Yesaya 39
39
Kpilara kalee Babilɔn
1Mena debaŋ kenaŋ nɛ, Baladane bu Merodake Baladane ŋon ɔ yɛɛ Babilɔn gyoo e nɛ ŋmarase tɔne mo kpuna abɔɔ kefa gyina Hesekiya. Nawolo nyi ɔ nyii Hesekiya kawee na ɔ kawee koro. 2Hesekiya lɛɛ kpilara baŋ gyoŋ man te ɔ wola wɔ abɔɔ ŋan doo wa abɔɔ dɛɛsee man. Ɔ wola wɔ kɔba wolom na kɔba yayam na abɔɔ ofoŋnyiŋan na oliifi nuŋ kpaakpaate na ɔ yoo abɔɔ pou na kpene kamasɛ keŋ doo wa abɔɔ dɛɛsee man. Kolo be doo ɔ gyooro dekpaŋalaŋ man yaa ɔ gyooridedii man keŋ Hesekiya ta mo wola wɔ ya.
3Keŋte Wurubuarɛ gbalare Yesaya gyuuwɔ gyoo Hesekiya gyaŋ ke bɔɔse e nyiaa, <<Woŋ nombii yaa balaŋ baŋ kaa yako neŋ, te aleŋ yaa ba leewɔ?>>
Te Hesekiya tiranɔɔ nyiaa, <<Ba lee tɛɛle lemlem daale man. Ba lee Babilɔn baa kɔŋ me gyaŋ.>>
4Te Wurubuarɛ gbalare ŋon bɔɔse e nyiaa, <<Woŋ te be naawɔ n gyooro dekpaŋalaŋ man?>>
Te Hesekiya yakowɔ nyiaa, <<Be naa kpene kamasɛ me gyooro dekpaŋalaŋ man. Kolo be doo ma abɔɔ dɛɛsee man keŋ me ta mo wola wɔ ya.>>
5Keŋte Yesaya yako Hesekiya nyiaa, <<Degbeŋgyoo Dekpataakpere ŋon kpa nyiaa, 6Debaŋ daale ne kɔŋ keŋ baa mo kpene kamasɛ keŋ doo n gyooro dekpaŋalaŋ man, na ŋan pou n naanaɔ be gyae see kaalii gyɛŋ nɛ gyu Babilɔn. Kolo na kolo be gyae keka ya. Degbeŋgyoo yakola. 7Baa mo n duuluŋ man balaŋ na nyaŋ gbagba n tɔɔman bia gyu, na be kaa lese wɔ saayɛ Babilɔn gyoo gyooro dekpaŋalaŋ man.
8Keŋte Hesekiya yako Yesaya nyiaa, <<Degbeŋgyoo nombii keŋ ɔ be yako nɛ dei.>> Nawolo ɔ gyueŋwɔ nyi, <<Maa nyiŋ wosefɛɛreŋ na kegyee ma debaŋ man.>>
Currently Selected:
Yesaya 39: NTR
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation
