1 Abakorinzo 10
10
Obuchesiyii khukobwinamili bwebifwanani
1Shichila, baana beefwe shinzenya mbu mukorwe akabakuuka beefwe, shinga olwa bali hasi welileesi elo bosi ta, khandi bosi babira munyanza hakari; 2bosi nibabatisibwa nibeenjisibwa okhukholwa abaMusa mwileesi khandi munyanza; 3bosi nibalia khubiliibwa bilala bieshiroho; 4bosi nibanywa khubiokhunywa bilala bieshiroho; okhuba banywa khulwanda Iweshiroho olwabalondangakhwo; nolwanda olwo lwali Kristo.
5Nebutswa obunji bwabwe, Nyasaye shiyachamisibwa ninabo ta; okhuba bamululilwa mushitsiimi. 6Ne amakhuwa ako nebilolelo khwifwe, mbu khuleshenje okhwikomba amakhuwa amabii, shinga abo olwa beekomba. 7Kata muraba abeenamili bebifwanani, shinga abandi khubo olwa bali ta; shinga olwa kahandiikwa, mbu Abandu nibeekhala okhulia nende okhunywa, nibasinjila okhushina. 8Kata khuleshe okhukhola obuheyi, shinga abandi khubo olwa bakhola, nibakwa inyanga ndala ebikhumila amakhumi kabili nabitaru. 9Kata khuleshe okhuteema Omwami, shinga abandi khubo olwa bamuteema, nibatibibwa netsinzokha. 10Kata muleshe okhubuutsuluula, shinga abandi khubo olwa babuutsuluula, nibatibibwa na oyo owonooninjia. 11Namakhuwa ako kabakwila kabe eshilolelo; nikahandiikwa khulwa okhukhuchesiyia ifwe aba eshihesi shieshise shino shikhuuliile.
12Khulwako, oyo oukaala mbu uraliile abe meeso aleshe okhukwa. 13Mushili okhuteemwa nende likhuwa liosi ta, habula aka omundu anyala. Nyasaye nomwisiikwa, ne shialafuchiilila mbu muteemwe okhushila ako aka mulanyala tawe; habula halala nende okhuteemwa khwene, alamukasilia injila eyokbwihonokoshelakhwo, mbu mana munyale okhwifwila.
14Khulwako, abaheelwa banje, mwihaanye obwinamili bwebifwanani. 15Emboola shinga ouboola nende abarechelefu; chele akeenako aka emboola. 16Eshikombe eshio shieikhabi eshia khusabilanga ikhabi, shishili nishio okhusanjilana khumabanga kaKristo? Omukaate okwa khusonyolanga, shikuli nikwo okhusanjilana khumubili kwaKristo? 17Ifwe, kata olwa khuli abanji, khuli omukaate mulala, omubili mulala; shichila fwesi khukabana khumukaate mulala. 18Lole Isiraeli yomubili; mbu abo abaliitsanga khumisango, shibasanjilana khushimalilo shiene? 19Kho aka emboola kali karie? Mbu eshindu shiomusango okumalilwa ebifwanani nishio eshindu toto? Kata mbu eshifwanani nishio eshindu toto? 20Tawe; habula mbu ebindu biemisango echia Abamahanga bamalanga, bamalilanga amadimoni, nibaramumalila Nyasaye ta; nasi shinzenya mbu musanjilane namadimoni tawe. 21Shimunyala okhunyweela khushikombe shiOmwami nende eshikombe shiamadimoni, tawe; shimunyala okhukabana khubiokhumeesa yOmwami nende ebiokhumeesa yamadimoni ta. 22Nohomba khuhambinjia Omwami imbalikha? Khumushila amaani noho?
Aka okhola kosi kachoome khukhuusia oluyali lwaNyasaye
23Ebindu biosi bifuchiililwa; ne shibili biosi ebili nobukhoonyi ta. Biosi bifuchiililwa; ne shibili biosi ebiumbakhanga ta. 24Buli mundu aleshenje okhukhaaba okhwinyoolela omwene amalayi, habula okhubanyoolela abashie.
25Muliitsenje shiosi shiosi eshikusibwa khushiiro shieinyama, oburareeba likhuwa liosi, mbu muleshe okhunyasia emioyo, ta 26Shichila eshialo neshiOmwami, nende omwitsulu kwashio. 27Omundu ourali omusuubili ta naba namulanga inywe nimwakhachama okhutsia, mulie shiosi shiosi eshia murenjeshelwa, oburareeba likhuwa liosi, mbu muleshe okhunyasia emioyo, ta. 28Ne omundu naba namusunjila ari Shino neshiomusango okumalilwe, muraliakhwo ta, khulwa omwenoyo owamumanyia ario, khandi mbu muleshe okhunyasia emioyo. 29Ne shimboola akemioyo chieenywe ta, habula okwoundi ulia.
Ne obulekhuule bwanje bunyala burie okhuchelwa khumwoyo kwoundi? 30Isie nimba nindiakhwo nende okhuupa orio, nishiina eshichila ninjiishilwa shieneshio eshia ekhupiilekhwo orio? 31Kho kata nimulia, kata nimunywa, kata liosi liosi elia mukhola, kholenje kosi nimuchooma okhuusia oluyali lwaNyasaye. 32Murareetsangakhwo eshiisichirasio shiosi, kata khubaYahudi, kata khubaYunani, kata khukanisa yaNyasaye tawe; 33shinga isie siesi olwa enjamisinjia abandu bosi mumakhuwa kosi, nindakhaaba okhwinyoolela omwene ebieinganga ta, habula inganga yobunji bwabandu, mbu bahonibwe.
Currently Selected:
1 Abakorinzo 10: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975