जोहन 12

ईसु रआ जँगा रे सोहों सुनूम ओजाः लअय

(मती 26:6–13; मरकुस 14:3–9)

1ईसु पसका परब एतेन छाव दिन पहिल बयतनियाह डीही वेज्‌लेनय जे एडे लाजर दोहोनय, जेके ईसु गोज् मे से जीवेड्-बिरीड् दोहोलिदियय। 2होंडे हुँकू ईसु तआ मंडी तेयार लआकु; जोटोः मरथा सेवा यतिदोहोनय, जोटोः लाजर हुँनि सुधा मंडी जोमोः तआ दुड़ूः दोहोनय। 3#लुका 7:37,38तब मरियम जटामासी ते बनाव लआपे साव पचीस गरम खँटी महंगा सोहों सुनुम अगुकेते ईसु रआ जँगा रे ओजाः लअय, जोटोः अपन ऊब् ते हुँनि रआ कटा जोड् लअय, सोहों ते गोटा ओड़ाः रुब् यना। 4बदे हुँनि रेनकु चेला मे से जहुदा इस्करियोती ञुमुन मियड् चेला होंडे दोहोलेनय, जे हुँनि एर सबी अवलय दोहोलेना कथालअय। 5“नोआँ सोहों सुनुम बरबादे एतेन, पे साव चंदी रआ ठड़रा टका#12:5 पे साव चंदी रआ ठड़रा टका मियड् चंदी टका मुसिञ रआ कमायनी बराबाइर इदानआँ ते केजा केते रंगिज्‌कु ओवा अछा दोहोलेना।” 6हुँनि नोआँ दुखमा हिनाते काय कथालआ चि हुँनि रंगिज्‌कु रआ अगम चिंता दोहोलेना, बदे हिनाते कथालअय चि हुँनि चोर दोहोलेनय, जोटोः हुँनि एडे बटु दोहोलेना, जोटोः होना रे जे जोड़ाव यते दोहोनाकु, होना अनेज् तआ उडुङ यते दोहोनय। 7ईसु कथालअय, “हुँनि इकावाइपे। मरघाट रे इञः दोहोञ रआ तेयारी रआ दिन तआ हुँनि इकाएर दोहोवाइ। 8#नियम 15:11चितानतआचि रंगिज् होड़कु दो आपे सुधा रोज दोहोनाकु, बदे इञः आपे सुधा हरघरी एरोञ दोहोना।”

लाजर गो-गोज् रआ उपाय

9जब अगम जहुदीकु तआ पता चलाव लेना चि ईसु होंडेया दो न सिरीप ईसु चलते वेज्‌लेनय बदे हिनाते हों चि लाजर ञेले, जेके ईसु गोज् लेनी जीवेड्-बिरीड् दोहोलिदियय। 10तब मुध पुरोहितकु लाजर हों गोजे तआ उपाय बनाव लआकु, 11चितानतआचि हेनेनी चलते अगम जहुदीकु सेनोः यनाकु जोटोः ईसु रे सारी लेनाकु।

ईसु रआ जेरुसलेम रे बोलोयोः

(मती 21:1–11; मरकुस 11:1–11; लुका 19:28–40)

12दोसरा हिला अगम होड़कु जे पसका परब रे वेज् दोहोलेनाकु, नोआँ अयुम लआकु चि ईसु जेरुसलेम रे वेजो गोनय। 13#सिरिञ 118:25,26हिनाते हुँकू किता रआ डाँड़#12:13 किता डाँड़ जेरुसलेम रे जहुदीकु तआ जीत जोटोः आजाद रआ चिनहा हके इदी लअकु जोटोः हुँनि पइरघावी तआ उडुङ लेनाकु, जोटोः नारा लगाव लआकु, “होसाना! बढ़ियाँअय इस्राएल रेनि राजा, जे परभु रआ ञुमुन ते वेजोअय।” 14जब ईसु तआ मियड् गधा छउवा ञम लेनय; दो ईसु हुँनि तेङरे देज् यनय, जे लेका चि परमेसर रआ बचन रे ओल तना,

15 # जख 9:9 “ओय सियोन नगर रेनि मइयाँ,

अलोम बोरोयोः,

ञेलेमी अमः रेनि राजा,

गधा रेनि छउवा तेङरे दुड़ूः कोते वेजो गोनय।”

16ईसु रेनकु चेला पहिल दो नोआँ दुखमा ककु समझाव दोहोलेना, बदे जब ईसु जीवेड्-बिरीड् कोते सिरमा सेनोः लेनय दो हुँकू तआ इयाद लेना चि नोआँ दुखमा हुँनि रआ बारे ओल लआ दोहोलेना, जोटोः होड़कु हुँनि सुधा हेंका बेवहार दोहोलआकु। 17तब होड़कु गोवाही एमलआकु, जे होना बेरा लाजर सुधा दोहोलेनाकु जब ईसु मरघाट एतेन लाजर राअ् लिदियय, जोटोः गोज् लेनी मे से जीवेड्-बिरीड् लिदियय। 18हिना करने होड़कु हुँनि सुधा जुमावओ तआ वेज् दोहोलेनाकु, चितानतआचि हुँकू अयुम दोहोलआकु चि हुँनि नोआँ चमतकर काम एरञेल दोहोलअय। 19तब फरीसीकु अकु-अकु रे कथा लआकु, “सोचावेपे तो सही चि आपे रआ दो मियड् हों चलती कोनाआँ। ञेलेपे, गोटे दुनियाँ हुँनि रआ तयोम रे यनाकु।”

गैर-जहुदीकु ईसु ञम यति दोहोनाकु

20जे होड़ होना पसका परब रे अराधनय तआ वेज् दोहोलेनाकु, हुँकू मे से थोड़ेः एकेन गैर-जहुदीकु दोहोलेना। 21हुँकू गलील परदेस रआ बयतसयदा रे दोहोन अवला फिलिपुस एडे वेज् कोते गोहराव लेनाकु, “हाजुर, आले ईसु सुधा जुमावोः तआ अराव तनाले।” 22फिलिपुस वेज् कोते अन्द्रियास एडे कथालअय, तब अन्द्रियास जोटोः फिलिपुस सेन कोते ईसु एडे कथा लआकिन। 23ईसु हुकिन कथावा लिड्किनय, “होना बेरा वेज्‌कना चि परमेसर मनवाँ होपोन रआ महिमा होयावओ। 24इञः अबन एडे सनारी कथा यतेअइञ चि जबरे गोहोम रआ दना ओत रे ञुर कोते का गोजोआ तब रे एसकार ते दोहोना, बकिन जब गोजोआ दो अगम दना अगुयाय। 25#मती 10:39; 16:25; मर 8:35; लुका 9:24; 17:33जे अपन जीवि दुलाराय, हुँनि होनय अदेआ; जोटोः जे नोआँ दुनियाँ रे अपन जीवि काय दुलारे, हुँनि का अन्तोः अवला जीवन तआ होना सुरछित दोहोयय। 26अगर ओके इञः रआय सेवाया, दो इञः रआ तयोम रे वेजोः, जोटोः जे एडे इञः इदानआँ, हेनेन रे इञः रेनि धँगड़ हों दोहोनय। अगर ओके इञः रआ सेवाअय, दो इञः रेनि बबा हुँनि इजातियय।”

ईसु अपन गोजोः रआ बारे इसारा

27“अब इञः रआ जीवि अक-बकावओना। हिनाते अब इञः चितानाइञ कथाया? ‘ओय बबा, इञः नोआँ बेरा एतेन बंचावेञमी’ बदे इञः निआँ तआ ही, नोआँ बेरा तअइञ वेज्‌तना। 28ओय बबा, अमः ञुमुन रआ महिमा एमेमी।” हिमेन रे सिरमा एतेन सबद अयुमलेना, “इञः होना महिमा ओवा तड्अइञ, जोटोः इञः होना रआ महिमा याइञ।” 29तब जे होड़ तींगु कोते आ-अयुमयान दोहोनाकु हुँकू मे से थोड़ेः एकेन कथा लआकु चि रिमिल हदुड़ लआ। थोड़ेः एकेन होड़कु कथा लआ, “मियड् सिरमा दुत हुँनि सुधा दुखमा लेनय।” 30ईसु कथारुवड़ लअय, “नोआँ सबद इञः तआ कोवन, बदे आपे तआ वेज्‌तना। 31अब नोआँ दुनियाँ रआ नेयय होयावओ, अब नोआँ दुनियाँ रेनि हकिम उडुङ एंडाया। 32जोटोः इञः अगर ओत एतेन तेङ अलगाविञा दो गोटे अपन पड़ाइञ ओरकुआ।” 33नोंका कथा केते हुँनि नोअय बतलाव केदा, चि हुँनि चिलकान मरखी ते गोजोअय। 34#सिरिञ 110:4; जसा 9:7; हेज 37:25; दानि 7:14नोआँ रे होड़कु हुँनि कथावा लआकु, “आले नियम रआ नोआँ दुखमा ले पढ़ावतना, चि मसी गोटा हिला दोहोनय, फिन आपे चितानापे कथाया, चि मनवाँ होपोन तेञ रे रकाबी दरकार इदानआँ? नुई मनवाँ होपोन ओके हके?” 35ईसु हुँकू एडे कथालअय, “मरसाल अब थोड़ेक डिरी हमाः आपे रआ तला रे इदानआँ। जबरे सेन इञोःपे तब रे मरसाल आपे सुधा इदानआँ, नोंका अलो होयावकोः चि ञोता आपे एडे वेज् कोते घेरावपे; जे ञोता रे सेनेअय हुँनि काय ठुवाया चि ओका सेनोगोनाय। 36जब मरसाल आपे सुधा इदानआँ, मरसाल रे सारीयोपे ताकि आपे मरसाल रेनपे होपोन बनावोपे।”

जहुदीकु रआ का सारीयोः

नोआँ दुखमा कथा केते ईसु सेनोःयनय, जोटोः हुँकू ठँव एतेन दनाँग यनय। 37ईसु हुँकू रआ ठँव रे एतना चमतकर एरञेल लअय, सेकरो रे हुँकू हुँनि तेङ रे ककु सारी लेना, 38#जसा 53:1ताकि परमेसर पड़ा एतेन दुखमाय अवला जसायाह रआ नोआँ बचन पुरायोः, “ओय परभु, अबुन रआ खभार रे ओके सारीतनय? जोटोः परभु रआ सकती ओके एडे दिसतार तना?” 39हिना चलते हुँकू ककु सारी बेजालेना, चितानतआचि जसायाह रआ किताब रे एटाः बचन नोआँ हों कथा दोहोलअय

40 # जसा 6:10 “हुँनि हुँकू रआ मेड् अन्धरा केदय,

जोटोः हुँकू रआ मन कठोर केदय;

कहीं नोंका अलो होयावकोः चि हुँकू अपन मेड् तिकु ञेले जोटोः समझावओ,

जोटोः इञः पड़ा वेजोः,

जेकर ते इञः हुँनिञ नपायकी।”

41जसायाह नोआँ हिनाते कथा दोहोलअय, चि हुँनि रआ बड़ाइ ञेल दोहोलअय, जोटोः हुँनि रआ बारे रे अगामजानी दोहोलअय। 42सेकरो रे अगम जहुदी नेताकु मे से हुँनि एडे सारी लेनाकु, बदे फरीसीकु रआ बोर ते दिसतार रुप रे ककु अपनावयती दोहोना, कहीं नोंका अलो होयावकोः चि बिनती ओड़ाः एतेन एर उडुङकोः 43चितानतआचि मनवाँकु रआ बड़ाइ, हुँकू तआ परमेसर रआ बड़ाइ एतेन बगरा दुलारा सचायोन दोहोना।

ईसु रआ बचन ते दुनियाँ रआ नेयय

44ईसु हकाव केते कथालअय, “जे इञः एडे सारीयोओय, हुँनि इञः एडे कोवन बदे इञः बिदा-ई एडे सारीयोओय। 45जोटोः जे इञः ञेलेञय, हुँनि इञः बिदा-ई ञेलाय। 46इञः दुनियाँ रे मरसाल पड़ी कोते वेज् तनाइञ, ताकि जे ओके इञः एडे काय सारीयोः हुँनि ञोता रे अलोय बनाल दोहोकोः। 47अगर ओके इञः रआ दुखमा अयुम केते काय सेने, दो इञः हुँनि दुसी कइञ ठहराविया; चितानतआचि दुनियाँ नेयय तआ इञः कइञ वेज्‌तना, बदे दुनियाँ रेनकु होड़ पाप एतेन बंचाव तअइञ वेज्‌तना। 48जे इञः काय जुवाबिञा जोटोः इञः रआ दुखमा काय मनावेए, हुँनि दोसी ठहराव अवला दो मियड् इदानियाँ, मनेकी जे बचन इञः कथा तड्अइञ, हेनेना अखरी हिला हुँनि दोसी ठहराव वियय। 49चितानतआचि इञः अपन पड़ा एतेन चिताना कइञ कथा तड्आ; बदे बबा जे इञःअय बिदा तड्आ, हिनी ही इञः हुकुम ओवा तदिञाय चि चितानाइञ चिलकाआ जोटोः चितानाइञ मेनगिआ? 50इञः ठुवावनञ चि हुँनि रआ हुकुम का अन्तोः अवला जीवन हके, हिनाते बबा इञः एडे जे कथायय, होना हेनका ही कथायाइञ।”

Currently Selected:

जोहन 12: BIX

Highlight

Copy

Compare