Zakaria 8
8
Obusuubisie bwokhukalusia Yerusalemu habwene
1Likhuwa liOMWAMI omwene mahe nilinzitsila, liri 2Kano niko aka OMWAMI omwene mahe aboola; mbu Endiililwa Sayuni imbalikha ikhongo; enditiililwa imbalikha nobululu muno. 3Kano niko aka OMWAMI aboola; mbu Engalushiile Sayuni, ne ndalamenyanga hakari weYerusalemu; nalio Yerusalemu lilalangwa mbu Litookho liobatoto; nashio eshikulu shiOMw omwene mahe, mbu Eshikulu eshitakatifu. 4Kano niko aka OMWAMI omwene mahe aboola; mbu Abandu abasaakhulu nabashiele baleekhala munyanyi tsieYerusalemu khandi, buli mundu nomutunga mumukhono, khulwa obukofu. 5Kata tsinyanyi etsiomwitookho tsilaba nitsiitsuulemwo abaana abasiani nabakhaana, nibabayanga munyanyi tsialio. 6Kano niko aka OMWAMI omwene mahe aboola; mbu Nikaba nikali amalayi kamakana mumoni tsiabandu bano mundaalo tsino, kakhaba amalayi kamakana mumoni tsianje noho? Nilwo olwa OMWAMI omwene mahe areeba. 7Kano niko aka OMWAMI omwene mahe aboola; mbu Lole, ndalahonia abandu banje mubialo biebukwe nomubialo biamumbo; 8ndalabaleera, nabo balamenya muYerusalemu mukari; balaba abandu banje, nasi ndalaba Nyasaye wabwe, mubwatoto nomubulunjishi.
9Kano niko aka OMWAMI omwene mahe aboola; mbu Amakhono keenywe kabe namaani, inywe abahulilanga mundaalo tsino amakhuwa akarula muminwa chiabanabii, abaliho khunyanga olwa omuse kweinzu YOMWAMI omwene mahe kwakhupwa, niyo ihekalu, mbu yuumbakhwe. 10Okhuba khale, tsindaalo etsio nitsirashieetsa ta, shikwalinjiho omushaara kwosi khulwa omundu kata omushaara kwomuruko ta; kata shikwaliho omulembe kwosi khu oyo owasamulanga kata okhuchelela ta, khulwa abasuku; okhuba ndasukuhasia buli mundu khuwashie. 11Ne bulaano shindalabeela omusikalo kwabandu bano shinga olwa ndali mundaalo tsiakhale ta; niIwo olwa OMWAMI omwene mahe aboola. 12Okhuba lilabaho liraaka liomulembe nobukaasu; omutsabibu kulaamanga ebiamo biakwo, nalio liloba lilahaananga imele yalio, nelikulu okhwamia eliime lialio; nasi ndalachila omusikalo kwabandu bano balie ebio biosi. 13Ne shinga olwa mwalinji eshilaka munwa mumahanga, inywe abeinzu yaYuda nabeinzu yaIsiraeli, nindio ndalamuhonia mana mulaleeranga ikhabi; muume ikholo, amakhono keenywe kabe namaani.
14Okhuba kano niko aka OMWAMI omwene mahe aboola; mbu Shinga olwa ndarakhwo omwoyo khale okhumukhupia khushibii, olwa abakuuka beenywe basinyisia, nindakalukhana ta, OMWAMI omwene mahe aboola; 15nindio ndareelekhwo omwoyo khandi mundaalo tsino okhuleerela Yerusalemu amalayi, khandi nende inzu yaYuda; muume ikholo. 16Kano niko aka mulakhole; mbu Musunjenje akatoto buli mundu khuwashie; mukholenje obuyaasii bwobwatoto nomulembe haluyia Iweenywe; 17omundu yesi yesi khwinywe aleshenje okhukulukunza amabii mumwoyokwe khuwashie; muraheelanga eshiitsubo shiobubeeyi shiosi ta; okhuba engiyanga ako kosi pe; nilwo olwa OMWAMI aboola.
18Mana likhuwa liOMWAMI nilinzitsila, liri 19Kano niko aka OMWAMI omwene mahe aboola; mbu Omuhongo kwomumwesi kwakhane, nomuhongo okwomukwakharaano, nomuhongo okwomukwomusaafu, nomuhongo okwomukwekhumi, chilabeela inzu yaYuda emiikhoyo nemisangaalo, amasabo amatsatsahafu; kho muheelenje obwatoto nomulembe.
20Kano niko aka OMWAMI, omwene mahe, aboola, mbu Abandu baleetsa, abamenya mumatookho amanji; 21nabo abamenya mwitookho elala balatsia khulindi; bari Chende khutsie bwangu okhwikongoya OMWAMI, akhukoosie obukoosia, nokhukhaaba OMWAMI omwene mahe; nasi siesi enzia. 22Toto, abandu betsimbia tsinyinji namahanga kamaani kaleetsa okhukhaaba OMWAMI omwene mahe eYerusalemu, nokhwikongoya OMWAMI abakoosie obukoosia. 23Kano niko aka OMWAMI omwene mahe aboola; mbu Mundaalo etsio abandu ekhumi abomunimi tsiosi tsiamahanga balatiila khungubo yomundu omuYahudi, bari Khutsie ninawe, shichila khwahuliile mbu Nyasaye ali nineenyu.
Currently Selected:
Zakaria 8: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975