लूका 7
7
मिहोर रोमी सुबेदार रआ बिसवास
(मती 8:5–13)
1जोब ईसु होरकु के नुवां सुबिन गानाम पुरा उदुः केते, कफरनहूम चट्टी रे तोराया। 2ओन्डो पलटानकु रिई मुध रिई मिहोर दुलार बन्धुवा तहिकेनाय, जे हासु केनाय अरो गोजुः लेका केनाय। 3सुबेदार ईसु रआ चरचा अयुम केते जहुदिकु रेन चिमिनोः मुधकु के उनी एते नुवां गोहराव कथिर, उनी ठिनुः कुल एदेयाय, चि “हेच केते इञ रिई बन्धुवा के बुगिन एयमी।” 4उनकु ईसु ठिनुः हेच्चेनाकु, अरो उनी के बेचोट गोहराव केते गागाम हेलावेनाकु, चि उनी “सुबेदार नियां लाइख हेनाया चि आम उनी कथिर नुवां करावियाम। 5चिलिमेनचि नोय आले रेन जाइतकु के दुलार कुकानाय, अरो उनी गी आले रआ बिनती ओड़ाः ता बाय एकाःआय।”
6ईसु उनी लोः तोराया। उनकिन उनी रआ ओड़ाः हेनात तेबाःकेन गियाकिन चि पलटानकु रिई मुध ता गातिकु दोवासते ईसु ठिनुः नुवां गाम कुल्लेताय, “ए परभु आम ओलोम तकलिब ओ:वो, चिलिमेनचि नियां लाइख बनुःइञा चि आम इञ ठिनुः हिजुःआम। 7इनाते इञ अपन के नियां लाइख काइञ सोमझाव चि आम ठिनुः हिजुःइञ आम मीः राव गी गामकाम अरो इञ रिई धंगोर बुगी नोःओय। 8इञ हाकिम रआ अधिन रे हेनाञा, अरो इञ रआ अधिन रे सिपाही तहीः कनाकु, जोब इञ मिहोर के गामवायकानिञ, ‘सिनुःमी!’ दो उनी सिनुःकनाय, अरो एटाः एते, ‘हिजुःमी मेताय कनिञ!’ दो उनी हिजुःकानाय, अरो अपन बन्धुवा एते, ‘नुवां कामिइमी मेताय कनिञ!’ दो उनी उना कराव कनाय।”
9ईसु नुवां अयुम केते चकरीत एनाय, अरो उनी ता आच तयोम हिजुः वते होर सोझ नेल रुवाड़ केते मेताःकुवाय, “इञ अपे के गामवापे कनिञ इसराइल रे इञ इमिनुः बेरयार बिसवास काइञ नाम लेःकुवा।”
10अरो खभेर अगु वनकु होर ता ओड़ाः रुवाड़ केते हासु बन्धुवा के बुगी नमेःदेयाकु।
ईसु रड़ियाही रिई होपोन हेरेल के जीव एमाःदेयाय
11एटाः हिलोः ईसु नाइन चट्टी तोराया। उनी लोः उनी रेन चेला अरो मियाः मरंग भीड़ हों तहिकेनाकु। 12जोब उनकु चट्टी रआ मुध दुवेर रे तेबाःएनाकु, दो होर मिहोर गोच होर के मरघाटी इदिइ केनाकु। उनी अपन एंगातेः रिई मियाः उतर होपोन हेरेल तहिकेनाय, अरो उनी रड़ियाही तहिकेनाय। चट्टी रेन बेचोट एते होर उनी लोः तहिकेनाकु। 13रड़ियाही के नेल केते परभु के उनी रे सोग हेच्चेना, अरो उनी ता उनी के मेताःदेयाय, “ओलोम इयाम्मा।” 14अरो हेनात हेच केते उनी ता मुरदा गोगोःआनाः सिहड़ी ता जोटेतेताय, नियां रे गोगोःवान थिरावेनाकु। ईसु ता मेताःकुवाय, “धिंगाला इञ आम एते गाम वामकानिञ बिरितमी!” 15तोब उनी गोच होर बिरीत दुरुप एनाय, अरो गापाम हेलावेनाय। ईसु ता उनी रिई एंगातेः के सोंपाव वदेयाय।
16नुवां सुबिन नेनेल होर भोय एनाकु, अरो उनकु परमेसर के बड़ाय केते गापाम हेलावेनाकु, “अबु रआ ताला रे मिहोर मरंग परमेसर सोझ एते नधनी वनीः तिंगु एकानाय, अरो परमेसर ता अपन होरकु के बनचाव कथिर हेच्चेकानाय।”
17अरो ईसु रआ बबेत रे नुवां गानाम, सुबिन जहुदिया पोरदेस अरो हेनात-जपाः रआ सुबिन दिसुम रे चइरो कोना फयलावेना।
जोहन बतिसमा एमुःवनीः रआ सवाल
(मती 11:2–19)
18जोहन के उनी रेन चेला तेः नुवां सुबिन गानाम उदुःवादेयाकु। 19तोब जोहन ता अपन चेलाकु रे एते बार होर के होहो केते परभु ठिनुः नुवां कुली कथिर कुलेःकिनाय, “चिलि छोड़ाव वनीः मसी आम गी हेकेम, चि अरो जहय रआ आसरा नेलाले?”
20उनकिन बनार चेला ईसु ठिनुः हेच केते कुली एदेयाकिन, “जोहन बतिसमा एएम वनीः अलिञ बनार के आम ठिनुः नुवां गागाम कथिर कुल एकाःलिञाय, छोड़ाव वनीः मसी जे हिजुः वनीः हेनामा आम गी हेकेम चि एटाः होर रआ होरा नेलाले?”
21इमिताः गी ईसु बेचोट एते हासु इकु कोसोटइकु, अरो मुवां रावा एते बुगी वेःकुवाय, अरो बेचोट एते अंधरा के नजेर एमाःकुवाय। 22#जसा 35:5,6; जसा 61:1ईसु ता जोहन रेन चेलाकु के मेताःकुवाय, “सिनुःपे अपे जे ओनाव एतापे अरो नेल एकाःआपे, उना जोहन के उदुःवायपे अंधरा नेनेल कनाकु, लंगड़ा सेन-बेराय कनाकु, कोढ़ रोगिकु बुगीः कनाकु, बेहरा ओनाव कनाकु, मुरदा जुवेतोः कनाकु, रेंगेच-रबंङकु बुगिन खभेर ओनाव कनाकु। 23धेनया हेनाकुवा उनकु, जे इञ चलते ठोकोरा काकु जोम काना।”
24जोहन दोवासते खभेर एएम वन चेलाकु तोराकुवा उना तयोम ईसु होरकु एते जोहन रआ बबेत रे गागाम हेलावेनाय। “अपे टोंगरी रे चिलिकाः नेनेल सेन केनापे? चिलि होयो एते हिलाः अनाः ढोड़ही हिलाः केना उना नेनेल सेन केनापे? 25दो अरो अपे चिलिकाः नेनेल सेन केनापे? चिलि मलमल किचरीः होरोः वनीः मनवां के? नेलपे, जे मलमल किचरीः होरोः वोःकानाकु अरो सुख-चइन एते तहीः कनाकु, उनकु राज बंगला रे तहीः कनाकु। 26दो अरो चिलिमेन सेन केनापे? चिलि जहय परमेसर सोझ एते नधनी वनीः के नेनेल सेन केनापे? हें, इञ अपे के गामवापे कनिञ चि आगमजानी एते हों मरंग इनीः के। 27#मला 3:1नोंय, इनिगी हेकेय जेकर बबेत धरम पोथी रे ओल एकाना ‘नेलपे अपन दूत के अपे रआ लहा कुलेय कनिञ, जे अपे रआ लहा अपे रआ होरा तेयारियाय।’ 28इञ अपे एते गाम वपेकानिञ, चि जे एराकु एते जनम अगु एकाःआकु उनकु रे एते जोहन एते मरंग जहय बङा मगर जे परमेसर रआ राइज रे हुडिञ एते हुडिञ हेनाकुवा उनकु, जोहन एते हों मरंग हेनाकुवा।”
29 #
मती 21:32; लूका 3:12 इनाते सुबिन होरकु ता अरो मालगुजारी अगुइकु अयुम्मेताकु अरो जोहन एते बतिसमा अगु केते परमेसर के सच मनावेनाकु। 30मगर फरीसिकु अरो परमेसर रआ धरम पोथी सिखाव वनीः ता जोहन एते बतिसमा काकु अगु केते परमेसर रआ जोजना ता टलाव एताकु।
31ईसु अरो गाम्मेताय, “इञ नियां जुग रेन होरकु ओकोय एते बराबोइर कुञ? उनकु ओकोय रआ बराबोइर हेनाकुवा? 32उनकु बाजार रे दुरुप केते धिंगालाकु रआ बराबोइर हेनाकुवा जे होर एटाःइकु के होहो केते गाम कनाकु, ‘आले ता अपे कथिर बांसरी साड़ी एताले, अरो अपे कपे एनेच्चेना। आले सोकित एनाले मुदा अपे कपे इयाम लाःआ।’ 33चिलिमेनचि जोहन बतिसमा एएम वनीः ना पिठा जोम्मेकेनाय, ना अंगुर रास नुंय केनाय अरो अपे गामवाय कनापे, ‘उनी रे मुवां रावा हेनाया!’ 34इना तयोम मनवा रिई होपोन तेः हेरेल हेच्चेना, जे जोम-नुय कनाय अरो अपे गाम कनापे, ‘नेलपे! नोय होर पेटु अरो मतवार, मालगुजारी अगुवान अरो पापिकु रिई गाति हेकेय।’ 35परमेसर रआ बुधि रआ मोताबिक सेसेन वनकु परमेसर रआ बुधि सच सबिद एताकु।”
पापी एरा के छमा एदेयाय
36जहय फरीसी ता ईसु के आच ठिनुः जोजोम कथिर गोहराव एदेयाय, उनकु उनी फरीसी रआ ओड़ाः हेच केते जोजोम कथिर दुरुप एनाय। 37#मती 26:7; मर 14:3; जोह 12:3 चट्टी रिई मिहोर पापी एरा नुवां सारीएताय, चि ईसु फरीसिकु रआ ओड़ाः रे जोजोम कनाय, उनी संगमरमर दिड़ी रआ सिसी रे सो सुनूम अगु केते हेच्चेनाय। 38अरो इयाम वते ईसु रआ बका लहा रे उकरुम केते, आच रआ मेत दाः एते, ईसु रआ बका लोहोत हेलावेनाय अरो आच रआ उप एते जोत एदेयाय अरो बका ता चुमव-चुमव केते उनी के सो सुनूम ओजोः एदेयाय। 39तोब सिमोन फरीसी ता जे ईसु के नेवता एमाःदेय केनाय, उनी ता नुवां नेलकेते मोन-मोन गी गाम्मेताय, “जदि नोय होर परमेसर सोझ एते नधनी वनीः हेकेय, रेदो जरुर सरीयाय होनङ चि जे एरा नोय के जोटेत एय कनाय उनी ओकोय अरो चिलकाःआय, उनी दो पापी हेकेय!”
40नियां रे ईसु ता उनी फरीसी के गामवादेयाय, “ए सिमोन इञ के आम एते जहन्नाः गागाम हेनाःआं।”
उनी ता जबाब एमाःदेयाय, “गुरु गाम्मी।”
41“मिहोर महाजन एते बार होर रीन अगु लाःआकिन, मिहोर पांच साव चांदी रआ टका रीन अगु लाःआय अरो एटाः होर ता पचास चांदी रआ टका अगु लाःआय। 42उनकिन ठिनुः रीन रुवाड़ कथिर जहन्नाः का तहिकेना, इनाते महाजन ता बनार होर के माफि काःकिनाय। उनकिन बनार रे एते, ओकोय उनी के ढेर दुलार इयाकिन?”
43सिमोन ता जबाब एमाःदेयाय, “इञ रआ बुझाः रे दो, उनी जेकर ढेर रीन माफि एना।”
ईसु ता सिमोन के गामवादेयाय, “आम रआ फयसाला सत हेके।” 44तोब ईसु ता, उनी एरा सोझ नेल केते सिमोन के मेताःदेयाय, “नोय एरा के नेलेय कनाम? इञ आम रआ ओड़ाः हेच्चेनिञ, आम इञ के बका अबुंग कथिर दाः हों कम एमाःदेञा, नोय दो इञ रआ बका आच रआ मेत दाः एते अबुंग एताय अरो आच रआ उप एते जोत एताय। 45इञ के आम कम सोवागत एदेञा, मुदा जोब एते इञ हेच एकानिञ, इञ रआ बका रे सुनूम ओजोःचित तहिएनाय। 46आम ता इञ रआ बोहोः रे सो सुनूम कम ओजोः, नोय दो इञ रआ बका रे सो सुनूम ओजोः एकाःदेञाय। 47इनाते इञ आम के गाम वामकानिञ, नोय रआ बेचोट एते पाप माफएना चिलिमेनचि नोय दो बेचोट दुलार देखाव एकाःआय, जेकर हुडिञ माफ एकाना, उनी हुडिञ दुलार कनाय।”
48अरो ईसु ता एरा तके गामवादेयाय, “आम रआ पाप माफएना।”
49तोब जे होर ईसु लोः जोजोम दुरुपकेनाकु, उनकु अपन-अपन मोन रे सोचावेनाकु, “नोय ओकोय हेकेय, जे पाप हों माफ कनाय।”
50मगर उनी ता एरा तके गामवादेयाय, “आम रआ बिसवास ता आम के बनचाव वेःमाय, सांति एते सेन जोनमी।”
Currently Selected:
लूका 7: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
