Mariko 4
4
Oluchelo Iwomumiitsi
(Mat. 13.1-9; Lk. 8.4-8)
1Olundi yachaaka okhubeechesilia khulukuku Iweinyanza. Omukanda omukhongo kwakhung'aana ewa yali, okhuula niyeenjila muliaro niyeekhalamwo khunyanza, abomukanda nibali khundulo khulukuku Iweinyanza. 2Nabeechesia amakhuwa amanji munjelo, ne mukhwechesiakhwe yabasunjila ari 3Hulile! Lole, omumiitsi yarula natsia okhumiitsa. 4Ne olwa yali namiitsanga, imwo yindi yakwa khunjila, amanyonyi nikeetsa nikachibootsa. 5Eyindi niyikwa mwiloba elieechelekha khulwanda, niyiraba neliloba elihela ta, niyimela bwangu, shichila liloba shiliatsia hasi tawe. 6Nolwa omubasu kwabala niyifululukha, niyiniala, shichila yabula emisi. 7Eyindi niyikwa mubisisia; ebisisia nabio nibikhula nibichitiya, niyiraama ta. 8Eyindi niyikwa mwiloba lilayi, niyimela niyikhula, niyama, niyileera, eyindi amakhumi kataru, eyindi amakhumi kasasaba, eyindi eshikhumi. 9Nasunga mbu Ouli namarwi akokhuhulila, ahulile.
Aka tsinjelo tsiehoomakhwo
(Mat. 13.10-17; Lk. 8.11-15)
10Mana olwa yali nali yenyene, abalondibe halala nende abo Ekhuminababili nibamureebelesia khumakhuwa ketsinjelo etsio. 11Nababoolela ari Inywe mwaheebwa okhumanya libiso liObwami bwaNyasaye, ne khubali elwanyi, kosi keetsanga munjelo, 12mbu mana Okhuhenga bahenje nibaralola ta, nokhuhulila bahulile nibaratiila khushisina ta, baleshe okhushiukhana nokhuleshelwa.
Yesu yeenoosia oluchelo Iwomumiitsi
(Mat. 13.18-23; Lk. 8.11-15)
13Nabasunjila ari Shimumanyile eshisina shioluchelo luno? Mulanyala murie okhumanya ebisina bietsinjelo tsiosi? 14Omumiitsi amiitsanga Likhuwa. 15Bano nibo abali khunjila ewa Likhuwa limiitswa: olwa balihulila, habwenaho Setani yeetsanga nayiniamwo Likhuwa elimiitsilwe mubo. 16Khandi kario, bano nibo abamiitsilwa halwanda: olwa bahulila Likhuwa, habwenaho balifuchiilila nobusangaali. 17Bano babulangamwo emisi, ne batsiililila eshise eshituutu butswa, mana olwa amatinyu kata obusandibwi biitsanga khulwa Likhuwa tsana, habwenaho bakalukha inyuma. 18Baliho abandi, abamiitswa mubisisia; bano nibo abahulilanga Likhuwa, 19nebutswa ebiamaramba biosi ebiomushialo shino, nobukaatii bwobuyinda, nobwikombi bwebindu bindi, olwa biinjilangamwo nibitiya Likhuwa, nalio niliraama eshiamo shiosi ta. 20Ne abamiitswa mwiloba lilayi mbabano: mbu bahulilanga Likhuwa, nibalifuchiilila, nibaama ebiamo, abandi okhuula amakhumi kataru, abandi amakbumi kasasaba, nabandi eshikhumi.
Itaha eyifuunikhwa neshimwelo
(Lk. 8.16-18)
21Nabasunjila mbu Itaha yileerungwa liina okhufuunikhwa hasi mushimwelo, kata mulwalo weshitali? Shiyireebungwa khushichibi shiayo? 22Shichila libulaho elibiswa habula khulwa okhubisulwa, kata elifuunikhwa habula khulwa okhufuunulwa. 23Omundu yesi nali nende amarwi akokhuhulila, ahulile.
24Nababoolela mbu Mwiyile kahala mbu nelikhuwa shiina elia muhulilanga. Eshichelo shiene eshia muchelelangamwo, nishio eshia mulachelelwamwo, khandi mulameetelwakhwo. 25Shichila oulikhwo nebindu, alaheebwa ebindi; noubula ninabio, kata ebia ali ninabio bilabukulwa. Oluchelo Iweimwo eyimela niyikhula 26Naboola mbu Obwami bwaNyasaye bufwana buri nanwa: mbu omundu amiitsa imwo khwiloba; 27eshilo nende eshiteere akonanga nende okhubuukha; imwo niyimela, niyikhula, naye naramanya shinga olwa yikhola yirio ta. 28Liloba liene liibulanga emimela, olwambeli imbale, mana litere, mana obule bwene mushiangala. 29Nolwa bubeetsanga nibulabile, habwenaho arusia injeso, okhuba lichesa libeetsanga niliulile.
Oluchelo Iwolufwa Iwelisaatsi
(Mat. 13.31-32; Lk. 13.18-19)
30Naboola mbu Nakhufwananie Obwami bwaNyasaye nende shiina? Kata mbu noluchelo shiina olwa nakhubuchelaasiekhwo? 31Bufwana shinga imoni ndala yolufwa Iwelisaatsi; nayo olwa yihaanywal khwiloba neinduutu khubufwa bwosi obwokhushialo; 32nolwa yihaanywa, yimela niyikhula niyiyomba emiani chiosi, niyirusia amasaka amakhongo aka amanyonyi akokhwikulu kanyala okhwikhala mushiinikha shiako. Shinga.
Yesu olwa yeekhoonyela tsinjelo
(Mat. 13.34-35)
33Ne yababoolelanga Likhuwa munjelo tsinyinji shingana tsino, shinga olwa bali nibanyala okhuhulila. 34Nebutswa harali oluchelo shiyabasunjilanga ta; nebutswa yabarimbululilanga abeechibe amakhuwa kosi olwa bali bonyene.
Yesu yalenjeelesia imbumbuyeka
(Mat. 8.23-27; Lk. 8.22-25)
35Inyanga eyo olwa bwoola mungoloobe, yabasunjila ari Chende khwambushe khutsie injelekha. 36Nibaseebula abomukanda, ne olwa yali nali ario muliaro nibatsia ninaye. Ne kaliho amaaro kandi ninalio halala. 37Mana imbumbuyeka ingali niyichaaka okhuhuutsa, amarunda nikachaaka okhwikhupa muliaro okhuula olwa lieenya okhwitsulamwo amatsi. 38Naye yali nali mundoolo khumuto muliaro inyuma. Nibamubuusia, nibasunga bari Omwechesia, shioteebakhwo likhuwa mbu khwitsa okhusikha ta? 39Naye nasisimukha, nahalabila omuyeka, nasunjila inyanza ari Holeela, onyire tsi. Omuyeka nikuyeela, omulenjeelo omukhongo nikubaho. 40Nabareeba ari Nishiina eshichila nimuria murio? Mushili okhubanobusuubili? 41Indenga niyibahamba, nibasungana bari Omwene uno niwina? Okhuba kata omuyeka nende inyanza biosi bimuhulila.
Currently Selected:
Mariko 4: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
