Zakaria 9
9
Obuyaasibwi bwamahanga akarondokhanaho
1Omusiiko omusitohu; mbu amakhuwa kOMWAMI kali khushialo shiaHadarakhu, khandi kalayeela khuDamasiko;
okhuba amataala kaSiria nakOMWAMI,
shinga tsimbia tsiosi tsiaIsiraeli olwa tsili;
2nende Hamatsi liosi, elirondokhanaho,
naTiro naSidoni, kata olwa kali amachesi.
3Tiro yeeyumbashila olukoba,
nabunjikha ifeetsa shinga olufu,
neitsahaabu inzele shinga amatoyi akokhunjila.
4Lole, OMWAMI alamunaabula ebio biosi,
nasukuna obuyindabwe munyanza,
naye omwene alasambwa nomulilo.
5Ashekeloni alalola, natechela;
naGaza yesi, naria, nakalakala,
naEkeroni, okhuba aka yalindiililanga kakoyaasibwa.
Omuruchi alasishila eGaza kata Ashekeloni shililamenywamwo khandi ta.
6Abandu abetsisangamwo balamenya muAshidodi;
ndalaakamia obwichinjimisii bwabaFilisiti.
7Ndalayinia amalasile akali muminwa chiabwe,
nebisinyo ebili mumeeno kabwe.
Bo bosi balakwa omusikalo khuNyasaye weefwe;
balaba shinga eshilibwa muYuda;
kata Ekeroni alaba shinga abaYebusi.
8Ndalakhoma ikambi enanzu wanje embeho omulindi,
mbu omundu yesi aleshe okhubira kata okhukalukha;
kata omumiini shialabira mubo khandi ta;
okhuba bulaano enduutsi netsimoni tsianje.
Omuruchi waSayuni ouli okhwitsa
9Iwe omukhaana waSayuni, wikhoye muno,
nawe omukhaana waYerusalemu, khupa tsingalakala;
lola, omuruchiwo yeetsanga ewa oli;
aka yalwanilila kanyooleeshe; okhuhula, ahulile;
nomuholo, naniinile khusishili,
khushimoosi, omwana weisishili.
10Ndalaakamia amakaari muIsiraeli,
netsifarasi muYerusalemu,
kata obuyingo bwelihe bulaakamibwa.
Alarumbulila amahanga akomulembe;
alaba noburuchi okhurula khunyanza okhuula khunyanza yindi,
khandi okhurula khuMwalo okwo okhuula khundulo tsiosi tsieshialo.
Sayuni okhukalusibwa habwene
11Nawe wesi, khulwa amabanga keindakano eya ndalakana ninawe,
ndalarusia ababohebo mwiyabo elibulamwo amatsi.
12Inywe ababohe abanaayanga, kalushe mulukoba;
leelo luno erumbula mbu ndalamukalusilia shikhabili.
13Okhuba efumbile Yuda, abe obuyingo bwanje;
ekholile Efuraimu eshisele shiabwo;
iwe Sayuni, ndalachinga abaanabo nimbareesia khubaana bobo, iwe buYunani,
nikhukhola obe shinga olukanga lwomululu.
14Mana OMWAMI alalolekha ikulu wabwe,
ebiselebie nibirula shinga tsimbenu;
Omwami NYASAYE alakhupa olwika,
narula natsiila mushiimbalakusi shiesautsi.
15OMWAMI omwene mahe alabateetsa;
balalia nibaseenela hasi amachina keimburusi;
balanywa amabanga shinga idivai,
nibeetsula shinga tsindaabo,
nibanyuluulukha shinga tsikoona tsieshimalilo.
16Khunduukho eyo OMWAMI Nyasaye wabwe alabahonia,
okhuba nibo eshiayo shiabandube;
balafwana shinga oruchina rwolukoosi rwolusimbi nibang'inang'ina khwilobalie.
17Mako, obulayi nobukaasu bulashilaana!
Imele yilachila abasooliili nibakaasa,
nende idivai imbia khubakhaana.
Currently Selected:
Zakaria 9: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975