Hagai 2
2
Oluyali Iweihekalu imbia
1Mumuyika kwakhabili kwaDario omuruchi, mumwesi kwomusaafu, nikuli amakhumi kabili nalulala, likhuwa liOMWAMI lieetsela mumunwa kwaHagai omunabii, liri 2Bulaano oboolele Zerubabeli waShealitieli, omukafuna waYuda, naYoswa waYehozadaki, omukuhani omukhuIundu, nomusikalo kwosi kwabandu, nobareeba ori 3Ali heena oushiliho mwinywe owalola inzu yino mung'oono yoluyali lwayo olwambeli? Ne bulaano muchilola niyili yirie? Shiyimuloleshela niyirali eshindu ta? 4Ne bulaano OMWAMI aboola mbu Iwe Zerubabeli, yuma ikholo; nawe Yoswa waYehozadaki, omukuhani omukhulundu, yuma ikholo; neenyu abandu bosi beshialo, muume ikholo, mukhole emilimo; niIwo olwa OMWAMI aboola; okhuba endi halala nineenyu, niIwo olwa OMWAMI omwene mahe aboola; 5shinga olwa ndalakana nineenyu olwa mwarula eMisiri, Roho wanje amenyanga hakari weenywe. Muraria ta! 6Okhuba kano niko aka OMWAMI omwene mahe aboola; mbu Shikoono, olunyuma Iweshise eshitiiti, ndalatechesia likulu, neshialo, neinyanza, neshibala eshiumu; 7ndalatechesia amahanga kosi, nabio ebiolukoosi biamahanga kosi bileetsa bwitsa; kho ndale tsusia inzu yino ing'oono yoluyali; nilwo olwa OMWAMI omwene mahe aboola. 8OMWAMI omwene mahe aboola mbu Ifeetsa yosi neyanje, khandi itsahaabu yosi neyanje. 9Ing'oono yeinzu yino eyolunyumakhwo yilashila eyali yakhale, OMWAMI omwene mahe aboola; ne habundu hano ndalahaananga omulembe; nilwo olwa OMWAMI omwene mahe aboola.
Abandu bakondeshelwa shichila babula obwisiikwa
10Mumwesi kwashienda okwomumuyika kwakhabili kwaDario, nikuli amakhumi kabili nakhane, likhuwa liOMWAMI lieetsela mumunwa kwaHagai omunabii, liri 11Kano niko aka OMWAMI omwene mahe aboola; mbu Bulaano oreebe abakuhani khukamalako, mbu 12Omundu naba nachinga inyama indakatifu mushitonye shieshiifwaloshie eshielela, mana ingubo tsana niyitiilakhwo khubusuma, kata khumahenjela, kata idivai, kata amafura, kata eshiokhulia shiosi shiosi, kho shiakhakwa shirio eshitakatifu noho? Nabo abakuhani nibakalusia bari 'A, tawe. 13Mana Hagai nareeba mbu Ne omundu ouba nali mwibilu khulwa omulambo naba natiilakhwo khushindu shiosi khu ebio, kho shiakhakwa shirio eshiobukaali noho? Nabo abakuhani nibakalusia bari E, shilaba eshiobukaali. 14Mana Hagai nakalusia, ari Nindio abandu bano bali, khandi nindio lihanga lino lili imbeli wanje; nilwo olwa OMWAMI aboola; khandi nindio buli mulimo kwosi kwamakhono kabwe kuli; ne ebia bahaanilangaho nebiobukaali. 15Ne bulaano chame muyililisie, okhurula olwa leelo neinziayo. Khale, olwa lichina liali nilirashiareebwa khwichina lindi muhekalu yOMWAMI, mwali murie? 16Olwa omundu yalinji niyoola khushituuli eshiakhachelwa ebichelo amakhumi kabili, biahelanga butswa ekhumi; kata niyoola khungulu yeidivai okhutaha ebichelo amakhumi karaano, kahelanga butswa amakhumi kabili. 17Ndamukhupa ningwisia emimela amatere, nende ebikhwalo, nende amachina kelikulu mubikhole biosi biamakhono keenywe; nebutswa shimwayangalushila ta; nilwo olwa OMWAMI aboola. 18Chame muyililisie, okhurula olwa leelo neinziayo, okhurula khunyanga yamakhumi kabili nakhane eyomumwesi kwashienda, okhurula khunyanga olwa omuse kweihekalu yOMWAMI kwakhupwa; yililisie. 19Imele yili mushiachi, nohomba yishili? Toto, kata nende emitsabibu, nemikhuyu, nemikomamanga, nemitseituni, chiosi chishili okhwama ebiamo, noho? Ne okhurula olwa leelo ndalamuheelesinjia ikhabi.
Obusuubisie bwOMWAMI khuZerubabel,
20Likhuwa liOMWAMI nilimwitsila Hagai olwakhabili khunyanga yamakhumi kabili nakhane yomwesi, liri 21Boolela Zerubabeli omukafuna waYuda ori Enzitsa okhutechesia likulu nende eshialo; 22khandi enzitsa okhukwisia eshifumbi shiobwami shioburuchi obwo bwosi, nokhumalilana amaani koburuchi bwosi bwamahanga; ndalafumamia amakaari, nabosi abachendelamwo kata tsifarasi tsilakwisibwa nende abachendeiakhwo, buli mundu nolukanga lwowashie. 23OMWAMI omwene mahe aboola mbu Iwe Zerubabeli, omusumba wanje, omwana waShealitieli, ndalakhubukula, OMWAMI aboola, nikhukwisia obe shinga ingaka yeshibalikho; okhuba ndakhulobola; nilwo olwa OMWAMI omwene mahe aboola.
Currently Selected:
Hagai 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975