मरकुस 12

मरखाहा गिरहातकु रआ हुडिञ गाम

(मती 21:33–46; लुका 20:9–19)

1 # जसा 5:1,2 ईसु हुँकू सुधा हुडिञ गाम रे दुखमा लअय, “मियड् होड़ बिठा रे अँगुर बीड् लअय, जोटोः गोटा पड़ा घोरान लअय, जोटोः रास दोहो तआ कुंड एर बनाव लअय, जोटोः मचा हों एर बनाव लअय, जोटोः हुँनि गिरहातकु बंधिक ओवा केते एटाः देस रे सेनोःलेनाय। 2जोओ बेरा फिन हुँनि गिरहातकु एतेन बिठा रआ अँगुर अनेज् हिंसा अँगाव तआ मियड् बन्धुवा बिदालअय। 3हुँकू हुँनि हुमाः केते एखेन अती बिदागोड् लेदियाकु। 4फिन जोटोः मियड् बन्धुवा बिदा लिदियय, दो हुँनि हों बिजाइति लिदिया जोटोः बोहोः फड़ा केदाकु। 5फिन हुँनि मियड् बिदा लिदियय, हिनी हों हुमाः लिदियाकु तब अगम धंगड़कु बिदा लिड्कुअय, हुँकू मे से अधाकु हुमाः लिड्कुआ, अधाकु गोज् लिड् कुआकू। 6अब मियड् बंचाव दोहोनय जे हुँनि रेनि दुलार होपोन ते दोहोना, अखरी रे नोंका सोचाव केते अपन कोड़ा होपोन बिदालअय चि, ‘हुँकू इञः रेनि होपोन रआकु इजाते।’ 7बकिन हुँकू गिरहातकु अकु-अकु दुखमा लेनाकु, ‘नुई दो मलीक रेनि हकदार हके, एला नुई गोजेयाबुन रेदो नुई रआ अबुन तआ योओ।’ 8तब हुँनि अँगुर बिठा एतेन बहरा उडुङ केते गोज् लिदियाकु जोटोः बिठा एतेन बहरा रेकु गिडी कीदिया।”

9ईसु सोधाव लिड्कुअय, “अब बिठा मुवार चितानय चिलकाआ? वेज् कोते गिरहातकु नास एंडाकुअय, जोटोः बिठा एटाःकुइ ओवाआ। 10#सिरिञ 118:22,23चिताना आपे धरम पोथी रे कपे पढ़ावतना? चि,

“‘राज मिस्‍त्रीकु जे दीरी बेकमा केदाकु,

हिना ही कोना रआ कोर#12:10 कोना रआ कोर बनार पड़ा रआ भीत टिकाव अवला। पड़ीयोः।

11नोआँ परभु रआ काम हके,

जोटोः अबुन रआ नजाइर रे अचराज इदानआँ!’”

12जहुदी अगुवाकु ईसु सब् अरावनाकु चितानतआचि होना हुडिञ गाम ठुवा केदाकु, हुँनि नोआँ अबुन रआ बिरोद रे कथा तड्अय, बकिन होड़ एतेन बोरोयोन दोहोनाकु, जोटोः हुँनि बय केते सेनोः यनाकु।

रोम रेनि राजा तआ मलगुजारी एम

(मती 22:15–22; लुका 20:20–26)

13जहुदी अगुवाकु ईसु बझावी तआ, अधा फरीसीकु जोटोः थोड़ेः एकेन जहुदी जे हेरोद राजा देंगा अवला दोहोनाकु, ईसु अडेकु बिदा लिड्कुआ। 14वेज् कोते हुँकू हुँनि कथावा लआकु, “ओय गुरु, आले नोआँ ठुवा यतेअले चि अमः सनारीम दुखमाया, जोटोः अमः ओके हों काम बोरोवाकुआ, चितानतआचि मेड्-अहा ञेल केते होड़कु सुधा कम दुखमायोओ#12:14 मेड्-अहा ञेल केते होड़कु सुधा कम दुखमायोओ हुडिञ-बड़े काय नेलेआ, जोटोः परमेसर रआ सचा होरा मी सि-सिखावा, दो तना रोमी रेनि राजा कयसर तआ मलगुजारी एएम उचित इदानआँ चि कोवन?”

15“आले एमेअले चि कोवन?” हुँकू रआ कपट ठुवा केते, हुँनि हुँकूइ कथावा लआ, “इञः चितान तआपे बझाव यतिञा? इञः एडे मी टका रआ ठड़रा अगुइपे होनाञ ञेलेआ।”

16हुँकू मियड् ठड़रा टका अगु लआकु, हुँनि हुँकूइ कथावा लआ, “नोआँ छापा जोटोः ञुमुन ओकेरआ हके?”

हुँकू कथा लआकु रोमी रेनि राजा कयसर रआ।

17ईसु हुँकूइ कथावा लआ, “जे रोम रेनि राजा कयसर रआ हके होना रोमी रेनि राजा पे ओवा, जोटोः जे परमेसर रआ हके होना परमेसर ओवायपे।”

हिना एतेन अयुम केते छकरीत यनाकु।

फिन जिवेदोः रआ सवाल

(मती 22:23–33; लुका 20:27–40)

18 # बि.काम 23:8 सदुकीकु जे मनाववोन दोहोनाकु गोज् लेनी रआ जिवेड् बिरीदोः ही कोनाआँ, हुँकू ईसु ठँव रे वेज् कोते हुँनि सोधाव लेदियाकु। 19#नियम 25:5“ओय गुरु मुसा आले तआ ओल तड्अय चि, ‘अगर ओके रेनि दादाते, बेगर सेंगोज् होयावते गोज् यन दो, जोटोः हुँनि रेनि लंञीते दोहोयन दो, बोयहाते हुँनि रेनि लंञीते सुधाय बियाहोओ, जोटोः गोज् लेनी तआ खनदान पुरेआ।’ 20सात बोयहा दोहोलेनाकु, पहिल रेनि बेगर सेंगोज् होयवते गोज् यनाय, 21तब बोकोते, हुँनि रेनि लंञीते बियाह लिदियय, हिनी हों बेगर सेंगोज् होयवते गोज् यनाय, जोटोः तीसरा हों हेंका लअय। 22जोटोः सातो एतेन सेंगोज् ककु होयवना, तयोम ते लंञी होंय गोज् यना। 23जे हिला गोटे गोज्‌लेनकु जिवेड् बिरीदोअकु दो, ओके रेनि लंञी पड़ीयोओय? चितानतआचि सातो रेनि लंञी होयव चुकाव दोहोनय।”

24ईसु हुँकू कथा रुवाड़वा लअय, “आपे भुल रे पड़ाव तनापे? चितानतआचि आपे न धरम पोथी पे ठुवातड् जोटोः न परमेसर रआ सकती? 25चितानतआचि हुँकू जब गोज् कोते जीवेड् बिरीदोओकु दो, न मरदनाकु बियाहकोः जोटोः न लंञीकु बियाहोः तआकु एम किकु, बकिन सिरमा रे दुत लेकाकु दोहोना। 26#उठलु 3:6गोज् कोते जीवेड् बिरीदोः रआ बारे; मुसा रआ बाही रे तना आपे कपे पढ़ावतना चि झुँड़ रोंगोयोः रआ बारे ओल लआ इदानआँ। परमेसर होंडे मुसाय कथावा दोहोलआ, ‘इञः अबराहम रेनि परमेसर, इसहाक रेनि परमेसर जोटोः जाकुब रेनि परमेसर हके?’ 27आपे भुल रे पड़ाव तनापे, परमेसर गोज्‌लेनकु रेनि कोवन जीवेड्कु रेनि परमेसर हके।”

गोटा एतेन सेंड़ा हुकुम

(मती 22:34–40; लुका 10:25–28)

28नोआँ ञेल केते ईसु सदुकीकु अछा तरीका ते कथा रुवाड़वा लिड्कुअय तब मियड् धरम पोथी सि-सिखावी ईसु एडे वेज् कनते कथालअय, “गोटा एतेन मुख हुकुम चिताना हके?”

29 # नियम 6:4,5 ईसु हुँनि कथा रुवाड़वा लअय, “‘ओय इस्राएल! गोटा हुकुम एतेन नोआँ परमुख हके परभु अबुन रेनि परमेसर, परभु मियड् ठउकाअय। 30अमः, परभु अपन परमेसर सुधा, अपन गोटा दिल ते, जोटोः अपन गोटा जीवि ते, जोटोः अपन गोटा मन ते, जोटोः अपन गोटा सकती ते दुलारेमी।’ 31#लेबी 19:18एटाआ नोआँ हके, ‘अमः अपन गतिकु तुली अपन समान दुलारेमी’ नोआँ एतेन सेंड़ा चितान हुकुम हों कोनाआँ।”

32 # नियम 4:35 धरम पोथी सि-सिखवकु हुँनि कथावा लआ “ओय गुरु अगम बढ़ियाँ अमः सनारीम कथा लआ चि परमेसर मियड् ठउकाअय, जोटोः हुँनि बाय केते जोटोः ओके हों कोवन। 33#होसे 6:6जोटोः हुँनि सुधा, गोटा मन, गोटा जीवि, गोटा बुधि, जोटोः गोटा सकती रआ साथ दुलारे, जोटोः गतिकु सुधा अपन बराबाइर दुलारे, नोआँ होम बलि जोटोः गोटा रकब् लआ एतेन बइढ़ के इदानआँ।” 34#लुका 10:25–28ईसु जब हुँनि सही उतारा एम ञेल लिदियय दो हुँनि कथावा लअय, “अमः परमेसर रआ राइज एतेन संगिङ रे कुनिमीआँ।”

जोटोः ओके हो हुँनि सोधाव तआ डीड का होयवना।

मसी दाऊद रेनि खनदान हके

(मती 22:41–46; लुका 20:41–44)

35ईसु सेंड़ा बिनती ओड़ाः रआ राच रे सि-सिखाव घनी कथालअय, “धरम पोथी सि-सिखवकु चिलकाकु कथाबोजाया चि, मसी दाऊद रेनि बंसज हके? 36#सिरिञ 110:1दाऊद अनेज् ही पबितर आतमा रे पेरेज् कोते कथालअय,

“‘परभु परमेसर इञः रेनि परभु एडे कथायय,

इञः रआ जोम होरे दुड़ूःमी,

जबरे अमः रेनकु बयरी अमः रआ जँगा दुबा रे कइञ अगुकु।’

37दाऊद दो खुद ही हुँनि परभु कथावाइयय फिन दाऊद रेनि खनदान मसी चिलकय होयव कोओ?”

धरम पोथी सि-सिखवकु एतेन बंचावोः

(मती 23:1–36; लुका 20:45–47)

अगम होड़ खुसी ते हुँनि रआकु अयुम यन दोहोना। 38ईसु अपन उपनीत रे कथालअय, “धरम पोथी सि-सिखवकु एतेन चँड़चित दोहोनपे, जे जिलिङ-जिलिङ गेंदराः होड़हड् कोते दड़ाँन अछा सचाकुआ, जोटोः बाजार ते जोहार-जोहार अ-अयुमकु पसिंदेःए। 39जोटोः बिनती ओड़ाः रे मुख-मुख ठँव रे दुड़ूः, जोटोः समाजोः घनी हों मुख-मुख ठाँव चहावओकु। 40हुँकू रंडियाहीकु रआ ओड़ाः कबजा एंडायाकु, जोटोः एरञेले तआ अगम जिलिङ बिनतीयाकु, नीकु दो परमेसर एतेन अगम डन्ड ञमेअकु।”

मियड् रंडियाही रआ दान

(लुका 21:1–4)

41सेंड़ा बिनती ओड़ाः रआ राच रे दान एमेआ डीबा ठँव रे दुड़ूः कोते हुँनि ञे-ञेलयन दोहोनय चि, होड़कु सेंड़ा बिनती ओड़ाः रआ दान एमा डीबा रे चिलका ढिबवा दोहोयते अकु; जोटोः अगम मोंडोल होड़कु अगम दान लआकु। 42मियड् रंगिज् रंडियाही वेज्‌लेनय जोटोः बरिया हुडिञ ढिबवा जे मी अना रआ बरोबर दोहोना जोड़ाव लअय, 43तब हुँनि चेलाकु ठँव रे राअ् केते कथालअय, “इञः सनारी कथा यतेअइञ चि सेंड़ा बिनती ओड़ाः रआ डीबा रे जो-जोड़ाव मे से नुई रंगिज् रंडियाही गोटे एतेन बेसते जोड़ाव लअय। 44चितानतआचि गोटे अपन धान रआ बढ़ती मे से दान डीबा रे थोड़ेः एकेन जोड़ाव लआकु, बकिन नुई अपन घटती मे से जे नुई रआ दोहोना मनेकी अनेज् एडे जे दोहोलेना गोटय एम केदा।”

Currently Selected:

मरकुस 12: BIX

Highlight

Copy

Compare