1 Abakorinzo 2
2
Okhurumbula akaKristo owabambwa khumuselaba
1Nasi, baana beefwe, olwa ndeetsa khwinywe, shindayeetsa nindi nende obukhulundu bwosi bwokhuboola kata obwobuchesi, nimwilwatsila ako akarumbulungwa khuNyasaye tawe. 2Okhuba ndarakhwo omwoyo oburamanya likhuwa lindi nindi hakari weenywe ta, habula Yesu Kristo, nakomwenoyo shinga olwa yabambwa khumusalaba. 3Ndalinjiyo endio nineenywe nimbula amaani, nindi omurii, nindechelanga muno. 4Kata okhuboola khwanje nokhwilwatsa khwanje khwabulamwo amakhuwa kobuchesi akakhahombelesia abandu ta, habula mbu khwalolosilibwa Roho nende obunyali; 5mbu obusuubili bweenywe buleshe okhwileeta khubuchesi bwabandu ta, nebutswa khubunyali bwaNyasaye.
Obufwimbuli bwaRoho waNyasaye
6Nebutswa khuboolelanga akobuchesi mubakhulile; habula nobuchesi oburali obweshialo shino, kata obwabaruchi beshialo shino, abeetsa okhukwa abakhaya, tawe, 7ne khuboolanga obuchesi bwaNyasaye bwamabiswi, nibwo obwalinji nibwabiswa, obwa Nyasaye yakasia khale, okhurula khumusuule, okhukhuusia khuluyali Iweefwe. 8Abulaho mubaruchi beshialo shino owabumanya; okhuba balaba nibakhabumanyile, shibakhamubambile Omwami, omwene oluyali ta. 9Ne shinga olwa kahandiikwa, khuboolansga mbu
Ako aka imoni yosi yiralola, kata eshirwi okhuhulila ta,
kata akareenjila mumwoyo kwomundu yesi ta,
akeenako kosi aka Nyasaye yabakasilia abamuheela.
10Ne khwifwe Nyasaye yakafwimbula khulwa Roho; okhuba Roho tsana arunilisinjia amakhuwa kosi, kata aka Nyasaye aka musi bwene.
11Okhuba khubandu, niwina oumanyile akomundu, niyirali roho yomundu eyili muye? Khandi kario abulaho oumanyile akaNyasaye, narali Roho waNyasaye. 12Neefu shikhwanyoola roho yeshialo ta, habula roho oyo oumla khuNyasaye; mbu khumanye amakhuwa ako aka Nyasaye yakhuha buha. 13Akeenako niko aka khusunga; habula nende amasungo aka khwechesibwa nobuchesi bwabandu ta, ne aka khwechesibungwa nende Roho, nikhurimbululila abandu beshiroho amakhuwa keshiroho. 14Ne omundu weimela yoburulanda shiabukulanga akaRoho waNyasaye ta; shichila nakobusilu khuye; kata shianyala okhukamanya ta, shichila kachelungwa mumjila yaroho. 15Ne oyo ouli oweimela yaroho achelanga kosi, ne omwene shiachelungwa nende omundu yesi ta. 16Okhuba niwina owamanya amayililisio kOmwami, mbu amwibaalile? Nebutswa ifwe khuli nende amayililisio kaKristo.
Currently Selected:
1 Abakorinzo 2: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975