NƲNƲLI -Ɩ -WƲ-Ɔ -MA 'BƆGƲ LA'A 'MÖ
-Ɩ -WƲ-Ɔ -MA 'BƆGƲ LA'A 'MÖ
Zezwie 'tɩtɩɛ -tɩtɩ Lwikö 'cɛlɩ-a, 'mɩ ɔ bhɩanɩ-a Zezwie tiatiangwaa nʋnʋli 'ji.
-Ɩɩ yɛ ɔ 'cɛlɩɩ-a, Zuzu 'Wlawla-a Zezwie taka -wʋbhlinɩngwa -gömö, Zezwie 'tɩtɩɛ -tɩtɩ wa -sa-a -ma Zelwizalɛmö, -ma Zwidee dʋdʋ 'bhuo -gömö, -ma Samalie dʋdʋ -yɛ dʋdʋkpataa këti 'bhuoo -gömö 'sɔ, ɔ 'yɛ ɩ gbʋ gbaa yɛ -bha.
-Ɩ -Lagɔgwie nʋ-a, tɛnɩ -ma 'zwiföaa 'bhɛyɩ, 'n Zezwi 'Klie -Lagɔ ji-a 'pɩ-ɩ bhë -gömö sɛ mlinɩ-ɛ, ɩ wɛlɩ -bha.
'Mɩ nʋnʋli -ɩɩ 'mö -Lagɔgbʋ 'gbanɩɔ-a 'n -Lagɔzakpö 'zʋɔ-a yɛ, ɩ 'kïbhï ta.
-Ma nʋnʋli 'mö, -a -yɛ-a kabö -köbhë -a -sa-a dlɩ 'mlɩ tenyi ma-a la'a: Patɩkɔtɩɛ 'pɩpɩɛ zlɩ, Zezwie 'wʋbhlinɩngwa 'titanɩɔ-ɔ -ma Zelwizalɛmö 'wlu, 'n Zuzu 'Wlawla -yɛ ʋ 'mötɛnɔ 'sɔ jua-a -gömö sɛ 'sibhë. 'Mʋ Zuzu 'Wlawla la'a, mʋ-ʋ -su la-a -tɩtɛɛ -Lagɔzakpö -yɛ ɩ 'yuganɩngwa 'sɔ, 'bhë -zɩnɩ'ɩ mʋ-ʋ -suya -bha, mʋ-ʋ zʋya-a dlɩ 'mlɩ.
-Ɔ -yɛ 'bɔgʋ la'a zɛlɩ, -ɩ -Lagɔgwie nʋ-ɔ -ma dlɩwʋkakʋ 'mö ɔ jiɩ jɩblɩnɩ.
Sa ɩ 'palɩɔ-a -dɔlʋ
1) Tɛnɩde 1:1-26
a) Zezwie 'wʋbhlonʋgba, -ɩ ɔ nʋ 'yɛ-a ɔ ji 'wʋbhlonʋdo'o nɩkpa 'nyɛɛ 1:1-14
b) Zwidaa 'bɩpalɩnɩlɔ 1:15-26
3) -Ɩ wa gba-a -ma Zelwizalɛmö 2:1–8:3
4) -Ɩ wa gba-a -ma Zwide -yɛ Samali 'sɔɔ -gwlɩ yawʋ 8:4–12:25
5) Pɔlʋɔ -Lagɔlibho 13:1–28:31
a) Ɔ taka -lowlu 13:1–14:28
b) -Ɩ ɔ gba-a -ma Zelwizalɛmöö nɩkpaa de 15:1-35
c) Ɔ 'sɔ -lowlu 15:36–18:22
d) Ɔ ta -lowlu 18:23–21:16
e) Pɔlʋ -wʋ-ɔ -ma Zelwizalɛmö, -ma Sezale -yɛ Ghlɔmö 'sɔ -die 'mö 21:17–28:31
Currently Selected:
NƲNƲLI -Ɩ -WƲ-Ɔ -MA 'BƆGƲ LA'A 'MÖ: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996