ᒨᓯᓯ ᐂᑉᐸᖏᑦ 20
20
ᐱᖁᔭᑦ ᖁᓕᑦ ᑐᓂᔭᐅᓕᕐᓂᖏᑦ
ᒨᓯᓯ ᑕᓪᓕᒪᖏᑦ 5:1-21
1ᒎᑎᐅᓪᓗ ᐅᖃᐅᓰᑦ ᐅᑯᐊ ᐅᖃᐅᓯᕆᓚᐅᕐᐰᑦ, ᐅᖃᕐᓗᓂ, 2“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.
3“ᐊᓯᓐᓂᒃ ᒎᑎᖃᕐᑐᒃᓴᐅᓐᖏᓚᓯ.
4 #
ᒨᓯᓯ ᐂᑉᐸᖏᑦ 34:17; ᒨᓯᓯ ᐱᖓᔪᖏᑦ 19:4; 26:1; ᒨᓯᓯ ᑕᓪᓕᒪᖏᑦ 4:15-18; 27:15. “ᓱᓇᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ ᐊᑦᔨᓕᐅᕆᓗᓯ ᕿᓚᖕᒥᐅᑕᕐᒥᒃ ᓄᓇᒥᐅᑕᒥᒡᓘᓐᓃᑦ, ᐃᒪᕐᒥᐅᑕᕐᒥᒃ ᓄᓇᐅᑉ ᐊᑖᓂᕐᒥᐅᑕᒥᒡᓘᓐᓃᑦ. 5#ᒨᓯᓯ ᐂᑉᐸᖏᑦ 34:6,7; ᒨᓯᓯ ᓯᑕᒪᖏᑦ 14:18; ᒨᓯᓯ ᑕᓪᓕᒪᖏᑦ 7:9,10.ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ. 6ᐅᕙᓐᓂᒡᓕ ᓇᒡᓕᒍᓱᒃᑐᓄᑦ ᓇᒡᓕᒍᓱᖕᓂᓐᓂᒃ ᑕᑯᑎᑦᓯᓂᐊᕐᐳᖓ ᐱᖁᔭᓐᓂᒡᓗ ᓈᓚᒃᑐᓄᑦ ᑭᖑᕚᕇᑦ 1,000ᓗᐊᕐᑐᑦ ᑎᑭᓪᓗᒋᑦ.
7 #
ᒨᓯᓯ ᐱᖓᔪᖏᑦ 19:12. “ᐊᑕᓂᐅᑉ ᒎᑎᕕᑦ ᐊᑎᖓᓂᒃ ᐊᑐᕐᓂᕐᓗᒃᑐᒃᓴᐅᓐᖏᓚᑎᑦ; ᐊᑕᓂᐅᑉ ᓱᒋᐊᕐᑍᓕᓂᐊᓐᖏᓛ ᓇᓪᓕᐊᑦ ᐊᑎᖓᓂᒃ ᐊᑐᕐᓂᕐᓗᒃᑐᖅ.
8 #
ᒨᓯᓯ ᐂᑉᐸᖏᑦ 16:23-30; 31:12-14. “ᐅᓪᓗᖅ ᓴᐸᑎᐅᔪᖅ ᑲᒪᒋᑦᓯᐊᕈᒃ, ᐃᑦᔪᕐᓁᑎᓪᓗᒍᓗ. 9#ᒨᓯᓯ ᐂᑉᐸᖏᑦ 23:12; 31:15; 34:21; 35:2; ᒨᓯᓯ ᐱᖓᔪᖏᑦ 23:3.ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᒐᒃᓴᕐᓂᒃ ᐱᓇᓱᐊᕐᑐᒃᓴᐅᕗᑎᑦ, 10ᐅᓪᓗᓪᓕ 7ᖓᓐᓂ ᐅᓪᓗᖅ ᑕᕾᕐᓯᕐᕕᒃᓴᖅ ᓇᓪᓕᐅᑎᕗᖅ ᐊᑕᓂᕐᒧᑦ ᒎᑎᖕᓄᑦ ᑐᕌᖓᔪᖅ. ᐅᓪᓗᒥ ᑕᕝᕙᓂ ᑭᓇᓘᓐᓃᑦ ᓴᓇᔪᒃᓴᐅᓐᖏᓚᖅ ᕿᑐᕐᖓᑎᑦ, ᐱᔨᑎᓪᓗ ᐆᒪᔪᖁᑎᑎᓪᓘᓐᓃᑦ, ᓂᐅᕐᕈᐊᓪᓘᓐᓃᑦ ᓄᓇᑦᓯᓐᓄᑦ; 11#ᒨᓯᓯ ᓯᕗᓪᓖᑦ 2:1-3; ᒨᓯᓯ ᐂᑉᐸᖏᑦ 31:17.ᐅᓪᓗᓂᒃ ᐱᖓᓲᔪᕐᑐᓂᒃ ᐊᑕᓂᐅᑉ ᓄᓇᕐᔪᐊᖅ ᕿᓚᒡᓗ ᓴᓇᓚᐅᕐᒪᒍ, ᐃᒪᕐᔪᐊᕐᓗ ᐃᒪᕐᒥᐅᑕᓕᒫᓪᓗ, ᐅᓪᓗᓪᓕ 7ᖓᓐᓂ ᑕᕾᕐᓯᓚᐅᕐᐳᖅ. ᑍᒤᒻᒪᑦ ᐊᑕᓂᐅᑉ ᓴᐸᑎ ᐅᓪᓗᓄᑦ ᐊᑦᔨᐅᑎᓐᓇᒍ ᓇᓗᓁᓚᐅᕐᐹ ᐃᑦᔪᕐᓁᑎᓪᓗᒍᓗ.
12 #
ᒨᓯᓯ ᑕᓪᓕᒪᖏᑦ 27:16; ᒫᑎᐅᓯ 15:4; 19:19; ᒫᑯᓯ 7:10; 10:19; ᓘᑲᓯ 18:20; ᐃᐱᓯ 6:2;
ᐃᐱᓯ 6:3. “ᐊᑖᑕᖕᓂᒃ ᐊᓈᓇᖕᓂᒡᓗ ᑲᒪᑦᓯᐊᕐᑐᒃᓴᐅᕗᑎᑦ ᐊᑯᓂ ᐃᓅᖁᓪᓗᑎᑦ ᓄᓇᒥ ᐊᑕᓂᐅᑉ ᒎᑎᕕᑦ ᑐᓂᔭᖓᓂᒃ ᐃᓕᖕᓄᑦ.
13 #
ᒨᓯᓯ ᓯᕗᓪᓖᑦ 9:6; ᒨᓯᓯ ᐱᖓᔪᖏᑦ 24:17; ᒫᑎᐅᓯ 5:21; 19:18; ᒫᑯᓯ 10:19; ᓘᑲᓯ 18:20; ᕉᒪᒥᐅᓄᑦ 13:9; ᔧᒥᓯ 2:11. “ᐱᔮᕆᓗᑎᑦ ᐃᓄᐊᕐᑐᒃᓴᐅᓐᖏᓚᑎᑦ.
14 #
ᒨᓯᓯ ᐱᖓᔪᖏᑦ 20:10; ᒫᑎᐅᓯ 5:27; 19:18; ᒫᑯᓯ 10:19; ᓘᑲᓯ 18:20; ᕉᒪᒥᐅᓄᑦ 13:9; ᔧᒥᓯ 2:11. “ᓄᓕᐊᕇᖕᓂᕐᒥᒃ ᐊᓯᓐᓂᐊᕐᑐᒃᓴᐅᓐᖏᓚᑎᑦ.
15 #
ᒨᓯᓯ ᐱᖓᔪᖏᑦ 19:11; ᒫᑎᐅᓯ 19:18; ᒫᑯᓯ 10:19; ᓘᑲᓯ 18:20; ᕉᒪᒥᐅᓄᑦ 13:9. “ᑎᒡᓕᒃᑐᒃᓴᐅᓐᖏᓚᑎᑦ.
16 #
ᒨᓯᓯ ᐂᑉᐸᖏᑦ 23:1; ᒫᑎᐅᓯ 19:18; ᒫᑯᓯ 10:19; ᓘᑲᓯ 18:20. “ᐃᓅᖃᑎᖕᓂᒃ ᓱᓕᖏᑦᑐᒧᑦ ᐅᖃᐅᓯᖃᕐᑐᒃᓴᐅᓐᖏᓚᑎᑦ.
17 #
ᕉᒪᒥᐅᓄᑦ 7:7; 13:9. “ᐃᓅᖃᑎᕕᑦ ᐃᒡᓗᖓᓂᒃ ᐃᒃᓯᒎᕐᑐᒃᓴᐅᓐᖏᓚᑎᑦ, ᓄᓕᐊᖓᓂᒡᓘᓐᓃᑦ ᐃᒃᓯᒎᕐᑐᒃᓴᐅᓐᖏᓚᑎᑦ, ᐱᔨᖓᓂᒡᓘᓐᓃᑦ, ᐆᒪᔪᖁᑎᖓᓂᒡᓘᓐᓃᑦ, ᓯᐅᑎᖅᑯᕐᑐᔪᖁᑎᖓᓂᒡᓘᓐᓃᑦ ᓱᓇᑐᐃᓐᓇᕐᒥᒡᓘᓐᓃᑦ ᐃᓅᖃᑎᕕᑦ ᐱᒋᔭᖓᓂᒃ ᐱᔪᒪᕕᒡᔪᐊᕐᑐᒃᓴᐅᓐᖏᓚᑎᑦ.”
ᐃᓄᐃᑦ ᑲᑉᐱᐊᓱᖕᓂᖓᑦ
18 #
ᐄᑉᕈᐃᓄᑦ 12:18,19. ᐃᓄᐃᓪᓗ ᑲᓪᓕᖅ ᑎᑦᑐᓚᐅᓪᓗ ᓂᓪᓕᕐᑐᖅ ᑐᓴᕋᒥᑦᔪᒃ, ᖃᐅᒻᒪᓪᓚᒃᑐᕐᓗ ᑕᑯᓪᓗᒍ, ᖃᖅᑳᓗᒡᓗ ᐳᔫᕐᑐᖅ ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ ᐅᖓᓯᒋᔮᓂᓗ ᓇᖏᕐᓗᑎᒃ. 19ᒨᓯᓯᒧᓪᓗ ᐅᖃᕐᐳᑦ, “ᐅᕙᑦᑎᓐᓄᑦ ᐅᖃᕈᕕᑦ ᓈᓚᖕᓂᐊᕐᐳᒍᑦ, ᑭᓯᐊᓂᓕ ᓯᕘᕋᕗᒍᑦ ᒎᑎᐅᑉ ᐅᖃᕐᕕᒋᒃᐸᑎᒍᑦ ᑐᖁᑐᐃᓐᓇᕆᐊᖃᕋᑦᑕ.”
20ᒨᓯᓯᐅᓪᓗ ᑭᐅᕔᑦ, “ᑲᑉᐱᐊᓱᖏᓪᓗᓯ, ᒎᑎ ᑕᒪᐅᓐᖓᕐᓯᒪᕗᖅ ᓱᖅᑯᐃᕐᓯᑦᓯᐊᖁᓪᓗᓯ, ᑖᑦᓱᒥᖓᓗ ᓯᕘᕋᓂᕐᒧᑦ ᐊᔪᕐᑐᓕᖁᓇᑦᓯ.” 21ᐃᓄᐃᓪᓕ ᓱᓕ ᐅᖓᓯᒃᑐᒥ ᓇᖏᑐᐃᓐᓇᓕᕐᐳᑦ, ᒨᓯᓯᓕ ᑭᓯᒥ ᓄᕗᔮᓗᖕᒧᑦ ᕿᕐᓂᕐᑕᒧᑦ ᒎᑎᐅᑉ ᓇᔪᕐᑕᖓᓄᑦ ᖃᒡᓕᔪᓐᓇᕐᑐᑑᓚᐅᕐᐳᖅ.
ᐱᖁᔭᑦ ᑐᓂᕐᕈᓯᕐᕕᒃ ᐊᓪᑕᕆ ᐱᓪᓗᒍ
22ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐃᓴᕆᐊᓕᒥᐅᓄᑦ ᐃᒫᒃ ᐅᖃᕐᑐᒃᓴᐅᕗᑎᑦ: ‘ᐃᓕᑦᓯ ᓇᖕᒥᓂᖅ ᑕᑯᓚᐅᕐᐳᓯ ᐅᖃᓪᓚᒃᑎᓪᓗᖓ ᕿᓚᖕᒥᑦ. 23ᑍᒤᒻᒪᑦ ᓴᓂᓐᓃᑦᑐᒃᓴᒥᒃ ᒎᑎᓐᖑᐊᓕᐅᕐᑐᒃᓴᐅᓐᖏᓚᓯ ᓯᐅᓪᕕᕆᒥᒃ, ᒎᓗᒥᒡᓘᓐᓃᑦ ᓴᓇᔪᒃᓴᐅᖏᓐᓂᕗᓯ ᒎᑎᒃᓴᑦᓯᓐᓂᒃ. 24ᓄᓇᒥᓕ ᑐᓂᕐᕈᓯᕐᕕᖕᒥᒃ ᓴᓇᓕᕆᑦᓯ ᐅᕙᓐᓄᑦ; ᑕᕝᕙᓂᓗ ᑐᓂᕐᕈᓯᕐᓗᓯ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ, ᓰᐱᓂᒃ ᐃᒻᒧᒃᓯᐅᒐᓂᒡᓗ ᑐᓂᕐᕈᓯᕐᑐᒃᓴᐅᕗᓯ; ᓇᓂᑐᐃᓐᓇᖅ ᐊᑎᕐᒪ ᐃᖅᑲᐅᒪᔭᐅᑦᔪᑎᒃᓴᖓᓂᒃ ᐱᑎᑦᓯᑐᐊᕈᒪ ᑕᕝᕙ ᑕᕝᕗᖓ ᕾᓂᐊᕐᐳᖓ ᓮᒻᒪᕐᑎᓪᓗᓯᓗ. 25#ᒨᓯᓯ ᑕᓪᓕᒪᖏᑦ 27:5-7; ᔮᓱᐊ 8:31.ᐅᔭᖅᑲᓂᒃ ᑐᓂᕐᕈᓯᕐᕕᓕᐅᕐᓂᐊᕈᕕᑦ ᐅᕙᓐᓄᑦ, ᐃᓚᓐᖔᓯᒪᔪᓂᒃ ᐅᔭᖅᑲᓂᒃ ᑐᓂᕐᕈᓯᕐᕕᓕᐅᕐᑐᒃᓴᐅᓐᖏᓚᑎᑦ; ᓴᓇᕐᕈᑎᒥᒃ ᐃᓚᓐᖔᓯᑦᔪᑎᒥᒃ ᐊᑐᓕᕈᕕᑦ ᐅᔭᖅᑲᓄᑦ ᑕᕝᕙ ᐅᕙᓐᓄᑦ ᓇᕐᕈᓇᕐᓯᓗᓂ ᐊᑐᕐᑐᒃᓴᐅᔪᓐᓃᕐᐳᖅ. 26ᑐᓂᕐᕈᓯᕐᕕᖕᒥᒃ ᓴᓇᔪᒃᓴᐅᓐᖏᓚᑎᑦ ᒪᔪᕋᐅᑎᓕᖕᒥᒃ, ᒪᔪᕋᕆᐊᓕᒃᑰᓕᕈᕕᑦ ᐊᓐᓄᕌᖃᖏᓐᓃᑦ ᓴᖅᑭᖁᓇᒍ.’”
Currently Selected:
ᒨᓯᓯ ᐂᑉᐸᖏᑦ 20: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
