1 Abakorinzo 11
11
1Mulonde khukhola yanje, shinga isie olwa emulondanga Kristo.
Abakhasi beefuunislte emirwe
2Ne emupaakanga, shinga olwa munzitsulilanga mumakhuwa kosi, nimuhanda khumakhuwa keene, shinga olwa ndamuungulila. 3Ne enzenya mumanye shinga olwa Kristo ali omurwe kwabuli mundu omusaatsa; naye omusaatsa niye omurwe kwomukhasi; naye Nyasaye niye omurwe kwaKristo. 4Omusaatsa yesi naba nasaaya Nyasaye kata okhulakula, niyeefuuniishe omurwe, afwola ario omurwekwe. 5Ne omukhasi yesi naba nasaaya Nyasaye kata okhulakula, ne nareefuuniishe omurwe ta, afwola ario omurwekwe; okhuba ahelana nende oubechilwe. 6Okhuba omukhasi naba nareefuunikha omurwe ta, atetwe liswi; ne niliba nilili lietsisoni khumukhasi okhutetwa liswi kata okhubekwa, kho yeefuunishe. 7Shichila toto mwene, omusaatsa shiakhoyile okhwifuunikha omurwe ta, shichila ye nelikondo liaNyasaye, nende okhufwana khwoluyalilwe; ne omukhasi nokhufwana khwoluyali Iwomusaatsa. 8Shichila omusaatsa shiyarula mumukhasi ta, habula omukhasi niye owarula mumusaatsa; 9kata omusaatsa shiyalonjelwa omukhasi ta, habula omukhasi yalonjelwa omusaatsa. 10Niko akachila omukhasi akhoyile okhuba neshilolelo shioburuchi khumurwe, khulwa abamalaika. 11Nebutswa muMwami, omukhasi shiaba omulamba harali omusaatsa, kata omusaatsa harali omukhasi, tawe. 12Shichila shinga omukhasi olwa yarula mumusaatsa, nindio omusaatsa abaho khulwa omukhasi; ne biosi birula khuNyasaye.
13Chelekhwo inywe abeene; mbu kakhoyeele, omukhasi okhusaaya Nyasaye nareefuuniishe omurwe ta? 14Ne kata imela yoburulanda yene, shiyimwechesia mbu omusaatsa naba nali neliswi lirambi, neshifwimbwamurwe khuye? 15Ne omukhasi olwa ali neliswi lirambi, noluyali khuye; yaheebwa liswi elo mbu libe eshifuunikhoshie. 16Ne omundu yesi naba niyeenya okhuleera amayinje, ifwe shikhuli nende eshiima eshifwana shirio ta, kata tsikanisa tsiaNyasaye tsiosi tawe.
Akarakhoyeele ta akakholekhanga khwisabo liOmwami
17Ne mwikhuwa lino elia enzitsa okhumulaka, shimupaaka ta; shichila okhukhung'aana khweenywe shikhumumeetelanga obulayi ta, habula obubii. 18Eliambeli, embuliile mbu olwa mukhung'aananga mubeikanisa, obukabukhani bubeetsangaho hakari weenywe; ne siesi endisuubilangakhwo. 19Ne emiahukho chikhoyile okhubaho mwinywe, mbu abali abatoto mana bamanyishe mwinywe. 20Khulwako, olwa mukhung'aananga halala shikhubeetsanga khulwa okhulia lisabo elili liOmwami tawe; 21shichila mukhulia buli mundu aranjilila okhulia ebiliibwa bibie; oundi nali inzala, oundi nameelile. 22Mbula, shimuli nende tsinzu, omwa munyala okhuliila nende okhunyweela? Nohomba mulekanga ikanisa yaNyasaye, nimubafwimbia emirwe abali abatakha? Nemusunjile endie? Emupaache mwikhuwa lino? 'A, tawe; shimupaaka ta.
Lisabo liOmwami
(Mat. 26.20-29; Mk. 14.22-25; Lk. 22.14-20)
23Okhuba likhuwa elia ndaheebwa nende Omwami, elienelo nilio elia ndamukaamila inywe; mbu shinga olwa Omwami Yesu yabukula omukaate, eshilo shieneshio eshia yakhobelwamwo; 24ne olwa yali nakhupile orio, yakusonyola, nasunga ari Kuno nomubili kwanje, okuli khulweenywe; kholenje murio khulwa okhunzitsulila isie. 25Khandi yabukula ario eshikombe, olwa bali nibamalile okhulia, nasunga ari Eshikombe shino nishio indakano imbia khulwa amabanga kanje; kholenje murio, buli olwa munywakhwo lwosi, khulwa okhunzitsulila isie. 26Shichila buli lwosi olwa mulia khumukaate kuno, nimunywa khushikombe shino, murumbulanga okhufwa khwOmwami okhuula olwa aleetsa.
Akokhuliakhwo lisabo oburahwanila ta
27Niko akachila, omundu yesi oulalia khumukaate nanywa khushikombe shiOmwami narakwaniile ta, alaba niyoonooneele omubili nende amabanga kOmwami. 28Ne omundu yeechele omwene, mana kho alie khumukaate okwo nanywa khushikombe. 29Okhuba oulia nanywa, naraahukhasinjia habwene akomubili ta, aliitsanga nanywa niyeeleerela eshiina. 30Niko akachila abanji khwinywe bateshelana nibalwala, abanjikhwo nibakona. 31Ne nikhuba nikhwahukhasinjia akeefwe abeene shinga olwa kali, shikhwakhayaasibwa ta. 32Ne olwa khuyaasibwa, khuchesiyibwa nende Omwami munjila yokhukuumwa, mbu khuleshe okhukhalachilwa eshiina halala nende eshialo. 33Niko akachila, baana beefwe, olwa mukhung'aananga okhulia, mulindanenje. 34Omundu naba niyakhaba inzala, alie ebunango; mbu okhukhung'aana khweenywe khuleshe okhuleera eshiina. Akandi kosi ndakhakasie olwa emba ninzitsile.
Currently Selected:
1 Abakorinzo 11: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975