1 कुरिन्थी 13
13
पेरेम
1जदि ईङ होड़कु आला आउर सिरमादूतकु आला बोली कंहड़ी दाड़ीईंग, आउर एटाअकु के पेरेम काईंग कुआ, दो ईङ बे-मतलोब ठन-ठनाअ पीतड़, आउर झन-झनाअ झाँझ भाईर हेके। 2#सं.मत्ती 17:20; 21:21; सं.मर 11:23जदि ईङ के परमेसर पखा तरअः कंहड़ी सकायीङ, आउर जामा उकु उना बात के, आउर जामा बरन रेनअः बुधी भेटाव ताना, आउर नुमिन जगुत ईङ आला बिसवास एदनाआ ची ईङ टुंगरी के होः अपन ठाँव तरअः ओचोः दाड़ीईंग, बकिर ईङ रे पेरेम कनोआँ दो ईङ एतान होः नलागे। 3जदि ईङ अपन जामा धन-खुरजी के रांगेःग-तेतांग होड़कु के एमागुल ताकुईंग, चाहे अपन होड़ो जगुत के ति-तियांग लःअय एमागुल ताकुईंग, बकिर जदि ईङ रे पेरेम कनोआँ दो नोःआँ रे ईङ के एतान होः फयदा कनोआँ। 4पेरेमे जामा सहायाय, पेरेम दया याय, पेरेम काय हिंसगाया, पेरेम काय बाड़वरीया, पेरेम काय घमन्डेआ। 5पेरेम बेलाजीया काय बेवहारेआ, अपन लःअय काय सोंचाय, झट के काय कायराआ, आउर जहान बुराई रअः खीस, मन रे काय दोहोया। 6पेरेम अधरम तरअः काय खुसोआ, बकिर सच बात तरअः खुसोआ। 7पेरेम जामा बात के सहायाय, जामा बात रे बिसवासेआय, जामा बात रे आसरा दोहोयाय, जामा बात रे खातिर दोहोयाय।
8पेरेम कहियो का टगाआ, परमेसर पखी तरअः क-कंहड़ी वाला बात दो चबा कोआ, जे एटाअ-एटाअ भाखा क-कंहड़ी वाला होना होः चबा कोआ, आउर बुधी होः मेटाव कोआ, बकिर पेरेम कहियो एरे चबायोआ! 9एता लःअय ची आबु आला बुधी दो थोड़ेक-थोड़ेक एदनाआ, आगमजानी याकु, हुंकू होः पुरा इरकु कंहड़ी दड़ीआ। 10जब भरल-पुराल हिजोआ, तब अधलोंगा मेटाव कोआ। 11जब ईङ चेंगा ताही नेनिंग दो, चेंगाकु लकान कंहड़ी किनिङ आउर मन ताही नेना आउर समझ ताही नेना, बकिर जब ईङ बड़ेःनिंग, दो चेंगा बेरा रअः बात के बाई किदिंग। 12नहाअः आबु नुई परमेसर रअः बारे रे आबु दुबाःड़े पुरा लुर कनोआँ। नोःआँ नहाअः जगुत आबु लःअय थिदगर कनोआँ जे लकान आबु धुंधरा आयना रे नेलेआबु, बकिर हिमीन बेरा परमेसर के आबु मुंहा-मुंही नेल कियाबु, नहाअः ईङ आला बुधी पुरा कनोआँ, बकिर हिमीन बेरा परमेसर ईङ के जे लकान पाड़ीआय हिना लकान ईङ पुरा-पुरी पाड़ी कियीङ। 13नहाअः बिसवास, आसरा आउर पेरेम नोःआँ पेने जामा बेरा ताही कोआ, बकिर नोःआँ मेसे बड़े पेरेम एदनाआ।
Currently Selected:
1 कुरिन्थी 13: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0