Zakaria 7
7
Abahonga inzala mubukaati bakondeshelwa
1Haho mumuyika kwakhane kwomuruchi Dario, likhuwa liOMWAMI lieetsela Zakaria mumwesi kwashienda nikuli khane, mbu muKhisilewi. 2Ne abeBeteli bali nibarumile Sharezeri naRegemu-meleki nende abandu babwe, okhwikongoya OMWAMI abakoosie obukoosia, 3nokhureeba abakuhani abeinzu yOMWAMI omwene mahe, nabanabii, bari Endilenje amasika mumwesi kwakharaano, nihonga inzala, shinga olwa ndakholilenje emiyika chino eminji? 4Mana likhuwa liOMWAMI omwene mahe nilinzitsila, liri 5Sungana nabandu beshialo shino nende abakuhani, nobareeba mbu Olwa mwahonganga inzala nimwikhuula mumwesi kwakharaano nokwomusaafu emiyika chino chiosi amakhumi musaafu, okhuhonga khweenywe khwalikhwo khwisie, nohomba? 6Kata olwa muliitsanga, kata okhunywa, shimuliitsanga khulweenywe abeene, nimunya khulweenywe abeene? 7Shimumanyile amakhuwa aka OMWAMI yarumbula mubanabii abambeli, olwa Yerusalemu liamenywamwo nilili mubwale, namataala kalio kosi akalibotokhana, nabio Negebu naShefela nibimenywamwo?
Obukhayi nibwo obuchila nibaarwa mushialo
8Likhuwa liOMWAMI nilimwitsila Zakaria, liri 9Kano niko aka OMWAMI omwene mahe yasunga; mbu Kholenje obuyaasii bwatoto, buli mundu namubeela owashie tsimbabasi neshisa. 10Murasakania abakhasi abalekhwa, kata abaana ababisandu, kata abarende, kata abamanani ta; kata omundu yesi khwinywe aleshe okhukulukunza amabii mumwoyokwe khuwashie. 11Nebutswa baloba okhuhulila, nibamushiukhasilia ikhoono, nibasiba amarwi, baleshe okhuhulila. 12Batinyia emioyo chiabwe, shinga lichina lielikhwabuye, baleshe okhuhulila amalako, nende amakhuwa aka OMWAMI omwene mahe yaruma nende Rohowe muminwa chiabanabii abambeli; ne niko akachila oburima obunji niburula khuMWAMI omwene mahe. 13Ne kata olwa ndabalanga, bakhaya okhuhulila; kho bosi balananga, nasi ndalakhaya okhuhulila; nilwo olwa OMWAMI omwene mahe aboola. 14Nebutswa ndabasalaasia neshiimbalakusi, bayilwe mumahanga kosi aka baramanya ta. Nindio eshialo shiakwa likunda munyuma wabwe, omundu yesi narabirangamwo kata okhuchelela ta; okhuba bakwisia eshialo eshikaasu likunda.
Currently Selected:
Zakaria 7: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975