚᒋᕚᑎᒎᑦ? ᐃᓚᖏᓐᖏᓛᑎᒍᓪᓘᓐᓃᑦ?”
ᐊᒫᓕᑬᑎᒥᐅᓂᒃ ᐅᓇᑕᕐᓂᖅ
8ᐊᒪᓕᖕᒥᐅᓪᓕ ᐃᓴᕆᐊᓕᒥᐅᓄᑦ ᑎᑭᓐᓇᒥᒃ ᐅᓇᑕᓕᕐᐳᑦ ᑖᒃᑯᓄᖓ ᓄᓇᒥ ᕆᐱᑎᒥ. 9ᒨᓯᓯ ᐅᖃᕐᐳᖅ ᔮᓱᐊᒧᑦ, “ᐊᖑᑎᓂᒃ ᓂᕈᐊᓚᐅᕆᑦ, ᑖᒃᑯᐊᓗ ᐃᓚᒋᓗᒋᑦ ᐊᒪᓕᒃᒥᐅᑦ ᖃᐅᒃᐸᑦ ᐅᓇᑕᕆᐊᓛᕐᐸᓯ; ᖃᐅᒃᐸᑦ ᖃᖅᑲᐅᑉ ᖄᖓᓂ ᓇᖏᓛᕐᐳᖓ ᒎᑎᐅᑉ ᐊᔭᐅᑉᐱᐊᖁᑎᐊ ᑎᒍᒥᐊᕐᓗᒍ.” 10ᔮᓱᐊᓗ ᑍᒤᓕᐅᕐᐳᖅ ᒨᓯᓯᒧᑦ ᐱᖁᔭᐅᓂᕐᒥᑐᑦ ᐅᓇᑕᕆᐊᕐᓗᓂᓗ ᐊᒪᓕᖕᒥᐅᓂᒃ, ᒨᓯᓯᓕ ᐂᕉᓂᓗ ᕼᐊᕐᓗ ᖃᖅᑲᐅᑉ ᖄᖓᓄᑦ ᒪᔪᕋᕐᐳᑦ. 11ᒨᓯᓯᐅᓪᓕ ᑕᓖᖕᓂ ᖁᒻᒧᖓᑎᓕᑐᐊᕅᖕᒪᒋᒃ ᐃᓴᕆᐊᓕᒥᐅᑦ ᓵᓚᖃᓕᖃᑦᑕᕐᐳᑦ; ᑕᓕᖏᒡᓕ ᐊᒻᒧᓕᑐᐊᕌᖓᑎᒃ ᐊᒪᓕᖕᒥᐅᑦ ᓵᓚᖃᖔᓕᖃᑦᑕᕆᓪᓗᑎᒃ. 12ᒨᓯᓯᐅᓪᓕ ᑕᓕᖏᒃ ᑕᖃᓕᕐᒪᑎᒃ; ᐅᔭᕋᖕᒥᒃ ᐃᒃᓯᕙᐅᑦᑎᕐᑕᐅᕗᖅ, ᑕᕝᕗᖓᓗ ᐃᒃᓯᕚᓕᕐᓗᓂ, ᑕᕝᕙ ᐂᕉᓂᐅᑉ ᕼᐊᕐᓂᐅᓪᓗ ᒨᓯᓯᐅᑉ ᑕᓕᖏᒃ ᖁᒻᒧᖓᑎᓕᕐᐹᒃ ᑎᒍᒥᐊᕐᓗᒋᒃ, ᐊᑐᓂᑦ ᐃᒡᓗᒌᒃᓱᑎᒃ, ᑍᒫᒡᓗ ᒨᓯᓯᐅᑉ ᑕᓕᖏᒃ ᖁᒻᒧᖓᑎᑕᐅᖏᓐᓇᓕᓚᐅᕐᐴᒃ ᓯᕿᓂᖅ ᓂᐱᓚᐅᖏᓐᓂᖓᓂ. 13ᑍᒫᒡᓗ ᑕᕝᕙ ᔮᓱᐊᑉ ᐊᒪᓕᒃᒥᐅᑦ ᓵᓚᒋᒻᒪᕆᓚᐅᕐᐰᑦ ᓴᕕᒡᔪᐊᒧᑦ.
14 #
ᒨᓯᓯ ᑕᓪᓕᒪᖏᑦ 25:17-19; ᓴᒧᐃᓕ ᓯᕗᓪᓖᑦ 15:2-9. ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᒪᓐᓇ ᓵᓚᖃᕐᓂᕆᔭᓯ ᑎᑎᕋᓚᐅᕈᒃ, ᐃᖅᑲᐅᒪᔭᐅᔪᓐᓇᖁᓪᓗᒍ. ᔮᓱᐊᓗ ᐅᖃᐅᑎᓂᐊᕐᐸᑦ ᐊᒪᓕᒃᒥᐅᑦ ᓄᖑᑦᓯᐊᕐᑕᐅᖁᒐᒃᑭᑦ ᐊᒥᐊᒃᑯᖃᖏᑦᓯᐊᓕᕐᓗᑎᒃ.” 15ᒨᓯᓯᓗ ᑐᓂᕐᕈᓯᕐᕕᒃᓴᒥᒃ ᐋᖅᑭᒃᓱᐃᕗᖅ ᐊᑦᑎᕐᓗᓂᐅᒡᓗ, “ᐊᑕᓂᐅᑉ ᓇᓗᓁᒃᑯᑕᖓ.” 16ᐅᖃᕐᓗᓂ, “ᖁᒻᒧᑦ ᐃᓴᐅᑎᓯᒪᒍᒃ ᐊᑕᓂᐅᑉ ᓇᓗᓁᒃᑯᑕᖓ! ᐊᑕᓂᖅ ᑕᕝᕙ ᐅᓇᑍᓐᓇᕐᓂᐊᕐᐳᖅ ᐊᒪᓕᖕᒥᐅᓂᒃ ᐃᓱᖃᖏᑦᑐᒧᑦ.”
Currently Selected:
ᒨᓯᓯ ᐂᑉᐸᖏᑦ 17: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
