मरकुस 12
12
बयमान खेतयार रआ कहनी
(मती 21:33–46; लूका 20:9–19)
1 #
जसा 5:1,2 इना तयनोम उनी हुडिञ कहनी रे उनकु एते गापाम हेलावेनाय; “जहय होर अंगुर बारगी बाय लाःआय, उना रआ चइरो ओइर घोरना लाःआय, रास उडुङ कथिर दिड़ी हाउदा गाड़हा बाय लाःआय अरो खुटरो ओड़ाः हों बाय लाःआय। खेतयारकु के ठिका एम केते पोरदेस तोराया। 2अंगुर जो रआ समेय रे उनी मियाः बन्धुवा के कुलेःदेयाय चि खेतयारकु एते अंगुर बारगी रआ जो रआ हिसा अगुयाय। 3मुदा उनकु उनी के साप केते रुवेःदेयाकु अरो एकेन ती रुवाड़ एदेयाकु। 4तोब उनी अरो मिहोर बन्धुवा के उनकु ठिनुः कुलेःदेयाय। उनकु, बन्धुवा के रु केते बोहोः पड़ाः उतर एताकु अरो उनी के बेमाइन एदेयाकु। 5उनी अरो मिहोर के कुलेःदेयाय। उनी केहों गोच उतर एदेयाकु। तोब उनी बेचोट धंगोरकु के कुलेःकुवाय। उनकु के उनकु ता आधा के रुवेः कुवाकु, आधा के गोजेः कुवाकु। 6निमीः दो मिहोर गी तहिएनाय, जे उनी रिई दुलार होपोन हेरेल तहिकेनाय। अखरी रे उनी होपोन तेः हेरेल केहों उनकु ठिनुः नुवां सोंचाव केते कुलेःदेयाय चि उनकु इञ रिई होपोन हेरेल रआ माइन इयाकु। 7मुदा उनकु खेतयारकु अकु-अकु गापाम हेलावेनाकु, ‘नोय दो उनी रिई हकदार हेकेय; देलापे, अबुन नोय के गोजेयाबुन, तोब अबुन रआ हिस्सा होयुःआ।’ 8अरो उनकु उनी के साप केते रु गोजेः देयाकु। अरो अंगुर बारगी रआ टांड़ी रे गिड़ी कदेयाकु।”
9ईसु उनकु एते कुलिवेःकुवाय, “अंगुर बारगी रिई मुवार तेः चिलियाय? उनी हेच केते उनकु खेतयारकु के गोच कुवाय, अंगुर बारगी एटाः होर के एमाकुवाय। 10#सिरिञ 118:22,23 चिलि अपे पबितर पोथी रे नुवां बचन कपे पोड़हाव एकाना;
“‘जे दिड़ी ता राजमिसतिरिकु बेकामा ठहराव लाःआकु,
इनागी कोना रआ दिड़ी#12:10 कोना रआ दिड़ी बनार सोझ रआ भीत टेकाव दोहोय कनाय। बाय्येना।
11नुवां परभु रआ सोझ एते होय एकाना
अरो अबुन रआ नजेर रे असचरज गिया!’”
12तोब जहुदी एगवाकु ईसु के सासप चहावेनाकु; चिलिमेनचि सोमझावेनाकु चि उनी अबुन रआ खोनोस रे नुवां हुडिञ कहनी गाम्मेकाःआय। उनकु उनी के बागी केते तोराकुवा चिलिमेनचि होर एते बोरोय केनाकु।
रोम दिसुम रिई राजा के मालगुजारी एएम
(मती 22:15–22; लूका 20:20–26)
13तोब जहुदी एगवाकु उनी के गानाम रे ददाः कथिर फरीसी अरो हेरोदेस राजा के गाति एएम जहुदिकु के उनी ठिनुः कुलेःकुवाकु। 14उनकु हेचकेते उनी के गामवादेयाकु, “ए गुरु, आले सारी कनाले, चि आम सच गी गाम कनाम अरो जहय रआ कम परवाह काना। चिलिमेनचि आम होर रआ मोचा नेल केते कम गाम काना, मुदा परमेसर रआ होरा सच गी उदुः कनाम। दो चिलि रोम रिई महाराजा कयसर के मालगुजारी एएम उचित हेनाःआं, चि बङ?”
15आले एम्माले चि काले एम्मा? उनी उनकु रआ कपट सारी केते उनकु के गामवाःकुवाय, “इञ रआ चिलिमेन परीछा अगुइ कनापे? मियाः टका इञ ठिनुः अगुइपे, चि इञ उना नेल्लीञ।”
16उनकु टका साप केते हेच्चेनाकु अरो उनी उनकु के गामवाःकुवाय, “नुवां छापा अरो लुतूम ओकोय रआ हेके? उनकु गाम्मेताकु, कयसर रआ।”
17ईसु उनकु के गामवाःकुवाय, “जे रोम महाराजा कयसर रआ हेके उना कयसर के अरो जे परमेसर रआ हेके परमेसर के एमायपे।” तोब उनकु उनी एते बेचोट चकरीत एनाकु।
जुवेत बिरीत अरो बपलाः रआ कुली
(मती 22:23–33; लूका 20:27–40)
18 #
कु.कामि 23:8
इना तयनोम सदुकिकु, जे गाम कनाकु चि गोच इकु रआ जुवेत बिरीतोः बनुः उतारा, उनकु एते हुडिञगन ईसु ठिनुः हेचकेते उनी एते कुलिएदेयाकु, 19#नियम 25:5 “ए गुरु, ‘मूसा आले कथिर ओल्लेकाःआय चि जदि जहय रिई बोयहा बिन होपोन जनमाव होय रिगी गोच जोनाय अरो उनी रिई एरा तेः तहीः रेदोय, उनी रिई हुडिञ बोयहा उनी रिई एरा के बपलायाय अरो अपन बोयहा कथिर होपोन जनमाव कुवाय।’ 20ओन्डो सात बोयहा तहिकेनाकु। पेहलोट बोयहा बपला केते बिन होपोन जनमव तीगी गोच्चेनाय। 21तोब उनी एते मेझला बोयहा तेः उनी एरा तके बपला एदेयाय अरो बिन होपोन जनमाव तीगी गोच्चेनाय; सेंझला बोयहा रेहों इनकाना। 22अरो सातो बोयहा बिन होपोन जनमाव तीगी गोच चबाएनाकु। सुबिन रआ तयोम उनी एरा हों गोच्चेनाय। 23आर जुवेत बिरीतोः ओय रे उनी उनकु बोयहा रे ओकोय रिई एरा होयुःआय? चिलिमेनचि उनी सातो बोयहा रिई एरा होय चुकाव केनाय।”
24ईसु उनकु के गामवाःकुवाय, “चिलि अपे नुवां कारन एते गलती रेपेया चि अपे ना दो पबितर पोथी सारी कनापे अरो ना गी परमेसर रआ बोल? 25चिलिमेनचि जोब उनकु गोच इकु रे ते जुवेत बिरितताकु, दो उनकु रआ न बपला होयुःआ अरो न बपला एमाकुवाकु, मुदा सोवारागदूतकु लेका होयुःआकु। 26#उठ 3:6 गोच इकु के जुवेत बिरीत रआ चिलि अपे मूसा रआ पोथी रे, नुवां कपे पोड़हाव एकाना चि टोंगरी रे धरावओः झुड़ रे परमेसर उनी के गामवादेयकेनाय? ‘इञ अबराहम रिई परमेसर अरो इसहाक रिई परमेसर अरो जाकूब रिई परमेसर हेकेञ।’ 27परमेसर गोच इकु रिई बङा मुदा जुवेत इकु रिई परमेसर हेकेय; इनाते अपे मरंग गलती रे पोड़ाव एकानापे।”
सुबिन एते मरंग हुकूम
(मती 22:34–40; लूका 10:25–28)
28धरम पोथी सिखाव वनकु एते मिहोर हेचकेते उनकु रआ नधनी-गापम केनाकु अयुम लाःआय अरो नुवां सारी केते चि ईसु उनकु के बुगिन एते जबाब एमाःकुवाय, उनी एते कुलिएदेयाकु; “सुबिन हुकूम एते मुल हुकूम करा हेके?”
29 #
नियम 6:4,5 ईसु उनी के जबाब एमाःदेयाय, “सुबिन हुकूम एते नुवां मुल हेके; ‘ए इसराइल अयुमपे! अबु रिई परभु परमेसर मियाः उतरगी परभु हेकेय। 30अरो आम परभु परमेसर एते अपन सुबिन दिल, अपन सुबिन जीव, अपन सुबिन मोन अरो अपन सुबिन सक्ती एते दुलार कुम।’ 31#लेवी 19:18एटाः हुकूम नुवां हेके, ‘आम अपन आसे-पासे रेन के अपन लेका दुलार कुम।’ नियां ते मरंग अरो जहन हुकूम बनुःआं।”
32 #
नियम 4:35
धरम पोथी सिखाविकु उनी एते गामवादेयाय, “ए गुरु, खुब बुगिन। आम सच गाम्मेताम चि उना मियाः गिया, उना बागी केते अरो जहन्नाः बनुःआं। 33#होसे 6:6 अरो उनी एते पुरा दिल अरो सुबिन मोन अरो सुबिन सक्ती एते दुलार दोहोयमी। अरो अपन आसे-पासे रेन एते अपन लेका दुलार कुम, होमबलि अरो बलिदान एते बढ़ाव केते हेनाःआं।”
34 #
लूका 10:25–28
जोब ईसु नेल्लेताय चि उनी सोमझाव केते जबाब एम्मेताय, दो उनी एते गामवादेयाय, “आम परमेसर रआ राइज एते संगिञ बनुःमा।”
अरो जहय के उनी एते कुली रआ ढिड़ का होय्येना।
मसी ओकोय रिई होपोन हेकेय?
(मती 22:41–46; लूका 20:41–44)
35अरो ईसु मरंग बिनती ओड़ाः राचा रे सिखाव केते नुवां गाम्मेताय, “धरम पोथी सिखाविकु करा लेका गामकानाकु चि मसी दाऊद रिई होपोन हेकेय? 36#सिरिञ 110:1 दाऊद आच तिगी पबितर रावा रे होयकेते गाम्मेताय;
“‘परभु परमेसर ता इञ रिई परभु एते गाम्मेताय;
आम इञ रआ जोम ती सोझ रे दुरुप,
जोब तक चि इञ आमरेन बइरिकु के आम रआ कबजा रे कइञ कुवा।’
37दाऊद दो आचगी उनी के परभु गाम कनाय, दो मसी दाऊद रिई होपोन करा लेका ते होयुःआय?”
धरम पोथी सिखाविकु एते चेम्पोर तहीःपे
(मती 23:1–36; लूका 20:45–47)
अरो बेचोट भीड़ होर उनी रआ गानाम खुसी एते ओनाव वेकेनाकु। 38ईसु आच रआ सिखाव रे उनकु एते गाम्मेताय, “धरम पोथी सिखाविकु एते चेम्पोर तहीःपे, जे जिलिंग-जिलिंग घंघरी किचरीः होरोः केते होनोर अरो बाजार रे जोहार इरीः नाम कनाकु, 39अरो बिनती ओड़ाः रे मरंग-मरंग होर दुरुप ठांव रे दुरुप, भोज रे मरंग-मरंग होर दुरुप ठांव रे दुरुप नाम कनाकु। 40उनकु राड़िझुड़ी ओड़ाः रआ टका पोयसा अरो सुबिन्नाः हड़पाव कनाकु, देखाव कथिर बेचोट देरी तक पराथनाय कनाकु!”
उनकु बेचोट दन्ड नाम्माकु।
रेंगेच राड़ी रआ दान
(लूका 21:1–4)
41ईसु मरंग बिनती ओड़ाः राचा रे दान सन्जो वनाः ठांव हेनात रे दुरुप केते नेल कुकनकेनाय चि होर चिलका टका पोयसा संजोय कनाकु। बेचोट एते धनी होर दो ढेर गी सन्जो एताकु। 42इमिताः गी मियाः रेंगेच-रबंङ राड़िझुड़ी हेच केते बार दमड़ी जे मीः पोयसा रआ बराबोइर होयुः काना; सन्जो एताय। 43तोब उनी अपन चेला के हेनात होहो केते उनकु के गामवाःकुवाय, “इञ अपे एते सच गी गामवापे कनिञ चि मरंग बिनती ओड़ाः रआ दान सन्जो ठांव रे सन्जो वनकु एते नोय रेंगेच-रबंङ राड़िझुड़ी सुबिन होर एते बड़हाव केते सन्जो एकाःआय; 44चिलिमेनचि सुबिन अपन धन रआ आमदनी बड़हाव रे एते सन्जो एताकु, मुदा उनी अपन घटाव रे एते जेगी उनी रआ तहिकेना, उना अपन सुबिन जिनिवेत संजोवेताय।”
Currently Selected:
मरकुस 12: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
