ᒨᓯᓯ ᐂᑉᐸᖏᑦ 19
19
ᐃᓴᕆᐊᓕᒥᐅᑦ ᖃᖅᑲᒥ ᓮᓁᒦᓐᓂᖓᑦ
1ᐃᓴᕆᐊᓕᒥᐅᑦ ᑕᖕᒫᕐᓯᒪᕕᒋᔭᑎᒃ ᕌᐱᑎ ᕿᒪᒃᐹᑦ. ᑕᖅᑮᓪᓗ ᐱᖓᔪᐊᑦᑕ ᐅᓪᓗᖏᑕ ᓯᕗᓪᓖᕐᐸᖓᓐᓂ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓯᒪᓂᕆᔭᖓᑦᑕ ᑭᖑᓂᖓᓂ ᖃᖅᑲᐅᑉ ᓮᓁᑉ ᓯᐅᕅᓐᓇᐅᓂᖓᓄᐊᕐᐳᑦ. 2ᐃᓴᕆᐊᓕᒥᐅᑦ ᕆᐱᑎᒥᑦ ᐊᐅᓪᓚᕋᒥᒃ ᖃᖅᑳᓘᑉ ᓮᓁᑉ ᐊᑖᓄᑦ ᑕᖕᒫᕐᑎᕐᐳᑦ, 3ᒨᓯᓯᓗ ᖃᖅᑳᓗᖕᒧᑦ ᒪᔪᕋᕐᐳᖅ ᒎᑎᒥᒃ ᑲᑎᓯᔭᕐᑐᕐᓗᓂ.
ᖃᖅᑲᒥᓪᓗ ᐊᑕᓂᐅᑉ ᒨᓯᓯ ᐅᖃᕐᕕᒋᕚ ᐅᖃᖁᓪᓗᒍ ᐃᓴᕆᐊᓕᒥᐅᓄᑦ ᔧᑰᑉ ᑭᖑᕚᖏᓐᓄᑦ ᐅᖃᐅᑎᓪᓗᒍᓗ: 4“ᑕᑯᓚᐅᕐᐳᓯ ᐄᑦᔨᑉᑎᒥᐅᓄᑦ ᖃᓄᐃᓕᐅᓚᐅᕐᓂᓐᓂᒃ, ᖃᓄᕐᓗ ᑕᓯᐅᓚᐅᕐᒪᖔᑦᓯ ᓇᒃᑐᕋᓕᐅᑉ ᐃᓴᕈᕐᒥᓄᑦ ᕿᑐᕐᖓᒥᓂ ᑕᓯᐅᕐᓯᕙᖕᓂᖓᑎᑐᑦ, ᑕᒪᐅᖓᓗ ᑎᑭᐅᑎᑎᓯᒪᓪᓗᓯ ᐅᕙᓐᓄᑦ. 5#1 ᐲᑦᑐᕉᓯ 2:9.#ᒨᓯᓯ ᑕᓪᓕᒪᖏᑦ 4:20; 7:6; 14:2; 26:18; ᑍᑑᓯᑦ 2:14.ᒫᓐᓇᓕ ᑕᕝᕙ, ᐅᕙᓐᓂᒃ ᓈᓚᖕᓂᐊᕈᑦᓯ ᐊᖏᕈᑎᒋᓯᒪᔭᓐᓂᒡᓗ ᒪᓕᒡᓗᓯ, ᑕᕝᕙ ᐅᕙᓐᓄᑦ ᐃᓄᖁᑕᐅᓂᐊᓕᕐᐳᓯ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ; ᓄᓇᕐᔪᐊᖅ ᐃᓘᓐᓇᓂ ᐱᖁᑎᒋᒐᒃᑯ, 6#ᑕᑯᑎ 1:6; 5:10.ᐊᑕᓂᐅᕕᓐᓂᓗ ᑐᓂᕐᕈᓯᕐᑎᑦᓯᔨᖁᑎᒋᓂᐊᕐᐸᑦᓯ ᐃᓅᖃᑎᒌᒡᔪᐊᖑᓗᓯ ᐃᑦᔪᕐᓁᓪᓗᓯ. ᑕᒪᒃᑯᐊᓗ ᐅᖃᐅᓰᑦ ᐃᓴᕆᐊᓕᒥᐅᑦ ᕿᑐᕐᖓᖏᓐᓄᑦ ᐅᖃᐅᓯᕆᔭᒃᓴᕆᕙᓯ.” 7ᒨᓯᓯᓗ ᐅᑎᕋᒥ ᐃᓄᐃᑦ ᐊᖓᔪᖅᑳᖏᓐᓂᒃ ᕾᖁᔨᕗᖅ, ᑕᒪᒃᑯᐊᓗ ᐅᖃᐅᓰᑦ ᐅᖃᐅᑦᔭᐅᒍᑎᓕᒫᓂ ᐅᖃᐅᓯᕆᕔᑦ, ᐊᑕᓂᐅᑉ ᑍᒫᒃ ᐱᖁᓚᐅᕐᒪᒍ. 8ᐃᓄᐃᑦ ᑕᕝᕙ ᐊᑕᐅᑦᓯᒃᑯᑦ ᑭᐅᕗᑦ ᐅᖃᕐᓗᑎᒡᓗ, “ᐊᑕᓂᐅᑉ ᐅᖃᐅᓯᕆᔭᓕᒫᖏᑦ ᐱᓇᓱᐊᕐᓂᐊᕐᐸᕗᑦ.” ᒨᓯᓯᐅᓪᓗ ᐃᓄᐃᑦ ᐅᖃᐅᓯᕆᔭᖏᑦ ᐊᑕᓂᕐᒧᑦ ᐅᖃᐅᓯᕆᕔᑦ.
9ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᑕᑯᒋᑦ ᐃᓕᖕᓄᑦ ᕾᓂᐊᕐᐳᖓ ᓄᕗᔭᒥ ᐃᓛᒃᑰᕐᑐᒦᓪᓗᖓ, ᐃᓄᐃᑦ ᑐᓵᔪᓐᓇᖁᓪᓗᒋᑦ ᐃᓕᖕᓄᑦ ᐅᖃᓪᓚᒃᑎᓪᓗᖓ, ᐃᓕᖕᓂᒡᓗ ᐅᒃᐱᕈᓱᓕᖁᓪᓗᒋᑦ ᑍᒪᓐᖓᑦ.”
ᒨᓯᓯᐅᓪᓗ ᐃᓄᐃᑦ ᐅᖃᐅᓯᖏᑦ ᐊᑕᓂᕐᒧᑦ ᐅᖃᐅᓯᕆᕔᑦ. 10ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐃᓄᐃᑦ ᐅᐸᒡᓗᒋᑦ ᐅᖃᐅᑎᒃᑭᑦ ᐅᓪᓗᒥ ᖃᐅᒃᐸᓪᓗ ᐅᐸᓗᖎᔭᖁᓪᓗᒋᑦ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᕐᓗᑎᒃ, ᐊᓐᓄᕌᒥᖕᓂᒡᓗ ᐅᐊᓴᕐᓗᑎᒃ, 11ᐅᓪᓗᓪᓗ ᐱᖓᔪᒋᓕᕐᐸᒍ ᐅᐸᓗᖎᕐᓯᒪᔪᒃᓴᐅᕗᑦ; ᐅᓪᓗᒥ ᑕᕝᕙᓂ ᖃᖅᑲᒧᑦ ᓮᓁᒧᑦ ᐊᑕᓂᖅ ᐊᖅᑲᕐᓂᐊᕐᒪᑦ, ᐃᓄᓕᒫᑦ ᑕᑯᓐᓇᕐᑎᓪᓗᒋᑦ. 12#ᐄᑉᕈᐃᓄᑦ 12:18-20.ᐃᓄᐃᑦ ᐅᐸᒍᓐᓇᕐᑕᖏᑕ ᑭᒡᓕᒃᓴᖓᓂᒃ ᓇᓗᓁᕐᓯᓯᒪᔪᒃᓴᐅᕗᑎᑦ, ᐅᖃᐅᑎᓗᒋᓪᓗ, ‘ᐃᒃᐱᒍᓱᑦᓯᐊᕆᑦᓯ ᖃᖅᑲᒧᑦ ᒪᔪᕋᖁᓇᓯ ᐅᕝᕙᓗ ᖃᖅᑲᐅᑉ ᑭᒡᓕᖓ ᐊᒃᑐᕐᑕᐅᔪᒃᓴᐅᓐᖏᓚᖅ; ᓇᓪᓕᐊᓪᓗ ᖃᖅᑲᒥᒃ ᓇᓗᓁᒃᑯᓯᕐᓯᒪᔫᑉ ᐅᖓᑖᓃᑦᑐᒥᒃ ᐊᒃᑐᕐᓯᔪᖅ ᑖᓐᓇ ᑐᖁᑕᐅᔪᒃᓴᐅᕗᖅ; 13ᓇᓪᓕᐊᑦᑕᓘᓐᓃᑦ ᐊᒡᒐᖏᓐᓂᒃ ᐊᒃᑐᕐᑕᐅᔪᖃᕐᑐᒃᓴᐅᓐᖏᓚᖅ ᓇᓗᓁᒃᑯᓯᕐᓯᒪᔫᑉ ᐅᖓᑖᓅᑐᐊᕐᐸᑦ, ᒥᓪᓗᕐᑕᐅᓗᓂᓕ ᑐᖁᑕᐅᔪᒃᓴᐅᕗᖅ ᐅᕝᕙᓗ ᐱᓯᒃᑕᐅᓗᓂ; ᐃᓅᒐᓗᐊᕐᐸᑦ ᐆᒪᔫᒃᐸᓪᓘᓐᓃᑦ, ᓇᓗᓁᒃᑯᓯᕐᓯᒪᔫᑉ ᐅᖓᑖᓄᐊᕐᑐᕕᓂᕐᒥᒃ ᐆᒪᔪᖃᕐᑐᒃᓴᐅᓐᖏᓚᖅ.’ ᑎᑦᑐᓚᐅᑎᒥᒃ ᓂᓪᓕᐊᑯᑖᒃᑐᖃᕐᐸᑦ ᑕᕝᕙ ᐃᓄᐃᑦ ᖃᖅᑲᐅᑉ ᑭᒡᓕᖓᓄᑦ ᐅᐸᒍᑎᔪᒃᓴᐅᕗᑦ.”
14ᑕᕝᕙ ᒨᓯᓯ ᖃᖅᑲᒥᑦ ᐊᑎᕐᐳᖅ ᐃᓄᖕᓄᐊᕐᓗᓂᓗ, ᐅᖃᐅᑎᕔᑦ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᖁᓪᓗᒋᑦ ᐊᓐᓄᕌᒥᖕᓂᒡᓗ ᐅᐊᓴᓕᕐᐳᑦ, 15ᐃᓄᖕᓄᓪᓗ ᐅᖃᕐᐳᖅ, “ᐅᓪᓗᑦ ᐱᖓᔪᐊᓐᓂ ᐊᑐᐃᓐᓇᐅᔪᒃᓴᐅᕗᓯ; ᒫᓐᓇᒥᑦ ᐱᒋᐊᕐᓗᒍ ᐊᕐᓇᒥᒃ ᐊᒃᑐᐃᔪᒃᓴᐅᓐᖏᓚᓯ.”
16 #
ᑕᑯᑎ 4:5. #
ᒨᓯᓯ ᑕᓪᓕᒪᖏᑦ 4:11,12. ᐅᓪᓗᓪᓕ ᐱᖓᔪᖓᑦᑕ ᐅᓪᓛᕆᔭᖓᓂ ᑲᓪᓕᕐᐳᖅ ᖃᐅᒻᒪᓪᓛᓪᓗᓂᓗ, ᓄᕗᔭᓗ ᐃᒻᒥᒎᕐᑐᖅ ᓴᖅᑭᑉᐳᖅ ᖃᖅᑳᓘᑉ ᖄᖓᒍᑦ. ᑎᑦᑐᓚᐅᑎᐅᓪᓗ ᓂᐱᖓ ᓂᐱᑑᓪᓗᓂ ᑐᓴᕐᑕᐅᕗᖅ, ᐃᓄᓕᒫᓪᓗ ᓄᓇᓕᖕᓃᑦᑐᑦ ᑲᑉᐱᐊᓱᓕᕐᐳᑦ ᖁᐊᕐᓵᕐᓗᑎᒡᓗ. 17ᒨᓯᓯᐅᓪᓗ ᐃᓄᐃᑦ ᑕᕝᕙᓐᖓᑦ ᑕᖕᒫᕐᓯᒪᕕᖕᒥᖕᓂᑦ ᓅᑎᑉᐰᑦ ᒎᑎᒥᒃ ᑲᑎᓯᔭᕐᑐᖁᓪᓗᒋᑦ, ᖃᖅᑳᓘᓪᓗ ᐊᑖᓂ ᑭᒡᓕᖓᓃᓕᕐᐳᑦ. 18ᖃᖅᑳᓘᓪᓗ ᓮᓁᑉ ᖄᖓ ᐳᔪᕐᒧᑦ ᐅᓕᒃᓯᒪᕗᖅ ᐊᑕᓂᐅᑉ ᐊᖅᑲᕐᕕᒋᖕᒪᒍ ᐃᑯᐊᓚᔪᒧᑦ. ᐳᔪᖓᓗ ᖁᒻᒧᐊᒃᐳᖅ ᐃᒐᐅᑉ ᐳᔪᖓᑎᑐᑦ, ᐃᓄᐃᓪᓗ ᓴᔪᒃᐳᑦ ᐊᖏᔪᒥᒃ. 19ᑎᑦᑐᓚᐅᑎᐅᓪᓗ ᓂᐱᖓ ᓂᐱᖅᑯᕐᑐᓯᕙᓪᓕᐊᓚᐅᕐᐳᖅ. ᒨᓯᓯᓗ ᐅᖃᕐᒪᑦ ᒎᑎᐅᑉ ᑭᐅᕚ ᑲᓪᓕᕐᒧᑦ. 20ᐊᑕᓂᕐᓗ ᐊᖅᑲᕋᒥ ᖃᖅᑳᓘᑉ ᖄᖓᓄᐊᕐᐳᖅ ᓮᓁᒧᑦ. ᒨᓯᓯᓗ ᖃᖅᑳᓘᑉ ᖄᖓᓄᑦ ᕾᖁᕚ, ᒨᓯᓯᓗ ᒪᔪᕋᕐᐳᖅ ᖃᖅᑲᐅᑉ ᖄᖓᓄᑦ. 21ᐊᑕᓂᐅᓪᓗ ᒨᓯᓯ ᐅᖃᐅᑎᕚ, “ᐃᓄᐃᑦ ᐊᖅᑲᕐᕕᒋᒍᕕᒋᑦ ᐅᖃᐅᑎᓂᐊᕐᐸᑎᑦ ᖄᖏᕆᐊᖃᓐᖏᑕᒥᖕᓂᒃ ᖄᖏᕐᓯᑦᑍᓕᖁᓗᒋᑦ ᐅᕙᓐᓂᒃ ᑕᑯᔭᕐᑐᕋᓱᒡᓗᑎᒃ. ᖄᖏᕆᐊᖃᓐᖏᑕᒥᖕᓂᒃ ᖄᖐᒃᐸᑕ ᑕᕝᕙ ᐅᓄᕐᑐᑦ ᑐᖁᓂᐊᕐᐳᑦ. 22ᑐᓂᕐᕈᓯᕐᑎᑦᓯᔩᓪᓘᓐᓃᑦ ᐊᑕᓂᕐᒧᑦ ᖃᒡᓕᓂᐊᕈᑎᒃ ᐃᒻᒥᖕᓂᒃ ᓴᓗᒻᒪᕐᓴᕐᑐᒃᓴᐅᕗᑦ, ᑍᒤᓕᐅᖏᑉᐸᑕ ᑕᕝᕙ ᐊᑕᓂᐅᑉ ᓱᒋᐊᕐᓂᐊᕐᐰᑦ.”
23ᒨᓯᓯᓗ ᐅᖃᕐᐳᖅ ᐊᑕᓂᕐᒧᑦ, “ᐃᓄᐃᑦ ᖃᖅᑲᒧᑦ ᓮᓁᒧᑦ ᒪᔪᕋᕈᓐᓇᓐᖏᓚᑦ, ᐃᕝᕕᑦ ᓇᖕᒥᓂᖅ ᐅᖃᓚᐅᕋᕕᑦ, ᐃᒫᒃ; ‘ᖃᖅᑲᐅᑉ ᐅᐸᒃᑕᐅᓂᒃᓴᖓᑕ ᑭᒡᓕᒃᓴᖓᓂᒃ ᓇᓗᓁᒃᑯᓰᔪᒃᓴᐅᕗᑎᑦ, ᐃᑦᔪᕐᓁᑎᓪᓗᒍᓗ.’”
24ᐊᑕᓂᐅᓪᓗ ᑭᐅᕚ, “ᑕᐅᓄᖓ ᐊᒻᒧᐊᓚᐅᕆᑦ, ᐂᕉᓂ ᐱᖃᑎᒋᓕᕐᓗᒍ ᒪᔪᐊᕐᓂᐊᕋᑦᓯᒃ; ᑐᓂᕐᕈᓯᕐᑎᑦᓯᔩᓪᓕ ᐃᓄᐃᓪᓗ ᐅᐸᒃᑕᐅᔪᓐᓇᕐᑑᑉ ᐅᖓᑖᓄᐊᕐᑐᖃᕐᑐᒃᓴᐅᓐᖏᓚᑦ ᐅᐸᒍᑎᓇᓱᐊᕐᓗᑎᒃ ᐊᑕᓂᕐᒧᑦ, ᓱᒋᐊᕐᑕᐅᔪᒃᓴᐅᖁᓇᒋᑦ.” 25ᑕᕝᕙ ᒨᓯᓯ ᖃᖅᑲᒥᑦ ᐊᒻᒧᐊᒃᐳᖅ ᐃᓄᖕᓄᑦ ᐅᖃᐅᑎᓪᓗᒋᓪᓗ ᐊᑕᓂᐅᑉ ᐅᖃᐅᓯᕆᓚᐅᕐᑕᖏᓐᓂᒃ.
Currently Selected:
ᒨᓯᓯ ᐂᑉᐸᖏᑦ 19: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
