लुका 9
9
बराह गोट चेलाकुइ बिदा लआ
(मती 10:5–15; मरकुस 6:7–13)
1ईसु फिन बरहो झन राअ् लिड्कुअय हेनते हुँकू गोटे मुवाँ आतमा जोटोः जंडिरा लेनकु नपाय तआ सकती जोटोः हाक एम लअय। 2जोटोः ईसु हुँकू परमेसर रआ राइज रआ बढ़ियाँ दुखमा परचारे तआ हेनते जंडिरा लिनकु नपायकु तआ बहरा बिदा लिड्कुअय, 3ईसु हुँकूइ कथावा लआ, “होरा ते तआ चिताना हों अलोपे इदीके, न दो हपा, न दो थइलाः, न रुटी, न टका, न झुला लेना एतेन जोटोः एटाआ। 4आपे जे ओड़ाः रे जुवाब पेआकु हेनेना ओड़ाः रे दोहोनपे जबरे होना डीही एतेन कपे सेनोआँ; 5#बि.काम 13:51#लुका 10:4–11जे एडे ओके हों आपे ककु जुवाब यतपे होन्डे अलोपे दोहोकोः जोटोः होंडे रेनकु होड़ चेताव तआ अपन तरवा रआ धुड़ी झड़ावेपे, ताकि हुँकू तआ गोवाही पड़ियोः।”
6हेनते चेलाकु उडुङनकु जोटोः डीही-डीही बढ़ियाँ दुखमा अयुमवा लिड्कअकु, जोटोः गोटाते होड़कु-कू नपाय लआ।
हेरोद रआ घबराव
7 #
मती 16:14; मर 8:28; लुका 9:19 जोटोः गलील रेनि राजपाल हेरोद नोआँ गोटा दुखमा अयुम केते अकबकाव यनाय, चितानतआचि थोड़ेः एकेनकु कथा लआ चि बतिसमा एम अवला जोहन गोज् कोते जीवेड्-बिरीड् तनय। 8जोटोः थोड़ेः एकेन होड़कु कथा लआ एलियाह दिसतार तना, जोटोःकु कथा लआ अँगन रीनकु परमेसर पड़ा एतेन दुखमाय अवला होड़ मे से ओकेकुन जीवेड्-बिरीड् तना। 9हेनते हेरोद कथा लआ, “जोहन रआ दो बोहोः एर खंडा दोहोलअय, नुई ओके हके जेकर बारे नहाः दुखमाइञ अयुमयना?” जोटोः ईसु ञेल तअय अरावना।
अगम होड़कुइ खियाव लआ
(मती 14:13–21; मरकुस 6:30–44; जोहन 6:1–14)
10फिन बिदा लिड्कु चेला रुवाड़ कनते जे काम दोहोलआकु ईसु बतलाववा लेदियाकु; हेनते ईसु हुँकू छीनगाव केते बयतसयदा सहर एटाः रे एसकार सुनसन ठँव रे सेनोः यनाकु। 11हेनते होड़कु नोआँ दुखमाकु ठुवा केदा जोटोः हुँकू हों हुँनि तयोम सेनोः यानाकु। जोटोः हुँकू सुधा परमेसर रआ राइज रआय बतलाव लआ। जोटोः जे नपाय योःकु चहावओन दोहोना हुँकूइ नपाय लआ।
12हेनते बोंगा हसुरोओन दोहोना दो बरहो चेलाकु हुँनि ठँवरे वेज् कोते कथा लआकु, “होड़कु बिदाकुमी चि अस पस रआ डीही जोटोः बस्ती रे दोहोन तआ हेनते मंडी रआकु उपाय-पतारेए। चितानतआचि अबुन गोटे सुनसन ठाँव रे इदानबुना।”
13ईसु हुँकू कथा रुवाड़वा लअय, “आपे ही मुकू तआ जो-जोम तआ ओवाकुपे।”
हुँकू कथा लआकु, “आले एडे पाँच गोट रुटी हेनते बरिया हकु बाय केते चितानहों कोनाआँ; बकिन आँ, अगर आले सेन कोते नुकु गोटे होड़ तआ मंडी किरिञ अगुयले दो होयावओ।” 14होंडे लगे-भगे पाँच हजार सिरिप मरदनाकु रआ लेखा दोहोलेना।
हेनते ईसु अनेज् चेलाकुइ कथावा लआ, “हुँकू पचास-पचास केते गेतेर-गेतेर दुड़ूः कुपे।”
15जोटोः हुँकू हेनका लआकु जोटोः गोटेकु दुड़ूः लिड्कुआ, 16हेनते ईसु होना पाँच रुटी जोटोः बरिया हकु कोय लअय, हेनते सिरमा पड़ा संगील केते धनियाबाद लअय तब केचाः-केचाः ते चेलाकुइ ओवाया लआ चि होंकु कु ओवाया। 17हेनते गोटे जोम कोते बी यनाकु, जोटोः बंचावना टुकरा मे से चेलाकु बराह खचली पेरेज् केते अलगाव लआकु।
ईसु ही मसी हके जे ब-बंचावी हके
(मती 16:13–20; मरकुस 8:27–30)
18ईसु एसकार ते बिनतीयोओन दोहोनय जोटोः चेलाकु हुँनि सुधाकु वेज्ना, “दो ईसु हुँकूइ सोधाव लआ, होड़कु इञः रआ बारे चितानकु मेन वइञा चि इञः ओके हके?”
19 #
मती 14:1,2; मर 6:14,15; लुका 9:7,8 हुँकू उतारा लआ, “जोहन बतिसमा एमी, जोटोः ओके-ओके एलियाह, जोटोः ओके दो अँगन रेनि परमेसर पड़ा एतेन दुखमाय अवला पबितर होड़ मे से ओकेकुन जीवेड्-बिरीड् तना नोंकाकु मनावओ।”
20 #
जोह 6:68,69 “बकिन आपे इञः चितानपे मेन वइञा चि इञः ओके हके?”
पतरस कथा रुवड़वा लअय, “अमः मसी हके जे परमेसर पड़ा एतेन बिदा लेदी आले बंचावी हके।”
अपन गोजोः रआ बारे ईसु रआ अगामजानी
(मती 16:20–28; मरकुस 8:31—9:1)
21ईसु अनेज् चेलाकु चेताव केते कथावा लिड्कुअय चि नोआँ ओके एडे हों अलोपे बतलावके। 22फिन ईसु अनेज् चेलाकु एडे कथालअय, “मनवाँ होपोन तआ सनारीआ चि हुँनि अगम दुख सहावेए हेनते मुध होड़, जोटोः मुध पुरोहित जोटोः धरम पोथी सि-सिखावकु हुँनि बेकमा समझाव कोते हुमाः गोजेयकु, जोटोः हुँनि पे रोज रे जीवेड्-बिरीड् दोओय।”
23 #
मती 10:38; लुका 14:27 “ईसु गोटे एडे कथालअय अगर ओके इञः तयोम वेजोः अराओय, दो अपन अप हवाँव केते रोज हिला दुख रुपी कुरुस अलगाव केते इञः तयोम रे वेजोः। 24#मती 10:39; लुका 17:33; जोह 12:25चितानतआचि जे अपन जीवि बंचावेकु अरावओ हुँकू होनाकु अदेआ, बकिन जे इञः तआ अपन जीविकु गवाँवेए हींकु होनाकु बंचावेए। 25अगर होड़कु गोटा दुनियाँ कु ञमें हेनते अपन आतमा गवाँव केते नास एंडायकु दो हुँकू तआ चितान फयदा होयावओ! 26जे ओके हों इञः जोटोः इञः रआ बढ़ियाँ दुखमा रे लजोअय, मनवाँ होपोन हों, अनेज् हेनते अनेज् बबा रआ जोटोः पबितर सिरमा दुतकु रआ बड़ाइ सहित वेजोअय, दो हुँकू सुधा लजोआय। 27इञः आपे सनारीञ कथावा यतपेआ, चि नेंडेकु तींगु तना हुँकू मे से थोड़ेः एकेन नोंका अकु चि जबरे परमेसर रआ राइज ककु ञेले, तब रे एरोकु गोज् लेना।”
ईसु रआ भेंस बदलावना
(मती 17:1–8; मरकुस 9:2–8)
28नोआँ दुखमा रआ मी हपता तयोम ईसु पतरस, जोहन जोटोः जाकुब संघे इदी केते बिनतीयोः तआ पहार रेकु सेनलेना। 29हेनते बिनती ही याते दोहोनाकु दो हुँनि रआ मेंड् अहा रआ भेंस बदलाव यना, जोटोः हुँनि रआ गेंदराः पुंडी कोते लवकव लेना। 30जोटोः हुकिन बरिया मुसा हेनते एलियाह, ईसु सुधाकीन दुखमायोन दोहोना, 31हुकिन सिरमा रे बड़ाइ सहित ञेल लेना, जोटोः ईसु रआ गोजोः रआ बारे किन दुखमा दोहोना जे जेरुसलेम रे पुरायोः रआ दोहोना। 32पतरस जोटोः हुँनि रेनकिन गति ञीन्द लहा ते दुड़ुम दोहोनाकु, हेनते फटिक लेनाकु दो ईसु रआ बड़ाइ रे हुकिन, जे हुँनि सुधाकीन तींगु दोहोना ञेल लिदियाकिन। 33हुँकू ईसु ठँव एतेनकु सेनो गोन दोहोना, दो पतरस ईसु कथावा लअय, “ओय मलीक इञः रआ नोंडे दोहोन बढ़ियाँआ हिनाते इञः पेया तम्बु बनावेअञ, मियड् अमः तआ, मियड् मुसा तआ, जोटोः मियड् एलियाह तआ।” हुँनि काय ठुवायते दोहोना चि चितानय मेनयते दोहोना।
34हुँनि नोंका कथायते दोहोनय दो मियड् रीमील वेज् कनते हुँनि डबना कीदियय, हेनते हुँकू होना रीमील रेकु एर उमुल यना दो बोरो यनाकु। 35#जसा 42:1; मती 3:17; 12:18; मर 1:11; लुका 3:22#2 पत 1:17,18हेनते होना रीमील एतेन नोंका घोल अयुमना, “नुई इञः रींबड़ लिदी दुलार होपोन हके निई रआ पे अयुम।”
36नोंका घोल अयुमलेना दो ईसु एसकार तिकु ञम लिदिया जोटोः हुँकू मटियाव यनाकु, जोटोः जे ञेल लआकु होना दुखमा, होना हिला ओके एडे हों ककु कथा लआ।
मुवाँ आतमा एतेन सेंगोःज् नपाय लेना
(मती 17:14–18; मरकुस 9:14–27)
37दोसरा हीला ईसु जोटोः पेया चेलाकु पहार एतेन अड़गु लेनाकू दो थइया होड़कु वेज् जुटावनकु। 38जोटोः थइया मे से मियड् होड़ हकाव केते कथालअय, “ओय गुरु इञः अमः एडे आरजी योनाइञ चि इञः रेनि होपोनीञ एडे मया योमी चितानतआचि इञः रेनि एसकारी होपोनिञ हके! 39जोटोः ञेलेमी मुवाँ आतमा हुँनि सबीयय दो अचाका हकाव बिरीदोओय, जोटोः अँइठाव केते पटकावियय जोटोः अहा एतेन बोटोयाय; हेनते अगम डिरी रे बयेयाय! 40इञः अमः रीनकु चेलाकु एडेञ आरजी लेना चि मुवाँ आतमाकु उडुङी, बकिन ककु उडुङ बोजा लिदिया।”
41ईसु कथालअय, “ओय भटकाव लेनकु जोटोः का सरीयोः होड़ इञः आपे सुधा उकेनाइञ दोहोना हेनते आपे रआञ सहावा। जोटोः ईसु कोड़ा रेनि अपाते कथावा लअय अमः रेनि होपोनमी नोंडे अगुइमी।”
42अगु यती दोहोनय घनी चि मुवाँ आतमा हुँनि अँइठाव केते पटकाव लिदियय, हेनते ईसु छुत आतमाय डपटाव लआ हेनते कोड़ा सेंगोज् नपाय केते हुँनि रेनि अपाते जिमावा लअय। 43हेनते गोटे होड़ परमेसर रआ महासकती ञेल केते छकरीत यनाकु।
ईसु अनेज् गोजोः रआ बारे दोबारा कथालअय
(मती 17:22,23; मरकुस 9:30–32)
जब होड़कु ईसु रआ गोटा कम रेकु छकरीतोओन दोहोना दो अनेज् चेलाकुइ कथावा लआ। 44“आपे इञः रआ दुखमा ओइहारेपे, चितानतआचि मनवाँ होपोन मनवाँकु रआ अती रे एर सबोः अवलाया।” 45बकिन हुँकू नोआँ दुखमा ककु समझावलेना। नोआँ रआ माने हुँकू एतेन उकुयना हिनाते हुँकू नोआँ ककु समझाव बोजायोन दोहोना। जोटोः हुँकू नोआँ दुखमा रआ बारे हुँनि सोधव तआकु बोरोयोन दोहोना।
गोटे एतेन सेंड़ा ओके
(मती 18:1–5; मरकुस 9:33–37)
46 #
लुका 22:24
मिसा नोंका लेना ईसु रीनकु चेलाकु रे झमेला होयावना चि, अबुन मे से सेंड़ा ओके हके। 47दो ईसु हुँकू रआ मन रआ बिचार ठुवा केदय, हेनते मियड् सेंगोज् राअ् केते अनेज् ठँव रे तींगु लिदियाय, 48#मती 10:40; लुका 10:16; जोह 13:20हेनते ईसु चेलाकुइ कथावा लआ, “जे ओके हों इञः ञुमुन ते नुई सेंगोज् जुवाबियाकु, हुँकू इञः जुवाबिञाकु, जोटोः इञः जुवाबिञाकु, हुँकू इञः बिदा-ई परमेसर जुवाबियाकु, चितानतआचि आपे रे जे गोटे एतेन होडिञय, हुँनि सेंड़ाअँय।”
जे आपे बिरोद रे कुनीकुआ, हुँकू आपे पड़ाअकु
(मरकुस 9:38–40)
49जोहन ईसु एडे कथालअय, “ओय मालिक इञः अमः रआ ञुमुन ते मुवाँ आतमा उडुँङिञ ञेल लिदिया जोटोः इञः हुँनिञ बरजाव लिदिया, चितानतआचि हुँनि अबुन तुली काय सेनेआ।”
50ईसु हुँनिए कथावा लअय, “हुँनि अलोम बरजावी; चितानतआचि जे आपे रआ बिरोद रे कुनीकुआ हुँकू आपे पड़ाअकु।”
समरिकु ईसु ककु जुवाब लिदिया
51अब नोंका लेना ईसु सिरमा सेनोः रआ बेरा वेज् न दो हुँनि जेरुसलेम सेन तआ बिचार केते सेनलअय। 52हुँनि अनेज् एतेन पहिल खभाइर एम अवला कुइ विदा लआ हुँकू मियड् सामरिया डीही रीकु सेनलेना चि ईसु तआ ठँव तेयारेपे। 53बकिन हुँनि समरिया रेनकु होड़कु ककु एर परोमवा लिदिया चितानतआचि जेरुसलेम सेनो गोन दोहोनय। 54#2 राजा 1:9–16होना ञेल केते हुँनि रेनकिन चेला जाकुब हेनते जोहन कथा लआकिन, “ओय परभु चिताना अमः चहावओम चि, अलिङ हुकुम लिङ एमा चि आकास एतेन सेंगेल ञुर कोते हुँकू भसाम एंडायोओकु?”
55हेनते ईसु घुमराव कनते हुकिनय डपटाव लआ #9:55 नोआँ जे दुखमा ईसु कथा तड्अय मारी बाही रे कोनाआँ हेनते कथालअय, “अबन ठुवायतेआ चि अबन चिलकान आतमा अवला हके। चितानतआचि मनवाँ होपोन होड़कु रआ जीवि नास एंडाय तआ कोवन बकिन बंचावे तअय वेज्तना।” 56जोटोः हुँकू एटाः डीही रेकु सेनोःयना।
ईसु रेनकु चेला बनाव तआ मुल्य
57चेलाकु जोटोः ईसु होरा ते सेनो गोन दोहोनाकु दो ओकेकुन ईसु एडे कथालअय, “जे-जे एडे अमः सेनाम, होंडे इञः हों अमः रआ तयोम-तयोम सेनाइञ।”
58ईसु हुँनिए कथावा लअय, “बुवाःकु तआ अपन लोपाः इदानआँ जोटोः आकास रेनकु ओड़े रआ हों अपन तुका इदानआँ, बकिन मनवाँ होपोन तआ जँगा तीका तआ ठँव हों कोनाआँ।”
59ईसु एटाः-ई एडे कथालअय, “इञः तयोम रे एला।”
हेनते हुँनि होड़ कथालअय, “ओय परभु! पहिल दो सेन कोते इञः बबातीञ इकाएर हार वाइञमी।”
60ईसु हुँनि कथावा लअय, “गोज् लिनि अपन मुरदा इकाएर हार वाकुमी, बकिन अमः सेन कोते परमेसर राइज रआ परचार रेमी।”
61 #
1 राजा 19:20
फिन जोटोः मिहोंड़ कथा लआ, “ओय परभु इञः अमः तयोमइञ सेनेआँ; बकिन पहिल इकाएर सेनवइञ चि अपन ओड़ाः रेनकु एतेन विदा अँगावेअइञ।”
62ईसु हुँनिए कथावा लआ, “ओके हों जे अपन अती चइन्दला तेङ रे ओता केते तयोम पड़ाकु ञेलेआ, हुँकू परमेसर रआ राइज लाइक कुनीकुआ।”
Currently Selected:
लुका 9: BIX
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
