1 Abakorinzo 5
5
Obuheyi buhhalachilwa eshiina
1Amakhuwa katswana mbu buliho obuheyi hakari weenywe; kata nobuheyi bundi oburanyoolekhanga kata muBamahanga tawe; mbu oundi ali nende omukhasi wasamwana. 2Neenyu nimwayeechinjimisia butswa! Mubeele mukhoyile okhubeelela, mbu owakhola likhuwa elo arusibwe mumukanda kweenywe. 3Nasi khulwanje, kata olwa embulaho mumubili endiho muroho; ne emalile okhumukhalachila eshiina owakhola ario likhuwa elo, shinga olwa ndakhabeeleho; 4mbu muliira liOmwami weefwe Yesu, olwa muba nimukhung'aanile halala, nende roho yanje yosi, mubunyali bwOmwami weefwe Yesu, 5mumuhaane omundu oufwana ario mumakhono kaSetani, mbu omubilikwe kwonoonibwe, mana rohoye yihonibwe munduukho yOmwami.
6Okhwiyitsoomia khweenywe shikhuli okhulayi ta. Shimumanyile shinga amamela amatuutu olwa kafwimbia omuhayila kwosi? 7Mwilabie nimurusia amamela kakhale, mube omuhayila omuyia, shinga olwa mubulamwo amamela. Okhuba omusango kweefwe kwaPasaka, mbu Kristo, kumalile okhumalwa; 8kho khulie lisabo; ne khuralilia namamela kakhale, kata namamela kobubii nobumayaanu ta; habula nomukaate okubulamwo amamela, nikwo eshiilongoole nobwatoto.
9Ndamuhandiichila mubarwa yanje mbu muleshe okhutsokaana nabaheyi. 10Ne shindaboola khubaheyi abomushialo shino ta, kata abalangukhu nabanuuli, kata abeenamilanga ebifwanani, tawe; okhuba kario mwakhabeele nimukhoyile okhurula mushialo. 11Ne bulaano emuhandiichila mbu muleshe okhutsokaana nomundu yesi oulangwa mbu omwana weefwe, naba nali omuheyi, kata omulangukhu, kata omwinamili webifwanani, kata omunyechi, kata omumeesi, kata omunuuli; kata okhulia muraliitsanga nende oufwana ario tawe. 12Mbula, okhuyaasia abali elwanyi namakhuwa shiina khwisie? Inywe abeene shimuyaasinjia abali mukari? 13Ne abali elwanyi, niNyasaye oubayaasia. Murusie omumavaanu oyo arule mwinywe.
Currently Selected:
1 Abakorinzo 5: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975