1 Abakorinzo 16
16
Omusololo khulwa abatakatifu
1Ne bulaano, khumakhuwa komusololo okuli khulwa abatakatifu, shinga olwa ndalachilisia tsikanisa tsieGalatia, neenyu mwesi mukholenje murio. 2Khunyanga yambeli eyomubuli lihonga, buli mulala khwinywe yaahule eshindu nashibiikha, ebia anyoolile shinga olwa bili, mbu okhusolola khuleshe okhubaho olwa emba ninzitsile. 3Ne olwa ndiliulayo, ndilibaheelesia tsibarwa abeenabo aba muba nimufuchiiliile, nimbaruma okhuyila ebihaanwa bieenywe eYerusalemu; 4nikaba nikakhoyela mbu siesi enzieyo, kho ndilitsia ninabo.
Emipango chioluchendo
5Ne ndilimwitsila, olwa ndiliba nimbiriile muMakedonia; shichila enzitsa okhubirila muMakedonia; 6ne haundi ndilimenyakhwoyo nineenywe, kata okhumalilayo tsindaalo tsiomunyiri mbu mana munyungule khuluchendo lwanje ewa enzia hosi hosi. 7Shichila shinzenya okhumulola bulaano nindi oubira butswa, ta; okhuba esuubila mbu ndilimenyakhwoyo nineenywe eshise, Omwami naba nafuchiilila ario. 8Ne eshimenyakhwo hano eEfeso okhuula khuPendekote; 9okhuba omuliango omukhongo kunzikushiile, mbu ekhole emilimo emikaasu, ne abamayinje nabanji.
10Timotseo naba niyeetsa, mumwinjisie abe mwinywe harali okhuria ta; okhuba akholanga emilimo chiOmwami, shinga isie olwa ekholanga omwene. 11Omundu yesi aramuleka ta; ne mbu mumuungule khuluchendolwe nomulembe, mbu yeetse ewa endi; shichila emulindiililanga, halala nende abaana beefwe.
12Ne khumakhuwa komwana weefwe Apolo ndamusaaya muno mbu amwitsile halala nende abaana beefwe; ne shiyali niyeenyilekhwo okhwitsayo bulaano ta; ne aliitsa olwa aliba nanyoolile obwiyangu.
Akahelelesia, nakamashieesii
13Mubeetsenje meeso; simbiilenje mubusuubili; kholenje eshisaatsa; muumenje ikholo. 14Aka mukhola kosi kakholwe mubuheeli.
15Emusaaya lino, baana beefwe; mumanyile abomunzu yaSitefano, shinga olwa bali omurongole kwaAkhaya, khandi shinga olwa abeene beera khumilimo chiokhukhalabanila abatakatifu. 16Inywe mwesi muboongolelenje abafwana bario, nende buli mundu yesi oukhoonyana nineefwe mumilimo chino, nanyakhanilamwo. 17Khandi esangaalila okhwitsa khwaSitefano nende Foritunato nende Akaiko; shichila ba'maliile ako aka ndaleema halubeka Iweenywe. 18Shichila bahuluusiye omwoyo kwanje nende echieenywe; mukhoyile okhubariitsanga abafwana bario.
19Tsikanisa tsieAsia tsimushiesiye. Akula nende Pirisika bamushiesiye muno muMwami halala nende ikanisa eyili munzu yabwe. 20Abaana beefwe bosi bamushiesiye. Mushiesanie abeene nende abeene nokhutsunzuunana okhutakatifu.
21Kho emushiesia nomukhono kwanje omwene-nisie Paulo. 22Omundu yesi naba naramuheela Omwami ta, abe mushilaamo shiobubii. Marana tsa; mbu Omwami weefwe yitsa! 23Obukoosia bwOmwami Yesu Kristo bube nineenywe. 24Obuheeli bwanje bube nineenywe mwesi muKristo Yesu. Amina.
Currently Selected:
1 Abakorinzo 16: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975