लूका जान-चिनहार
जान-चिनहार
लूका रचित बुगिन खभेर नवां नियम रआ उना चाइरो पोथी रे ते मियाः हेके, जे मसी ईसु रआ जीवन चइल-चलन रआ बाखान कनाय। उना रे ते हरेक मियाः पोथी बुगिन खभेर गामुः काना, जेकर ओरोथ होयुः काना बुगिन खभेर। उना ईसु रआ गोजुः तयोम मती, मरकुस, लूका अरो जोहन दोवासते ओल लाःआकु। लूका ता ना सिरीफ ईसु रआ जीवन रआ कहनी ओल्लेताय, मुदा उनी ता ईसु रआ गोजुः अरो जुवेत बिरीतोः रआ तयोम उनी रेन चेलाकु दोवासते कराव कामि रआ बाखान कराव वनाः मियाः पोथी कुलवानकु रआ कामि हों ओल्लेताय। बुधिजीवि ककु सारीकाना चि लूका रचित बुगिन खभेर करा तरीख अरो करे ओल केना, मुदा नियां मसी रआ जनम रआ लगेभगे 70 बरीस तयोम ओल लाःआकु मनाः कनाकु।
नियां रिई ओओल वनीः लूका हेकेय जे वैध तहिकेनाय। उनी रआ ओओल रआ ढंग अरो वाक्य बिन्यास एते पता चलावोः काना चि ओन्डो मिहोर पड़हाल-लिखल होर तहिकेनाय। लूका ईसु रआ जीवनी ता सही-सही अरो घटाव घटना ता मीः ओइर एते ओओल चहाः केनाय ताकि एटाः होर नियां पड़हाव केते फयदा उठावियाकु (1:1–3) उनी जहुदी काय तहिकेनाय (कुलू 4:10–14) अरो उनी ता नियां लेका ओल्लेताय चि गइर-जहुदी हों सोमझाव कोःकाकु नियां एते निठा उना एते नेल दड़िवाःआबुन चि उनी चिलका जहुदी रिति-रिवाज रआ बाखान कनाय (1:8)।
लूका रचित बुगिन खभेर मती अरो मरकुस रआ पोथी एते ढेर मिलाः-जुलाः काना, चिलिमेनचि उनी उना गानाम ता मीः लेका गी बाखान कनाय। नियां तीनों पोथी रे ते लूका जोहन बतिसमा रआ जनम एते संबंधित ढेर गानाम उदुः कनाय।
लूका छमा कराव (3:3; 11:4; 17:3–4; 23:34; 24:47) अरो पराथना कराव (3:21; 5:16; 6:12; 11:12; 22:32) रे हों ढेर जोड़ एम कनाय।
रंग-रुप
1. लूका अपन दोवासते ओल्लेताय बुगिन खभेर रआ जान-चिनहार एमुः कनाय अरो उदुः कनाय चि चिलिमेन उनी ता नियां ओल्लेताय (1:1–4)
2. नियां तयोम उनी ईसु रआ जनम रआ बबेत रे उदुः कनाय अरो बाखान कनाय चि चिलका एते उनी सेवकाइ कथिर सम्पार एनाय (1:5—4:13)
3. बुगिन खभेर रआ थोड़गन मरंग हिस्स लूका ता ईसु रआ दोवासते कराव वनाः कामि रआ बाखान एकाःआय, खास केते उनी दोवासते कराव वनाः आसचरज कामि अरो उनी रआ सिकछा (4:14—21:38)
4. मुडू रे उनी ईसु चिलका एते गोच्चेनाय, तोपा एदेयाकु अरो गोच वनकु रे ते जुवेत बिरीतेनाय, नियां रआ बाखान कनाय (22—24)
Currently Selected:
लूका जान-चिनहार: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0