लूका 12

पाखंड रआ बिरोध चेताव

(मती 10:26–27)

1 # मती 16:6; मर 8:15 इमिनुः रे जोब हजारकु रआ भीड़ एनाकु, नोन्डो तक चि उनकु धपाकाः केनाकु, दो उनी सुबिन एते पहिल अपन चेलाकु एते गागाम हेलावेनाय, फरीसिकु रआ पिठा मोमो वनाः जिनिस एते बनचाव केते तहीःपे, मोतलोब उनकु रआ कपट एते बनचाःपे। 2#मर 4:22; लूका 8:17जहन्‍नाः हरुप हेनाःआं, उना ओटाः इयाय, जहन्‍नाः उकु एकाना उना लहा अगु नोःओ। 3इनाते जहन्‍नाः अपे ता लुबाः रे गाम एकाःआपे उना मसकल रे ओनावियाकु, अरो जे आम ता कोठरी रे लुतूर रे खवखेवाव एकाःआम उना छनमिन रे उसुल राव एते परचार ओःओ।

ओकोय एते बोरोया

(मती 10:28–31)

4ए गाति इञ अपे के गामवापेकानिञ चि जे होड़मो ता घताव कनाकु, मुदा उना रआ तयोम अरो जहन काय कराव दड़ी वाःआय, उनी एते ओलोपे बोरोया। 5इञ अपे के चेताव पेकानिञ चि अपे के ओकोय एते बोरो चही, घताव कराव रआ तयोम जे के नरक रे संजो रआ हक हेनाःआं, उनी एते बोरोयपे, हें इञ अपे एते गामवापे कनिञ उनी परमेसर एते बोरोयपे।

6चिलि बार पोयसा रआ पांच गोरेयचा काकु अखरीञ ओःका रेहों गी परमेसर उनकु रे एते मिहोर केहों काय रिड़िञ कुकानाय। 7अपे रआ बोहोः रआ मिमियाः सुबिन उप हों लेखा एकाना, इनाते ओलोपे बोरोया अपे गोरेयचा एते बड़हाव केते हेनापेया।

ईसु के अंगीकार अरो उहुःउ मेन ते अंगीकार इयाय

(मती 10:32–33; 12:32; 10:19–20)

8इञ अपे एते गाम वपेकानिञ जे इञ के मनवांकु रआ सामने अपनाविञाय, उनी के मनवा रिई होपोन हेरेल हों परमेसर रेन सोवारागदूतकु रआ हेनात अपनाव पेयाय। 9मुदा जहय इञ के सुबिन मनवां रआ सामने नकराव इञाय, उनकु के परमेसर रेन सोवारागदूतकु रआ सामने नकरावकुञ।

10 # मती 12:32; मर 3:29 जहय मनवा रिई होपोन हेरेल रआ बिरोध रे जहन गानाम गाम्‍माय उनी रआ गुनाह छमा नोःओ, मुदा जे पबितर रावा रआ निन्दाय कनाय, उनी रआ पाप का छमा नोःओ।

11 # मती 10:19,20; मर 13:11; लूका 21:14,15 जोब होर अपे के पंचेत ओड़ाः अरो हाकिमकु अरो अधिकारिकु रआ हेनात इदी पेयाकु, दो ओलोपे चिन्ताया चि अपन बनचावोः कथिर चिलि जबाब एमाले, बङ रेदो चिलिकाः गाम्‍माले। 12चिलिमेनचि पबितर रावा इना घरीक गी अपे के सिखाव कपेयाय चि चिलिकाः गागाम होयुःआ।

मिहोर धनगार मुर्खाहा रआ कहनी

13अरो भीड़ रे एते मिहोर ता उनी एते गामवादेयाय, “ए गुरु इञ रिई बोयहा एते गाम वयमी चि आपु रआ सम्पति इञ लोः हटिञ केयाय।”

14उनी ता उनकु एते गामवाःकुवाय, “ए मनवां ओकोय ता इञ के आम रआ नेयाय, बङ रेदो हटिञ वनीः तयनात एकाःमाय?” 15अरो ईसु ता उनकु एते गाम वाःकुवाय, “चेम्पोर तहीःपे, अरो सुबिन रकम रआ लोभी एते आम अपन के बनचावोःमी, चिलिमेनचि जहय रआ सम्पति एते, जीव किमती हेनाःआं।”

16उनी ता उनी एते मियाः कहनी गामवादेयाय, “जहय धनगार रआ खेत रे बेचोट अनाज पयदा होय्येना। 17तोब उनी अपन मोन रे सोंचाः हेलावेनाय ‘इञ चिलियिञ? चिलिमेनचि इञ ठिनुः नोन्डो ठांव बनुःआं, जे ठिनुः अपन पयदा वनाः अनाज दोहोयिञ।’ 18अरो उनी ता गामवाःकुवाय, ‘इञ नुवां कराविञ, इञ अपन कोठा धसाव केते उना एते मरंग बायिञ, अरो ओन्डो अपन सुबिन अनाज अरो सम्पति दोहोयिञ। 19अरो अपन जीव एते गामिञ चि जीव आम ठिनुः बेचोट बरीस कथिर बेचोट सम्पति दोहो एकाःइञ मोज मसतिइमी अरो जोम-नुयमी अरो सुख एते तहीःमी।’ 20मुदा परमेसर ता उनी एते गामवादेयाय ए मुर्खाहा! नियां निदा गी आम रआ जीव आम एते इदिकेयाय रेदो, जहन्‍नाः आम ता हुन्डी एकाःआम उना ओकोय रआ होयुःआ?

21“नुंका गी उनी मनवां हों हेनाया जे अपन कथिर सम्पति जवराय कनाय मुदा परमेसर रआ नजेर रे धनगार बनुःइचा।”

परमेसर रे भोरोसा दोहोयपे

(मती 6:25–34)

22अरो ईसु ता आचरेन चेलाकु एते गामवाःकुवाय, “अपन जीव रआ ओलोपे चिन्ताया, चि आले चिलिकाः जोमाले, अरो होड़मो रे चिलिकाः होरोःवोले। 23चिलिमेनचि अहार एते जीव अरो किचरीः एते होड़मो बड़हाव केते हेनाःआं। 24कहुः रे धेयान एमपे, उनी ना हेर कनाय, ना इर कनाय, ना उनी रआ कोठा अरो ना छटका तहीःका, रेहों परमेसर उनी के असुलेय कनाय। अपे रआ गोनोंङ चेंड़ेकु एते बेचोट ढेर हेनाःआं। 25अपे रे एते नुंका ओकोय हेकेकु जे चिन्ता कराव केते अपन उमेर मीः घरीक हों बड़हाव दड़िवाःआय? 26इनाते जदि अपे सुबिन एते हुडिञ कामि हों कपे दड़ी वकाना, दो अरो गानाम कथिर चिलिमेन चिन्ताय कनापे? 27#1 राजा 10:4–7; 2 इति 9:3–6बुरु रआ बहा रे धेयानेपे चि उना चिलका हराः काना, उना ना मेहनेत कनाय, ना अपन कथिर किचरीः बाय कनाय, रेहों गी इञ अपे एते गामवापेकानिञ चि सुलेमान राजा हों अपन सुबिन ठाट-बाट रे, उनी रे एते जहय मिहोर रआ लेका किचरीः होरोः काय तहीः केनाय। 28इनाते जदि परमेसर टांड़ी रआ घांस ता जे तिहिञ हरा-भरा हेनाःआं अरो गापा सेंगेल रे ओन्डोरियाकु, उना नुंका सुन्दर बाय कनाय, दो ए अधबिसवासिकु उनी अपे के चिलिमेन काय होरोः पेयाय?”

29अरो अपे नुवां गानाम रआ दंड़ा रे ओलोपे तहिना चि चिलिकाः जोम-नुयाले अरो ना चिन्तायपे। 30चिलिमेनचि दुनिया रेन जाइत नियां सुबिन जिनिस जुवेन एते दंड़ाय कनाकु अरो अपे रिई आपु सारीइ कनाय चि अपे के नियां जिनिस रआ दरकार हेनाःआं। 31मुदा उनी रआ राइज रआ दंड़ा रे तहीःपे, रेदो नुवां जिनिस हों अपे के परमेसर एमापेयाय।

सोवारागदूत धन

(मती 6:19–21)

32ए चेलाकु रेन हुडिञ झुंड ओलोपे बोरोया चिलिमेनचि अपे रिई आपु नुवां चहाः कनाय चि अपे के राइज एमापेयाय। 33अपन धन अखरीञ केते दान कपे, नुंका कराव केते सोवाराग रे नुंकान धन हुंडिइपे अरो अपन कथिर नुंका बगली बाय कनापे जे का मरीःका, अरो जे का घटावोः काना अरो जेकर हेनात कुमरु काकु सिनुःआं अरो घुन काकु जोम काना। 34चिलिमेनचि जे ठिनुः अपे रआ धन हेनाःआं ओन्डो अपे रआ मोन हों लगाव एकानोःओ।

चेहाव तहीःपे

35 # मती 25:1–13 अपे रआ डांडा तोल केते तेयार तहीःपे अरो अपे रआ डिबरी धराव तहीःका, 36#मर 13:34–36अरो अपे उनी धंगोर रआ लेका बयुःपे, जे अपन मुवार रआ होरा नेल कनाय चि उनी बपलाः एते चिमिस रुवाड़ाय, चि जोब उनी हेचकेते दुवेर ठोकठोकावियाय दो एनेन गी उनी कथिर निचवायपे। 37उनकु बन्धुवा धेनया हेनाकुवा जेकर मुवार उनकु के चेहाव नामेःकुवाय, इञ सच गामवापे कनिञ उनकु हों अपन डांडा रे गमछा तोल केते उनकु के जोजोम कथिर दुरुप वेःकुवाय, अरो सेवा-सुसार वेःकुवाय। 38जदि उना निदा रआ आधा निदा बङ रेदो सिम राः बेरा हेचकेते उनकु के चेहाव नामेःकुवाय दो उनकु धंगोर धेनया हेनाकुवा। 39#मती 24:43,44अपे नुवां सारी केपे चि जदि ओड़ाः रिई मुवार काय सारीइ कनाय चि कुमरु चिमिन घरीक हिजुःआय, दो चेहाव तहीःआय होनाङ अरो अपन ओड़ाः रे सेंध काय लगाव इरीवाकुवाय होनांङ। 40अपे हों सम्पार तहीःपे, चिलिमेनचि जे घरीक हों अपे कपे सोंचाः काना उना घरीक मनवा रिई होपोन हेरेल हिजुःआय।

बिसवास लाइख आर बिन बिसवास लाइख धंगोर

(मती 24:45–51)

41तोब पतरस ता गामवादेयाय ए परभु चिलि नुवां कहनी आम आले किगी बङ रेदो सुबिन एते गामवाले कनाम।

42परभु ता गामवाःकुवाय, उनी भोरोसा लाइख अरो बुधिमान भन्डारी ओकोय हेकेय, जेकर मुवार उनी के अपन धंगोर-धंगरीन रे मुध ठहरावियाय चि उनकु के समेय रे जोजोम जिनिस एमाकुवाय। 43धेनया हेनाया उनी बन्धुवा जे उनी रिई मुवार हेचकेते इनका गी कराव वते नमेय कनाय। 44इञ अपे के सच गामवापे कनिञ उनी उना अपन सुबिन सम्पति रआ जिमेवारी बयेयाय। 45मुदा जदि उनी बन्धुवा मोन रे सोंचाव लगाव वोःओय चि इञ रिई मुवार हिजुः रे देरीइ कनाय अरो धंगोरकु अरो धंगरिनकु के रुड़ु हेलावोःओय अरो जोजोम नुनू अरो मतवारी होयुः लगाव ओःवोय। 46दो बन्धुवा रिई मुवार नुंकन हिलोः जोब उनी, मुवार रआ होरा जोहाव काय तहीःआय अरो इनकन घरीक जे के उनी काय सारीइ कनाय, हिजुःआय अरो उनी के बेचोट दंड एम केते उनी रआ हिस्सा अबिसवासिकु रेन लोः ठहरावकुवाय।

47उनी बन्धुवा जे अपन मुवार रआ हिछा सारीइ केनाय, अरो तेयार काय तहिकेनाय अरो ना उनी रआ हिछा रआ लेका सेसेन केनाय बेचोट रु जोमाय। 48मुदा जे काय सारी केते रु जोजोम लेका कामियाय उनी हुडिञ रु जोमाय इनाते जेके बेचोट एम एकावादेयाय उनी एते बेचोट कोवेयाय, अरो जे बेचोट नाम एकाःआय उनी एते बेचोट कुलियाय।

ईसु रआ हिजुः रआ परतिफोल

(मती 10:34–36)

49“इञ ओते रे सेंगेल लगाव कथिर हेच एकानिञ अरो चिलिकाः चहाः कनिञ सिरीफ नुवां चि निमीः धराव कोःओ। 50#मर 10:38इञ के दो दुख रआ मियाः बतिसमा अगु हेनाःआं, अरो जोब तक उना का होय कोःका तोब तक इञ बेयाकुल रे तहिनिञ। 51चिलि अपे सोंचाः कनापे चि इञ ओते रे सांति लेयकेते हेच एकानिञ? इञ अपे एते गामवापे कनिञ बङा, मुदा अलग कथिर हेच एकानिञ। 52चिलिमेन नेबरीक एते मियाः ओड़ाः रे पांच होर अकु-अकु रे खोनोस दोहोयाकु, पेय होर बार होर एते अरो बार होर पेय होर एते। 53#मीका 7:6आपु होपोन हेरेल एते अरो होपोन हेरेल आपु एते खोनोस दोहोयाकु, एंगातेः होपोन एरा एते अरो होपोन एरा एंगातेः एते, हनहर किमिन एते, अरो किमिन हनहर एते खोनोस दोहोयाकु।”

समेय रआ लछन

(मती 16:2–3)

54ईसु ता भीड़ एते हों गाम वाःकुवाय, “जोब अपे लिम्बीर ता पछिम एते बिरीत नेल कनापे दो एनेन गी गाम कनापे चि दाः हिजुःआ अरो इनका गी होयुः काना, 55अरो जोब दछिन होयो सेसेन काना दो गाम कनापे चि लुह सेसेना अरो इनका गी होयुः काना। 56ए कपटाहाकु अपे ओते अरो सिरमा रआ रंग-रुप रे भेद कराव दड़ी वकानापे, मुदा अपे कपे सारीइकाना चि चिलिकाः होयुः काना?”

अपन मुदेय एते सोमझोवता

(मती 5:25–26)

57अपे अपन-अपन एते गी चिलिमेन कपे फयसाला केकाना चि उचित चिलिकाः हेनाःआं? 58जोब अपे अपन मुदेय लोः हाकिम रआ हेनात सिनुःकानापे दो होरा रिगी उनी लोः सपालाह रआ उपाय कराव केपे नुंका ओलो होयुःका चि उनी अपे के फयसाला वनीः ठिनुः ओर इदिपेयाय अरो फयसाला वनीः अपे के सिपाही के जिमावापेयाय अरो सिपाही अपे के जेहेल ओड़ाः रे संजो कपेयाय। 59इञ अपे एते गामवापेकानिञ चि जोब तक अपे किरी-किरी टका कपे पेड़ेचिया तोब तक ओन्डो एते कपे छोड़ावोःओ।

Currently Selected:

लूका 12: BIY

Highlight

Copy

Compare