लुका 10

बहड्तार गोट चेलाकुइ बिदा लआ

1हिना तयोम परभु बहाड्तर गोट होड़कुइ रींबड़ लआ, जोटोः जे-जे सहर जोटोः डीही रे सेन अवलाकु दोहोना होंडे बबारहोड़ केते अनेज् एतेन पहिल हुँकूइ बिदा लिड्कुआ। 2#मती 9:37,38ईसु अनेज् चेलाकुइ कथावा लआ, “खेती दो अगम पकराव लेना इदानआँ बकिन इरोः अवला बन्हियारकु थोड़ेः केनाकु। हिना तआ खेत रेनि मुवार एतेन आरजीपे चि हुँनि अपन रआ खेती ईर तआ बन्हियार बिदाकु। 3#मती 10:16ञेलेपे, इञः अपे भेडी लेका हुन्डरा रआ तलारे बिदायतपेअञ। 4हिनाते न बटु, न थइलाः, न खड़पा इदीके; जोटोः न होरा रे ओके जोहारवाइ। 5जे ओड़ाः रे बोलो योओपे, पहिल कथायपे, ‘नोआँ ओड़ाः रे सांति ञमोः।’ 6जोटोः होंडे ओकेकुन सांति रआ लाइक इदानियाँ दो हुँनि एडे सांति ठहरावओ, कोवन दो आपे एडे रुवाड़ एंडायोओ। 7#1 कोरि 9:14; 1 तीमु 5:18हेनेन ओड़ाः रे दोहोनपे, हेनते चितानहों हुँकू एतेन ञमोः हिना जोमे-ञूवेपे, चितानतआचि बन्हियारकु तआ बनी ञमोः चही, ओड़ाः ओड़ाः अलोपे चुवेरकोः। 8जे सहर रे सेनपे, होंडे रेनकु होड़ आपेकु जुवाबपे दो जे ओवा पेआकु हीनापे जोम, 9होंडे रीनकु जंडिरा लेनकु नपायकुपे, हेनते हुँकू कथावाकुपे, ‘परमेसर रआ राइज आपे ठँव रे वेज्‌कना।’ 10#बि.काम 13:51बकिन जोन सहार रे सेनापे होंडेनकु होड़ आपे ककु जुवाब यातपे दो होंडे रआ गली रे सेन कोते कथायपे, 11#मती 10:7–14; मर 6:8–11; लुका 9:3–5‘आले जँगा रे जपाः लेना आपे सहर रआ धुड़ी, आपे रआ ठाँव रे चेताव केतेर ले झड़ाव यतेआ। बकिन ठुवायपे चि परमेसर रआ राइज आपे रआ ठँव रे वेज्‌कना!’ 12#अँगन 19:24–28; मती 11:24; मती 10:15इञः आपे सुधा कथा यतेअइञ चि नेयय हिला होना सहर रआ दसा एतेन सोदोम रीनकु होड़कु रआ दसा कहीं ढेर बुरा होयावओ!

का सारीयोःकु रआ सहर

(मती 11:20–24)

13 # जसा 23:1–18; हेज 26:1—28:26; जोवे 3:4–8; आमो 1:9,10; जख 9:2–4 “हय खुराजीन रेनकु होड़; हय बयतसयदा रेनकु होड़! जे सकती रआ काम अमः तआ कराव लअय, अगर होना सुर जोटोः सयदा रे कराव लेड् दो, हुँकू न जने ओका घनी एतेन सोकित गेन्दराः उयू कोते, ओब् रे दुड़ूः कोते मन रुवाड़ केदाअकु अने! 14बकिन नेयय हिला अमः रआ दसा एतेन सुर जोटोः सयदा रआ बेसते सहावे लाइक होयावओ। 15#जसा 14:13–15ओय कफरनहूम रेनकु होड़! चिताना आपे नोंका सोचाव यतेआपे चि सिरमा हमिज् अलगाव पेआ? कोवन, आपे पताल रे गिडी एंडा पेआ।”

16 # मती 10:40; मर 9:37; लुका 9:48; जोह 13:20 “ईसु अनेज् चेलाकुइ कथावा लआ, अमः रआ अयुमाकु, हुँकू इञः रआकु अयुमा; जोटोः जे अमाःकु घीनावाँ हुँकू इञः घीनावाँकु, जोटोः जे इञः घीनावाँकु हुँकू इञः बिदा-ई घीनावाँकु।”

बहड्तार चेलाकु रआ रुवाड़ोः

17हुँकू बहाड्तर चेलाकु खुस कोतेकु रुवाड़ना हेनते ईसु एडे कथालअय; “ओय परभु अमः रआ ञुमुन ते मुवाँ आतमा हों ञीरेअय।”

18ईसु चेलाकुइ कथावा लआ, “इञः दो बिजली लेका सिरमा एतेन सयतान ञुरोअञ ञेल यन दोहोना। 19#सिरिञ 91:13अयुमेपे, इञः आपे बिञ हेनते कटकोम कीदीञकु तीका तआ जोटोः बयरी रआ गोटा सकती रे हरावे तआ हाक एमतड्अञ् जोटोः चितान तेहों आपे तआ हानि एरो होयावना। 20तीउ रे हों अलोपे खुसोः चि आपे मुवाँ आतमा कुपे उडुङ यना, बकिन नोआँ रे खुस दोहोनपे चि आपे रआ ञुमुन सिरमा रे ओल तड्आ।”

ईसु रआ खुसीयोः

(मती 11:25–27; 13:16–17)

21हेनेन घनी ईसु पबितर आतमा रे पेरेज् कोते खुसी नाय जोटोः कथालअय, “ओय बबा, सिरमा जोटोः ओत रेनि परभु! इञः अमः रआ महिमा यतेअइञ, चितानतआचि अमः नोआँ गोटा दुखमा गेयानीकु जोटोः समझदारकु एतेन उकु केते सेंगोज्‌कु एडे दिसतार तड्अम। आँ, ओय बबा, निआँ ही अमः तआ अछा सचालेना।”

22 # जोह 3:35; जोह 10:15 “इञः रेनि बबा दो इञः गोटय जिमावा तदिया; हेनते ओके हों ककु ठुवावना चि होपोन ओके हके, सिरीप बबा, जोटोः होपोन बयकेते ओके हों ककु ठुवावना चि बबा ओके हके सिरीप होपोन, जोटोः हुँनि जेकर एडे होपोन ते हुँनि दिसतारी अरावओय।”

23तब चेलाकु पड़ा घुमराव कोते एसकार रे कथालअय, “आपे धन्य इदानपेआ चि आपे नोआँ गोटा दुखमा ञे-ञेल तआ अछा मोका ञमना। 24चितानतआचि इञः आपे सनारीञ कथावा यतपेआ, जे दुखमा आपे ञेल यतेअपे होना ञे-ञेल तआ अगम परमेसर पड़ा एतेन दुखमाय अवलाकु जोटोः राजाकु चहावओन दोहोनाकु, बकिन हुँकू ककु ञेल बेजालआ, जे दुखमा आपे अयुम यतेअपे हुँकू होना अयुमे चहावओन दोहोनाकु बकिन ककु अयुम बेजालआ।”

बेस समरी रआ हुडिञ गाम

25 # मती 22:35–40; मर 12:28–34 मियड् धरम पोथी सि-सिखावी बिरीड्नय हेनते ईसु परखावी तआ हुँनि सोधाव लिदियय, “ओय गुरु का अन्तोः अवला जीवन ञम तआ इञः चितानाइञ चिलकाआ?”

26ईसु हुँनिए कथावा लआ, “मुसा रआ नियम रे चिताना ओल तड्आ? अमः चितानम समझावना?”

27 # नियम 6:5; लेबी 19:18 हुँनि उतारा एम लअय, “‘अमः परभु अपन परमेसर सुधा पुरा हिरदाय जोटोः पुरा जीवि जोटोः अपन पुरा सवाँङ जोटोः अपन पुरा मन जोटोः डीही रेनकु तुली अपन समान दुलारेमी।’”

28 # लेबी 18:5 ईसु हुँनिए कथावा लआ, “अमः ठीक मी उतारा लआ, नेंकय मी रेदो जीवेड् मी दोहोना।”

29बकिन हुँनि अपन अप धरमी ठाहरावओ तआ ईसु सोधाव लअय, “दो डीही रेनकु ओके हके?”

30ईसु उतारा लअय, “मियड् होड़ जेरुसलेम एतेन जरीहो सेनोः गोन दोहोनय दो डकाइतकु घेराव केते हुँनि रआ गेन्दराः छटकाव एंडा लआकु, जोटोः सामान रेज् लआकु हेनते दरमरा केते बयअटु लिदियाकु। 31जोटोः नोंका लेना चि हेनेन लेका होना होरा ते मियड् पुरोहित सेनो गोन दोहोनय, हेनते हुँनि ञेल केते करगाव परोम यनाय। 32हेनेन लेका बिनती ओड़ाः रेनि #10:32 लेवी- सेंड़ा बिनती ओड़ाः रे सेवा-सुसारे अवला होड़लेवी होना ठँव रे वेज्‌नय, हुँनि हों करगाव कनते परोम सेनोः यनय। 33#2 इति 28:15सामरिया रे दोहोन अवला होड़ होरा ते सेनो गोन दोहोनय; बकिन हुँनि ञेल केते सोगव यनाय। 34समरी हुँनि ठँव रे वेज् कोते हुँनि रआ घव रे सुनुम जोटोः अँगुर रास लगाव केते पटी तोल लअय, हेनते अनेज् रेनि जनावर तेङ रे रकब् केते धरमसला रे इदी लिदियाय, तब हुँनि सेवा लिदियाय। 35दुसरा हिला हुँनि बरिया चंदी रआ ठड़रा पइसा उडुङ केते धरमसला रेनि मलीक ओवा लअय, हेनते कथालअय, ‘नुई सेवाय मी, जोटोः जे लगावओ, होना गोटा रुवाड़ोः घनी ओवा मिअइञ।’”

36ईसु हुँनि सोधव लअय, “अमः रआ समझावओ रे जे डकाइतकु रे एर घेराव लेनी होड़ रेनि डीही रेनकु, हुँकू पेने मे से ओके लेनय?”

37धरम पोथी ठुवा-ई कथालअय, “जे हुँनि तेङ रे माया लेनय हुँनि।”

ईसु हुँनि कथावा लअय, “जू अमः हों हेंकायमी।”

मरथा जोटोः मरियम रआ ओड़ाः रे ईसु

38 # जोह 11:1 जब ईसु जोटोः हुँनि रेनकु चेला सेनोः गोन दोहोनकु दो मियड् डीही रे सेनलेनय, जोटोः मरथा ञुमुन मियड् लंञी हुँनि जुवाब लिदियाय हेनते अनेज् ओड़ाः रे इदी लिदियाय। 39मरियम ञुमुन हुँनि रेनि मियड् कुड़ी बोकोते दोहोलेना। हुँनि परभु रआ जँगा ठँव रे दुड़ूः कोते हुँनि रआ बचन अयुम यान दोहोनय। 40बकिन मरथा दो सेवा-सुसार करावेते घबराव यनाय, हेनते ईसु ठँव रे वेज् कनते कथालअय, “ओय परभु तना अमः तआ चितान फिकीर हों कोनाआँ चि इञः रेनि कुड़ी बोकोञ से-सेवा तआ एसकार ते बाय कीदिञाय? हिना तआ मुनी कथा वायमी चि इञः रआय मदाइते।”

41परभु हुँनिए कथा रुवड़वा लअय, “मरथा, ओय मरथा; अमः अगम दुखमा तआ फिकीर तानाम हेनते घबराव तानाम, 42बकिन मियड् दुखमा सनारीआ, हिना बढ़ियाँ हिसा ही मरियम दो रींबड़ केदय जे हुँनि एतेन एरो रेज् लेना।”

Currently Selected:

लुका 10: BIX

Highlight

Copy

Compare