Zakaria 6
6
Amakaari kane
1Mana ninjinguula tsimoni khandi, nindola mbu amakaari kane ngako, nikeetsa nikarula mumbaka hakari webikulu bibili; nabio ebikulu tsana biali ebikulu biomukasa. 2Likaari liambeli liali netsifarasi tsialando; likaari liakhabili liali netsifarasi tsimali; 3likaari liakhataru liali netsifarasi tsindafu; nelikaari liakhane liali netsifarasi tsiarapala. 4Nireeba malaika tsana owali nasungana ninasi, mbu Kano kakhali amakhuwa shi, omwami wanje? 5Malaika nakalusia niyamboolela mbu Kano katsia khumiyeka chine chielikulu, nikarula ewa kali nikasinjiile imbeli w weshialo shiosi. 6Likaari elili netsifarasi tsimali lili okhutsia enashialo shienotsi, natsio tsindafu tsitsia mumbo, etsiarapala tsitsia enashialo shiesautsi, 7natsio tsialando nitsitsia ebukwe. Nitsirula, nitsiiteeya okhutsia okhulambuula eshialo. Naye nasunga mbu Tsie, mulambuule eshialo. Kho nitsilambuula eshialo. 8Mana niyananjilisia, nasunga mbu Lola, abatsia enashialo shienotsi bahuluusiye Roho wanje mushialo shienotsi.
Eshilolelo shiokhura olusimbi khumurwe kwaYoswa
9Likhuwa liOMWAMI nilinzitsila, liri 10Obukule ebihaanwa ebirula khubobware abo, mbu Heledai, naTobiya, naYedaya, notsia khunzu yaYosia waZefania, owulile narula eBabeli; 11obukule ifeetsa neitsahaabu, okhole olusimbi, nolura khumurwe kwaYoswa waYohazadaki, omukuhani omukhulundu, 12nomusunjila ori Kano niko aka OMWAMI omwene mahe asunga; mbu Lola, omundu oyo owa eliiralie mbu Omurombo, ngwoyo; alarombokha habunduwe; ne aloombakha ihekalu yOMWAMI. 13Neniye ouloombakha ihekalu yOMWAMI; neniye ouliba nebioburuchi, niyeekhala khushifumbishie shiobwami, naruka eshialo. Khandi omukuhani alabaho khumukhonokwe musaatsa; nabo babili balachesihaninjia mumulembe. 14Nalwo olusimbi lulaba muhekalu yOMWAMI, lube eshiitsulilo khuHeledai, naTobiya, naYedaya, naYosia waZefania. 15Nabo abali ehale baleetsa, nibakhoonyana okhuumbakha ihekalu yOMWAMI; mana mulamanya mbu OMWAMI omwene mahe niye ourumile khwinywe. Ne kano kaleekhola kario, nimuba nimurakhwo omwoyo okhuhulilanga amakhuwa kOMWAMI, Nyasaye weenywe.
Currently Selected:
Zakaria 6: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975