मरकुस 4
4
बिहेन हेहेर वनीः रआ हुडिञ कहनी
(मती 13:1–9; लूका 8:4–8)
1 #
लूका 5:1–3
उनी अरो गलील समुदर अतोम रे सिखाव हेलावेनाय, आर नुंका मरंग दोल उनी रआ हेनात रे जमा एनाकु चि, उनी समुदर रे मियाः डोंगा रे देचकेते दुरुप एनाय अरो सुबिन भीड़ समुदर रआ अतोम रे तिंगु तहिएनाकु। 2उनी उनकु के हुडिञ-हुडिञ कहनी रे बेचोट एते गानाम सिखाव हेलावेनाय, अरो आच रआ हुडिञ कहनी रे उनकु एते गाम्मेताय, 3“नेलपे! मिहोर बिहेन हेहेर वनीः बिहेन हेहेर उडुङ एनाय। 4हेहेर समेय रे हुडिञगन होरा अतोम रे उयुःएना अरो चेंड़े हेचकेते उना हलङ एताकु। 5हुडिञगन रुगड़ी ओते रे उयुःएना, ओन्डो हसा ढेर का तहिकेना अरो गहिड़ हसा काय नामलाःआय एते, एनेन गी ओमोनेना। 6सितोंग हेच्चेना दो मुरझावेना अरो रेहेत काय साप दड़िवाताय, इनाते रोहोड़ेना। 7हुडिञगन झुड़ रे उयुःएना अरो झुर हरा केते उना तेन एताय अरो उना जो काय अगु लाःआय। 8मुदा हुडिञगन बुगिन ओते रे उयुःएना अरो उना ओमोनेना अरो हरा केते बहा जोएना; करा तीस गुना, करा साठ गुना अरो करा साव गुना जो अगुवेताय।” 9तोब उनी गी गाम्मेताय, “जेकर ठिनुः अयुम कथिर लुतूर हेनाःआं उनी अयुम केपे!”
ईसु चिलिमेन हुडिञ-हुडिञ कहनी गाम्मेताय
(मती 13:10–17; लूका 8:9,10)
10जोब भीड़ होर तोराकुवा दो बारहों चेला अरो हुडिञगन होर जे ओन्डो तहिकेनाकु, ईसु एते नुवां हुडिञ कहनी रआ बबेत रे कुलिएदेयाकु 11ईसु उनकु के जबाब एमाःकुवाय, “अपे के दो परमेसर रआ राइज रआ भेद रआ सोमोझ एम एकावाःपेयाय, मुदा बहरीवन कथिर सुबिन गानाम हुडिञ-हुडिञ कहनी रे होयुःका। 12#जसा 6:9,10 इनाते चि,
“‘उनकु नेनेल-नेनेल रेहों बुगिन ते काकु नेल
अरो ओनाव दो ओनाव कनाकु रेहों काकु सोमझाःका,
जदि उनकु नेल्लाकु आर सोमझाःआकु रेदो उनकु मोन रुवाड़एयाकु
अरो गुनाह एते माफि नाम्माकु।’”
बिहेन हेहेर वनीः रआ हुडिञ कहनी बाखान
(मती 13:18–23; लूका 8:11–15)
13मुदा ईसु उनकु एते गामवाःकुवाय, “चिलिकाः अपे नुवां हुडिञ कहनी कपे सोमझाःका? दो अरो सुबिन हुडिञ कहनी ता करा लेका सोमझाःआपे? 14हेहेर वनीः परमेसर रआ बचन हेर कनाय। 15जे होरा रआ अतोम रे उयुःकेना, जे रे बिहेन हेर केना, नोय उनी हेकेय चि जोब उनकु अयुम्मेताकु, दो सयतान एनेन गी हेचकेते बचन ता जे उनकु रे हेर केना, हलङ इदी एताय। 16इनका गी बिहेन जे रुगड़ी ओते रे हेर केना, नोकु उनकु हेकेकु, जे बचन ता अयुम केते एनेन गी रिझ एते आपनाव लाःआकु। 17मुदा अपन भीतरी रे रेहेत काय साप दड़िवाताय, इनाते उनकु हुडिञ हिलोः कथिर तहिकेनाकु; इना तयनोम जोब बचन रआ कारन उनकु रे बिपेत बङ रे सताव होयुःकाना, दो उनकु एनेन गी ठोकोरा जोम कनाकु, 18बिहेन जे झुड़ रे हेर केना नोकु उनकु हेकेकु जहय गी बचन अयुम्मेताकु, 19मुदा दुनिया रे कामि धंधा रआ चिन्ता, धन रआ लोभ अरो सुबिन रकम रआ लोभ, उनकु रे पेड़ेच केते बचन ता तेन ककानाकु अरो उना जो काय अगु दड़िवाताय। 20अरो बिहेन जे बुगिन ओते रे हेर केना नोकु उनकु हेकेकु, जे बचन अयुम केते आपनाव कनाकु अरो हेर वनाः रे ते ओकोय तीस गुना, ओकोय साठ गुना अरो ओकोय साव गुना अगुवेताकु।”
दीया रआ हुडिञ कहनी
(लूका 8:16–18)
21 #
मती 5:15; लूका 11:33 ईसु उनकु एते गामवाःकुवाय, “चिलि डिबरी ता इनाते अगुइ कनाकु, चि मवनी बङ रेदो परकोम लातार रे दोहोयाकु? चिलि इनाते बङा चि, दिरखा रे दोहोयाय? 22#मती 10:26; लूका 12:2 चिलिमेनचि जे उकु हेनाःआं, उना दिसतार ओःओ अरो जे हरुप एकाना, उना ओटाःओ। 23जेकर ठिनुः अयुम रआ लुतूर हेनाःआं रे दो, उनी अयुम केपे!”
24 #
मती 7:2; लूका 6:38 अरो ईसु उनकु एते गामवाःकुवाय, “चेम्पोर तहीःपे चिलिकाः अयुम कनापे। जे सोंग एते अपे सोंग कनापे, इनातिगी अपे कथिर हों सोंगुःआ, अरो अपे के ढेर एमापेयाय। 25#मती 13:12; 25:29; लूका 19:26 चिलिमेनचि जेकर ठिनुः हेनाःआं, उनी के एमायाय; अरो जेकर ठिनुः बनुःआं उनी एते जे हुडिञगन मेनाःआं उना हों, उनी ठिनुः एते अगु रुवाड़ियाय।”
ओमोन नोः बिहेन रआ हुडिञ कहनी
26अरो ईसु गाम्मेताय, “परमेसर रआ राइज नुंका हेनाःआं, जेलेका जहय होर ओते रे बिहेन हेर कनाय, 27अरो निदा गितीच एनाय अरो सेताः चेहावेनाय, अरो उना बिहेन नुंका ओमोन्नेना, अरो हराना चि उना काय सारी। 28ओते अपन एते अपन पहिल बिहेन ओमोन कनाय, तोब गेले अरो गेले रे पोठव अनाज। 29#जोवे 3:13 जोब जो जरोम कोःकाना, तोब उना एनेन गी दतरोम एते इर कनाकु, चिलिमेनचि, इइर रआ समेय तेबाः एकाना।”
राय दाना रआ हुडिञ कहनी
(मती 13:13–32,34; लूका 13:18,19)
30ईसु गाम्मेताय, “आले परमेसर रआ राइज रआ बराबोइर ओकोय एते एम्माले? अरो करा हुडिञ कहनी एते उना रआ बाखान इयाले? 31उना राय दाना रआ बराबोइर हेनाःआं, जोब ओते रे हेर कनाकु दो ओते रे सुबिन बिहेन एते हुडिञ होयुःकाना। 32मुदा जोब हेरएताय, दो ओमोन केते सुबिन आड़ाः-सेकाम एते मरंग जोनका, अरो उना रआ नुंका मरंग डइर उडुङ कोःका, चि सिरमा रेन चेंड़े उना रआ डइर रे खोंधाः बायकेते डेराय कनाकु।”
33उनी उनकु के नुवां रकम रआ बेचोट हुडिञ कहनी उदुः-उदुः ते उनकु के सोमझाः रआ ओइर एते बचन अयुम वकुकेनाय। 34अरो बेगर हुडिञ कहनी गामते उनी उनकु एते जहन्नाः काय गामवाकुकेनाय; मुदा एकला रे उनी आचरेन चेला के सुबिन हुडिञ कहनी रआ ओरोथ उदुःवाकुकेनाय।
आंधी ता थिरावेताय
(मती 8:23–27; लूका 8:22–25)
35इना हिलोः जोब अयुपेना, दो उनी चेला एते गामवाःकुवाय, “हिजुःपे, अबुन परोम सिनुःआबुन।” 36अरो उनकु भीड़ के बागी केते, जेलेका ईसु डोंगा रे तहिकेनाय, इनकागी चेलाकु के डोंगा रे गाति इदी वेःकुवाय अरो उनी रआ गाति रे अरो डोंगा तहिकेना। 37अंधगुंधाव आंधी हेच्चेना अरो दाः हलकाव हिजुः केना नोन्डो तक चि डोंगा रे दाः ते पेड़ेच इदीःकेना 38मुदा ईसु तयनोम हिसा रे, तकिया बोहोः केते गितीच केनाय। तोब उनकु उनी के चेहाव एदेयाकु आर ईसु के गामवादेयाकु, “ए गुरु, चिलका आम के चिन्ता बनुःआं चि आले गोजुः लेका नले?”
39तोब ईसु “बिरीत केते अंधगुंधाव आंधी” ता डपटाव वेताय अरो दाः एते गाम्मेताय, “इसथिररोः, थामव जोन।” अरो आंधी चबा केते, सिचसोड़ोच उतारेना। 40अरो ईसु ता गाम्मेताय, “अपे चिलिमेन बोरोय कनापे? अपे के निमीः तक हों बिसवास बनुःआं?” 41उनकु बेचोट बोरोलाःआकु अरो अकु-अकु रे गापाम्मेनाकु, “नोय चिलकन मनवां हेकेय? आंधी अरो दाः तक हों नोंय रआ गानाम मनाः काना!”
Currently Selected:
मरकुस 4: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
