कुलवानकु.कामि 26
26
राजा अगरिपा ठिनुः पाउलुस रआ भासनाव
1राजा अगरिपा ता पाउलुस के गामवादेयाय, “आम के आम रआ बबेत रे गापाम रआ हक हेनाःआं।” इना रे पाउलुस ती रिम केते अपन जबाब एएम हेलावेनाय, 2“हुजूर राजा अगरिपा! जहुदिकु ता इञ रे बेचोट एते बिरोध लगाव एकाःआकु। नियां बबेत रे इञ तिहिञ आम रआ लहा रे इञ जबाब एम दड़िवाःइञ नुवां रे अपन रआ धेनया मानाःकानिञ, 3बिसेस रुप एते इनाते चि आम जहुदिकु रआ रिति-रिवाज अरो झामेला ता सारी कनाम इञ रआ पराथना हेनाःआं चि आम धेयान एते इञ रआ गानाम ओनावेम। 4चाहे इञ रआ जाइत रे चाहे जरुसलेम रे धिंगाला के लेयकेते इञ रआ चइल-चलन चिलका तहिकेना, नुवां सुबिन गानाम सुबिन जहुदिकु सारीइकानाकु। 5#कु.कामि 23:6; फिलि 3:5उनकु इञ के बेचोट समेय एते सरिञ कनाकु अरो जदि चहाः रेदोकु गोवाही एम दड़िवाःआकु चि इञ फरीसी रआ रुप एते अपन धरम रेन सुबिन एते कटर होरा रे जीवन बिताव लाःइञ। 6परमेसर ता अबुन रेन पुरखाकु एते जे वादा एकाःआय, उना रआ आसरा रआ चलते इञ रे केंस सेसेन काना 7अबुन रेन बारहों गोतोर निदा सिंगी परमेसर रआ सेवा-सुसार कराव वते, उना करार रआ परति नेनेल रआ आसराय कनाले। महाराजा उना आसरा रआ बबेत रे जहुदी इञ रे खोनोस लगाव कनाकु। 8इञ जहुदिकु के नुवां कुली चहाः कनिञ चि परमेसर गोच वनकु के अरो जुवेत कुवाय। नियां गानाम गी अपे के बिसवास कराव चिलिमेन मसकिल अटकार वोःकाना। 9#कु.कामि 8:3; 22:4,5इञ हों सुबिन रकम नासरत लुतूम चट्टी रिई ईसु रआ लुतूम रआ बिरोध कराव रे बेचोट कामि कराव तहिकिनिञ। 10इञ जरुसलेम रे इनागी कराव लाःइञ, इञ मरंग जाजककु एते हक नाम केते बेचोट एते पबितर होर के जेहेल ओड़ाः रे संजो लेःकुविञ, अरो जोब उनकु के गोच कुकनकेनाकु, दो इञ इना रे अपन सहमत एमाःकुकिनिञ। 11इञ उनकु के सुबिन बिनती ओड़ाः रे घरी-घरी दंड एमइरी केते ईसु रआ निन्दा इरी कुकन किनिञ, इञ रे इमिनुः खिंस रकाप ओःकेना चि इञ एटाः चट्टी रे हों सेन केते उनकु के सताव कुकन किनिञ।
पाउलुस अपन मोन बदलाव रआ बबेत उदुः
(कुलवानकु.कामि 9:1–19; 22:6–16)
12“नियां धुन रे एते इञ जहन घरीक मरंग जाजककु रआ हक अरो हुकूम नाम केते दमिसक रे सिनुः किनिञ। 13दो ए राजा, होरा रे दुपहरा रआ समेय, इञ सिरमा रे एते सिंगी बोंगा एते हों जादे मियाः मरसल इञ रे अरो इञ रेन गातिकु रे चइरो ओइर चमकावेना। 14आले सुबिन ओते रे उयुः एनाले अरो इञ के इबरानी भाखा एते मियाः राव गाम वते ओनावेना, ‘साउल! साउल! आम इञ के चिलिमेन सताव वेञ कनाम? पयना रे लगाव वनाः कांटी रे बका एते पदायाम उना आम के बेचोट मसकिला।’ 15इञ कुलिदेयिञ, ‘परभु! आम ओकोय हेकेम?’ परभु ता जबाब एमाःदेयाय, ‘इञ ईसु हेकेञ जे के आम सताव वेञकानाम। 16मुदा बिरीतमी अरो आम रआ बका एते तिंगु कोःमी, इञ आम के इनाते नेल इरीनिञ चि आम के इञ रिई धंगोर अरो गोवाही कथिर बहाली एकाःमिञ। आम इञ रआ बबेत रे जे नेल चुकाव एकाःआम अरो तयनोम रे जे नेलाम, उनकु रआ सोबोंध रे गोवाही एमाकुवाकु 17इञ आम के आमरेन होर के अरो गइर-जहुदिकु एते आम के छोड़ाव मिञ, जेकर ठिनुः आम के कुल मिकानिञ। 18इञ उनी रआ मेत एते नेनेल कथिर उनी के लुबाः एते मरसल सोझ अरो सयतान रआ सकती एते परमेसर सोझ रुवाड़ कराव कथिर आम के उनी ठिनुः कुल मिकानिञ। जे उनकु इञ रे बिसवास कराव रआ चलते अपन पाप रआ छमा अरो परमेसर रेन पबितर होर रआ ताला रे ठांव नाम्माकु।’
पाउलुस रआ सेवकाइ
19“महाराजा अगरिपा इञ नुवां सोवाराग दरसन रआ गानाम काइञ टलाव लाःआ उना इञ मनावनिञ, 20#कु.कामि 9:20,28,29इञ पहिल दमिसक अरो जरुसलेम रेन होरकु रे अरो उना तयनोम सुबिन जहुदिया पोरदेस अरो गइर-जहुदिकु रे हों परचार इतिञ, अरो होरकु एते अरजी वेःकुइञ चि उनकु मोन रुवाड़ एकाकु, परमेसर सोझ रुवाड़ केते मोन रुवाड़ रआ लेका चइल-चलन एकाकु। 21नियां रआ चलते इञ के जहुदिकु मरंग बिनती ओड़ाः रे सापएदेञाकु अरो रुड़ु गोगोच चहाः केनाकु। 22इञ परमेसर रआ देंगा एते तिहिञ तक बनाल हेनाञा, अरो हुडिञ मरंग सुबिन रआ लहा रे गोवाही एमइतिञ। जे गानाम रआ बबेत रे परमेसर सोझ एते नधनी वनकु ता अरो मूसा ता आगमजानी एकाःआय, उनी एते ढेर इञ जहन्नाः काइञ गामका, 23#1 कुरु 15:20; जसा 42:6; 49:6 अरो नुवां चि मसी दुख उठावियाय अरो गोचकु रे, सुबिन एते पहिल गोच वनकु रे एते जुवेत बिरीत केते अबुन रेन होर अरो जहूदिकु अरो गइर-जहुदिकु रे मरसल रआ खभेर एमाकुवाय।” 24पाउलुस नियां लेका अपन जबाब एम एकेनाय, रिगी फेस्तुस जोड़ राव एते नधनी बिरीत एनाय, “पाउलुस! आम बालुःआम। बेचोट पड़हाय ता आम के बालुवेकाःमाय।” 25पाउलुस जबाब एमाःदेयाय, “हुजूर महामहिम फेस्तुस! इञ काइञ बालु एकाना बलकी सच अरो बुधि रआ गानाम गाम कनिञ। 26राजा के नियां गानाम रआ पुरा जनकारी हेनाःआं इनाते इञ उनी रआ लहा निधाड़क केते गाम कनिञ, इञ के बिसवास हेनाःआं चि नियां गानाम रे मियाः हों नोंय एते उकु बनुःआं, चिलिमेनचि नुवां सुबिन, जहन लुबाःकोठरी रे का होय्येकाना। 27महाराजा अगरिपा चिलि आम परमेसर सोझ एते नधनी वनकु रे बिसवास कनाम? इञ सारी कनिञ चि आम बिसवास कनाम।” 28अगरिपा ता पाउलुस के गामवादेयाय, “चिलि आम थोड़गन सोमझाव रिगी इञ के एनेन गी मसीही बबय कथिर वोः कनाम।” 29पाउलुस ता जबाब एमाःदेयाय, “सहाज एते होयुःका चाहे मसकिल एते, परमेसर एते इञ रआ नुवां पराथना हेनाःआं चि ना आम एकला, बलकी जे होर तिहिञ इञ रआ गानाम ओनाव कनाकु, उनकु सुबिन के नियां बेरी ता बागी केते इञ लेका बायुःपे।” 30तोब राजा, राजपाल, बेरनिस अरो उनकु लोः दुरुप वन होर बिरीत तिंगु एनाकु। 31उनकु टांड़ी उडुङओः घरीक अकु-अकु रे नुवां गाम्मेकेनाकु, “नोंय होर जीव गवांव लाइख काय कामि अरो सिकड़ी ते तोलुः लाइख जहन गुनाह काय कराव एकाःआय।” 32अगरिपा ता फेस्तुस के गामवादेयाय, “जदि नोंय होर ता रोम रिई महाराजा कयसर एते गोहराव लेः रेदोय, नोंय के आड़ाः काया होनांङ।”
Currently Selected:
कुलवानकु.कामि 26: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
